ہم سب کو فلمیں دیکھنا بہت پسند ہے۔ کسی کو رومانوی فلمیں پسند ہیں، کسی کو ہالی ووڈ ایکشن فلمیں، اور کوئی صرف اپنے کسی پسندیدہ اداکار کی فلمیں دیکھنا ہی پسند کرتا ہے۔
جدید ٹیکنالوجی نے فلم سازی میں بھی نئی جہتوں کو متعارف کروایا ہے جن کا آج سے پہلے تصور بھی ناممکن تھا۔ آج ہم فلموں میں جو حیرت انگیز اور خطرناک ایکشن سے بھرپور مناظر دیکھتے ہیں ان میں دراصل سارا کمال جدید ٹیکنالوجی کا ہے۔
آج ہم آپ کو کچھ ایسی تصاویر دکھا رہے ہیں جنہیں دیکھ کر آپ کو اندازہ ہوگا کہ آپ کی پسندیدہ فلموں کے ایکشن مناظر کیسے فلمائے گئے۔ ان مناظر کو فلمانے کے لیے ویژول افیکٹس کا استعمال کیا گیا یعنی کمپیوٹر کی مدد سے ان مناظر کو تخلیق کیا گیا جبکہ حقیقت میں ان کا کوئی وجود تھا ہی نہیں۔
:گیم آف تھرونز
:گریوٹی
:ہوبٹ
:دا گریٹ گیٹسبے
:لائف آف پائی
:دا وزرڈ آف اوز
:دا وولف آف وال اسٹریٹ
:دا اوینجرز
:ٹائی ٹینک
:ٹوائیلائٹ
بالی ووڈ فلمیں بھی اس سے مبرا نہیں۔
:فلم پی کے کا ایک منظر
:ونس اپان آ ٹائم ان ممبئی
:را ون میں شاہ رخ خان کا محفوظ اسٹنٹ
:کاک ٹیل میں دپیکا کی بالکونی
کیا آپ کو لگتا ہے سلمان خان واقعی تیز رفتار ٹرین کے سامنے سے گزرے؟
فلم جانان میں مرکزی کردار ادا کرنے والی باصلاحیت اداکارہ ارمینہ رانا خان کو ایک اور غیر ملکی فلم میں سائن کرلیا گیا ہے۔ وہ اس سے قبل ہی اپنی ایک اور غیر ملکی فلم دی ایکیلیز پروپوزل کی شوٹنگ میں مصروف ہیں۔
پاکستانی سینما میں مختصر عرصے میں اپنی منفرد شناخت بنانے والی ارمینہ رانا خان نے فلم جانان اور بن روئے میں اپنی اداکاری کے جوہر دکھائے تھے۔
ان کی نئی برطانوی فلم رئیل ٹارگٹ میں وہ ایک سیکرٹ ایجنٹ ولسن کا کردار نبھائیں گی جو ایک خطرناک مشن پر کینیڈا سے لندن بھیجی جائے گی۔
لاس اینجلس: امریکا میں ایک فلم کی شوٹنگ کے لیے کتے کو زبردستی پانی میں بھیجنے اور کتے کے اپنے ٹرینر سے لڑنے کی ویڈیو نے طوفان مچادیا اور جانوروں کے تحفظ کی تنظیموں نے احتجاج کرتے ہوئے فلم کے بائیکاٹ کا اعلان کردیا۔
ہالی ووڈ کی فلم ’آ ڈاگز پرپز‘ ایک کتے اور اس کے مالکوں کی کہانی ہے۔ فلم میں کتے کی وفاداری اور انسانوں سے محبت کو دکھایا گیا۔
ویڈیو میں کوئی یہ کہتا ہوا بھی سنائی دے رہا ہے، ’یہ پانی میں جانے تک سکون سے نہیں بیٹھے گا، اسے پانی میں پھینک دو‘۔
کتے نے آخری حد تک مزاحمت کی اور اپنے پنجوں سے کنارے کو پکڑ لیا۔ بعد ازاں دیکھا گیا کہ کتا پانی کے بہاؤ کو برداشت نہیں کر سکا اور ڈوبنے لگا جس کے بعد فلم کا عملہ حرکت میں آیا اور کتے کو پانی سے باہر نکال لیا گیا۔
ویڈیو کے لیک ہوتے ہی ایک ہنگامہ کھڑا ہوگیا اور یورپ بھر میں جانوروں کے تحفظ کے لیے کام کرنے والی تنظیموں نے فلم کے بائیکاٹ کا اعلان کردیا۔
عالمی تنظیم پیٹا کا کہنا ہے، ’ہم امید کرتے ہیں کہ کتوں سے محبت کرنے والے افراد اس فلم کا بائیکاٹ کریں گے تاکہ لوگوں کو پیغام ملے کہ کتوں کے ساتھ بھی انسانیت کا سلوک کیا جائے‘۔
کینیڈا میں بھی جانوروں کی ایک تنظیم نے جانوروں سے انسانیت سوز سلوک کے الزام میں فلم سازوں کے خلاف مقامی پولیس اسٹیشن میں شکایت درج کروادی ہے۔
فلم میں پس پردہ کتے کی صدا کاری کے فرائض انجام دینے والے اداکار جوش گیڈ بھی اس ویڈیو کو دیکھ کر حیران رہ گئے۔ انہوں نے کہا، ’ایک جانور کو اس بے دردی سے، اس کی مرضی کے خلاف ایسی صورتحال میں ڈالنا نہایت ہی افسوسناک صورتحال ہے اور اس نے مجھے ہلا کر رکھ دیا ہے‘۔
دوسری جانب فلم کے ہدایت کار لیسی ہال اسٹروم نے بھی ویڈیو دیکھ کر حیرانی کا اظہار کیا اور کہا کہ یہ واقعہ ان کی موجودگی میں پیش نہیں آیا۔
انہوں نے دعویٰ کیا کہ فلم میں شامل تمام جانوروں کو سیٹ پر ایک محفوظ ماحول فراہم کرنے کی کوشش کی گئی تاہم مذکورہ واقعہ میں ملوث ذمہ داران کے خلاف کارروائی کی جائے گی۔
فلم ’آ ڈاگز پرپز‘ میں ڈینس کائد اور برٹ روبرٹسن مرکزی کردار ادا کر رہے ہیں۔
سال 2016 کے آغاز میں خبر آئی تھی کہ فلم ’وار‘ کے ہدایتکار بلال لاشاری پاکستانی سینما کے لیے کلاسک کا درجہ رکھنے والی فلم ’مولا جٹ‘ کا سیکوئل بنانے جارہے ہیں۔
فلم کے لیے اداکار فواد خان کو مرکزی کردار میں لیے جانے کی اطلاعات تھیں جبکہ نوری نتھ کا کردار حمزہ علی عباسی کو دیا جانا تھا۔
اب ذرائع کا کہنا ہے کہ اس فلم کی شوٹنگ جاری ہے اور کرداروں کو مار دھاڑ اور ایکشن سے بھرپور مناظر کی تربیت دینے کے لیے لاس اینجلس سے ایک کوریو گرافر کو بلوایا گیا ہے۔
اس فلم کے لیے فواد خان نے بھی اپنے آپ کو کردار کے مطابق ڈھال لیا ہے اور کچھ عرصہ قبل منظر عام پر آنے والی تصاویر میں وہ اس فواد خان سے کچھ مختلف نظر آرہے ہیں جس نے بھارتیوں کو اپنا دیوانہ بنا رکھا ہے۔
فلم کے لیے فواد خان نے خاصا وزن بڑھا لیا ہے اور اپنے آپ کو پروفیشنل اداکار ثابت کردیا ہے جو کردار کے مطابق کسی بھی روپ میں ڈھل سکتا ہے۔
آپ بھی یہ تصاویر دیکھیں اور ہمیں بتائیں کہ آپ کو فواد خان کا کون سا روپ پسند ہے؟
نوے کی دہائی کی شہرہ آفاق آسکر ایوارڈ یافتہ فلم ٹائی ٹینک آج بھی لوگوں کے ذہنوں میں تازہ ہے۔
فلم میں دکھائی گئی محبت کی کہانی گو کہ عام سی تھی، جس میں ایک غریب لڑکے کو امیر لڑکی سے محبت کرتے دکھایا گیا، مگر اس کے پس منظر میں عظیم الجثہ جہاز، اس کا سحر انگیز ماحول، اس کا ڈوبنا اور ان محبت کرنے والوں سمیت جہاز کے دیگر مسافروں پر گزرنے والے قیامت خیز لمحات اور پھر ان دونوں کی محبت کا امر ہونا، ان سب نے مل کر اس فلم کو بے حد خاص بنا دیا تھا۔
آج سے 20 سال قبل ہالی ووڈ انڈسٹری اتنی ترقی یافتہ نہیں تھی اور اس میں آج موجود کئی سہولیات موجود نہیں تھی۔ چنانچہ ایسے میں اس فلم کو فلمانا ایک کڑا مرحلہ تھا جس پر اس فلم کے تخلیق کار پورے اترے۔
آج ہم آپ کو کچھ ایسی تصاویر دکھاتے ہیں جنہیں دیکھ کر آپ کو اندازہ ہوگا کہ اس فلم کو کیسے فلمایا گیا۔
اس منظر کو دیکھ کر آپ کو اندازہ ہوگا کہ بیسویں صدی کا دور، سمندر اور ان عظیم الشان جہازوں کو دارصل یوں پردہ اسکرین پر پیش کیا گیا۔
فلم کا کلائمکس جس میں ہیرو جیک کی موت دکھائی گئی ہے ایک سوئمنگ پول میں فلمایا گیا۔
اس سوئمنگ پول کی گہرائی صرف 3 فٹ تھی۔
فلم کے مزید مناظر۔
جہاز کے دو لخت ہونے کا منظر۔
اور وہ شہرہ آفاق منظر جس نے ایک عرصے تک محبت کرنے والوں کو اپنا دیوانہ بنائے رکھا۔
اور کیا آپ جانتے ہیں اس فلم کا پہلا نام کیا رکھا گیا تھا؟
قدیم تاریخی عمارتوں اور مقامات کو دیکھنا اور ان کا دورہ کرنا ایک منفرد تجربہ ہوتا ہے۔ ان مقامات پر جا کر خیال آتا ہے کہ کئی سال پہلے یہاں مشہور ہستیاں موجود تھیں اور انہوں نے اس جگہ اپنا وقت گزارا۔
امریکا میں بھی تاریخ کا ایسا ہی ایک شوقین شخص ہے جو پرانے مقامات کا دورہ کر کے گئے وقت کو یاد کرتا ہے۔
البتہ اس شخص کی ساری تاریخ دانی فلموں تک محدود ہے۔ وہ پرانی ہالی ووڈ فلموں میں دکھائی جانے والی جگہوں کا دورہ کرتا ہے، اور اس سیر کے دوران وہ ان مناظر کو بھی دوبارہ تخلیق کرنے کی کوشش کرتا ہے جو فلم میں دکھائے گئے۔
بغیر کسی محنت کے تخلیق کیے جانے والے یہ مناظر فلم جیسے تو نہیں ہوتے تاہم لوگوں کی دلچسپی کا باعث ضرور بنتے ہیں۔ آئیے آپ بھی وہ مناظر دیکھیں۔
کہتے ہیں کہ دنیا میں ہر نئی آنے والی نسل پچھلی نسل سے زیادہ ذہین ہوتی ہے۔ ایک ہی گھر میں موجود بچوں میں سے بھی چھوٹا بچہ اپنے بڑے بہن بھائیوں کی نسبت زیادہ چالاک اور سمجھدار ہوتا ہے۔
ایسی ہی کچھ کہانی ہالی ووڈ کی نئی اینی میٹد فلم ’دا باس بے بی‘ کی ہے جس کا ایک اور ٹریلر جاری کردیا گیا ہے۔
فلم ایک 7 سالہ بچے کی کہانی ہے جس کے ماں باپ ایک ننھا بچہ گود لیتے ہیں۔
سوٹ بوٹ میں ملبوس یہ بچہ نہ صرف اپنے ساتھ بریف کیس لیے گھومتا ہے بلکہ بہت تیزی سے باتیں بھی کرتا ہے اور اپنے آپ کو کسی باس سے کم نہیں سمجھتا ہے۔
یہ اپنے آس پاس موجود بچوں کو جمع کر کے انہیں احساس دلاتا ہے کہ ان کے ساتھ امتیازی سلوک ہوتا ہے اور انہیں اپنی زندگی بدلنے کے لیے کچھ کرنا چاہیئے۔
ٹریلر میں فلم کی کہانی اور فطری اصولوں کو مدنظر رکھتے ہوئے نہایت دلچسپ مناظر تخلیق کیے گئے ہیں۔
جیسے ایک منظر میں باس بے بی اپنی سیکریٹری (ایک اور ننھی بچی) کو میٹنگ کے پوائنٹس دوبارہ پڑھنے کو کہتا ہے۔ لیکن جب وہ بچی اپنا لکھا ہوا اسے دکھاتی ہے تو وہ آڑی ترچھی لکیروں کے سوا کچھ بھی نہیں ہوتا کیونکہ اتنی چھوٹی بچی کچھ پڑھ یا لکھ ہی نہیں سکتی۔
اسی طرح ایک منظر میں باس دوسرے بچوں سے پوچھتا ہے کہ انہوں نے اب تک اپنی زندگی میں کیا سیکھا تو وہ جواب دیتے ہیں، ’اے بی سی ڈی‘۔
فلم کے ہدایتکار ٹام مک گریتھ ہیں جو اس سے پہلے اینی میٹد سیریز مڈغاسکر اور شرک کا تیسرا حصہ تخلیق کر چکے ہیں۔
فلم دا باس بے بی 31 مارچ کو سینما گھروں کی زینت بنے گی۔
ہالی ووڈ کی مشہور فلم فرنچائز فاسٹ اینڈ فیورس کے آٹھویں حصہ فاسٹ 8 ۔ دی فیٹ آف دی فیوریس کا ٹریلر ریلیز کردیا گیا ہے۔ پچھلے ساتوں حصوں میں ایک دوسرے کے لیے جانوں پر کھیل جانے والے دوست اب آپس میں ہی صف آرا نظر آرہے ہیں۔
فاسٹ 8 کے کرداروں میں نیا اضافہ آسکر ایوارڈ یافتہ چارلیز تھیرون کا ہے جو نہ صرف فلم بینوں بلکہ فلم کے کرداروں کے لیے بھی اجنبی ہے۔
یہ اجنبی حسینہ نہ صرف ڈوم (ون ڈیزل) کو واپس جرائم کی دنیا میں لے کر آتی ہے بلکہ اسے اس کے اپنے ہی دوستوں کے خلاف لڑنے پر مجبور کردیتی ہے جنہیں وہ اپنا خاندان مانتا ہے۔
فلم میں ہمیشہ کی طرح تحیر العقل ایکشن پر مبنی مناظر اور اسٹنٹس دکھائے گئے ہیں۔
گزشتہ حصے فیورس 7 کا ولن آئن شا (جیسن اسٹیتھم) بھی تاحال جیل میں ہے، لیکن اس بار پولیس آفیسر ہوبز (ڈوائن جانسن) کو بھی جیل میں دکھایا گیا ہے اور یہ دونوں جیل میں ہی آپس میں گتھم گتھا نظر آرہے ہیں۔
فاسٹ اینڈ فیورس فلم فرنچائز کا آغاز سنہ 2001 سے کیا گیا تھا جس کے بعد ہر نیا حصہ پہلے سے بہترین اور مداحوں کو دنگ کردینے والا ہوتا ہے۔ سنہ 2013 میں فلم کے کرداروں میں سے ایک پال واکر کی ناگہانی موت نے نہ صرف دنیا بھر میں اس کے مداحوں بلکہ فلم کی شوٹنگ کو بھی دھچکہ پہنچایا تھا۔
فیورس 7 کی بقیہ شوٹنگ پال واکر کی موت کے بعد ان کے بھائیوں کی مدد سے پوری کی گئی۔
فلم کا ٹریلر ریلیزہوتے ہی سماجی رابطوں کی ویب سائٹ ٹوئٹر پر ٹریلر کے بارے مختلف آرا کا سلسلہ شروع ہوگیا۔
Judging by the new #fast8 trailer, the next one has gotta take place in space, right….
شہرہ آفاق لو اسٹوری ’بیوٹی اینڈ دا بیسٹ‘ پر بننے والی فلم کا ٹریلر جاری کردیا گیا۔ فلم میں ہیری پوٹر کی ہرمائنی ایما واٹسن مرکزی کردار ادا کر رہی ہیں۔
اٹھارویں صدی میں تحریر کی جانے والی تخیلاتی داستان ’بیوٹی اینڈ دا بیسٹ‘ ایک ایسے شہزادے کی کہانی ہے جو ایک بوڑھی پری سے بدتمیزی کرنے کے بعد سزا کے طور پر بھیڑیے میں بدل جاتا ہے۔
اسے واپس انسان بننے کے لیے ضروری ہے کہ جب کوئی لڑکی شہزادے سے اسی بھیڑیے کے روپ میں سچے دل سے اظہار محبت کرے تب ہی پری کی بد دعا کا اثر ختم ہوگا۔
فلم میں بھیڑیا ایک بوڑھے شخس کو قید کرلیتا ہے اور جب اس کی بیٹی بیلے (ایما واٹسن) اپنے باپ کو بچانے آتی ہے تو بھیڑیا اسے بھی قید کرلیتا ہے۔ وہ اس سے اچھا برتاؤ کرنے کی کوشش کرتا ہے تاکہ وہ اس سے متاثر ہو کر بھیڑیے سے محبت کر بیٹھے۔
بھیڑیے کی کوشش بالآخر کامیاب رہتی ہے اور بیلے اس سے محبت کرنے لگتی ہے لیکن تب ہی کچھ لوگ اس بھیڑیے کو مارنے کی کوشش کرتے ہیں اور یہیں سے کہانی میں نیا موڑ آتا ہے۔
فلم میں کئی واقعات کے ذریعہ اس غیر معمولی محبت کو پنپتے ہوئے دکھایا گیا ہے۔
جیسے ایک منظر میں بیلے کچھ ریچھوں کے غول میں گھر جاتی ہے اور بھیڑیا وہاں آکر اس کی جان بچاتا ہے۔
فلم میں بھیڑیے کا کردار ڈین اسٹیونس نے ادا کیا ہے۔ دوسری جانب ایما واٹسن کی اداکاری لاجواب ہے۔ وہ ہیری پوٹر فلموں کی سیریز کے علاوہ بھی متعدد فلموں میں اپنی اداکاری کے جوہر دکھا چکی ہیں۔
والٹ ڈزنی پکچرز کی جانب سے پیش کی جانے والی فلم بیوٹی اینڈ دا بیسٹ 17 مارچ کو سینما گھروں کی زینت بنے گی۔
دنیا کو بچانے کے لیے ایسے کردار کا تصور تو بہت پرانا ہے جو عموماً مرد ہوتا ہے اور سپر ہیرو کی خصوصیات رکھتا ہے، لیکن کیا کبھی کوئی عورت بھی دنیا کو بچا سکتی ہے؟
اگر آپ کا جواب نفی میں ہے تو یقیناً آپ کی غلط فہمی ’ونڈر وومن‘ کے اس نئے ٹریلر کو دیکھ کر دور ہوجائے گی جس میں ایک عورت دنیا کو بچانے کے لیے سر دھڑ کی بازی لگائے ہوئے ہے۔
سپر وومن یا ونڈر وومن کا آئیڈیا سب سے پہلے سنہ 1941 میں سامنے آیا جب ایک امریکی کامک سیریز میں ایک خاتون کو جادوئی اور ماورائی قوتوں کا حامل دکھایا گیا۔
امریکی پرچم سے مشابہہ لباس میں ملبوس اس ونڈر وومن نے نہ صرف اس وقت خواتین کے بارے میں قائم تصورات کو کسی حد تک تبدیل کیا بلکہ اس کی تخلیق خواتین کی خود مختاری کی طرف ایک اہم قدم تھی۔
اس کامک کردار کو اب بڑے پردے پر ’ونڈر وومن‘ کے نام سے پیش کیا جارہا ہے جس کا ایک اور ٹریلر جاری کردیا گیا ہے۔
پیٹی جینکنز کی ہدایت کاری میں بننے والی اس فلم میں مرکزی کردار گیل گیڈٹ نبھا رہی ہیں جو اس سے قبل مشہور فلم فرنچائز ’فاسٹ اینڈ فیورس‘ کے کئی حصوں میں بھی جلوہ گر ہوچکی ہیں۔
ان کے مدمقابل ’اسٹار ٹریک‘ سے شہرت پانے والے کرس پائن بھی اہم کردار ادا کر ہے ہیں۔
فلم کی کہانی دور دراز جزیرے میں پرورش پانے والی عورت ڈیانا کی ہے جس کی ملاقات اتفاقاً اسٹیو (کرس پائن) سے ہوتی ہے۔ اسٹیو جہاز کریش ہونے کے باعث اس جزیرے تک پہنچتا ہے۔
اس کے بعد وہ ڈیانا کو اپنے ساتھ اپنے ملک لے جاتا ہے اور یہیں سے فلم اور ڈیانا کی زندگی کا نیا رخ شروع ہوتا ہے۔
ڈیانا کو پتہ چلتا ہے کہ دنیا ایک ہولناک جنگ کا شکار ہونے والی ہے جس کے بعد وہ دنیا کو بچانے والے افراد کی پہلی صف میں جا کھڑی ہوتی ہے اور اپنی صلاحیتوں سے سب کو دنگ کردیتی ہے۔
ٹریلر میں وہ کئی بار اپنی حیرت انگیز صلاحیتوں کے باعث اسٹیو اور اپنے آس پاس موجود لوگوں کی جانیں بچاتی نظر آتی ہے۔
اسی طرح اسے ایک تہذیب یافتہ معاشرے کی ایک روایتی عورت کا روپ اختیار کرنے میں بھی مشکلات کا سامنا ہے۔
فلم کے ٹریلر میں خواتین کی غیر معمولی صلاحیتوں کی طرف اشارہ کیا گیا ہے کہ بظاہر دھان پان نظر آنے والی عورت اپنی زمین اور اپنے پیاروں کو بچانے کے لیے جان کی بازی بھی لگا سکتی ہے اور ایسے میں وہ ایسا غیر مرئی صلاحیتوں کا حامل کردار بھی بن سکتی ہے جس تک پہنچنے کے لیے مرد کو کئی نسلوں تک محنت کرنی پڑے۔
فلم ’ونڈر وومن‘ اگلے برس جون میں سینما گھروں میں نمائش کے لیے پیش کردی جائے گی۔
