Tag: فواد چوہدری

لاہور: پاکستان تحریک انصاف کے رہنما فواد چوہدری نے کہا ہے کہ الیکشن کمیشن پاکستان کیساتھ کھلواڑ میں حصہ دار ہیں۔ 

تفصیلات کے مطابق لاہور میں میڈیا سے گفتگو کرتے ہوئے پی ٹی آئی کے رہنما فواد چوہدری نے کہا کہ زمان پارک پر تحقیقات کےلیے بنائی گئی تحقیقاتی ٹیم کیخلاف درخواست دائر کی، آئی جی اور سی سی پی او کیسے معاملے کی تفتیش کرسکتے ہیں، یہ جے آئی ٹی غیر قانونی ہے، اصل میں جوڈیشل کمیشن بنانا چاہیے۔

فواد چوہدری کا کہنا تھا کہ جو قاتل ہیں وہی تفتیش کرنے پر لگے ہیں، سیاسی ورکرز پر دہشتگردی کی دفعات لگائی جارہی ہیں، پاکستان میں جو سیاسی کارکنوں کے ساتھ ہوا تاریخ میں مثال نہیں ملتی، ارشد شریف جیسے نامور صحافی قتل کردیا گیا، 3500 سے زائد کارکنوں کو گرفتار اور ہراساں کیاگیا۔علی امین گنڈاپور کو دیکھ لیں ایک سےدوسری عدالت لیکر جاتے ہیں۔

ان کا کہنا تھا کہ وزارت دفاع نے جو مطالبہ کیا آئین کی بنیادیں ہلانے کے مترادف ہے، وزارت دفاع نے کہا ہے پاکستان فیڈریشن اسٹیٹس ختم کریں یونٹی فارم بنادیں، یہ مطالبہ کررہے ہیں فیڈریشن ختم کردیں اورون یونٹ بحال کردیں، جو مطالبہ کیا جارہا ہے یہ چھوٹے صوبوں کو ناقابل قبول ہوگا، آپ نے یہ درخواست دے کر آئین کی بنیادیں ہلادی ہیں، آئین کیساتھ جو کھلواڑ ہورہا ہے یہ بہت ہی خطرناک ہے۔

پی ٹی آئی رہنما نے کہا کہ الیکشن کمیشن کہتے ہیں الیکشن نہیں کراسکتے تو الیکشن کمیشن کا کیا کام ہے، آپ نئی گاڑیاں خرید رہے ہیں مگر اتنے خوفزدہ ہیں باہر نکل نہیں سکتے، آپ پاکستان کیساتھ کھلواڑ میں حصہ دار ہیں، کوئی الیکشن کمیشن یہ نہیں کہہ سکتا کہ ہم الیکشن نہیں کراسکتے۔

انہوں نے مزید کہا کہ وزارت داخلہ کہتی ہے سیکیورٹی نہیں دے سکتے، وزارت دفاع کہتی ہے دہشتگردوں کا خطرہ ہے، وزارت خزانہ کہتی ہے پیسے نہیں دے سکتے، اگر ایسا پہ چلتا رہا تو لوگ گھر سے باہر نکلیں گے اور حالات سری لنکا اور ترکی جیسے ہوجائیں گے۔

لاہور: پی ٹی آئی رہنما فوادچوہدری نے کہا ہے کہا اعظم نذیر تارڑ پھانسیاں بچانے والے وکیل ہے آئین کا انہیں کچھ پتا نہیں اس لیے ان کے کہنے پر شہباز شریف چلے تو کھڈے میں گریں گے۔ 

لاہور میں میڈیا سےگفتگو کرتے ہوئے پی ٹی آئی رہنما فواد احمد چوہدری کا کہنا تھا کہ پارلیمانی کمیٹیاں ڈمی پارلیمنٹ کو ڈھال کی طرح استعمال کررہی ہے، پارلیمنٹ کو اختیار نہیں ہوگا کہ الیکشن اختیارات کوروک سکے، اس مین پارلیمنٹ کی ووٹنگ ضروری ہے یہ کہنا کہ غیر آئینی ہے۔ 

پی ٹی آئی رہنما کا کہنا تھا کہ آج رقم جاری نہ ہوئی تو سپریم کورٹ کی توہین ہوگی، جس کے بعد سب سے پہلے قائم مقام گورنر اسٹیٹ بینک کو 6 ماہ کیلئے گھرجانا پڑےگا۔ 

فواد چوہدری کا کہنا تھا کہ جو کھیل کھیلا جارہا ہے وہ لندن پلان کا حصہ ہے، لندن پلان میں شہبازشریف کو نا اہل کرانا مریم نواز اور نوازشریف کا پلان ہے، شہباز شریف کو بکرا بنا کر سپریم کورٹ میں پیش کیا جانا ہے۔ 

سابق وفاقی وزیر کا کہنا تھا کہ شہبازشریف عقل سے کام کریں اور سیاست بچائیں، پہلے حمزہ شہباز شریف کو فارغ کیا گیا، اب شہباز شریف کی قربانی دینے جارہے ہیں۔  

فواد چوہدری نے کہا کہ اعظم نذیر تارڑ پھانسیاں بچانے والے وکیل ہے آئین کا انہیں کچھ پتا نہیں اس لیے ان کے کہنے پر شہباز شریف چلے تو کھڈے میں گریں گے، شہباز شریف اعظم تارڑ کے بجائے کسی عقل مند آدمی سے مشورہ کرے۔  

فوادچوہدری نے کہا کہ ایک کے بعد دوسری قرارداد لانے سے کوئی فائدہ نہیں ہوگا، 14 مئی کو پنجاب میں الیکشن کرانے ہونگے اگر الیکشن نہیں ہوئے تو سڑکوں پر دمادم مست قلندر ہوگا۔ 

تحریک انصاف کے رہنما فواد چوہدری نے  کہا ہے کہ پوری دنیا میں بہترین لوگ سپریم کورٹ میں لگائے جاتے ہیں اس وقت پاکستان کے بہترین جج سپریم کورٹ میں ہیں۔

سماجی رابطے کی ویب سائٹ ٹوئٹر پر اپنے پیغام میں پی ٹی آئی رہنما فواد چوہدری نے کہا کہ پوری دنیا میں ججز کی تعیناتیاں میرٹ پر ہوتی ہیں، لیکن پاکستان میں نئی منطق ہے کہ کوئی قابل ہے یا نہیں سینئر ہے تو لگا دو۔

پوری دنیا میں ججوں کی تعیناتیاں میرٹ پر ہوتی ہیں یہاں نئ منطق ہے کہ کوئ قابل ہے یا نہیں سینئر ہے تو لگا دو، میرٹ کے خلاف تعیناتیاں تباہ کن ہیں پوری دنیا میں بہترین لوگ سپریم کورٹ میں لگائے جاتے ہیں، اس وقت پاکستان کے بہترین جج سپریم کورٹ میں ہیں https://t.co/OFxUmp48xJ

— Ch Fawad Hussain (@fawadchaudhry) April 13, 2023

فوادچوہدری نے ٹوئٹ میں لکھا کہ میرٹ کے خلاف تعیناتیاں تباہ کن ہیں، پوری دنیا میں بہترین لوگ سپریم کورٹ میں لگائے جاتے ہیں اور اس وقت پاکستان کے بہترین جج سپریم کورٹ میں ہیں۔

اسلام آباد : تحریک انصاف کے مرکزی رہنما فواد چوہدری نے کہا ہے کہ حکومت اور ان احمقوں نے ملکر اٹارنی جنرل کو پھنسا دیا ہے۔

اسلام آباد میں میڈیا سے گفتگو کرتے ہوئے فوادچوہدری نے کہا کہ حکومت بائیکاٹ سے پیچھے ہٹ گئی ہے، حکومت نے میڈیا پر جو 2 دنوں سے پوزیشن لی تھی اس سے پیچھے ہٹ گئے۔

فوادچوہدری نے کہا کہ جج صاحب نے کہاکلیئر کریں کہ مقدمہ منسوخ کیا جائے یا فل کورٹ بنائیں، حکومت اور ان احمقوں نے ملکر اٹارنی جنرل کو پھنسا دیا ہے، عدالت نے اٹارنی جنرل سے کہاکبھی کہتے ہیں مقدمہ سنیں کبھی کہتے ہیں نہیں سنیں جس پر جسٹس منیب اختر نے کہا کہ آپ ایک ذہن بنا کر آئیں۔

انہوں نے کہا کہ سیکرٹری فنانس اور دفاع نے رپورٹ پیش کی کہ ملک ڈوب چکا ہے، انہوں نےکہا الیکشن کیلئے دینےکو 20 ارب روپے بھی نہیں ہیں، عدالت نےکہاکہ آئین میں نامزدگیوں پر حکومت نہیں چلتی آپ کوکچھ کرنےکیلئے نیت دکھانا ہوگی۔

پی ٹی آئی رہنما نے کہا کہ کیا کوئی حکومت عوامی سطح پر قبول کر سکتی ہے کہ ہم فیل ہوگئے؟ ان کے پاس کوئی دلیل نہیں صرف نامزدگیوں پر حکومت چلانا چاہتے ہیں، آج اسلام آباد کو غزہ بنا دیاگیا، میڈیا اور وکلا کو اندر آنے سے روکا گیا۔

فواد چوہدری نے میڈیا سے گفتگو کرتے ہوئے مزید کہا کہ وکلا نے آئین اور سپریم کورٹ سے یکجہتی کا اظہار کیا یہ روشن پاکستان کی نوید ہے، بائیکاٹ اور حکومت کا نہ ماننا یہ سوچ آئین میں نہیں ہے اگرحکومت نہیں مانتی تو 2  وزیر اعظم پہلے گھر گئے تیسرا بھی چلا جائے گا۔

لاہور : پی ٹی آئی رہنما فواد چوہدری کا کہنا ہے کہ اسمبلیاں ٹوٹنےکےبعد نوے دن میں الیکشن ہونےہوتے ہیں، اگر آئین توڑا گیا تو پاکستان سڑکوں پر ہوگا۔

تفصیلات کے مطابق تحریک انصاف کے رہنما فواد چوہدری نے عدالت میں پیشی کے موقع پر میڈیا سے گفتگو کرتے ہوئے کہا کہ آج ایک اورمقدمہ میں ضمانت کیلئےپیش ہواہوں، زمان پارک کےباہرپریس کانفرنس کرنےپرکیس بنایاگیا، اس مقدمےمیں آج عدالت سے ضمانت ملی ہے۔

فواد چوہدری کا کہنا تھا کہ پاکستان میں پرچے کاٹنے کا ماحول بنا دیا گیا ہے، خان صاحب پر 40 پرچے تو صرف دہشت گردی کے ہیں، مجھ پرتقریباً7کیسزہیں کسی کا کوئی سرپیرنہیں۔

پی ٹی آئی رہنما نے کہا کہ اظہرمشوانی اور شاہد حسین دونوں کو اغوا کیا گیا جبکہ ریمنڈڈیوس 2 بندے مار کر چلا گیا ایک دن کی سزا بھی نہیں ہوسکی۔

سپریم کورٹ کے فیصلے پر ان کا کہنا تھا کہ پہلےمریم اورنگزیب نے کہا ہم بینچ کا فیصلہ نہیں مانیں گے، اسمبلیاں ٹوٹنے کے بعد 90دن میں الیکشن ہونے ہوتے ہیں، اگرآئین توڑا گیا تو پورا پاکستان سڑکوں پر ہوگا۔

فواد چوہدری نے کہا مسنگ پرسن کا معاملہ اہم ہے ،مطالبہ کرتے ہیں انہیں فوری رہا کیا جائے۔

اسلام آباد: پاکستان تحریک انصاف کے رہنما فواد چوہدری نے کہا ہے کہ خوانخواستہ ملک میں امن وامان کا مسئلہ ہوا، لسانی فسادات ہوگئے تو پھر کوئی قابو نہیں پاسکے گا۔

پی ٹی آئی رہنما فواد چوہدری نے سپریم کورٹ کے باہر میڈیا سے گفتگو کرتے ہوئے کہا کہ سپریم کورٹ میں 1997 کا ڈرامہ رچایا جارہا ہے، تارڑ فیملی پہلے بھی فور فرنٹ پر تھی اور آج بھی ہے، چیف جسٹس کو اس وقت بھی کمزور کیا گیا تھا آج بھی کیا جارہا ہے۔

پنجاب اورخیبرپختونخوا میں الیکشن التوا کیس کی سماعت کرنے والا سپریم کورٹ کا بینچ پھر ٹوٹ گیا

’اب دیکھنا یہ ہے چیف جسٹس اور جج صاحبان  1997کے واقعات دیکھے، پڑھے ہیں، تاریخ یہ طے کرے گی کہ کون آئین پرعمل درآمد کرتا ہے‘۔

انہوں نے کہا کہ اصل مسئلہ خیبر پختونوا اور پنجاب کے انتخابات ہیں، کے پی، پنجاب میں انتخابات نہیں ہوتےتو 10 سال تک انتخابات نہیں ہونگے۔

فواد چوہدری کا کہنا تھا کہ پاکستان کے حالات انتہائی خراب ہیں،ملک میں آئینی ، سیاسی،معاشی انتشار ہے، خوانخواستہ امن وامان کامسئلہ ہوا، لسانی فسادات ہوگئے تو پھر کوئی قابو نہیں پاسکے گا بس دیکھنا یہ ہے کہ موجودہ صورتحال میں جج صاحبان کیا فیصلہ کرتے ہیں۔

پاکستان تحریک انصاف کے رہنما فواد چوہدری نے کہا ہے کہ اتنےحالات خراب ہیں توپولیس بتائے اب تک کتنے دہشت گرد اٹھائے ہیں۔

پی ٹی آئی رہنما فواد چوہدری نے میڈیا سے گفتگو کرتے ہوئے کہا کہ حکومت کا کہنا ہے پاکستان کولیپس کر چکا اس لئے الیکشن نہیں کرا سکتے، چیف جسٹس نےکہا 8 اکتوبر کی تاریخ کس نے دی الیکشن کمیشن کے پاس جواب نہیں تھا، ان کی باتوں سے لگتا ہے کہ یہ الیکشن نہیں کراپائیں گے۔

انہوں نے کہا کہ یہ کہتے ہیں الیکشن کے لیے پولیس نہیں تو آپ مجھے بتائیں پشاور دھماکے کی کیا اپڈیٹ ہے اب تک کسی کو پکڑا ہے، اتنے حالات خراب ہیں توپولیس بتائے اب تک کتنے دہشت گرد اٹھائے ہیں۔

فواد چوہدری کا کہنا تھا کہ کل پاکستان کے ایٹمی پروگرام پر کانگریس ہائیرنگ ہونی ہے، جس ملک کے 10 ملین ڈالر نہیں الیکشن کرانے کیلئےکیا اسے ایٹمی پروگرام رکھنا چاہئے۔

انہوں نے کہا کہ حکومت بہت ہی خطرناک بیان دے رہی ہے، حکومت کی جانب سے ایسے بیان کی جتنی مذمت کی جائےکم ہے، سپریم کورٹ میں تقسیم ڈالنے کی کوششوں کی شدید مذمت کرتے ہیں، اگر وکلا تحریک کا آغاز ہوتا ہے تو ہم اسکے پیچھے کھڑے ہونگے، ساری قوم سپریم کورٹ کے پیچھےکھڑی ہے۔

فوادچوہدری کا کہنا تھا کہ تین دو اور چار تین والا مسئلہ حل ہوگیا، فیصلہ تین دو کا تھا اس پر عمل درآمد کر دیا ہے، اب بینچ دوسرے حصےکی طرف جا رہا ہے، بینچ نے الیکشن کمیشن سے پوچھا الیکشن کیوں نہیں کرارہے تو الیکشن کمیشن نے جواب دیا پاکستان کولیپس کرگیا ہمارے پاس پیسے نہیں ہیں۔

فواد چوہدری کا مزید کہنا تھا کہ عدالت سے درخواست کرتاہوں حکومتی مؤقف لائیو دکھائیں، حکومت کہہ رہی ہے کہ اتنی زیادہ دہشت گردی ہے کہ کنٹرول نہیں کرسکتے، پیسوں کا بحران ہے پیسے نہیں دے سکتے۔