ممبئی: بالی وڈ اسٹار رنویر سنگھ کی نئی ایکشن فلم سمبا کا ٹریلر ریلیز ہوگا، فلم کرن جوہر کی پیش کش ہے۔
تفصیلات کے مطابق معروف ہدایت کار روہت شیٹھی کی فلم سمبا کے ٹریلر نے آتے ہی دھوم مچا دی. فلم میں رنویر سنگھ اور سارہ علی خان مرکزی کردار نبھا رہے ہیں، جب کہ سپراسٹار اجے دیوگن مختصر رول میں نظر آئیں گے.
فلم کے ٹریلر سے اندازہ ہوتا ہے کہ روہت شیٹھی کی دیگر فلموں کی طرح سمبا میں بھی تفریح کا اہتمام کیا گیا ہے، فلم میں بھرپور ایکشن، کامیڈی اور ڈراما ہے.
رنویر سنگھ فلم میں ایک بدعنوان پولیس افسران کو کردار نبھا رہے ہیں، جو اس پیشے میں صرف پیسے کمانے آتا ہے اور جسے رابن ہڈ بننے میں کوئی دل چسپی نہیں.
البتہ زندگی میں رونما ہونے والے چند واقعات کے بعد سمبا ایک ایمان دار شخص بن کر جرائم کے خلاف بھرپور جدوجہد شروع کرتا ہے۔
ٹریلر کو ناقدین اور شایقین کی جانب سے مثبت ردعمل ملا ہے.سمبا 28 دسمبر کو نئے سال کے موقع پر دنیا بھر میں ریلیز ہوگی اور ناقدین بھرپور بزنس کی توقع کر رہے ہیں.
ممبئی: بالی انڈسٹری کے بے تاج بادشاہ امیتابھ بچن بڑھاپے کے باوجود اپنی نئی عمر میں ایسا کردار ادا کررہے ہیں جسے دیکھ کر آپ بھی حیران رہ جائیں گے، بگ بی نے اپنے تصویر شیئر کی جو انٹرنیٹ پر وائرل ہوگئی۔
تفصیلات کے مطابق بگ بی 27 سال بعد معروف ساتھی اداکار رشی کپور کے ساتھ نئی آنے والی فلم ’102 ناٹ آؤٹ‘ مین جلوہ گر ہورہے ہیں، دونوں مقبول اداکاروں کے مداح طویل عرصے بعد اسکرین پر نامور فنکاروں کو ایک ساتھ دیکھنے کے لیے پرجوش ہیں۔
فلم انڈسٹری میں گزشتہ کئی برسوں سے راج کرنے والے اداکار امیتابھ بچن نے سماجی رابطے کی ویب سائٹ پر اپنے نئے کردار کی تصویر اپلوڈ کی جس میں دیکھا جاسکتا ہے کہ وہ انوکھے انداز میں ایکشن میں نظر آرہے ہیں۔
بھارتی میڈیا کے مطابق لیجنڈری اداکار کی جو تصویر سوشل میڈیا پر وائرل ہوئی وہ دراصل ایک گانے کے دوران رقص کی ہے، امتابھ بچن ریپ گانے پر ڈانس کررہے ہیں۔
فلم کی خاص بات یہ ہے کہ اس میں امیتابھ اداکاری کے ساتھ گلوکاری اور رقص کے جوہر بھی دکھائیں گے، گزشتہ دنوں لیجنڈری اداکار نے سماجی رابطے کی ویب سائٹ پر ایک ویڈیو شیئر کی تھی جس میں وہ گانا ریکارڈ کروارہے تھے۔
اُمیش شکلا کی ہدایت کاری میں بننے والی فلم میں لیجنڈری اداکار رشی کپور کے 102 سالہ والد کا کردار ادا کررہے ہیں، ’102 ناٹ آؤٹ‘ رواں برس 4 مئی کو سینیما گھروں میں نمائش کے لیے پیش کی جائے گی۔
خیال رہے گانے کو گذشتہ دنوں مکمل کیا جانا تھا مگر مقبول ادکارہ سری دیوی کی اچانک موت کے باعث بعد ڈائریکٹر نے شوٹنگ کو فوری طور پر روکتے ہوئے اس کی تاریخ ملتوی کردی تھی۔ یاد رہے ادکارہ سری دیوی گذشتہ ہفتے قریبی عزیز کی شادی کی تقریب کے سلسلے میں دبئی میں مقیم تھیں جہاں انہیں دل کا دورہ پڑا اور وہ اس دنیا سے کوچ کر گئیں۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
ممبئی: کروڑوں مداحوں کے دلوں پر راج کرنے والے اداکار شاہ رخ خان بالی وڈ کے لیجنڈری اداکار دلیپ کمار کی عیادت کے لیے اُن کے گھر پہنچے۔
تفصیلات کے مطابق دلیپ کمار جو گزشتہ کئی برسوں سے علیل ہیں اُن کی عیادت کے لیے بالی وڈ کی دیگر شخصیات کے بعد اب شاہ رخ خان ان کی رہاہش گاہ پہنچے۔
شاہ رخ خان کی آمد پر دلیپ کمار خود اور ان کی اہلیہ سائرہ بانو بے حد خوش ہوئیں اور کنگ خان کا شکریہ ادا بھی کیا۔
دلیپ کمار کے منہ بولے بیٹے شاہ رخ نے علالت کے بعد اب تک لیجنڈری اداکار کے گھر کا دو بار دورہ کیا، قبل ازیں ہونے والی ملاقات کی تصویریں بھی سوشل میڈیا پر وائرل ہو چکی ہیں۔
شاہ رخ خان جہاں دلیپ کمار کو اپنا آئیڈیل مانتے ہیں وہیں لیجنڈ اداکار نے بھی بالی وڈ بادشاہ کو اپنا منہ بولا بیٹا بنا رکھا ہے، دونوں اداکاروں کا یہ رشتہ اس قدر مضبوط ہے کہ لیجنڈری اداکار کی کنگ خان کو دیکھ کر طبیعت خوش گوار ہوجاتی ہے۔
ملاقات کے دوران لی گئی تصویر میں دیکھا جاسکتا ہے کنگ خان لیجنڈ اداکار کا ہاتھ تھامے کھڑے ہیں اور دلیپ کمار علالت اور ضعیف العمری کے باعث بہت کمزور ہوچکے ہیں۔
خیال رہے دونوں اداکار ماضی میں فلم ’’دیو داس‘‘ کے لیے کام کرچکے ہیں، فلم میں بہترین اداکاری پر شاہ رخ خان کو دلیپ کمار نے تالیاں بجا کر خراج تحسین بھی پیش کیا تھا۔
واضح رہے کہ 95 سالہ دلیپ کمار کی صحت رواں برس سے تیزی سے گر رہی ہے جس کی وجہ سے انہیں کئی بار اسپتال میں داخل کیا جاچکا ہے۔
گذشتہ برس دسمبر میں بھی انہیں دائیں پاؤں میں سوجن کے باعث اسپتال لےجانا پڑا تھا، جس کے بعد سے وہ مزید بیمار رہنے لگے ہیں۔
یاد رہے کہ دلیپ کمار نے کئی بالی ووڈ فلموں میں اپنی اداکاری کے جوہر دکھائے تاہم اُن کی کامیاب فلموں میں مغلِ اعظم، شکتی، رام اور شیام وغیرہ شامل ہیں، لیجنڈری اداکار کی آخری فلم قلع 1998 میں ریلیز ہوئی تھی۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
کیا آپ جانتے ہیں کہ چند دہائی قبل تک شوق سے دیکھے جانے والے کارٹونز جنہیں 2 ڈی اینی میشن کہا جاتا ہے، کیسے بنائے جاتے تھے؟
آج کل تو 3 ڈی اینی میٹڈ کارٹونز کا زمانہ ہے جو کمپیوٹر سے تخلیق کرنا بے حد آسان ہے۔ لیکن چند دہائی پہلے تک بنائے جانے والے کارٹونز کو پہلے کاغذ پر بنایا جاتا تھا، اس کے بعد کاغذوں پر بنائی گئی مختلف تصاویر کو اکٹھا کر کے انہیں فلم کی شکل دی جاتی تھی۔
مثال کے طور پر مشہور زمانہ ٹام اینڈ جیری کارٹون میں جب ٹام جیری کا پیچھا کرتا ہے تو اس بھاگ دوڑ کے لیے تخلیق کاروں کو ٹام کی مختلف حرکات پر مبنی سینکڑوں تصاویر بنانی پڑتی تھیں تب کہیں جا کر ایک منظر مکمل ہوتا تھا۔
اب اسی تکنیک کو آزماتے ہوئے ایک اور منفرد فلم بنائی گئی ہے جو پینسل سے تیار شدہ تصاویر پر مبنی نہیں، بلکہ انیسویں صدی کے مشہور مصور وان گوگ کی شاہکار پینٹنگز کو دوبارہ تخلیق کر کے بنائی جارہی ہے۔
اور پینٹنگز میں موجود کرداروں کو حرکت کرتا دکھانے کے لیے، کیا آپ جانتے ہیں کتنے فن پارے تخلیق کیے گئے؟ 65 ہزار فن پارے، جی ہاں جنہیں دنیا بھر کے 100 مختلف مصوروں نے تخلیق کیا۔
فلم کا نام لونگ ونسنٹ ہے جو دراصل انیسویں صدی کے مصور وان گوگ کا اصل نام تھا۔
اس آئیڈیے کی خالق اور فلم کی پروڈیوسر ڈوروٹا کوبیلیا کا کہنا ہے کہ وہ یہ کام اکیلی سرانجام نہیں دے سکتی تھیں ورنہ اس میں انہیں 80 سال لگ جاتے۔
ابتدا میں 7 منٹ کی شارٹ فلم کے آئیڈیے پر مبنی یہ فلم فیچر فلم میں تبدیل ہوگئی ہے جس میں مصور وان گوگ کی زندگی کے مختلف پہلوؤں کو پیش کیا جائے گا۔
پروجیکٹ پر کام کرنے والے مصوروں کے مطابق فلم کا ایک ایک شاٹ اور ایک ایک فریم، آئل پینٹ سے تخلیق کی گئی پینٹنگ پر مشتمل ہے اور ان کا انداز ہو بہو وان گوگ کی پینٹنگز جیسا ہے۔
مرینہ جوپک بھی پروجیکٹ میں شامل مصوروں میں سے ایک ہیں۔
وہ ایک گھر کا منظر دکھاتے ہوئے کہتی ہیں کہ مجھے یہاں ایک عورت کو حرکت کرتے ہوئے دکھانا تھا۔ ’اس عورت کی حرکت کے لیے مجھے 12 مختلف مراحل میں لاتعداد پینٹنگز اس طرح بنانی پڑیں کہ آہستہ آہستہ عورت کا ایک کندھا غائب ہوتا اور دوسرا دکھائی دیتا نظر آئے‘۔
فلم کی باقاعدہ تخلیق سے قبل اصل اداکاروں کو بھی لیا گیا اور ان سے اداکاری کروائی گئی، بعد ازاں ان کے ریکارڈڈ مناظر کو پینٹنگز کی شکل میں ڈھالا گیا۔
فلم میں مرکزی کردار وان گوگ کا کردار ادا کرنے والے اداکار رابرٹ گل زک کا کہنا ہے کہ جب وہ ان مصوروں سے ملے تو انہوں نے کہا، ’اوہ! ہم تمہیں گزشتہ 6 ماہ سے پینٹ کر رہے ہیں‘۔
ان کا کہنا تھا کہ اس منفرد ترین فلم کا حصہ بننا ان کی زندگی کا شاندار اور یادگار ترین تجربہ ہے۔
پینٹنگز پر مشتمل دنیا کی پہلی فیچر فلم اگلے ماہ ریلیز کردی جائے گی۔
فلم کا ٹریلر دیکھیں
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
کیا آپ اپنی عمر سے قطع نظر ہیری پوٹر فلم سیریز کے دیوانے ہیں اور اس میں دکھائی جانے والی جادوئی اشیا آپ کو مسحور کردیتی ہیں؟ تو پھر یہ اچھی خبر یقیناً آپ کے لیے ہے۔
برطانیہ میں ہیری پوٹر فلم سیریز کے مرکزی کردار ہیری پوٹر کے آبائی گھر کو فروخت کے لیے پیش کردیا گیا ہے۔
یہ گھر سیریز کی ساتویں فلم ہیری پوٹر اینڈ دا ڈیتھلی ہالوز میں دکھایا گیا ہے۔
فلم میں دکھایا گیا ہے کہ اس گھر میں ہیری کے ماں باپ کو قتل کردیا جاتا ہے جس کے بعد ہیری اپنے انکل اور آنٹی کی تحویل میں آجاتا ہے اور ان کے گھر رہنے لگتا ہے۔ فلم کے مطابق ہیری کی پیدائش اسی گھر میں ہوئی ہے۔
خوبصورت باغ اور 6 بیڈرومز پر مشتمل اس گھر کی قیمت 10 لاکھ ڈالرز مقرر کی گئی ہے۔
اس کا داخلی دروازہ نہایت خوبصورت اور منفرد ہے جو سیاحوں اور مقامی افراد میں نہایت مقبول ہے۔
اس دروازے کو برطانوی وزیر اعظم کی رہائش گاہ 10 ڈاؤننگ اسٹریٹ کے دروازے کے بعد سب سے زیادہ عکس بند کیے جانے والے دروازے کا اعزاز بھی حاصل ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
ممبئی:بالی ووڈ سپراسٹاراکشےکماراپنی نئی فلم 0۔2 کےلیےایک دن کا معاوضہ 2کروڑ روپے وصول کریں گے۔
تفصیلات کےمطابق بالی ووڈ کےخطروں کےکھلاڑی اکشےکمارفلم انڈسٹری کی سب سےبڑے بجٹ والی فلم 2.0 کےلیے ایک دن کا معاوضہ 2 کروڑ لیں گے۔
میڈیا رپورٹس کےمطابق فلم انڈسٹری کے سپراسٹار رجنی کانت اور اکشے کمار کی فلم 0۔2 کی شوٹنگ جاری ہے اور اسےاب تک کی سب سے بڑی بجٹ والی فلم کہاجارہاہے۔سائنس فکشن فلم میں دونوں اسٹارزمختلف کردارمیں جلوہ گرہوں گے۔
بھارتی میڈیا کےمطابق اکشےکمار 20 دن فلم کی شوٹنگ میں حصہ لیں گےجس کے لیےانہیں 40 کروڑ روپےمعاوضہ دیا جائےگاجبکہ رجنی کانت 60کروڑروپےوصول کریں گے۔
خیال رہےکہ اس سےقبل اکشے کمار نے62 کروڑ سےبننے والی فلم ’’جولی ایل ایل بی 2‘‘ کے لیے 42 کروڑ معاوضہ وصول کیا تھا۔
اکشے کمار کی مسلسل 7ویں ہٹ فلم
فلم ’جولی ایل ایل بی 2‘ اکشے کمار کی لگاتار ہٹ ہونے والی فلموں میں ساتویں فلم تھی،اس سے قبل اکشے کمار کی فلم رستم، ایئر لفٹ، ہاوس فل-3، ہولی ڈے، راوڈی راٹھور اور ہاوس فل-2 بھی 1000 کروڑ کلب میں شامل ہیں۔
فلم ’جولی ایل ایل بی-2‘ میں اکشے کمار کے ساتھ اداکارہ ہما قریشی، انو ملک اور سورب شکلا نے اہم کردار ادا کیےتھے۔
واضح رہےکہ اکشے کمار نے اپنی ایک اور فلم ’ٹوئلٹ ایک پریم کتھا‘ کی شوٹنگ مکمل کرلی ہے،جس میں بھومی پڈنیکر بھی مرکزی کردار ادا کرتی نظر آئیں گی۔
ممبئی: بالی ووڈ کی خوبرو اداکارہ کنگنا رناوت کا کہناہےکہ میں کبھی بھی بالی ووڈ خانز کےساتھ کام کرنا نہیں چاہوں گی۔
تفصیلات کےمطابق بالی ووڈ کی بے باک اداکارہ کنگنا رناوت نےکہاہےکہ وہ بالی ووڈ کےبادشاہ شاہ رخ خان سمیت کسی بھی خان کےساتھ فلم میں کام کرنا نہیں چاہیں گی۔
بالی ووڈ میں’کوئین‘ کے نام سے مشہور اداکارہ کنگنا رناوت نے کہاکہ کسی بھی خان کے ساتھ فلم میں کام کر کے خود کو پیچھےچھپانا نہیں چاہتی بلکہ ہمیشہ اپنی قابلیت دکھانے پر یقین رکھتی ہوں۔
بالی ووڈ خانز کےساتھ کام کرنے سے متعلق سوال کےجواب میں کنگناکا کہناتھاکہ میں ایک مشہور اداکارہ ہوں اور میرے لاتعداد چاہنے والے ہیں خانز کے ساتھ کام کر کے ایسا کیا ملے گا جو میں نے ابھی تک اپنے کیریئر میں حاصل نہ کیا ہو۔
بالی ووڈ کوئین نےکہاکہ خانز کےمقابلے میں کسی اور کی فلم میں جا کرکام کروں گی تواس سے مجھے مداحوں کو اپنی اداکاری کےجوہردکھانے کا پورا موقع ملےگا۔
خیال رہےکہ اس سےقبل بالی ووڈاداکارہ کنگنا رناوت نےکہاتھا کہ وہ فلم انڈسٹری کی نمبر ون اداکارہ ہیں اور آج وہ جس مقام پر ہیں وہ ان کی انتھک محتنت کا نتیجہ ہے۔
یاد رہےکہ گزشتہ دنوں ’کافی ود کرن‘ میں کنگنا رناوت نے معروف ڈائریکٹر کرن جوہر کو اقرباء پروری کےذریعے بالی وڈ میں اجارہ داری قائم کرنے کا طعنہ دیا تھا۔
واضح رہے کہ بالی ووڈ اداکارہ کنگنا رناوت نے متعدد فلمی ایوارڈ اپنے نام کیے ہیں جس میں بھارت کا اعلی اعزاز’نیشنل فلم ایوارڈ‘بھی شامل ہے۔
ممبئی :باربی ڈول کترینہ کیف ایک بار پھر سلمان خان کی پروڈکشن میں بننے والی فلم میں دبنگ خان کےساتھ جلوہ گرہوں گی۔
تفصیلات کےمطابق فلم اندسٹری کےحقیقی سلطان کروڑوں دلوں کی جان سپراسٹارسلمان خان جب کسی کی مدد کرنےکا سوچ لیں توزمین آسمان ایک کر دیتے ہیں اور اگربات ہو اپنی سابقہ دوست کی تو ان کا انداز ہی مختلف ہوجاتاہے۔
جی ہاں بات ہورہی ہےکترینہ کیف کی جن پر کبھی سلمان خان کا دل بےایمان ہواتھالیکن ایسا لگتا ہےکئی سال گزرنے کے بعد بھی کہیں نہ کہیں آج بھی دبنگ خان کے دل میں خوبرواداکارہ موجود ہیں۔
بھارتی میڈیا رپورٹس کے مطابق کترینہ کیف کا فنی کیرئیر مسلسل ناکام فلموں کے باعث داؤ پر لگ چکا ہےجس کے بعد بالی ووڈ کےسلطان ان کی مدد کو آن پہنچے ہیں۔
سلمان خان نے اپنی سابقہ دوست کو نئی آنے والی فلم ’’ٹائیگر زندہ ہے‘‘ میں کاسٹ کرانے کے علاوہ اب اپنی ہوم پروڈکشن کی فلم میں بھی کاسٹ کرلیا ہے۔
خیال رہےکہ بالی ووڈ کے سپراسٹار سلمان خان اور باربی ڈول کتریہ کیف 4سال بعد ایک بار پھر’ایک تھا ٹائیگر‘ کے سیکوئل’ٹائیگر زندہ ہے‘میں نظرآئیں گے۔
یاد رہےکہ 2012 میں سلمان خان کی فلم ایک تھا ٹائیگر نے باکس آفس پر300 کروڑ سے زائد کما کر تہلکہ مچادیا تھا۔
واضح رہےکہ سلمان خان کی پروڈکشن میں ہدایت کاراتل اگنی ہوتری کی فلم کی شوٹنگ رواں سال کے آخرمیں شروع ہوگی۔
انقرہ: ترک صدر طیب رجب اردگان کی زندگی پر بنائی جانے والی فلم ’رئیس‘ ریلیز کردی گئی۔ رئیس ترکی زبان میں سربراہ کو کہا جاتا ہے۔
فلم میں صدر کا کردار معروف ترک اداکار ریحا بیگلو نے ادا کیا ہے۔ فلم میں اردگان کی سیاسی جدوجہد سے زیادہ ان کی نوجوانی اور بچپن کے دور کو پیش کیا گیا ہے۔
فلم کا آغاز سنہ 1961 سے ہوتا دکھائی دیتا ہے جب ترک وزیر اعظم عدنان میندریس کو فوجی بغاوت کے بعد پھانسی دی گئی تھی۔ اردگان اس وقت 7 سال کے تھے جو اپنے والد سے پوچھتے نظر آرہے ہیں کہ آخر ہوا کیا ہے۔
ان کے والد انہیں بتاتے ہیں کہ ایک ایسا شخص جس نے ملک کو بہت کچھ دیا، آج مر چکا ہے۔
فلم میں اردگان کے بچپن کے واقعات کو بھی دکھایا گیا ہے جس میں وہ مدد گار اور رحم دل بچے کے طور پر نظر آتے ہیں۔
فلم میں سیاسی عنصر کم رکھا گیا ہے جس کی وجہ سے شائقین بہت دلچسپی سے فلم کو دیکھنے آرہے ہیں۔ ان کا کہنا ہے کہ فلم کو دیکھ کر انہیں لگتا ہے کہ اردگان انہی میں سے ایک ہیں۔
ممبئی: بالی ووڈ سپراسٹارسلمان خان اپنی نئی فلم میں پہلی بار نوجوان بیٹی کےباپ کا کردار نبھائیں گے۔فلم میں منفرد نظرآنے کے لیےوہ آج کل ٹریننگ میں مصروف ہیں۔
تفصیلات کےمطابق کروڑوں دلوں کی جان بالی ووڈ کےحقیقی سلطان سپراسٹار سلمان خان نےایک بار پھر ثابت کردیا کہ وہ باکس آفس پرصرف کمائی کےمعاملے میں ہی نہیں بلکہ ہمیشہ کچھ نیاکرنے کےحوالے سےبھی انڈسٹری کےحقیقی سلطان مانے جاتے ہیں۔
سپراسٹار سلمان خان پہلی بارکوریوگرافراورفلمساز ریموڈیسوزا کی ڈانس فلم میں جلوہ گرہوں گے۔فلم میں اپنےکردار میں حقیقت کا رنگ بھرنے کے لیےوہ خصوصی ٹریننگ کر رہے ہیں۔
ریموڈیسوزا کافلم سےمتعلق کہناہےکہ سلمان خان کوفلم میں اچھا ڈانسر بننے کےلیےاپنا وزن کم کرنےکی ضرورت ہے۔فلم میں انہیں ڈانس کےاسٹیپس کے لیےٹریننگ دی جارہی ہے۔
خیال رہےکہ سلمان خان جو فلم انڈسٹری میں نئےلوگوں اورننھےاداکاروں کومتعارف کروانے کےحوالے سےشہرت رکھتے ہیں۔انہوں نےحال ہی میں اپنی فلم’ٹیوب لائٹ‘ میں ایک ننھے اداکارکو متعارف کروایا ہے۔ہدایت کار کبیر خان کی ڈائریکشن میں بننے والی فلم رواں سال جولائی میں ریلیزکی جائےگی۔
یاد رہےکہ دبنگ خان کی گزشتہ دونوں فلموں ’بجرنگی بھائی جان‘ اور ’سلطان‘ نے باکس آفس پر600کروڑ سے زائد کا بزنس کرکے تہلکہ مچادیاتھا۔
بالی ووڈ کےسلطان سے متعلق فلمی ناقد جےپرکاش چوکسے کاکہناہےکہ ’آپ کچھ بھی کہہ لیں،لوگ سلمان خان کو دیکھنے آتے ہیں۔وہ اس وقت بالی وڈ کےٹاپ اسٹار ہیں۔‘
واضح رہےکہ ریمو ڈیسوزا کی ڈائریکشن میں بننے والی سلمان خان کی فلم رواں سال کرسمس کےموقع پر ریلیز کی جائے گی۔
