Tag: فواد چوہدری

لاہور : تحریک انصاف کے رہنما فواد چوہدری کا کہنا ہے کہ جعلی شہادتیں بنانا اور پروگرام کرنے پر آج سے ہی کارروائی کا آغاز ہوگا۔

تفصیلات کے مطابق تحریک انصاف کے رہنما فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا کہ جیوگروپ نے توشہ خانہ کیس سے متعلق اپنے پروگرام ، خبریں لندن میں خود ہی سنسر کر رکھی ہیں، ان کا خیال ہے اس طرح صرف پاکستانی عدالتوں سے ڈیل کرنا ہوگا، چلیں شروع پاکستان سے کرتے ہیں۔

فواد چوہدری نے لکھا جعلی شہادتیں بنانا اور پروگرام کرنے پر آج سے ہی کارروائی کا آغاز ہوگا، خانزادہ تو ٹیلی پرامپٹر پر جو لکھا ہوا دیا جاتا ہے پڑھ دیتا ہے اصل ایجنڈا میر ابراہیم کا ہے۔

جیو گروپ نے گوشہ خانہ کیس سے متعلق اپنے پروگرام اور خبریں لندن میں خود ہی سنسر کر رکھی ہیں ان کا خیال ہے کہ اس طرح صرف پاکستانی عدالتوں سے ڈیل کرنا ہو گا چلیں شروع پاکستان سے کرتے ہیں جعلی شہادتیں بنانا اور پروگرام کرنے پر آج سے ہی کاروائ کا آغاز ہو گا

— Ch Fawad Hussain (@fawadchaudhry) November 17, 2022

گذشتہ روز تحریک انصاف نے عمرظہور اور جنگ جیو گروپ کے خلاف قانونی کارروائی کا اعلان کیا تھا۔

فواد چوہدری نے کہا تھا کہ رات شاہزیب خانزادہ کے پروگرام میں جھوٹ بولا گیا، عمر ظہورنامی شخص کو گھڑی نہیں بیچی گئی، عمر ناروے کا شہری ہے اس کے بھائی جیلوں میں ہیں، عمر کیخلاف دبئی، جنگ گروپ کیخلاف لندن میں قانونی کارروائی کریں گے۔

زلفی بخاری کا کہنا تھا کہ گھڑی کی ویلیوایشن پر پندرہ نومبر کی تاریخ درج ہے، ایک اور اہم بات بتادوں عمر ظہور کا نام گزشتہ ماہ انٹرپول کی لسٹ سے نکالا گیا ہے۔

اسلام آباد : تحریک انصاف کے رہنما فواد چوہدری کا کہنا ہے کہ شہباز شریف چین کا دورہ مکمل ناکام ہوگیا، دوست ممالک اعتماد نہیں کررہے۔

تفصیلات کے مطابق تحریک انصاف کے رہنما فواد چوہدری نے بیان میں کہا کہ خان نے کہا ہے کہ ہماری تحریک 10 ماہ بھی چلانی پڑی تو چلائیں گے لیکن پاکستان طویل سیاسی عدم استحکام کا متحمل نہیں ہوسکتا۔

فوادچوہدری کا کہنا تھا کہ معاشی طور پر پاکستان تباہ ہوتا جا رہاہے، مہنگائی عروج پرپہنچ گئی ہے، تاریخی مہنگائی سے عوام بہت پریشان ہیں، بجلی کے بل تک ادا نہیں کر پا رہے۔

شہباز شریف کے دوروں کے حوالے سے پی ٹی آئی رہنما نے کہا کہ شہباز شریف چین کا دورہ مکمل ناکام ہوگیا، دوست ممالک اعتماد نہیں کررہے، سعودی عرب کا دورہ بھی ناکام رہا اس حکومت پراعتماد نہیں کیاجارہا۔

ان کا کہنا تھا کہ یہ کون سی سرمایہ کاری کی بات کر رہےہیں، پاکستان کواس وقت فوری طورپر5بلین ڈالرکی فوری ضرورت ہے، کہاں سےسرمایہ کاری آرہی ہےجبکہ فیکٹریاں بندہوتی جارہی ہیں۔

فواد چوہدری نے سوال کیا کیا قوم اسی لیے ہے کہ بلاول آئے گا اس کےبعدان کا بیٹا حکمرانی کرے گا، کیا ایک کا بیٹا اور دوسرےکی بیٹی ہی ملک کے حکمران رہیں گے۔

رہنما تحریک انصاف نے خبردار کیا کہ پیٹرولیم مصنوعات پریہ 600ارب کا سیلزٹیکس لگانے جا رہے ہیں۔

انھوں نے مزید کہا کہ عام انتخابات کےعلاوہ کوئی شارٹ ٹرم راستہ نہیں ہے، آصف زرداری اور نوازشریف کیوں الیکشن کرائیں گے، ن لیگ اور پیپلزپارٹی تو ہار کے خوف سے الیکشن نہیں کرانا چاہتی۔

ارشد شریف سے متعلق سابق وزیر کا کہنا تھا کہ صحافی ارشد شریف کو سچ بولنے پر قتل کرا دیا گیا ، موجودہ دورمیں کون سےعوام کوانسانی حقوق میسرہیں۔

فواد چوہدری نے کہا کہ سیاسی جماعتیں کبھی بات چیت کے دروازے بند نہیں کرتیں، بات چیت ہوتی رہتی ہے، دوستیوں میں بھی گفتگو ہوتی ہے، ہمارا تو ایک ہی مطالبہ ہے کہ فوری ملک میں عام انتخابات کرائے جائیں۔

پی ٹی آئی رہنما نے ن لیگ پر تنقید کرتے ہوئے کہا کہ نوازشریف پہلے بھاگے تھے اب مریم نوازبھی بھاگ چکی ہیں، باپ بیٹی باہربیٹھے ہیں یہ صرف اقتدار کیلئے پاکستان آتے ہیں۔

ان کا مزید کہنا تھا کہ حقیقی آزادی مارچ میں دیکھ لیں لوگ عمران خان کیساتھ کھڑے ہیں، بند کمروں میں کیے جانے فیصلےعوام پر زیادہ اثر انداز نہیں ہوتے۔

فواد چوہدری نے کہا کہ بند کمروں کے فیصلوں چند لوگوں کو فائدہ ہوتا ہوگا قوم کو نہیں، آج لوگ بند کمروں کے فیصلے کی وجہ سے اداروں پر اعتماد نہیں کررہے۔

اسلام آباد : تحریک انصاف کے رہنما فواد چوہدری کا کہنا ہے کہ آزادی مارچ کے مناظر دیکھ کر مریم کے پاپا کے پلیٹ لیٹس تیزی سےگر رہے ہیں۔

تفصیلات کے مطابق تحریک انصاف کے رہنما فواد چوہدری نے مریم نوازکی لندن میں پریس کانفرنس پر درعمل دیتے ہوئے کہا سیاسی طورپرغیرمتعلق خاتون کی براہ راست پریس کانفرنس شرمناک ہے۔

فواد چوہدری کا کہنا تھا کہ امپورٹڈ سرکار کے سائے میں میڈیا پر بدترین سنسر شپ عائد ہے، بے سروپا گفتگو کی براہِ راست نشریات نہایت شرمناک ہے۔

پی ٹی آئی رہنما نے کہا کہ عوام کے مسترد شدہ گروہ کو کھل کر پروپیگنڈہ کی اجازت ہے، ہر طرح کے وسائل کے استعمال کے باوجود انہیں بیانیے کا خریدار نہیں مل رہا۔

ان کا کہنا تھا کہ پے درپے ہونیوالی پریس کانفرنسز،حقیقی آزادی مارچ کی کامیابی کاپیش خیمہ ہیں، آزادی مارچ ناکام ہے تو مجرموں کے حکمران گروہ کی کانپیں کیوں ٹانگ رہی ہیں۔

فواد چوہدری نے مزید کہا کہ آزادی مارچ کےمناظر دیکھ کرمریم کےپاپا کے پلیٹ لیٹس تیزی سےگر رہے ہیں، اب تو چچا کی حکومت ہے،مریم نواز ہمت کریں، پاپا کو لیکر وطن واپس پہنچیں۔

سابق وزیر کا کہنا تھا کہ مریم کے والد کا’’مجھےکیوں نکالا‘‘مارچ گھنٹوں میں ہوا میں تحلیل ہوا، پوری قوم عمران خان کے بیانیےکی پشت پر کھڑی ہے ، ملک کے طول وعرض سےقافلے حقیقی آزادی مارچ کاحصہ بننے کیلئے نکل رہے ہیں۔