Tag: فواد چوہدری

اسلام آباد : وزیر سائنس اینڈ ٹیکنالوجی فوادچوہدری نے کہا پاکستان کے آرمی چیف پاکستان کا فخر ہیں ہمارا فخر ہیں،جل جل کرمرنے والوں سے گزارش ہے برف کی سل پر بیٹھیں۔

تفصیلات کے مطابق وزیر سائنس اینڈ ٹیکنالوجی فوادچوہدری نے سماجی رابطے کی ویب سائٹ جل جل کرمرنے والوں سے گزارش ہے برف کی سل پر بیٹھیں۔

یاد رہے گذشتہ روز آرمی چیف جنرل قمر جاوید باجوہ نے قومی معیشت پر نیشنل ڈیفنس یونیورسٹی میں سیمینار سے خطاب کرتے ہوئے کہا تھا کہ ملکی استحکام معاشی خود مختاری کے بغیر ممکن نہیں۔

جنرل قمر جاوید باجوہ کا کہنا تھا کہ ہم اس وقت مشکل معاشی صورتحال سے گزر رہے ہیں، ہم سب کو اپنی ذمے داریاں نبھانے کی ضرورت ہے تاکہ مشکل حکومتی اقدامات کامیاب ہوسکیں، وقت آگیا ہے کہ ہمیں ایک قوم بن کر سوچنا ہوگا۔

مزید پڑھیں :وقت آگیا ہے کہ معاشی صورتحال میں بہتری کیلئے ایک قوم بن کرسوچیں ، آرمی چیف

آرمی چیف نے مزید کہا تھا کہ معاشی خود مختاری کے بغیر کوئی دوسری خود مختاری ممکن نہیں، ملک نہیں بلکہ خطے ترقی کرتے ہیں، معاشی کاوشیں کامیاب بنانے کے لیے سب کو ذمے داری پوری کرنا ہوگی۔

بعدازاں معاون خصوصی برائے اطلاعات و نشریات فردوس عاشق اعوان کا کہنا تھا کہ آرمی چیف کا بیان ان کے وژن کی ترجمانی کرتا ہے، قوم کے لیے جان کی قربانیاں دینے والے سے زیادہ خیر خواہ کون ہو سکتا ہے، متحد ہو کر مشکل حالات سے نکلنا ہوگا۔

اسلام آباد : وزیرسائنس اینڈٹیکنالوجی فواد چوہدری نے کہا لندن سےمثبت خبریں آرہی ہیں،اسحاق ڈار،حسین نواز اورحسن نواز کی ملک بدری کی کارروائی جلد شروع ہورہی ہے، ملک میں مارشل لا کا کوئی امکان نہیں ہے۔

تفصیلات کے مطابق وزیرسائنس اینڈٹیکنالوجی فواد چوہدری نے پارلیمنٹ کےباہرمیڈیا سےگفتگو میں کہا پاکستان خطےمیں امن چاہتاہے، پاکستان ایک پرامن ملک ہے، ہم نے ہمیشہ بھارت سے مثبت بات چیت کیلئے قدم بڑھائے، بھارت اگر مذاکرات نہیں کرتا تو نقصان اس کا اپنا ہے، بھارت سے مثبت تعلقات کیلئے ہمیشہ پہل کی، بھارت سے اچھے تعلقات کیلئے پاکستان نے ہمیشہ اچھا ردعمل دیا۔

بھارت اگر مذاکرات نہیں کرتا تو نقصان اس کا اپنا ہے

فواد چوہدری کا کہنا تھا دونوں پارٹیوں کے پاپاجیلوں میں ہیں، آصف زرداری وفاق کے پیسے سندھ اور وہاں سے بیرون ملک بھیجتے تھے، تفتیش سے بچنے کیلئے اسمبلی کواستعمال کیا جارہا ہے، پاپاؤں کو جیل سے نکالنے کیلئے اسمبلیوں کا استعمال کیاجارہا ہے۔

پاپاؤں کو جیل سے نکالنے کیلئے اسمبلیوں کا استعمال کیاجارہا ہے

وزیرسائنس اینڈٹیکنالوجی نے کہا اپوزیشن کا الزام ہے وزیراعظم عمران خان اسمبلی نہیں آتے، وزیراعظم عمران خان جب بھی اسمبلی آئے تو اپوزیشن نے ہنگامہ کیا، آصف زرداری کی جانب سے5 ہزار جعلی اکاؤنٹس سامنے آئے ہیں۔

ان کا کہنا تھا لندن سےمثبت خبریں آرہی ہیں، اسحاق ڈار،حسین نواز اورحسن نواز کی ملک بدری کی کارروائی جلد شروع ہورہی ہے اسحاق ڈار ملک سے مفرور ہیں، لوٹی رقم اس وقت واپس آئےگی، جب اسحاق ڈار واپس آئیں گے۔

فواد چوہدری نے کہا اسحاق ڈار واحدشخص ہیں جن کو اکاؤنٹس سے متعلق معلومات ہے، وہ اس وقت کے وزیراعظم شاہدخاقان کے جہاز میں فرار ہوئے تھے۔

اپوزیشن اپنارویہ ٹھیک کرلےتومسائل جلدحل ہوجائیں گے

وفاقی وزیر کا کہنا تھاعمران خان کیخلاف نواز شریف دور میں تحقیقات ہوئیں، عمران خان کو سپریم کورٹ نے کلین چٹ دی، اسپیکر قومی اسمبلی نے پروڈکشن آرڈر کیلئے وزارت قانون سے رائے مانگی۔

انھوں نے مزید کہا ملک میں مارشل لا کا کوئی امکان نہیں ہے، اپوزیشن اپنارویہ ٹھیک کرلےتومسائل جلدحل ہوجائیں گے، برطانیہ کے ساتھ ملزمان کی حوالگی کیلئے مثبت مذاکرات ہوئے۔