Tag: فوادچوہدری

پاکستان تحریک انصاف کے رہنما فواد چوہدری نے کہا ہے کہ چیف الیکشن کمشنر کو بھی استعفیٰ دے دینا چاہیے۔

لاہور میں نیوز کانفرنس کرتے ہوئے فواف چوہدری کا کہنا تھا کہ چیئر مین نیب نے استعفیٰ دے دیا ہے، چیئرمین نیب پر دباؤ تھا کہ سیاسی مخالفین پر مقدمات کریں۔

فوادچوہدری نے کہا کہ آج کل تو نیب کے بغیر  بھی گھٹیا مقدمے درج ہو رہے ہیں، جنہوں نے الیکشن کمیشن کے باہر احتجاج کیا ان پر دہشتگردی کے کیسز ہوگئے، سعودی عرب میں ان پر نعرے لگے تو ہم سب پر توہین مذہب کے مقدمات بنادیے۔

پی ٹی آئی رہنما کا کہنا تھا کہ عمران خان پرتقریباً28 کرمنل کیسز بنائےگئے ہیں، مجھ پر بغاوت اور شیخ رشید پر شراب کا کیس بنا دیا گیا، نئے چیئرمین نیب کی تعیناتی نئے اپوزیشن لیڈر کے بعد ہونی چاہیے، راجہ ریاض کی مشاورت سے نیا چیئرمین نیب ناقابل قبول ہوگا، راجا ریاض اور شہبازشریف میں ذاتی غلام جیسا فرق ہے۔

انکا کہنا تھا کہ اسپیکر سے کہوں گا کہ اپنے عہدے کا تھوڑا بہت خیال کریں، اسپیکر کو منشی نہ بنائیں یہ بہت بڑے عہدے ہیں، اپوزیشن لیڈر پی ٹی آئی کا ہوناچاہیے اسکے بعد چیئرمین نیب لگنا چاہیے۔

فوادچوہدری نے کہا کہ چیف الیکشن کمشنر کو چیئرمین نیب سے سبق حاصل کرنا چاہیے، چیف الیکشن کمشنر کو بھی استعفیٰ دے دینا چاہیے، چیف الیکشن کمشنرکو شریف فیملی کی طرف سے صدارت کی آفردی گئی، رفیق تارڑ بھی اسی طرح کی مینجمنٹ کے نتیجےمیں صدر بنے تھے۔

فوادچوہدری کا مزید کہنا تھا کہ پی ٹی آئی ارکان سے چیئرمین نیب پر مشاورت نہ کی گئی توعدلیہ سے رجوع کرینگے۔

لاہور: پی ٹی آئی رہنما فواد چوہدری نے لاہور ہائی کورٹ کے فیصلے کو عوام کی فتح قرار دے دیا ہے۔

اے آر وائی نیوز سے گفتگو کرتے ہوئے فواد چوہدری نے کہا کہ تاریخ ساز فیصلے پر پوری قوم کو مبارکباد پیش کرتا ہو، لاہور ہائی کورٹ نے آج آئین کا تحفظ کیا ہے۔

پی ٹی آئی رہنما نے کہا کہ لاہورہائیکورٹ کا فیصلہ پنجاب اور پاکستان کی عوام کی فتح ہے،پہلےدن سےکہہ رہےتھے کہ آئین بالکل واضح ہے،لاہورہائیکورٹ کا فیصلہ ہمارےمؤقف کی جیت ہے۔

یہ بھی پڑھیں: لاہور ہائی کورٹ کا تین ماہ میں پنجاب میں الیکشن کرانے کا حکم

فواد چوہدری نے اپنی گفتگو میں کہا کہ الیکشن کمیشن کو عدالت نےحکم دے دیا ہےکہ شیڈول جاری کریں عدالتی حکم کے تحت اب الیکشن شیڈول دیناہوگا۔

انہوں نے شہباز حکومت کو مخاطب کرتے ہوئے کہا کہ وفاقی حکومتی لیت ولعل کے بجائےہمارےساتھ بیٹھےاورالیکشن کیلئےبڑھے،ملک مزید آئین کےساتھ کھلواڑ کامتحمل نہیں ہوسکتا،یہ حالات صرف ملک کے لئے نقصان دہ ہے، یہ ہمارےساتھ بیٹھےاورملک کو الیکشن کی طرف لےکرجائیں۔

فواد چوہدری نے کہا کہ لاہور ہائی کورٹ کے فیصلے سے عام انتخابات کی راہ ہموار ہوگئی ہے،حکومت میں تھوڑی سی بھی عقل ہوتو الیکشن کیلئےتیاری کرے۔

راولپنڈی : سربراہ عوامی مسلم لیگ شیخ رشید کا کہنا ہے کہ فوادچوہدری کی گرفتاری میں الیکشن کمیشن سیاسی فریق بن گیا۔

سماجی رابطوں کی ویب سائٹ ٹوئٹر پر جاری بیان میں شیخ رشید نے کہا کہ الیکشن کمیشن کا کام پرچے کروانا نہیں بلکہ الیکشن کروانا ہے، حکومت کے ارادے واضح ہو چکے ہیں،  عوام کو سمجھ جانا چاہیے کہ یہ الیکشن نہیں، کچھ اور کرنے جا رہے ہیں۔

سابق  وفاقی وزیر داخلہ  کا کہنا تھا کہ زرمبادلہ کےذخائر4  بلین سےکم اورآئی ایم ایف کی شرائط سرپر ہیں،  موجودہ دور حکومت میں وزیروں کا جمعہ بازار لگا ہے، سیاسی اقتصادی معاشی اورتوانائی کا بحران حکومت کےگلے پڑنے والاہے۔

فواد چوہدری کو اسلام آباد پولیس نے گرفتار کر لیا

انکا کہنا تھا کہ ملک جام ہےحکومت کاکام تمام ہے، فوادکی گرفتاری جلتی پر پیڑول کاکام کرےگی، اب ملک الیکشن کے بجائے تشددکی راہ پر چل پڑا ہے فیصلے سڑکوں  پر ہوں گے۔

فوادچودھری کی گرفتاری میں الیکشن کمیشن سیاسی فریق بن گیاالیکشن کمیشن کاکام پرچےکروانانہیں الیکشن کرواناہےحکومت کےارادےواضع ہوگئےہیں عوام کوسمجھ جاناچاہیے یہ الیکشن نہیں کچھ اورکرنےجارہےہیںIMFکی شرائط سےپہلےگرفتاریوں کادورشروع ہوگاجس کےبعدجام حکومت کاسڑکوں پرکام تمام ہوجائےگا

— Sheikh Rashid Ahmed (@ShkhRasheed) January 25, 2023

شیخ رشید نے کہا کہ آئی ایم ایف شرائط سے پہلےگرفتاریوں کا دور شروع ہوگا، جس کےبعدجام حکومت کاسڑکوں پرکام تمام ہوجائےگا۔

انہوں نے کہا کہ جو قوم الیکشن کمیشن پر اعتبار نہیں کر رہی، وہ الیکشن کے نتائج پر کیا خاک اعتبار کرےگی، چھوٹا بھائی پرائم منسٹر ہے اور بڑے بھائی کے پاکستان آنے پر پاؤں میں مہندی لگی ہے۔

شیخ رشید نے ٹوئٹ میں مزید لکھا کہ الیکشن کامطالبہ کرنےوالے الیکشن پرجانےکےلیےتیارنہیں ہیں، نیب ترامیم سےفائدہ اٹھانے والے عنقریب قوم کے احتساب کی بھینٹ چڑھیں گے۔