Tag: فن

کہتے ہیں کہ ایک تصویر ایک ہزار الفاظ کے برابر ہوتی ہے۔ تصویر کسی چیز کی منظر کشی، اس کا پس منظر اور مقصد ایک لمحہ میں بیان کرسکتی ہے۔

آج دنیا بھر میں تصویروں کا عالمی دن منایا جارہا ہے۔ ہم نے نیشنل جیوگرافک کی جانب سے سال 2016 کی بہترین قرار دی جانے والی تصاویر کو جمع کیا ہے۔ آئیے آپ بھی وہ تصاویر دیکھیئے۔

ونٹر ہارس مین

انتھونی لا کی کھینچی گئی اس تصویر کا عنوان ’ونٹر ہارس مین‘ ہے۔ اس میں منگولیا کا ایک گھڑ سوار بے رحمانہ انداز میں اپنے گھوڑوں کو ہنکاتا ہوا لے کر جارہا ہے۔

تم جہاں بھی جاؤ گے، میں تمہارے پیچھے آؤں گا

ہیروکی انو کی کھینچی گئی اس تصویر کا عنوان ہے، ’تم جہاں بھی جاؤ گے، میں تمہارے پیچھے آؤں گا‘۔

برگ پر بھالو

جان رولنس نے یہ تصویر کینیڈا کے آرکٹک میں کھینچی۔ اس میں ایک بھالو اپنے بچے کے ساتھ برف پر موجود ہے۔ اس کا عنوان ’برگ پر بھالو‘ ہے۔

بن یوسف

تاکاشی ناگاکاوا نے یہ تصویر مراکش میں کھینچی۔ وہ بتاتے ہیں، ’میں پرہجوم بازاروں میں گھوم پھر کر تھک گیا تو بن یوسف مدرسہ میں آرام کی غرض سے لیٹ گیا اور تب ہی میں نے پانی پر اس پراسرر شخص کا عکس دیکھا‘۔

طلوع سحر اور ایریزونا

ایریزونا کے جنگلات میں بنایا گیا یادگاری مقام طلوع سحر کے وقت۔ اس تصویر کو ڈینی موسیس مین نے کھینچا۔

خاموش

یہ تصویر چین کے صوبے گنگ ژو میں ایک ہاسٹل کی ہے جہاں تمام طلبہ دوپہر کے کھانے کے لیے باہر گئے ہوئے ہیں۔ ونگ کا ایچ کی کھینچی گئی اس تصویر کا عنوان ’خاموش‘ ہے۔

آسمانی خیال

جیریمی ٹین نے یہ تصویر ملائیشیا کے جارج ٹاؤن میں کھینچی جب طوفان کے دوران زور سے بجلی چمکی۔ تصویر کا عنوان ’آسمانی خیال‘ ہے۔

تقسیم

نیویارک کے سینٹرل پارک اور شہر کو الگ کرتی سڑک کی فضائی تصویر ’تقسیم‘ کیتھلین ڈول میچ نے کھینچی۔

طلوع سحر کا دھماکہ

انڈونیشیا کے شہر جاوا میں ایک پھٹتے ہوئے آتش فشاں کی تصویر، طلوع ہوتے سورج اور آتش فشاں کی راکھ نے اسے فوٹوگرافی کا شاہکار بنا دیا۔ رونالڈ نیلسن کی کھینچی گئی اس تصویر کا عنوان ’طلوع سحر کا دھماکہ‘ ہے۔

مون بو

تاکا ہیرو کی کھینچی گئی تصویر ’مون بو‘۔ جب چاند کی روشنی پانی پر ایسے زاویے سے پڑے کہ روشنی اور پانی کے قطروں کا عکس مل کر ایک قوس قزح تشکیل دے دے تو اسے مون بو کہا جاتا ہے۔

فوٹوگرافی ایک آرٹ ہے۔ روز بروز ترقی کرتی ٹیکنالوجی نے تصویر کھینچنے کے فن کو بھی نئی جہتوں پر روشناس کروا دیا ہے۔

اس میں کچھ کمال فوٹو گرافرز کا بھی ہوتا ہے۔ بعض فوٹو گرافرز تصویر کھینچنے کے لیے ایسے زاویے استعمال کرتے ہیں جس کے باعث وہ تصویر آرٹ کا کوئی شاہکار معلوم ہونے لگتی ہے۔

انگوٹھی پر عکس سے تصاویر *

گو کہ اب فوٹو شاپ کی موجودگی میں تصویر کھینچنے کے لیے زیادہ محنت کی ضرورت نہیں اور آپ اپنے کمپیوٹر پر بیٹھ کر تصویر کو مختلف زاویے دے سکتے ہیں لیکن پروفیشنل اور باصلاحیت فوٹو گرافرز اب بھی ذاتی محنت سے تصاویر کھینچتے ہیں۔

یہاں کچھ ایسی ہی خوبصورت تصاویر دی جارہی ہیں جن کی خوبصورتی دیکھ کر آپ دنگ رہ جائیں گے۔ لیکن ان کے پیچھے کیا تکنیک استعمال ہوئی یہ شاید آپ نہیں جانتے ہوں گے۔

پتوں سے برستے پانی سے کھیلتی اس بچی کی تصویر کھینچنے کے لیے فوٹوگرافر نے کیا تکنیک استعمال کی، آپ بخوبی دیکھ سکتے ہیں۔

ایک سحر انگیز دھند میں لپٹا ہوا دروازہ، جو نامعلوم دنیاؤں میں کھلتا ہو، کچھ اس طرح عکس بند کیا گیا۔

آپ نے اکثر فلموں میں زیر آب مناظر دیکھیں ہوں گے۔ یہ مناظر عموماً ڈرامائی قسم کے ہوتے ہیں جن میں تصوراتی کرداروں یا جل پریوں کو دکھایا جاتا ہے۔ انہیں کچھ اس طرح عکس بند کیا جاتا ہے۔

مشہور فوٹو سیزیر ’فالو می‘ سے ایک جھلک۔ ایک غیر ملکی جوڑا دنیا کے مشہور اور تاریخی مقامات پر گیا اور وہاں انوکھے انداز میں عکس بندی کی۔

ایک سرپھرے مہم جو کی مہم جوئی کو عکس بند کرنے کے لیے فوٹو گرافر کو بھی اپنی جان خطرے میں ڈالنی پڑی۔

ہالی ووڈ کی تصوراتی کرداروں پر مبنی فلموں جیسا ایک منظر۔ اسے دیکھ کر آپ کو اندازہ ہوگا کہ فلموں میں جل پریوں، روحوں اور جادوگرنیوں کو کیسے فلم بند کیا جاتا ہے۔

جنگلی حیات کو اس طرح عکس بند کیا جاتا ہے۔

برستی بارش اور چھتری کا سحر انگیز منظر کچھ یوں عکس بند کیا گیا۔

پانی میں بھاگتا ہوا ایک جوڑا، جس کے پس منظر میں نیلا آسمان، سمندر اور سورج کی روشنی کو خوبصورت انداز میں دکھایا گیا ہے۔

چند عشروں قبل کا پرسکون برطانیہ دراصل یوں عکس بند کیا گیا۔

آپ کو ان سب میں سے بہترین تصویر کون سی لگی؟

شکاگو: امریکی شہر شکاگو میں 2 ماں بیٹیوں نے فطرت سے متاثر دلچسپ شاہکار بنائے ہیں۔

بروک اور ان کی بیٹی وکی کو فطرت سے بے حد پیار ہے۔ وہ دونوں اپنا زیادہ وقت گھر سے باہر گزارتی ہیں اور ایسی قدرتی چیزوں کی تلاش میں رہتی ہیں جن سے وہ اپنی خوبصورت تخلیقات بنا سکیں۔

وہ کہتی ہیں کہ فطرت کی چیزوں جیسے پھول، پتہ ان کے تخلیق کردہ آرٹ کا حصہ ہوتے ہیں۔ ان کا ماننا ہے کہ ان کا آرٹ ہماری ماں فطرت، جو ہمیں اپنے اندر سموئے ہوئے ہے، کا شکریہ ادا کرنے کا ایک بہترین طریقہ ہے۔

یہی نہیں دونوں ماں بیٹی فوٹوگرافر بھی ہیں اور مختلف قدرتی چیزوں کی وہ نہایت منفرد زاویوں سے تصاویر کھینچتی ہیں۔

آئیے آپ بھی ان کا تخلیق کردہ آرٹ دیکھیں اور داد دیجیئے۔

فطرت سے دلچسپی رکھنے والی ایک آرٹسٹ للی سائن نے سوکھے پتوں سے خوبصورت کارڈز تشکیل دیے ہیں۔

للی کا کہنا ہے کہ اسے فطرت سے بہت محبت ہے۔ وہ ہر سال خزاں کا انتظار کرتی ہے اور سوکھے پتوں کو جمع کر کے ان سے یہ کارڈز بناتی ہے۔

للی کے مطابق اسے ایک کارڈ بنانے میں کافی وقت لگتا ہے لیکن وہ اس کام کے ایک ایک مرحلہ سے لطف اندوز ہوتی ہے

وہ کہتی ہے، ’فطرت مجھے خود اعتمادی اور کام کرنے کا حوصلہ دیتی ہے۔ اگر میں یہ کام نہ کروں تو میری زندگی بہت بے رنگ ہوجائے گی‘۔