Tag: فلم پشپا 2

ساؤتھ انڈین فلم انڈسٹری کے معروف اداکار الو ارجن کو 14 دسمبر کی صبح تلنگانہ ہائی کورٹ سے ضمانت ملنے کے بعد حیدرآباد سینٹرل جیل سے رہا کر دیا گیا۔

الو ارجن کی فلم پشپا 2 کے پریمیئر کے موقع پر ایک مداح خاتون بھگدڑ کے دوران جان کی بازی ہار گئی تھی، بھارتی اداکار کو خاتون کی موت کے الزام میں 13 دسمبر کو گرفتار کیا گیا، مقدمے میں کہا گیا کہ حیدر آباد دکن کے سندھیا تھیٹر میں اداکار کی وجہ سے بھگدڑ مچی، جس کے باعث خاتون جان کی بازی ہار گئی۔

ساؤتھ انڈین اداکار کو گرفتاری کے بعد 14 دن کی ریمانڈ پر بھیجا گیا تھا لیکن تلنگانہ ہائی کورٹ نے انہیں 50000 روپے کے ذاتی مچلکہ پر عبوری ضمانت دے دی، تاہم الو ارجن کو جیل میں شب گزارنی پڑی تاہم اب اداکار کو رہا کردیا گیا ہے۔

پشپا 2 کے سپر اسٹار اداکار الو ارجن گرفتار

جیل سے باہر نکلنے کے بعد الو ارجن نے میڈیا سے گفتگو میں کہا کہ ’’فکر کی بات نہیں ہے، میں بالکل ٹھیک ہوں میں قانون پر مکمل یقین رکھتا ہوں اور اس کیس کے دوران عدالت میں جو کچھ ہو رہا ہے، میں اس پر تبصرہ نہیں کرنا چاہتا لیکن میں پولیس کے ساتھ مکمل تعاون کیلئے تیار ہوں۔

بھارتی میڈیا کے مطابق اداکار نے متاثرہ فیملی کے لیے اپنی دلی ہمدردی کا اظہار کرتے ہوئے کہا میں اس حادثے میں ہلاک ہونے والی خاتون کے خاندان کے ساتھ دلی ہمدردی کا اظہار کرتا ہوں، یہ واقعہ افسوسناک تھا اور میں ان کی مدد کے لیے ہمیشہ موجود رہوں گا۔

الو ارجن نے اس حادثے کے بارے میں وضاحت دیتے ہوئے کہا کہ یہ حادثہ ایک غیر ارادی واقعہ تھا، میں ببھی فلم دیکھنے کے لیے سینما ہال گیا تھا اور اچانک یہ واقعہ پیش آگیا یہ کوئی جان بوجھ کر نہیں کیا گیا تھا۔

ساؤتھ انڈین فلم انڈسٹری کے سپر اسٹار نے اپنے مداحوں کا شکریہ ادا کرتے ہوئے کہا کہ میں ان تمام لوگوں کا شکر گزار ہوں جو میرے ساتھ اس وقت کھڑے رہے میں آپ سب کی سپورٹ کی وجہ سے یہاں موجود ہوں۔

 

View this post on Instagram

 

A post shared by Allu Arjun (@alluarjunonline)