Tag: فواد چودھری

  • فواد چودھری کی ضمانت منظور، رہائی کا حکم

    فواد چودھری کی ضمانت منظور، رہائی کا حکم

    اسلام آباد ہائی کورٹ نے سابق وفاقی وزیر فواد چوہدری کی جہلم اراضی اسکینڈل میں ضمانت بعد از گرفتاری منظور کرتے ہوئے انہیں رہا کرنے کا حکم دے دیا۔

    تفصیلات کے مطابق اسلام آباد ہائی کورٹ کے چیف جسٹس عامر فاروق اور جسٹس طارق محمود جہانگیری پر مشتمل ڈویژن بینچ نے فواد چودھری کی ضمانت کی درخواست پر سماعت کی۔

    فواد چوہدری کی جانب سے قیصر امام ایڈووکیٹ عدالت میں پیش ہوئے، قیصر امام نے دلائل دیتے ہوئے کہا کہ 18 دسمبر 2023 کو وارنٹ گرفتاری جاری کیے گئے۔

    فواد چودھری پر پانچ الزامات لگائے گئے ہیں، الزام ہے کہ فواد چودھری نے سیاسی اثر و رسوخ کو پراجیکٹ میں استعمال کیا ہے۔

    پراسیکیوٹر نے دلائل دیے کہ ہمارے پاس گواہ ہے جو کہتا ہے کہ فواد چوہدری نے پچاس لاکھ روپے رشوت لی۔ چیف جسٹس عامر فاروق نے استفسار کیا کہ پچاس لاکھ روپے نیب کے دائرہ اختیار میں کیسے آتا ہے؟

    جس پر پراسیکیوٹر نے کہا کہ کیس ابھی انکوائری اسٹیج پر ہے، مزید تفصیلات حاصل کر رہے ہیں۔ ایکنیک سمیت تمام متعلقہ اداروں کو لکھ رکھا ہے۔

    چیف جسٹس عامر فاروق نے استفسار کیا کہ نیب نے شواہد کے لئے بعد میں لکھا اور بندہ پہلے گرفتار کرلیا؟ نیب کے پاس فواد چوہدری کے خلاف سب سے مرکزی شواہد کیا ہیں؟

    نیب پراسیکیوٹر کے سپریم کورٹ کے فیصلے کا حوالہ دینے پر چیف جسٹس عامر فاروق برہم ہو گئے۔ چیف جسٹس نے کہا کہ سپریم کورٹ کو چھوڑیں، پہلے شواہد تو بتائیں۔ عدالت نے دلائل سننے کے بعد فواد چودھری کو ضمانت پر رہا کرنے کا حکم دے دیا۔

    واضح رہے کہ فواد چودھری نے ضمانت بعد از گرفتاری کی درخواست دائر کی تھی، فواد چوہدری اس وقت جوڈیشل ریمانڈ پر اڈیالہ جیل میں ہیں۔

  • وفاقی وزیر فواد چوہدری  بھی نوازشریف کی صحتیابی کیلیے دعاگو

    وفاقی وزیر فواد چوہدری بھی نوازشریف کی صحتیابی کیلیے دعاگو

    اسلام آباد: وفاقی وزیر سائنس و ٹیکنالوجی فوادچوہدری نے سابق وزیراعظم نوازشریف کی صحت سے متعلق نیک خواہشات کا اظہار کرتے ہوئے کہا ہے کہ خدا نوازشریف کو صحت دے۔

    تفصیلات کے مطابق سماجی رابطے کی ویب سائٹ ٹوئٹر پر جاری بیان میں وفاقی وزیرفواد چوہدری نے لکھا کہ تحریک انصاف اورشریف خاندان کاکوئی ذاتی اختلاف نہیں ہے۔

    فوادچوہدری نے کہا کہ نوازشریف سے ہمارااختلاف ان کی ذاتی مفاد پرمبنی پالیسیوں سےرہا ہے، ان اختلافات کوذاتی نہیں کہاجا سکتا، نوازشریف کی صحت کیلئے دعاگو ہو،خدا انہیں صحت دے، گیٹ ویل سون سر۔

    یہ بھی پڑھیں: سیاسی اختلاف اپنی جگہ نوازشریف کی صحت کیلئے دعاگو ہوں، وزیراعظم

    گزشتہ روز وزیراعظم عمران خان نے بھی ٹوئٹر پر اپنے پیغام میں کہا تھا کہ سیاسی اختلاف اپنی جگہ نوازشریف کی صحت کیلئے دعاگوہوں اور متعلقہ حکام کو ہدایت کی کہ نوازشریف کوبہترین طبی سہولتیں فراہم کی جائیں۔

    اس سے قبل وزیراعظم عمران خان نے سابق وزیراعظم نواز شریف کی صحت کے معاملے پر حکومت پنجاب سے رابطہ کرکے نوازشریف کی صحت کے حوالے سے رپورٹ طلب کی تھی۔

  • مودی اپنے ہی جال میں پھنس گئے، کشمیر کی صورتحال فیصلہ کن موڑ پر ہے،  فواد چودھری

    مودی اپنے ہی جال میں پھنس گئے، کشمیر کی صورتحال فیصلہ کن موڑ پر ہے، فواد چودھری

    اسلام آباد : وفاقی وزیر سائنس و ٹیکنالوجی فواد چودھری نے کہا ہے کہ نریندر مودی اپنے ہی جال میں پھنس چکے ہیں، مقبوضہ کشمیر کی صورتحال فیصلہ کن موڑ پر ہے۔

    ان خیالات کا اظہار انہوں نے سماجی رابطے کی ویب سائٹ ٹوئٹر پر اپنے پیغام میں کیا، امریکی صدر ڈونلڈ ٹرمپ کی جانب سے پاکستان اور بھارت کے درمیان مسہلہ کشمیر کیلئے ثالثی کی ایک بارپھر پیشکش پر ٹوئٹر پیغام میں فواد چودھری نے کہا کہ ڈونلڈ ٹرمپ کی دوبارہ ثالثی کی پیشکش دنیا کی کشمیر پر تشویش عیاں کرتی ہے۔

    مقبوضہ کشمیر کی صورتحال فیصلہ کن موڑ پر ہے، آرٹیکل 370کا خاتمہ کرکے نریندر مودی اپنے ہی جال میں پھنس چکے ہیں، مقبوضہ کشمیر کی کشیدہ صورتحال پر دنیا کو تشویش لاحق ہے، دنیا نے مودی کے فسطائی ہتھکنڈے اور آرایس ایس کے نازی فلسفہ کو مسترد کردیا ہے۔

    واضح رہے کہ امریکی صدر ڈونلڈ ٹرمپ نے مقبوضہ کشمیر کی موجودہ خطرناک صورتحال کے پیش نظر ایک مرتبہ پھر ثالثی کی پیشکش کی ہے۔

    غیر ملکی ذرائع ابلاغ کے مطابق صحافیوں سے بات چیت میں ڈونلڈ ٹرمپ نے کہا کہ پاکستان اور بھارت کے درمیان کشمیر دیرینہ، پیچیدہ اور حل طلب مسئلہ ہے اور ہم پاکستانی اور بھارتی قیادت سے رابطے میں ہیں۔

    انہوں نے کہا کہ وہ آئندہ ہفتے بھارتی وزیراعظم نریندر مودی کے ساتھ اس معاملے کو اٹھائیں گے۔ انہوں نے مزید کہا کہ میں ثالثی کے لیے اپنی بھرپور کوشش کروں گا۔

  • ٹیکس ریٹرن جمع کرانے کا ریکارڈ بن گیا، فضل الرحمان اپنی سیاست آئینی حدود میں کریں، فواد چودھری

    ٹیکس ریٹرن جمع کرانے کا ریکارڈ بن گیا، فضل الرحمان اپنی سیاست آئینی حدود میں کریں، فواد چودھری

    اسلام آباد : وفاقی وزیر سائنس و ٹیکنالوجی فواد چودھری نے کہا ہے کہ حکومت کو بڑی کامیابی ملی ہے، ملکی تاریخ میں پہلی بار ٹیکس ریٹرن جمع کرانے کا نیا ریکارڈ بن گیا، انہوں نے کہا کہ فضل الرحمان اپنی سیاست آئین کی حدود میں رہ کر کریں۔

    تفصیلات کے مطابق وفاقی وزیر سائنس و ٹیکنالوجی فواد چودھری نے سماجی رابطے کی ویب سائٹ ٹویئٹر پر اپنے پیغام میں کہا ہے کہ تحریک انصاف کی حکومت کو ٹیکس ریٹرن کے معاملے پر بہت بڑی کامیابی ملی ہے۔

    وزیراعظم عمران خان کی حکومت میں ملکی تاریخ میں پہلی بار ٹیکس ریٹرن جمع کرانے کا نیا ریکارڈ بن گیا، فواد چوہدری نے کہا کہ اب تک 21لاکھ شہریوں نے ٹیکس ریٹرن جمع کرائے۔

    ایف بی آر کی تاریخ میں اتنے بڑے ٹیکس ریٹرن فائل نہیں ہوئے، ٹیکس ریٹرن والوں کی تعداد40لاکھ تک لے جانا سال2019کاہدف ہے۔

    علاوہ ازیں وفاقی وزیر فواد چوہدری نے مولانا فضل الرحمان کے بیان پر ان کو کرارا جواب دیا ہے، فواد چوہدری نے کہا کہ مولانا صاحب آپ کی زبان، کلام اور اقدام کسی سیاسی جماعت کے نہیں، آپ کے اقدامات دہشت گردوں والے ہیں۔

    وفاقی وزیر فواد چوہدری نے ان کو مشورہ دیا کہ آپ سیاست آئین کی حدود میں رہ کر کریں، بانی ایم کیو ایم بننے کی کوشش نہ کریں ورنہ لیبیا جانا پڑسکتا ہے اور لیبیا کےایسے حالات نہیں کہ آپ وہاں پاکستان جیسی آرام دہ زندگی گزار سکیں۔

    واضح رہے کہ مولانا فضل الرحمان نے اپنے ٹوئٹڑ پیغام میں کہا تھا کہ آج کا ملین مارچ آخری ہے اب ہمارا اگلا پڑاؤ اسلام آباد میں ہوگا، اگست کے مہینہ میں جعلی حکومت مستعفی ہو جائے وگرنہ اکتوبر میں انشاءاللہ اسلام آباد کا رخ کریں گے اور اس حکومت کا خاتمہ کردیں گے۔

  • نوازشریف کو سلیوٹ کرنے والے اہلکار کے خلاف کارروائی نہیں ہو گی، فواد چودھری

    نوازشریف کو سلیوٹ کرنے والے اہلکار کے خلاف کارروائی نہیں ہو گی، فواد چودھری

    لاہور : وزیر اطلاعات و نشریات فواد چودھری نے کہا ہے کہ نوازشریف کو سلیوٹ کرنے والے پولیس اہلکار کے خلاف کوئی کارروائی نہیں کی جائے گی، ہم اتنے چھوٹے دل والے نہیں۔

    تفصیلات کے مطابق سروسز اسپتال لاہور میں ایلیٹ پولیس کے اہلکار نے العزیزیہ ریفرنس کے سزایافتہ مجرم نوازشریف کو سلیوٹ کردیا، جس کے بعد سوشل میڈیا پر افواہ پھیل گئی کہ مذکورہ اہلکار کے خلاف کارروائی ہو رہی ہے۔

    اس حوالے سے وزیراطلاعات فواد چوہدری نے تردید کرتے ہوئے کہا کہ ہم چھوٹے دل والے نہیں کہ سیلوٹ کرنے پر کسی کے خلاف کارروائی کریں، مذکورہ اہلکار کے خلاف کوئی کارروائی نہیں کی جائے گی۔

    یاد رہے کہ اس واقعے نےپانچ جولائی دو ہزار سترہ کو جے آئی ٹی میں پیشی پر مریم نواز کو سلیوٹ کرنے والی ایس پی اسپیشل برانچ ارسلہ سلیم کی یاد تازہ کر دی۔

  • وفاقی وزرا حکومتی خرچے پر بیرونِ ملک علاج نہیں کراسکیں گے

    وفاقی وزرا حکومتی خرچے پر بیرونِ ملک علاج نہیں کراسکیں گے

    اسلام آباد: وفاقی کابینہ کے پہلے اجلاس کے بعد وفاقی وزیراطلاعات نے میڈیا بریفنگ دیتے ہوئے کہا کہ نواز شریف اور مریم نواز کے نام ای سی ایل میں ڈالے جائیں گے، اسحاق ڈار، حسن اورحسین نواز اشتہاری ملزمان ہیں۔

    تفصیلات کے مطابق اسلام آباد میں کابینہ کے پہلے اجلاس کے بعد میڈیا کو اجلاس کی کارروائی کے بارے میں بریفنگ دیتے ہوئے وزیراطلاعات فواد چودھری کا کہنا تھا کہ احتساب کا عمل خود سے شروع کرنے کافیصلہ کیا گیا ہے، کابینہ اثاثوں کی تفصیلات عوام کے سامنے رکھے گی۔

    انہوں نے بتایا کہ کابینہ کے تمام ارکان کوماضی میں دی گئی بیرون ملک علاج کی سہولت واپس لےلی گئی ہے ، اب کوئی بھی کابینہ کا رکن سرکاری خرچ پربیرون ملک علاج نہیں کراسکے گا۔ وزیراعظم کی 88 گاڑیاں بھی نیلام کرنے کا فیصلہ کیا گیا ہے۔ دوسری جانب سرکاری حکام کے غیرملکی دوروں کومحدودکرنےکافیصلہ کیاگیاہے، سرکاری حکام سرکاری خرچ پربیرون ملک دورےنہیں کریں گے، کابینہ ارکان کےپاس ایک ایک گاڑی ہوگی۔

    فواد چوھری کا کہنا تھا کہ حکومت کی اربوں روپےکی پراپرٹی سےمتعلق دو کمیٹیاں بنائی گئی ہیں،ایک کمیٹی کی سربراہی شفقت محمودکریں گے جو کہ کمیٹی پاکستانیوں کےغیرقانونی اثاثوں کی تفصیلات جمع کرے گی، جبکہ دوسری کمیٹی اسد عمر کے زیرنگرانی کام کرے گی،ایسی پراپرٹی جوتاریخی اہمیت کی حامل ہےاس کی ساکھ کومجروح نہیں کیاجائے گا۔سرکاری پراپرٹی سےمتعلق ایک لائحہ عمل بنائیں گے۔جن صوبوں میں ہماری حکومت ہےوہاں عوام کی سہولت کے لئےپالیسی پرعملدرآمدکرائیں گے۔

    وزیراعظم کے غیر ملکی دوروں سے متعلق فواد چودھری کا کہنا تھا کہ وزیراعظم آئندہ3ماہ تک کوئی غیرملکی دورہ کرنےکاارادہ نہیں رکھتے، تاہم وزیرخارجہ شاہ محمودقریشی کچھ ممالک کےاہم دورےکریں گے۔ریاست کےتعلقات ریاست کےساتھ ہوتےہیں ،وزیراعظم نےتعلقات شخصیات نہیں ریاست کےرکھنےکی بات کی۔نوازشریف کی خارجہ پالیسی فردکےساتھ تعلقات کی تھی۔کشمیرسمیت تمام معاملات پرمذاکرات کے لیے ہروقت تیارہیں۔

    شریف خاندان سے متعلق لیے گئے فیصلوں پر گفتگو کرتے ہوئے ان کا کہنا تھا کہ نوازشریف،مریم نوازکےنام ای سی ایل میں ڈالےجائیں گے۔اسحاق ڈار،حسن اورحسین نوازملک سےفراراوراشتہاری ہیں،تینوں فرارافرادکوواپس لانےکیلئےاقدامات کیےجائیں گے، وزارت داخلہ کوحکم دیاگیاہے کہ تینوں مفرورافرادکوواپس لایاجائے۔ علاوہ ازیں ایون فیلڈکی واپسی کیلئےبرطانوی حکومت سےرابطہ کیاجائےگا، ایون فیلڈپراپرٹیزپاکستان کااثاثہ ہیں۔

    وفاقی وزیر خزانہ نے بتایا کہ اجلاس میں دیامیراوربھاشاڈیم سےمتعلق رپورٹ طلب کی گئی ہے۔

    وزیراطلاعات فوادچوہدری کا کہنا تھا کہ کرپشن خاتمہ ہماری حکومت کی اہم ترجیح ہے،احتساب کے لیےایک ٹاسک فورس بنائی گئی ہے جس کامقصد ہےبیرون ملک غیرقانونی اثاثوں کی واپسی کی جائے۔

    نوا زشریف کی جانب سے وزارتِ عظمیٰ کے دوران اپنے اخراجات خود ادا کرنے کے دعوے پر ان کا کہنا تھا کہ نوازشریف نےکہاچیک سےوزیراعظم ہاؤس کاخرچہ دیتےتھے،انکم ٹیکس گوشوارےدیکھ لیں توشایدنوازشریف غلط بیانی کررہےہیں۔

    ڈاکٹرعشرت حسین کی زیرنگرانی ایک ڈویژن بنایاگیاہے جو کہ کفایت شعاری سےمتعلق اقدامات تجویزکرے گا، یہ قدم عوامی پیسے کا غیر ضروری ضیاع روکنے کے لیے اٹھایا گیا ہے۔

  • عمران خان نے 41 سال کی منی ٹریل رسیدوں کےساتھ جمع کرادی‘ فوادچوہدری

    عمران خان نے 41 سال کی منی ٹریل رسیدوں کےساتھ جمع کرادی‘ فوادچوہدری

    اسلام آباد : پاکستان تحریک انصاف کے رہنما فواد چودھری کا کہنا ہے کہ نوازشریف اورعمران خان کے کیس میں زمین آسمان کا فرق ہے، عمران خان کی پوری منی ٹریل 6 لاکھ 72ہزارپاؤنڈ کی ہے۔

    تفصیلات کے مطابق اسلام آباد میں پاکستان تحریک انصاف کے ترجمان فواد چودھری کا کہنا ہے کہ عمران خان کی پوری منی ٹریل 6 لاکھ 72 ہزارپاؤنڈ کی ہے جبکہ شریف خاندان کی منی ٹریل 30 ہزارکروڑکی ہے۔

    فواد چودھری نے کہا کہ نوازشریف9 سال تک حکومت میں رہے، عمران خان نے ایک مرتبہ بھی عوامی عہدہ نہیں رکھا۔ انہوں نے کہا کہ عمران خان کی41 سال کی منی ٹریل رسیدوں کےساتھ جمع کرا دی۔

    پاکستان تحریک انصاف کے رہنما کا کہنا تھا کہ جو لوگ کہتے ہیں کہ نوازشریف اور عمران خان کے کیس ایک جیسے ہیں تو وہ دیکھ لیں کہ نوازشریف کا کیس 16 کمپنیوں اور 300 ارب کے گرد گھوم رہا ہے جبکہ عمران خان کی پوری منی ٹریل 6 لاکھ 72ہزارپاؤنڈ کی ہے۔

    فواد چودھری کا کہنا تھا کہ کچھ لوگ چاہتے ہیں نوازشریف نااہل ہوئے تو عمران خان اور جہانگیر ترین سمیت سب نااہل ہوجائیں تاکہ نوازشریف کی نااہلی کا دکھ کچھ کم ہو۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • مسلم لیگ ن کی پارلیمانی پارٹی کونیاوزیراعظم چُن لیناچاہیے‘فوادچوہدری

    مسلم لیگ ن کی پارلیمانی پارٹی کونیاوزیراعظم چُن لیناچاہیے‘فوادچوہدری

    اسلام آباد: تحریک انصاف کے رہنما کا کہناتھاکہ کیاوزیراعظم اس قابل رہ گئے ہیں کہ وہ ملک چلاسکیں،انہوں نےکہاکہ مسلم لیگ(ن)کی پارلیمانی پارٹی کونیاوزیراعظم منتخب کرلینا چاہیے۔

    تفصیلات کےمطابق سپریم کورٹ کےباہر میڈیاسے گفتگوکرتے ہوئے تحریک انصاف کے رہنما فواد چودھری کا کہناتھاکہ عدالت نےکہا تھا ثابت کریں حسین نوازبینفیشل اونر ہیں،انہوں نےکہاکہ دستاویزات سےثابت ہوتا ہےحسین نوازکاجائیدادسے کوئی تعلق نہیں ہے۔

    پی ٹی آئی کے رہنما نے کہاکہ منراو کمپنی کی مالک مریم نوازشریف ہیں،جبکہ قطری کی کہانی توناقابل یقین ہے۔انہوں نےکہاکہ ان کے پاس تو2006کے بھی کاغذات نہیں ہیں۔

    فواد چودھری کا کہناتھاکہ سلمان اکرم راجہ نے واضح طور پر کمیشن کی مخالفت کی ہے،انہوں نے کہا کہ اس کیس میں شریف خاندان کے تین وکلا ہیں،تینوں کاموقف الگ الگ ہے۔

    تحریک انصاف کے رہنما کا کہناتھاکہ نوازشریف کاموقف بچوں سے،بچوں کااپنے انٹرویوسے موقف الگ ہے۔انہوں نے کہا کہ سلمان اکرم راجہ کے دلائل کے بعد اٹارنی جنرل کے دلائل شروع ہوں گے۔

    فواد چودھری نےکہا کہ 10دن میں دودھ کادودھ، پانی کا پانی ہوجائے گا،انہوں نے مسلم ن کے ایم این ایز کوکہا کہ وہ بھی آکرکیس کی سماعت دیکھیں۔

    واضح رہےکہ تحریک انصاف کے رہنما فواد چودھری کاکہناتھاکہ آخرکار حسین نواز کے وکیل نے مان لیاکہ مریم چند ماہ کے لیے ٹرسٹی تھیں۔

  • پانامہ لیکس مقدمے میں وزیر اعظم پھنس گئے ہیں،فواد چودھری

    پانامہ لیکس مقدمے میں وزیر اعظم پھنس گئے ہیں،فواد چودھری

    لاہور: تحریک انصاف کے ترجمان فواد چودھری نے کہا ہےکہ پانامہ لیکس مقدمے میں وزیر اعظم پھنس گئے ہیں۔انہوں نے کہا کہ قانو ن کےساتھ عوام کی عدالت میں بھی مقدمہ لے جائیں گے۔

    تفصیلات کےمطابق لاہور میں پریس کانفرنس کرتے ہوئے فواد چودھری نے کہا کہ پانامہ لیکس مقدمے میں وزیر اعظم پھنس گئے ہیں۔انہوں نے کہا کہ نیب ،ایف بی آر،اور ایف آئی اے نےتحقیقات کیں اور نہ ہی کمشن تشکیل دیا گیا۔

    فواد چودھری کا کہناتھا کہ عدالت کے لارجر بنچ نےکیس سن لیا ہے،صرف وزیر اعظم کے بچوں کے وکیل کے دلائل باقی تھے،کہ سماعت ملتوی ہوگئی۔

    تحریک انصاف کے ترجمان نے دعویٰ کیا کہ عام انتخابات 2017 میں ہوں گے،جس کے لیے عدالت میں کیس ہونے کے باوجود تحریک انصاف نےعوام رابطہ مہم کے ذریعے آگاہی مہم جاری رکھنے کے لیے جلسوں کا اعلان کیا ہے۔

    مزید پڑھیں:پاناما کیس، پی ٹی آئی کا ملک گیر جلسے کرنے کا فیصلہ

    پی ٹی آئی پنجاب کے سابق صدرچودھری اعجاز کا کہنا تھا کہ حویلیاں طیارہ حادثے کو بھی عوام آگاہی مہم کا حصہ بنایا جائے گا۔

    تحریک انصاف پنجاب کے صدر چودھری اعجاز کا مزید کہناتھا کہ میاں نواز شریف کو مستعفی ہونا چاہیے۔انہوں نے کہا کہ طیارے حادثے کے ذمہ داروں کا تعین ہونا چاہیے۔