Tag: فواد چوہدری

جہلم: چیئرمین تحریک انصاف عمران خان 27 اگست کو ضمیر جعفری اسٹیڈیم میں جلسے سے خطاب کریں گے۔

تفصیلات کے مطابق تحریک انصاف کے رہنما فواد چوہدری کی جانب سے بیان میں کہا گیا کہ عمران خان 27 اگست کو ضمیر جعفری اسٹیڈیم میں جلسےسے خطاب کریں گے ، جلسہ ثابت کرے گا پی ٹی آئی کو بہت بڑی سپورٹ ملی ہے۔

فوادچوہدری کا کہنا تھا کہسابقہ جلسوں کی طرح ضلع بھرسےعوام والہانہ شرکت کریں گے ، عمران خان کی جدوجہدعلاقائی نہیں بلکہ پورے ملک کیلئے ہے ، ہمیں فخر ہے عمران خان ہمارے محسن ہیں۔

رہنما پی ٹی آئی نے کہا کہ عمران خان کے تمام جلسے دن میں ہو رہے ہیں تاکہ شرکاکی تعداد دیکھی جا سکے،عمران خان کےاسٹیڈیم میں منعقدہ جلسےمیں نیا ریکارڈ بنائیں گے۔

ان کا مزید کہنا تھا کہ موجودہ حالات کےتناظر میں 2ماہ تک انتخابات متوقع ہیں ،ن لیگی حکومت نے اقتدارسنبھالتے ہی جاری منصوبے روک دیے۔

فوادچوہدری نے کہا کہ موجودہ نظام نہیں چل سکتا دھکالگاکر چلایا جا رہا ہے ،حکومتی مشینری ناکارہ ہو چکی کسی بھی وقت انجن فیل ہو سکتا ہے ، ایک طرف پہاڑدوسری طرف کھائی حکومتی گاڑی کسی بھی وقت الٹ سکتی ہے۔

اسلام آباد : تحریک انصاف کے رہنما فواد چوہدری نے دعویٰ کیا ہے کہ 10ستمبر سے پہلے حکومت کا تختہ الٹ جائے گا۔

تفصیلات کے مطابق تحریک انصاف کے رہنما فواد چوہدری نے پریس کانفرنس کرتے ہوئے کہا کہ پاکستان میں اس وقت اقلیتی حکومت ہے، کل عمران خان کا پہلا جلسہ تھا جس کے بعد ان کی کانپیں ٹانگ گئی ہیں۔

فواد چوہدری کا کہنا تھا کہ کل کے عمران خان کے جلسے پر بھی پابندی لگائی گئی اور جلسے کے بعد جعلی ایف آئی آر درج کی گئی۔

رہنما پی ٹی آئی نے کہا کہ چند میڈیا گروپس کی مونوپولی قائم کرنے کیلئے یہ سب کیا جارہا ہے۔

ان کا مزید کہنا تھا کہ پابندیاں عمران خان کو عوام سے دوررکھنے کی کوشش ہے، عمران خان کے خلاف ایف آئی آربنتی ہی نہیں، اسے ختم ہوناچاہیے، خارج کرنے کی درخواست دیں گے۔

فواد چوہدری نے کہا کہ کل سب نے دیکھا لوگ بغیر کال کے بنی گالہ اور دیگر شہروں میں لوگ باہر نکل آئے۔

رہنما تحریک انصاف نے دعویٰ کیا کہ دس ستمبر سے پہلے ان کاتختہ الٹ جائے گا اور اور عوام کا اقتدارعوام کو واپس ملے گا۔

فواد چوہدری کا کہنا تھا کہ بدترین مارشل لا میں بھی کسی میڈیا گروپ کیساتھ ایسا نہیں کیاگیا جوآج ہورہا ہے، صحافیوں کو گرفتار کیا جا رہا ہے ،اے آروائی نیوز کو بند کیا گیا ہے۔

اسلام آباد : سابق وزیر اطلاعات اور پی ٹی آئی رہنما فواد چوہدری نے متعلقہ وزارتوں سے کہا کہ وہ واضح کریں کہ کیا پاکستان کی فضائی حدود افغانستان میں ڈرون حملے کے لیے استعمال کی گئی؟

تفصیلات کے مطابق پی ٹی آئی رہنما فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا کہ افغانستان کےڈرون حملےمیں پاکستان کی زمین استعمال ہونےکاسوال نہیں، سوال یہ ہے کہ پاکستان کی فضااستعمال کرنے کی اجازت دی گئی یا نہیں؟

فواد چوہدری کا کہنا تھا کہ بارباریہ بیان کہ پاکستان کی سرزمین استعمال نہیں ہوئی غیرواضح بات ہے، متعلقہ وزارتوں کو وضع بیان جاری کرنا ہو گا۔

افغانستان کے ڈرون حملے میں پاکستان کی زمین استعمال ہونے کا سوال نہیں ہے سوال یہ ہے کہ پاکستان کی فضاء استعمال کرنے کی اجازت دی گئ یا نہیں؟ بار بار یہ بیان کہ پاکستان کی سرزمین استعمال نہیں ہوئ غیر واضع بات ہے متعلقہ وزارتوں کو وضع بیان جاری کرنا ہو گا

— Ch Fawad Hussain (@fawadchaudhry) August 6, 2022

خیال رہے بدھ کو ایک رپورٹ میں سفارتی ذرائع کے حوالے سے کہا گیا تھا کہ القاعدہ کے ایمن الظواہری کی ہلاکت کے ڈرون حملے کے لیے امریکا کی جانب سے پاکستانی فضائی حدود کے استعمال کے کوئی ثبوت نہیں ملے۔

سفارتی ذرائع نے اے آر وائی نیوز کو بتایا کہ وہ پاکستانی حکومت کی حکمت عملی ظاہر نہیں کر سکے تاہم متعلقہ اتھارٹی الظواہری کے قتل کے مختلف پہلوؤں پر غور کر رہی ہے۔

یاد رہے صدر جو بائیڈن نے اعلان کیا تھا کہ امریکا نے القاعدہ کے سربراہ ایمن الظواہری کو ہلاک کر دیا ہے، جو دنیا کے سب سے زیادہ مطلوب دہشت گردوں میں سے ایک اور 11 ستمبر کے مشتبہ ماسٹر مائنڈ تھے۔

اسلام آباد : تحریک انصاف کے رہنما فواد چوہدری کا کہنا ہے کہ ریفرنس دائر کرنیوالوں سے کہتا ہوں عمران خان کا مقابلہ کرنا اتنا ہی مشکل ہے جتنا نوازشریف کو ایماندار ثابت کرنا۔

تفصیلات کے مطابق الیکشن کمیشن کے باہر پی ٹی آئی کے رہنما فوادچوہدری نے گفتگو کرتے ہوئے کہا کہ عمران خان کیخلاف ریفرنس دائر کرنیوالوں سے کہتاہوں ، آپ نے ساری زندگی نیب میں انکوائریاں بھگتی ہیں، عمران خان کامقابلہ کرنا اتنا ہی مشکل ہےجتنا نوازشریف کو ایماندارثابت کرنا۔

فوادچوہدری کا کہنا تھا کہ الیکشن کمیشن کو استعفی دینا چائیے جبکہ سینیٹر اعجاز چوہدری نے بھی راجہ سکندر سے استعفیٰ کا مطالبہ کردیا۔

اس موقع پر سابق وزیر شبلی فراز نے کہا کہ حکومت کو سازش کے ذریعے ہٹایا گیا، پنجاب ضمنی الیکشن کےبعدانکواحساس ہوگیاقوم عمران خان کیساتھ ہے، یہ سیاسی ہار مان چکے ہیں،عمران خان کو شکست نہیں دے سکتے۔

سینیٹر فیصل جاوید کا کہنا تھا کہ پی ٹی آئی پر کوئی غیر قانونی فنڈنگ ثابت نہیں ہوئی، ان کے اربوں روپے کے بیرون ملک اثاثے ہیں، عمران خان کا اثاثہ یہ قوم ہے۔

فیصل جاوید نے کہا کہ اس قوم کوالیکشن کمیشن فیصلے نےٹھیس پہنچائی، ہم نےالیکشن کمیشن کو 40 ہزار ڈونرز کا ڈیٹا دیا، اوورسیز پاکستانی ہی پاکستان چلارہے ہیں، الیکشن کمشنر استعفیٰ دیں پوری قوم کا یہی مطالبہ ہے۔