کراچی: وزیر سائنس و ٹیکنالوجی فواد چوہدری نے سوال کیا ہے کہ کیا یہ پہلی کا چاند ہے۔
اے آر وائی نیوز کی رپورٹ کے مطابق وفاقی وزیر سائنس اینڈ ٹیکنالوجی فواد چوہدری نے سماجی رابطے کی ویب سائٹ ٹویٹر پر سوال کیا کہ کیا یہ پہلی کا چاند ہے؟
فواد چوہدری نے مزید لکھا کہ ’کیا سورج کے غروب ہونے کے بعد اتنی دیر چاند آسمان پر رہتا ہے؟ عوام خود فیصلہ کرلیں کس نے درست بات کی تھی۔
واضح رہے کہ گزشتہ روز فواد چوہدری کا کہنا تھا کہ ذوالحج کے چاند کی پیدائش ہو چکی ہے مگر رویت ہلال والے کہہ رہے ہیں کہ چاند نظر نہیں آیا جب بادل ہیں تو چاند کہاں سے نظر آئےگا؟
ان کہنا تھا کہ سائنسی لحاظ سے چاند نظر آچکا ہے رویت ایپ پر دیکھیں چاند نظر آجائےگا، سائنسی دور میں ٹیکنالوجی سے چاند کیوں نہیں دیکھا جا سکتا؟
کیا یہ پہلی کا چاند ہے؟ کیا سورج کے غروب ہونے کے بعد اتنی دیر چاند سر آسماں رہتا ہے؟ عوام خود فیصلہ کر لیں۔۔۔ pic.twitter.com/ArmADAdVoi
— Ch Fawad Hussain (@fawadchaudhry) July 22, 2020
انہوں نے بتایا کہ عید سے پہلےکمیٹی بن جائےگی اور رویت کے معاملات حل کر لیےجائیں گے۔
چیئرمین رویت ہلال کمیٹی مفتی منیب الرحمان نے چاند کی رویت کا اعلان کرتے ہوئے کہا تھا کہ ملک میں ذی الحج کا چاند نظر نہیں آیا اور عید الاضحیٰ بروز ہفتہ یکم اگست کو منائی جائے گی۔
یاد رہے کہ اس سے قبل وزیر سائنس اینڈ ٹیکنالوجی فواد چوہدری کا کہنا تھا کہ ذی الحج کے چاند کی پیدائش کل رات ہوچکی ہے، عید الاضحیٰ 31 جولائی کو منائی جائے گی۔
