Tag: فلم ’سکندر‘

بالی ووڈ کے بھائی جان سلمان خان کی عید پر ریلیز ہونے والی فلم "سکندر” کی ٹکٹوں کی قیمتیں عام فلموں کی قیمت سے کہیں زیادہ ہیں۔

سلمان خان کی سکندر 30 مارچ کو بڑے پردے پر ریلیز ہوئی ہے، اے آر مروگاداس کی ہدایت کاری میں بننے والی اس فلم کے لیے ایڈوانس بکنگ منگل 25 مارچ کو شروع ہوئی تھی، شائقین نے سلمان خان کی فلم کے پہلے دن کے شوز کے ٹکٹ حاصل کرنے میں کافی دلچسپی دکھائی تھی۔

سلمان خان اپنی فلموں کی کامیابی کیلیے دعا کیوں نہیں کرتے؟

زبردست مانگ کی وجہ سے بھارت کے بڑے شہروں میں ٹکٹوں کی قیمتوں میں اضافہ ہوگیا ہے اور سکندر کے ٹکٹ کی قیمت 2200 روپے تک جاپہنچی ہے۔

ممبئی میں پلازہ سینما نے شام کے شوز کے لیے اپنی ریلائنر سیٹوں کی قیمت 700 بھارتی روپے رکھی ہے جبکہ ملٹی پلیکسز نے اپنے پریمیم ٹکٹوں کے لیے "بلاک بسٹر پرائسنگ” رکھی ہے جس میں لگز سیٹیں 2,200 بھارتی روپے تک ہیں۔

دہلی میں بھی ٹکٹوں کی قیمت میں اضافے کا رجحان دیکھا جا رہا ہے، وہاں بھی پریمیم ٹکٹ 1,600 اور 1,900 بھارتی روپے کے درمیان بک رہے ہیں۔

عام فلم کے مقابلے میں اتنی زیادہ قیمتوں کے باوجود، بہت سی اسکرینوں پر فلم کی ٹکٹیں پہلے ہی فروخت ہو چکی ہیں۔ یہاں تک کہ بڑے شہروں میں ملٹی پلیکس کی ریگولر سیٹیں بھی 850 سے 900 روپے تک فروخت ہو رہی ہیں۔

https://urdu.arynews.tv/salman-khans-sikandar-leaked-online-hours-before-release/

بالی ووڈ سپراسٹار سلمان خان کی عید پر ریلیز ہونے والی نئی فلم سکندر کو سینما گھروں میں آنے سے چند گھنٹے قبل ہی آن لائن لیک کر دیا گیا۔

پائریسی کے باعص سلمان خان کی عید پر ریلیز ہونے والی فلم سکندر کو بڑا دھچکا لگنے کا خدشہ ہے کیوں کہ بڑی اسکرین پر آنے سے چند گھنٹے قبل ہی ہیکرز نے اسے آن لائن لیک کر دیا ہے، فلم اتوار کو سینما گھروں میں ریلیز ہونے والی تھی۔

رپورٹس کے مطابق، اسے ہفتے کی رات دیر گئے آن لائن لیک کر دیا گیا، تاہم متعلقہ حکام نے کئی ویب سائٹس سے فلم کے پائریٹڈ ورژن کو ہٹا دیا ہے۔

’سلمان خان کی ’سکندر‘ میں اوریجنل کچھ نہیں سب کچھ کاپی ہے‘

فلم تجزیہ کار کومل ناہٹا نے ٹوئٹ میں بتایا کہ "یہ کسی بھی پروڈیوسر کے لیے سب سے برا خواب ہے۔ ایک فلم تھیٹر میں ریلیز ہونے سے پہلے ہی لیک ہو رہی ہے۔ بدقسمتی سے، کل شام ساجد نڈیاڈوالا کی ‘سکندر’ کے ساتھ ایسا ہی ہوا، جو آج سینما گھروں میں ریلیز ہونے والی ہے۔”

انھوں نے مزید کہا کہ فلم میکرز، نڈیاڈوالا گرانڈسن انٹرٹینمنٹ نے درخواست پر حکام نے کارروائی کی اور لیک ورژن کو سینکڑوں ویب سائٹس سے ہٹا دیا گیا ہے۔

کومل نے لکھا کہ پروڈیوسر نے حکام کو کل رات 600 سائٹس سے فلم کو ہٹانے کے لیے کہا تھا لیکن فلم کو اس عمل سے نقصان ہو چکا تھا، یہ قابل مذمت فعل جس کی وجہ سے سلمان کی فلم اور پروڈیوسر کو نقصان اٹھانا پڑ سکتا ہے۔

ابھی تک اس بارے میں کوئی معلومات نہیں ملیں کہ ‘سکندر’ کیسے لیک ہوئی اور لیک ہونے والا ورژن کہاں سے آیا، ذرائع کا کہنا ہے کہ فلم میکرز نے پولیس سے رابطہ کیا ہے، معاملے کی تحقیقات کی جارہی ہے۔

https://urdu.arynews.tv/salman-khan-bold-prediction-regarding-sikandar-box-office/