ARYNews.tv | Urdu – Har Lamha Bakhabar

Tag: فواد چوہدری کا بیان

  • فواد چوہدری نے بیان دیا نواز شریف 100فیصدجیل جائیں گے، عدالت سوموٹولے، مریم اورنگزیب

    فواد چوہدری نے بیان دیا نواز شریف 100فیصدجیل جائیں گے، عدالت سوموٹولے، مریم اورنگزیب

    اسلام آباد : مسلم لیگ ن کی رہنما مریم اورنگزیب نے کہا فواد چوہدری نے بیان دیا نواز شریف 100فیصدجیل جائیں گے، عدالت سوموٹولے، ادارے ایسے بیانات پرایکشن نہیں لیں گے تو سوال اٹھیں گے۔

    تفصیلات کے مطابق مسلم لیگ ن کی رہنما مریم اورنگزیب نے میڈیا سے گفتگو کرتے ہوئے کہا مسلم لیگ ن کے لوگوں پر خود ساختہ الزامات لگائے جارہے ہیں، فوادچوہدری نے بیان دیا نواز شریف 100فیصدجیل جائیں گے، اس بیان کا اداروں کو نوٹس لینا چاہیے۔

    مریم اورنگزیب کا کہنا تھا کہ ٹی وی پروگرام میں نیب ریفرنس پر گفتگو کرنے پر فواد چوہدری کیخلاف عدالت از خود نوٹس لے، فوادچوہدری، فیاض چوہان اورپرویزالہیٰ خود ساختہ نیب ترجمان ہیں۔

    ترجمان ن لیگ نے کہا نوازشریف کیس کافیصلہ آنے والا ہے، ایک عدالت نیب کی ہے دوسری فواد چوہدری نے لگائی ہوئی ہے، ادارےایسے بیانات پرایکشن نہیں لیں گے تو سوال اٹھیں گے۔

    عمران خان کی ساری کابینہ ذہنی طورپرڈی چوک پربیٹھی ہے ، حکومت یوٹیلٹی اسٹورزملازمین کے مسائل حل کرے۔

    گذشتہ روز مسلم لیگ ن کی رہنما مریم اورنگزیب نے احاطہ عدالت میں میڈیا سے گفتگو کرتے ہوئے کہا تھا کہ عمران خان کو قوم سے معافی مانگنی چاہیے، انھوں نے کہا تھا آئی ایم ایف کے پاس نہیں جائیں گے۔

    مزید پڑھیں : این آر او کا کہا کس نے اور کون مانگ رہا ہے؟ مریم اورنگزیب

    وزیراعظم کی تقریر کے حوالے سے ن لیگی رہنما کا کہنا تھا این آر او کا کہا کس نے اور کون مانگ رہا ہے؟نواز شریف اور شہباز شریف عدالتوں کا سامنا کر رہے ہیں۔

    ان کا کہنا تھا کہ ملک کی معاشی حالت کی ذمے دار موجودہ حکومت ہے، حکومت کے خزانہ خالی ہونے کا بولنے سے سرمایہ کار نہیں آتا، معاشی بد حالی کے ذمے دار وزیراعظم خود ہیں۔

  • خورشیدشاہ اور شہباز شریف کا فواد چوہدری سے معافی مانگنے کا مطالبہ

    خورشیدشاہ اور شہباز شریف کا فواد چوہدری سے معافی مانگنے کا مطالبہ

    اسلام آباد : پیپلزپارٹی کے رہنما اور سابق اپوزیشن لیڈر خورشید شاہ اور مسلم لیگ ن کے صدر شہباز شریف نے فواد چوہدری سے بیان پر معافی مانگنے کا مطالبہ کردیا ہے، شہبازشریف کا کہنا ہے کہ  خورشیدشاہ سے جیسے بات کی ایسے نہیں کرنی چاہیے۔

    تفصیلات کے مطابق پیپلزپارٹی کے رہنما اور سابق اپوزیشن لیڈر خورشید شاہ نے فواد چوہدری سے کھڑے ہو کر پارلیمنٹ سے معافی مانگنے کا مطالبہ کرتے ہوئے کہا عوام کا مینڈیٹ لے کر پارلیمنٹ میں آئے ہیں، سنجیدہ وزیر ہوں گے تو اس قسم کی گفتگو نہیں کریں گے۔

    خورشید شاہ کا کہنا تھا کہ جو لفظ استعمال کیا گیا وہ گھٹیا ہے، اس قسم کی گفتگونہیں کرنی چاہیے،جب تک فواد چوہدری پارلیمنٹ سےمعافی نہیں مانگیں ہم یہاں نہیں بیٹھیں گے۔

    مسلم لیگ ن کے صدر شہباز شریف نے بھی فوادچوہدری سے معافی مانگنے کا مطالبہ کردیا، شہبازشریف کا کہنا تھا خورشیدشاہ سے جیسے بات کی ایسےنہیں کرنی چاہیے، فوادچوہدری جوبھی بات کرنا چاہیں کریں لیکن پارلیمانی آداب کاخیال رکھیں اور معاملہ آگے بڑھنے دیں۔

    مزید پڑھیں : اگر وزیراعظم میری بات مانیں تو ملک لوٹنے والوں کو الٹا لٹکانا چاہے، فواد چوہدری

    یاد رہے وزیراطلاعات فواد چوہدری نے قومی اسمبلی میں دھواں دھار خطاب کرتے ہوئے کہا کہ اسٹیل مل، پی آئی اے سمیت دیگراداروں کو تباہ کیا گیا، ڈاکوؤں کو ڈاکو نہ کہیں تو کیا کہیں ملک لوٹنا پارلیمانی ہے اور ڈاکو کہنا غیرپارلیمانی ڈاکو کو تو ڈاکو ہی کہا جائے گا ،

    فواد چوہدری کا کہنا تھا کہ یہ لوگ ڈاکوہیں ،قومی خزانے کو ایسے لٹائے جیسے مجرے میں لٹائے جاتے ہیں، اگر وزیراعظم میری بات مانیں تو ملک لوٹنے والوں کو الٹا لٹکانا چاہے۔