بھارتی فلم انڈسٹری کی ایک اداکارہ ایسی بھی ہے جس نے گھریلو عام سے کپڑوں اور تیل لگے بالوں کے ساتھ فلم فیئر ایوارڈ وصول کیا۔
اداکاروں کو فلم ایوارڈز میں شرکت کرنے کا جنون ہوتا ہے، یہ جنون نہ صرف ماضی میں بھی تھا بلکہ اب تو اداکار کسی ڈیزائنر کے خصوصی لباس کے بنا کسی ایوارڈ فکنشن میں شرکت ہی نہیں کرتے، تاہم ماضی میں بالی ووڈ کی سپراسٹار اداکارہ نے یہ روایت توڑ دیت تھی۔
وہ نامور اداکارہ کوئی اور نہیں بلکہ کاجول تھیں جنھوں نے فلم فیئر جیسے معتبر ایوارڈ کی تقریب میں تیل لگے بالوں اور گھر کے عام سے کپڑوں میں شرکت کی تھی۔
جب منفی کردار ادا کرنے پر بہترین اداکارہ کے لیے کاجول کا نام پکارا گیا تو وہ بہت عام سے لباس میں موجود تھیں جبکہ انھوں نے میک اپ بھی برائے نام کیا ہوا تھا۔
سوشل میڈیا پر کاجول کی ایک ویڈیو وائرل ہورہی ہے جس میں کاجول بہت عام سی لُک میں نظر آرہی ہیں، انھوں نے 1997 میں ریلیز ہونے والی فلم گپت کے لیے بہترین منفی اداکارہ کا ایوارڈ اپنے نام کیا تھا۔
فلم گپت میں کاجول کے ساتھ بوبی دیول اور منیشا کوئرالہ نے بھی مرکزی کردار ادا کیا تھا، یہ فلم ایک پراسرار قتل کے گرد گھموتی تھی اور کاجول پہلی اداکارہ بنی تھیں جنھیں نیگٹیو رول کے لیے بہترین پرفارمنس پر فلم فیئر سے نوازا گیا تھا۔
