Tag: فواد چوہدری

اسلام آباد: وفاقی وزیر برائے سائنس اینڈ ٹیکنالوجی فواد چوہدری کا کہنا ہے کہ اتفاق رائے نہیں ہوگا تو ایسے جمہوریت نہیں چل سکتی، حکومت اور اپوزیشن کو اتفاق رائے سے چلنا ہوگا۔

تفصیلات کے وفاقی وزیر برائے سائنس اینڈ ٹیکنالوجی فواد چوہدری نے قومی اسمبلی میں اظہار خیال کرتے ہوئے کہا کہ اپوزیشن اور حکومت کو نئے سال کی مبارکباد دینا چاہتا ہوں۔

انہوں نے کہا کہ گزشتہ سال تلخیوں کے ساتھ غروب ہوچکا ہے، نیا سال نیا کتاب کی طرح ہے کہ نیا باب لکھیں، نئے سال کا آغاز پچھلے سال سے مختلف کریں۔

فواد چوہدری نے کہا کہ یوں لگ رہا ہے حکومت، اپوزیشن میں معاملات آگے نہیں بڑھ رہے، تمام ادارے معاملات میں قصوروار ہیں نہ بے گناہ ہیں۔ انہوں نے کہا کہ اتفاق رائے نہیں ہوگا تو ایسے جمہوریت نہیں چل سکتی، حکومت اور اپوزیشن کو اتفاق رائے سے چلنا ہوگا۔

وفاقی وزیر نے کہا کہ ہماری کوشش ہونی چاہیے کہ نوجوانوں کو کیسے بہتر مستقبل دیں، ہم نے معاملات درست نہیں کیے تو مسائل ہاتھ سے نکل جائیں گے، چیف الیکشن کمشنر سمیت دیگر امور پر اتفاق رائے ہوسکتا ہے۔

انہوں نے کہا کہ ہم ہر قسم کے احتساب کے لیے تیار ہیں، الیکشن کمیشن،احتساب اور دیگر اہم معاملات پر متفق ایجنڈے کا حامی ہوں، چاہتا ہوں حکومت اور اپوزیشن اہم ایشوز کے ایجنڈے پر اتفاق کریں۔

جہلم: وفاقی وزیر برائے سائنس اینڈ ٹیکنالوجی فواد چوہدری کا کہنا ہے کہ وزیراعظم عمران خان کی وجہ سے صدیوں سے پیاسی دھرتی کو پانی مل رہا ہے۔

تفصیلات کے مطابق جہلم میں وفاقی وزیر فواد چوہدری نے تقریب سے خطاب کرتے ہوئے کہا کہ جہلم کی تمام نشستوں سے تحریک انصاف کامیاب ہوئی، ضلع بھر سے ہزاروں لوگ آج اس تقریب میں شریک ہیں، وزیراعظم عمران خان کا علاقے کا یہ تیسرا دورہ ہے۔

وفاقی وزیر فواد چوہدری نے کہا کہ وزیراعظم عمران خان کی وجہ سے صدیوں سے پیاسی دھرتی کو پانی مل رہا ہے، اس منصوبے سے ایک لاکھ 72 ہزارایکڑ زمین سیراب ہوگی۔

انہوں نے کہا کہ تونسہ شریف اور ڈی جی خان بھی ہمارے ہی شہر ہیں، نہر سے عوام کو پینے کا صاف پانی بھی میسر ہوگا، ماضی کے حکمرانوں نے ان علاقوں کو نظرانداز کیا، شہبازشریف نے پنجاب کے ساتھ زیادتی کی۔

وفاقی وزیر نے کہا کہ جہلم کی صنعت 300 ارب روپے قومی خزانے میں ڈالتی ہے، جہلم بائیو ٹیکنالوجی پارک کا منصوبہ پاکستان کو سلیکون ویلی بنا دے گا۔ انہوں نے وزیراعلیٰ پنجاب سے گزارش کی کہ جہلم کو فیوچرسٹی کے تحت ترقی دی جائے۔

واضح رہے کہ منصوبہ سنہ 2024 تک مکمل ہوگا جس پر 48 ارب روپے کی لاگت آئے گی۔ 274 ملین ڈالر ایشین ڈیولپمنٹ بینک فراہم کرے گا۔

اسلام آباد: وفاقی وزیر برائے سائنس اینڈ ٹیکنالوجی کا کہنا ہے کہ پیسے واپسی کا عمل شروع ہو چکا ہے، مزید وصولیاں ہوں گی۔

تفصیلات کے مطابق وفاقی وزیر فواد چوہدری نے کہا کہ مودی کی انتہا پسندانہ ذہنیت سے بھارتی عوام مصیبت میں مبتلا ہیں، آر ایس ایس کی پالیسی سے بھارت کا وجود خطرے میں ہے۔

فواد چوہدری نے کہا کہ مریم نوازکو باہر جانےسے روک دیا، نواز شریف کو اجازت دینا زیادتی ہے، عام آدمی جیلیں کاٹتا ہے، امیر لوگ سہولتیں لے کر باہر چلے جاتے ہیں۔

وفاقی وزیر نے کہا کہ مریم نواز کو روکنے سے کچھ نہ کچھ مداوا ہوا ہے، ہم انہیں جیلوں میں نہیں رکھنا چاہتے یہ پلی بارگین کریں، لوٹی دولت واپس کر کے جہاں مرضی جائیں، پیسے واپسی کا عمل شروع ہو چکا ہے، مزید وصولیاں ہوں گی۔

نوازشریف کی ضمانت میں توسیع کے لیے پنجاب حکومت کو درخواست

واضح رہے کہ مسلم لیگ ن نے نواز شریف کی ضمانت میں توسیع کے لیے چیف سیکرٹری پنجاب کو درخواست جمع کروائی ہے جس میں موقف اپنا گیا ہے کہ نوازشریف کا بیرون ملک علاج جاری ہے، بیماری کے باعث وطن واپس نہیں آسکتے۔

مسلم لیگ ن کے قائد نوازشریف کی میڈیکل رپورٹس بھی درخواست کے ساتھ لگائی گئی ہیں۔

اسلام آباد: وفاقی وزیر برائے سائنس اینڈ ٹیکنالوجی فواد چوہدری کا کہنا ہے کہ وزیر اعظم عمران خان 26 دسمبر کو پنڈ دادن خان کا دورہ کریں گے۔

تفصیلات کے مطابق وفاقی وزیر فواد چوہدری کا کہنا ہے کہ وزیر اعظم عمران خان عوامی رابطہ مہم کا آغاز پنڈ دادن خان سے کریں گے، عمران خان جلالپورشریف تا خوشاب نہر کا سنگ بنیاد رکھیں گے۔

وفاقی وزیر برائے سائنس اینڈ ٹیکنالوجی نے کہا کہ وزیر اعظم جہلم کے لیے اہم میگا پراجیکٹس کا اعلان کریں گے۔ وزیراعظم بننے کے بعد عمران خان جہلم کا پہلا دورہ کریں گے۔ وزیر اعظم کے جلسے کی تیاریاں زور و شور سے جاری ہیں،ہیلی پیڈ بنا دیا گیا ہے۔

یاد رہے کہ گزشتہ ماہ وزیراعظم عمران خان نے دورہ لاہور کے دوران وزیراعلیٰ پنجاب اور گورنر پنجاب سمیت دیگر پارٹی رہنماؤں سے ملاقات کی تھی۔

وزیراعظم عمران خان اور وزیراعلیٰ پنجاب نے اعلیٰ سطحی اجلاس کی مشترکہ صدارت کی تھی آئی جی پنجاب اور چیف سیکرٹرئ اعظم سلیمان نے وزیراعظم سے خصوصی ملاقات کی تھی۔

اسلام آباد: وفاقی وزیر سائنس اینڈ ٹیکنالوجی فواد چوہدری نے کہا ہے کہ توقع ہے بھارتی عوام جنونیوں کے اقتدار سے نجات حاصل کر لیں گے۔

تفصیلات کے مطابق وفاقی وزیر فواد چوہدری نے اپنے تازہ ٹویٹ میں بھارتی عوام سے اس توقع کا اظہار کر دیا ہے کہ وہ مسلمانوں کے دشمن جنونیوں کے اقتدار کے خاتمے کے لیے کردار ادا کریں گے۔

Scores are dead in India in protests against new citizenship law,India is paying price of #ModiMadness fanaticism has gripped India, minorities are going through miserable times,Modi&Co are on a mission to end India as union, sincerely hope tht people ll get rid of fanatics rule

— Ch Fawad Hussain (@fawadchaudhry) December 21, 2019

انھوں نے لکھا کہ بھارت میں شہریت کے متنازع قانون کے خلاف احتجاج جاری ہے، اس دوران درجنوں اموات ہو چکی ہیں، بھارت وزیر اعظم نریندر مودی کے پاگل پن کی قیمت چُکا رہا ہے۔

تازہ ترین:  بھارت میں پرتشدد مظاہرے، اترپردیش میں 9 افراد ہلاک

فواد چوہدری کا کہنا تھا کہ بھارت کو جنونیت نے اپنی لپیٹ میں لیا ہوا ہے، اور اقلیتیں بھارت میں مشکل ترین دور سے گزر رہی ہیں، جب کہ مودی اینڈ کمپنی بھارت کا وجود ختم کرنے کے مشن پر ہے۔

واضح رہے کہ بھارتی صدر نے جب سے مسلم مخالف شہریت کے متنازع قانون پر دست خط کیے ہیں، تب سے پورے بھارت میں شدید احتجاج کا سلسلہ شروع ہو گیا ہے، احتجاج اور مظاہروں میں صرف مسلمان ہی شامل نہیں ہیں بلکہ دیگر قومیتیں بھی مودی سرکار کے خلاف سراپا احتجاج بن گئی ہیں۔

مظاہروں کے دوران اترپردیش میں پولیس گردی کے نتیجے میں 9 افراد ہلاک اور متعدد زخمی ہو گئے ہیں، بھارتی میڈیا کا کہنا ہے کہ اب تک اترپردیش میں ہلاک مظاہرین کی تعداد 11 ہو گئی ہے۔ دہلی میں نماز جمعہ کے بعد بڑی احتجاجی ریلی نکالی گئی تھی، جس کے دوران پولیس نے خواتین سمیت سیکڑوں افراد کو گرفتار کیا، اور مظاہرین پر آنسو گیس کی شیلنگ اور واٹر کینن کا استعمال کیا گیا۔