ARYNews.tv | Urdu – Har Lamha Bakhabar

Tag: فواد احمد

  • پاکستانی نژاد آسٹریلوی کرکٹر فواد احمد کی والدہ کورونا سے انتقال کرگئیں

    پاکستانی نژاد آسٹریلوی کرکٹر فواد احمد کی والدہ کورونا سے انتقال کرگئیں

    سڈنی: پاکستانی نژاد آسٹریلوی کرکٹر فواد احمد کی والدہ کورونا کے باعث انتقال کرگئیں۔

    تفصیلات کے مطابق پاکستانی نژاد آسٹریلوی کرکٹر فواد احمد نے والدہ کے انتقال کی اطلاع سماجی رابطے کی ویب سائٹ ٹویٹر پر دی۔

    فواد احمد نے بتایا کہ ان کی والدہ کا انتقال کورونا وائرس کے باعث ہوا۔

    انہوں نے لکھا کہ ’میں اپنی دنیا، اپنی روشنی اور اپنی امید سے محروم ہوگیا، انہوں نے مداحوں سے دعاؤں کی درخواست کی۔

    فواد احمد کی والدہ کے انتقال پر قومی اسکواڈ میں شامل کرکٹر اور مداحوں کی جانب سے تعزیت کا اظہار کیا گیا۔

    قومی ٹیم کے سابق کپتان سرفراز احمد نے فواد احمد سے تعزیت کا اظہار کرتے ہوئے لکھا کہ ’اللہ ان کو جنت الفردوس میں جگہ عطا فرمائے اور سب گھر والوں کو صبر دے۔‘

    سابق وکٹ کیپر راشد لطیف نے تعزیت کا اظہار کرتے ہوئے لکھا کہ ’اللہ تعالیٰ مرحومہ کو جنت الفردوس میں اعلیٰ مقام عطا فرمائے۔

  • کوئٹہ گلیڈی ایٹرز کے فواد احمد نے کامران اکمل کی سنچری پر سوال اٹھا دیا

    کوئٹہ گلیڈی ایٹرز کے فواد احمد نے کامران اکمل کی سنچری پر سوال اٹھا دیا

    کراچی: پشاور زلمی اور کوئٹہ گلیڈی ایٹرز کے درمیان میچ میں زلمی کے کامران اکمل نے شاندار سنچری بنائی تاہم کوئٹہ گلیڈی ایٹرز کے اسپنر فواد احمد نے ان کی سنچری پر سوال کھڑے کردیے۔

    اپنی شاندار سنچری کے بعد کامران اکمل پاکستان سپر لیگ میں سب سے زیادہ رنز بنانے والے کھلاڑی بن گئے ہیں جو 49 میچز میں 1 ہزار 430 رنز اسکور کر چکے ہیں۔

    اپنی حالیہ سنچری انہوں نے 13 چوکوں اور 4 چھکوں کی مدد سے مکمل کی جس کی بدولت زلمی نے 149 رنز کا ہدف باآسانی حاصل کرلیا۔

    میچ کے بعد کوئٹہ گلیڈی ایٹرز کے اسپنر فواد احمد نے کامران کی تعریف تو کی تاہم ان کی سنچری پر سوال بھی اٹھا دیا۔

    فواد کا کہنا تھا کہ کامران کو 13 اوورز میں سنچری بنانی چاہیئے تھی، لیکن میچ کے اختتام پر وہ لالچ میں مبتلا ہوگئے اور سنچری مکمل کرنے کے لیے سنگلز لینے لگے۔

    ان کے مطابق کامران کے اس طرح سنچری بنانے سے زلمی کا مجموعی رن ریٹ متاثر ہوسکتا ہے۔

    یاد رہے کہ کامران اکمل نے ابتدائی 50 رنز 20 گیندوں پر بنا لیے تھے تاہم سنچری مکمل کرنے کے لیے انہوں نے مزید 34 گیندیں کھیلیں اور یوں 54 گیندوں میں اپنی سنچری مکمل کی۔

    بعد ازاں کامران اکمل نے وضاحت کرتے ہوئے کہا کہ وہ پاور پلے کو استعمال میں لانا چاہتے تھے کیونکہ کوئٹہ کے پاس مضبوط بالنگ اٹیک تھا۔

    کامران کا کہنا تھا کہ کوئٹہ کے حسنین نے اچھی گیندیں کروائیں جبکہ فواد بھی کسی بھی لمحے 2 سے 3 وکٹیں اڑانے کی پوزیشن میں تھے۔

    انہوں نے کہا کہ ہمارے پاس پاور پلے میں 70 سے زائد رنز تھے اور میں آرام سے کھیلنا چاہتا تھا۔ ’ہمارے بیٹنگ کوچ ہاشم آملہ نے بھی کہا تھا کہ ٹاپ آرڈر کے 3 بیٹسمین کم از کم پندرہویں اوور تک کریز پر موجود رہیں، اور کوشش کر کے آخر تک جائیں، اس سے کھلاڑی اور ٹیم دونوں کا فائدہ ہوگا‘۔

    کامران اکمل کی اس شاندار سنچری پر انہیں مین آف دی میچ کا ایوارڈ بھی دیا گیا۔

  • کامران اکمل کی کارکردگی سے خوف زدہ نہیں بلکہ خوش ہوں، سرفرازاحمد

    کامران اکمل کی کارکردگی سے خوف زدہ نہیں بلکہ خوش ہوں، سرفرازاحمد

    کراچی : قومی ٹیم کے کپتان سرفراز احمد نے کہا ہے کہ لاہور میں بین الاقوامی کرکٹ کی بحالی کے بعد کراچی میں پی ایس ایل کے فائنل کے انعقاد کی امید نے شہریوں میں جوش و خروش کی لہر دوڑا دی ہے۔

    شاہینوں کے قائد کراچی میں ایک تقریب سے خطاب کررہے تھے انہوں نے کہا کہ پاکستان سپر لیگ کے فائنل کے لیے کراچی آئیڈیل جگہ ہے اور جب کہ لاہور میں پہلے فائنل ہوچکا ہے اس لیے امید ہے کہ اس بار کراچی میزبانی کے فرائض انجام دے گا۔

    قومی ٹیم کے کپتان کا کہنا تھا کہ چیمپئنز ٹرافی کے بعد سے تمام لڑکے پُر اعتماد اور اچھی فارم میں ہیں اور دورہ نیوزی لینڈ میں جیت کے عزائم کے ساتھ میدان میں اتریں گے۔

    انہوں نے مزید کہا کہ جلد جانے کی وجہ سے نیوزی لینڈ میں ہونے والی سیریز سے پہلے ہی وہاں کے موسم کے لحاظ سے ایڈجسٹ ہونے کا موقع مل جائے گا۔

    فواد عالم کی ڈومیسٹک کرکٹ میں بہترین کارکردگی دکھانے پر سرفراز احمد کا کہنا تھا کہ باصلاحیت کھلاڑی کیم کارکردگی سلیکشن کمیٹی کے سامنے ہے اور امید ہے فواد عالم جلد ٹیم کا حصہ ہوں گے۔

    سرفراز احمد نے انڈر 19 ٹیم کے دومرتبہ کم اسکور پر آؤٹ ہونے کو فکر مند صورت حال قرار دیتے ہوئے کہا کہ ڈومیسٹک کرکٹ میں سہولیات کی فراہمی اور ٹورنامنٹ کے انعقاد سے نوجوان کھلاڑیوں کی صلاحیت مین نکھار لایا جا سکاتا ہے۔

    قومی ٹی ٹوئنٹی ٹورنامنٹ میں کامران اکمل کی بہترین کارکردگی کے حوالے سے انہوں نے کہا کہ میں خوف زدہ نہیں جو اچھی کارکردگی دکھائے گا وہ ٹیم کا حصہ بنے گا۔

    سرفراز احمد نے مزید کہا کہ اصل کرکٹ ٹیسٹ کرکٹ ہی ہے جس میں جتنا کھیلیں اتنا ہی سیکھنے کو ملتا ہے لیکن ہمیں ون ڈے اور ٹی ٹوئنٹی میں بہترین کارکردگی کے بعد اب ٹیسٹ ٹیم کو بھی وننگ ٹریک پر لانے کی ضرورت ہے تاہم اس میں کچھ وقت لگے گا۔

  • پاکستانی اداکاروں کے خلاف بیان گن پوائنٹ پر دیا، کرن جوہر

    پاکستانی اداکاروں کے خلاف بیان گن پوائنٹ پر دیا، کرن جوہر

    نئی دہلی: ممتاز بھارتی فلم ساز و ہدایت کار کرن جوہر نے کہا ہے کہ پاکستانی فنکاروں کو فلموں میں کام نہ دینے کا بیان ’گن پوائنٹ‘ پر دیا، اس کے پیچھے مہا راشٹر نونرمان سینا کا ہاتھ تھا۔

    یہ بات انہوں نے اپنے ایک انٹرویو کے دوران بتائی جب صحافی کے سوال پر وہ جذبات پر قابو نہ پا سکے اور بہ بانگ دہل سچ بات کہہ ڈالی، انہوں نے کہا کہ انتہا پسند تنظیم مہاراشٹر نونرمان سینا کی جانب سے دھمکیوں اور دباؤ کے بعد وہ بیان نہ چاہتے ہوئے بھی ریکارڈ کروایا۔


    Karan Johar opens up about ‘hostage video… by arynews

    انہوں نے کہا کہ بیان ریکارڈ کرواتے ہوئے مجھے ایسا لگ رہا تھا کہ جیسے میرے سر پر گن رکھی گئی ہو اور میرے منہ میں الفاظ ڈالے گئے ہوں جس کے بعد بہ حالت مجبوری مجھے اپنے پاکستانی ساتھی اداکاروں کے خلاف بیان دینا پڑا۔

    کرن جوہر کا مزید کہنا تھا کہ ویڈیو دیکھ کر لوگ سمجھے کہ شاید میں مذاق کر رہا ہوں لیکن حقیقت یہ ہے کہ ویڈیو ریکارڈ کراتے وقت مجھے ایسا لگا جیسے کوئی بندوق میرے سر پر رکھی ہے۔

    انہوں نے کہا کہ فلم "اے دل ہے مشکل” کی ریلیز کے موقع پر ان کا پاکستانی فنکاروں کو فلموں میں کام نہ دینے کا بیان گن پوائنٹ پر ریکارڈ کرایا گیا اور اس کے پیچھے مہاراشٹر نونرمان سینا کا ہاتھ تھا۔

    واضح رہے کہ کرن جوہر نے مذکورہ بیان اکتوبر 2016ء کو فلم’ اے دل ہے مشکل‘ کی ریلیز سے پہلے دیا تھا جس میں فواد خان کو شامل کرنے پر راج ٹھاکرے کی تنظیم ایم این ایس آپے سے باہر ہوگئی تھی۔

    دوسری جانب تنظیم کے رہنما ایمے کھوپکر کہتے ہیں کہ ان کی جماعت بھارتی فلم ساز پر پاکستانی فنکاروں کو شامل نہ کرنے کا دباؤ برقرار رکھے گی، اگر کرن جوہر یہ سمجھتے ہیں کہ ان سے گن پوائنٹ پر بیان ریکارڈ کرایا گیا تھا تو وہ اسے دھمکی ہی سمجھیں۔