Tag: فواد چوہدری

  • کالعدم تنظیموں پر پابندی اور گرفتاریاں جنوری کے فیصلوں کاتسلسل ہے: فوادچوہدری

    کالعدم تنظیموں پر پابندی اور گرفتاریاں جنوری کے فیصلوں کاتسلسل ہے: فوادچوہدری

    اسلام آباد: وفاقی وزیراطلاعات فواد چوہدری کا کہنا ہے کہ کالعدم تنظیموں پر پابندی اور گرفتاریاں قومی سلامتی کمیٹی کی جنوری میں ہونے والے اجلاس کے فیصلوں کا تسلسل ہے۔

    تفصیلات کے مطابق وفاقی وزیراطلاعات فواد چوہدری کا بھارتی ٹی وی کو انٹرویو دیتے ہوئے کہنا تھا کہ ملک میں قومی سلامتی کمیٹی کی جنوری میں ہونے والے اجلاس کے فیصلوں پر عمل درآمد ہورہا ہے۔

    انہوں نے کہا کہ نیشنل ایکشن پلان پر 2014 میں تمام سیاسی جماعتوں نے اتفاق کیا، نیشنل ایکشن پلان پر عمل درآمد کیا جارہا ہے، پاکستان خطے میں امن اور علاقائی تعاون کا فروغ چاہتا ہے۔

    فوادچوہدری کا کہنا تھا کہ علاقائی تعاون سب سے اہم اور خطے کی ضرورت ہے، پاکستان اپنے اندرونی مسائل سے آگاہ اور ان کے حل کے لیے کوشاں ہے۔

    ان کا کہنا تھا کہ بھارت اپنے مسائل کی طرف دیکھ تک نہیں رہا، بھارتی فوج مقبوضہ کشمیر میں ظلم کی انتہا کر رہی ہے، بھارت مقبوضہ کشمیر میں جاری تشدد کی پالیسی بدلے۔

    جنگی جنون کے جواب میں پاکستان نے ذمہ داری کا مظاہرہ کیا: فواد چوہدری

    وزیراطلاعات نے کہا کہ ہم کشمیر پر بھارت کا غاصبانہ قبضے کا خاتمہ چاہتے ہیں، بھارت ایک عرصے سے الزامات ہی لگا رہا ہے ثبوت کبھی نہیں دیے گئے۔

    ان مزید کہنا تھا کہ بھارت کالعدم تنظیموں کے خلاف ایکشن کے لیے ٹھوس ثبوت فراہم کرے۔

  • جنگی جنون کے جواب میں پاکستان نے ذمہ داری کا مظاہرہ کیا: فواد چوہدری

    جنگی جنون کے جواب میں پاکستان نے ذمہ داری کا مظاہرہ کیا: فواد چوہدری

    اسلام آباد: وفاقی وزیر اطلاعات فواد چوہدری کا کہنا ہے کہ بھارت جنگی جنون میں مبتلا ہے لیکن پاکستان کی ایسی پالیسی نہیں، جنگی جنون کے جواب میں پاکستان نے ذمہ داری کا مظاہرہ کیا۔

    تفصیلات کے مطابق وفاقی وزیر اطلاعات فواد چوہدری کا میڈیا سے گفتگو کرتے ہوئے کہنا تھا کہ پاکستان جنگی جنون کا شکار نہیں ہوا، پوری دنیا میں مودی اور ان کی پالیسیوں کا مذاق اڑایا جا رہا ہے، جنگی جنون کے جواب میں پاکستان نے ذمہ داری کا مظاہرہ کیا۔

    فواد چوہدری نے کہا کہ دنیا بھر میں پاکستان کی تعریف کی جارہی ہے، گزرتے وقت کے ساتھ ہم جنگ سے دور ہو رہے ہیں۔ بھارت کا سمجھدار طبقہ بھی جنگی جنون پر سوالات اٹھا رہا ہے۔ بھارتی عوام مودی سے پوچھتے ہیں کہ الیکشن کے لیے عوام کو کیوں خطرے میں ڈالا۔

    انہوں نے کہا کہ حالیہ کشیدگی میں جن ممالک نے کردار ادا کیا ان کے شکر گزار ہیں۔ چین، ایران، ترکی، عرب ممالک، سعودی عرب اور امریکا کے شکر گزار ہیں۔ مودی سے سوالات اٹھانے والے طبقے کے بھی مشکور ہیں۔

    فواد چوہدری کا کہنا تھا کہ ہمیں اپنی معیشت کو مستحکم کرنا ہے اسی پالیسی پر گامزن رہیں گے، پاکستان دہشت گردی کے خلاف کامیابی سے جنگ لڑ رہا ہے۔ کالعدم تنظیموں کے خلاف کارروائی کے لیے اقوام متحدہ کے قانون کو اپنایا گیا۔ پاکستان کے اقدامات سے دنیا بڑی تباہی سے بچ گئی۔

    انہوں نے کہا کہ اقلیتیں بھی ملک کا حصہ ہیں اور قومی دھارے میں ہمارے ساتھ ہیں۔ فیاض الحسن چوہان نے معذرت کی، اقلیتوں کی عزت نہیں کریں گے تو مہذب ملک نہیں مانا جائے گا، تمام اقلیتوں کا احترام ضروری ہے۔

    وزیر اطلاعات کا کہنا تھا کہ موجودہ صورتحال میں ملکی سیاستدانوں نے سنجیدگی کا مظاہرہ کیا، عالمی سطح پر پاکستان کے عزت و وقار میں اضافہ ہوا ہے۔ وزیر اعظم نے اصول پر مبنی اپنا نکتہ نظر دنیا کے سامنے پیش کیا، ہمارے دوست ممالک اور امریکا نے پاکستانی مؤقف کی تائید کی۔

    انہوں نے مزید کہا کہ موجودہ صورتحال میں دنیا نے ہمیں مثبت ردعمل دیا ہے، پاکستان کو کسی قسم کے خطرے اور چیلنج کا سامنا نہیں ہے۔ بھارت جنگی جنون میں مبتلا ہے لیکن پاکستان کی ایسی پالیسی نہیں۔

  • بھارت میں بھی مودی کی ڈاکٹرائن کو چیلنج کیا جا رہا ہے: فواد چوہدری

    بھارت میں بھی مودی کی ڈاکٹرائن کو چیلنج کیا جا رہا ہے: فواد چوہدری

    اسلام آباد: وفاقی وزیرِ اطلاعات فواد چوہدری نے کہا ہے کہ بھارت میں مودی سرکار پر اندر ہی سے آوازیں اٹھ رہی ہیں، اب بھارت میں بھی مودی کی ڈاکٹرائن کو چیلنج کیا جا رہا ہے۔

    تفصیلات کے مطابق فواد چوہدری اے آر وائی نیوز کے پروگرام آف دی ریکارڈ میں گفتگو کر رہے تھے، انھوں نے کہا کہ بھارت میں اس وقت ایک سیاسی لڑائی چل رہی ہے جس کے باعث پورا خطہ خطرے میں چلا گیا ہے۔

    [bs-quote quote=”جو 72 گھنٹے پہلے صورتِ حال تھی اب وہ نہیں۔” style=”style-8″ align=”left” author_name=”فواد چوہدری”][/bs-quote]

    وزیرِ اطلاعات نے کہا کہ مودی نظریے نے خطے کے کروڑوں لوگوں کی زندگی کو خطرے میں ڈال دیا ہے۔

    فواد چوہدری کا کہنا تھا کہ 72 گھنٹے پہلے جو صورتِ حال تھی اب وہ نہیں، صورتِ حال بہتری کی جانب بڑھ رہی ہے، تاہم پاک بھارت کشیدگی پر پوری دنیا میں تشویش پائی جاتی ہے۔

    انھوں نے کہا کہ دنیا کی جانب سے بھارت پر حملہ نہ کرنے کا دباؤ تھا، اب بھارت میں بھی مودی کے نظریے کو چیلنج کیا جا رہا ہے، جیسے جیسے وقت گزرے گا صورتِ حال واضح ہوتی جائے گی۔

    انھوں نے کہا کہ بھارت کشمیر میں ہار چکا ہے، ذاتی رائے میں اگلے 72 گھنٹوں میں صورت حال مزید بہتر ہوگی، بھارت سے 3 جنگیں لڑیں، چوتھی جنگ مسلط کی تو بھرپور رد عمل ملے گا۔

    یہ بھی پڑھیں:  پاکستان کا کالعدم تنظیموں‌ کے حوالے سے اہم قدم

    وزیرِ اطلاعات فواد چوہدری نے کہا کہ کالعدم تنظیموں کے معاملے پر معاشی، سیاسی اور انتظامی اسٹریٹجی ملا کر کام کر رہے ہیں، نیشنل ایکشن پلان پر بھی عمل درآمد کر رہے ہیں۔

    خیال رہے کہ دفتر خارجہ نے آج کالعدم تنظیموں کے اثاثہ جات پر پابندی کا نیا ایس آر او جاری کر دیا ہے، جس کے تحت حکومت کو کسی بھی کالعدم تنظیم کے منقولہ، غیر منقولہ اثاثوں تک رسائی ہوگی، کالعدم تنظیموں کے فلاحی ادارے بھی حکومت کے کنٹرول میں آ گئے ہیں۔

  • پاکستان اور بھارت کے درمیان معاملات ٹھنڈے ہو رہے ہیں: فواد چوہدری

    پاکستان اور بھارت کے درمیان معاملات ٹھنڈے ہو رہے ہیں: فواد چوہدری

    اسلام آباد: وفاقی وزیرِ اطلاعات فواد چوہدری نے پاک بھارت کشیدگی کی کمی کا اشارہ کرتے ہوئے کہا ہے کہ پاکستان اور بھارت کے درمیان معاملات ٹھنڈے ہو رہے ہیں۔

    تفصیلات کے مطابق فواد چوہدری نے اے آر وائی نیوز کے پروگرام سوال یہ ہے میں گفتگو کرتے ہوئے کہا کہ پاک بھارت کشیدگی میں کمی آنے لگی ہے۔

    وزیرِ اطلاعات کا کہنا تھا کہ بھارت میں تقسیم اور پاکستان میں اتحاد ہے، مودی کے رویے کی وجہ سے بھارت میں بہت تقسیم ہو گئی ہے، بھارت میں اپوزیشن جماعتیں مودی کے خلاف کھڑی ہو گئی ہیں۔

    فواد چوہدری نے کہا کہ بھارتی وزیرِ اعظم نریندر مودی کو اپنی سیاسی غلطی کی بہت بڑی قیمت چکانی ہوگی۔

    پلوامہ حملے کے حوالے سے وزیرِ اطلاعات کا کہنا تھا کہ بھارت کو ثبوت کے لیے کہا تھا، لیکن ایسا نہیں ہو سکتا کہ محض کسی کی خواہش پر کارروائی ہو۔

    یہ بھی دیکھیں:  اپنے ہی لوگ بھارتی فوج کا مذاق اڑارہے ہیں، نریندر مودی کی جھنجھلاہٹ

    انھوں نے کہا کسی کے دباؤ میں آ کر کوئی کارروائی نہیں کریں گے، پاکستان کی زمین کسی دوسرے ملک کے خلاف استعمال نہیں ہوگی۔

    خیال رہے کہ اب بھارتی وزیرِ اعظم نریندر مودی نے خود اعتراف کر لیا ہے کہ سیاست کی وجہ سے بھارت کا بڑا نقصان ہوا ہے۔

    انھوں نے کہا کہ جب اپنے ہی لوگ ہماری فوج کا مذاق اڑاتے ہیں تو دکھ ہوتا ہے، آج رافیل طیاروں کی کمی بھارت نے شدت سے محسوس کی ہے، رافیل طیارے ہوتے تو نتائج کچھ اور ہوتے۔

  • پاکستان کے ساتھ بھارت میں بھی عوام امن کے خواہاں ہیں، فواد چوہدری

    پاکستان کے ساتھ بھارت میں بھی عوام امن کے خواہاں ہیں، فواد چوہدری

    اسلام آباد : وزیر اطلاعات فواد چوہدری نے کہا ہے کہ پاکستان میں ہر سطح پر لوگ امن کے خواہاں ہیں اور بھارت میں بھی امن کی آوازیں اٹھ رہی ہیں، وزیراعظم عمران خان نے آج پھر بھارت کو امن کی دعوت دی ہے۔

    یہ بات انہوں نے اسلام آباد میں تقریب سے خطاب کرتے ہوئے کہی، فواد چوہدری نے کہا کہ بھارت کو سیاسی مقاصد کیلئے خطے کا امن خطرے میں ڈالنے کی اجازت نہیں دی جاسکتی۔

    انہوں نے کہا کہ پاکستانی سوچ کی بدولت بھارت میں بھی امن کی آوازیں اٹھ رہی ہیں، پاکستان میں ہر سطح پر لوگ امن کے خواہاں ہیں، جنگ مسئلے کا حل نہیں ،خطے میں امن بہت ضروری ہے۔

    فواد چوہدری کا مزید کہنا تھا کہ قبائلی عوام نے دہشت گردی کیخلاف بے پناہ قربانیاں دی ہیں، ہم نے دہشت گردی کیخلاف جنگ کامیابی سے لڑی ہے ،پاکستان شدت پسندی کیخلاف جنگ بھی کامیابی سے لڑ رہا ہے۔

  • نیب قوانین میں ترمیم ادارے کو مضبوط بنانے کے لیے ہوگی، فواد چوہدری

    نیب قوانین میں ترمیم ادارے کو مضبوط بنانے کے لیے ہوگی، فواد چوہدری

    اسلام آباد: وفاقی وزیر اطلاعات فوادی چوہدری نے کہا ہے کہ نیب قوانین میں ترمیم قومی احتساب بیورو کو مضبوط بنانے کے لیے ہوگی۔

    اسلام آباد میں میڈیا سے گفتگو کرتے ہوئے فواد چوہدری کا کہنا تھا کہ نیب قوانین میں ترمیم چوروں کو کلین چٹ دینے کے لیے نہیں بلکہ نیب کو مزید مضبوط بنانے کے لیے ہوگی۔

    اُن کا کہنا تھا کہ ’بڑے اور طاقتور لوگوں پر ہاتھ ڈالنے کے عمل کو عوامی حمایت حاصل ہے، ماضی میں نیشنل بینک کےصدر اور چیئرمین نیب و دیگر کا گٹھ جوڑ تھا جو کھل کر سامنے آیا‘۔

    فواد چوہدری کا کہنا تھا کہ ’پورے ملک میں بلا تفریق احتساب ہورہا ہے، تحریک انصاف سے تعلق رکھنے والے رہنماؤں اور اراکین اسمبلی کے خلاف بھی نیب نے کارروائی کی‘۔

    مزید پڑھیں: نیب میں بہتری لانے کے لیے مخالف جماعتوں سے تعاون کو تیار ہیں، نعیم الحق

    اُن کا کہنا تھا کہ اسلام آباد ہائی کورٹ نے نوازشریف کی ضمانت سے متعلق قانونی طور پر فیصلہ دیا، اگر کسی ملزم کو باہر جانے کی اجازت دی گئی تو دیگر ملزمان بھی یہی مطالبہ کریں گے اس طرح جیلیں خالی ہوجائیں گی۔

    قبل ازیں سینیٹ کی قائمہ کمیٹی برائے اطلاعات و نشریات کا اجلاس ہوا جس میں فواد چوہدری کا کہنا تھا کہ ’پی ٹی وی ایک طرف اور ایم ڈی ایک طرف ہیں‘۔

    اُن کا کہنا تھا کہ ایم ڈی کو خوداستعفیٰ دےدینا چاہیے کیونکہ پی ٹی وی ملازمین انتظامیہ کے خلاف پیمرا دفتر کے باہر احتجاجی مظاہرہ کررہے ہیں۔ فواد چوہدری کا کہنا تھا کہ ’ایم ڈی کو خوداستعفیٰ دےدینا چاہیے۔

    یاد رہے کہ رواں ماہ کے آغاز پر تحریک انصاف کے رہنما اور وزیراعظم کے ترجمان نے احتساب قوانین میں ترمیم کا اشارہ دیتے ہوئے کہا تھا کہ ’کاروباری شخصیات نیب (قومی احتساب بیورو) سے متعلق شکایات ہے، نیب میں کئی سال سے کیسز چلنے کا مطلب انصاف کی فراہمی نہیں ہورہی، احتساب بیورو کی کارکردگی میں بہتری کے لیے مخالف (اپوزیشن) جماعتوں سے تعاون کو تیار ہیں۔

    یہ بھی پڑھیں: چیئرمین نیب نے قوانین میں متوقع تبدیلی کی مخالفت کر دی

    نعیم الحق کا کہنا تھا کہ ’نیب چھوٹی چھوٹی شکایات پر بزنس کمیونٹی کو طلب کر تی ہے، تاجر برادری کو اس حوالے سے شکایات ہیں‘۔ اُن کا کہنا تھا کہ ’نیب کےہرمقدمےکافیصلہ30کے اندرہوناچاہیے، کیسزکےکئی سال چلنےکامطلب ہےانصاف فراہم نہیں کیا جارہا‘۔

    نعیم الحق کا کہنا تھا کہ ’نیب کاکام  قوم کی لوٹی رقم واپس لانا ہے، پاکستان کےتمام قوانین کی ترمیم پر حکومت دوبارہ غور کررہی ہے، حکومت تشدد کے خلاف  منظم قانون لائے گی تاکہ پرتشدد کارروائیوں کو فوری طور پر روک کر عوام کو تحفظ فراہم کیا جائے‘۔

  • پاکستان امن چاہتا ہے، مگر بھارت کو کشمیر میں مظالم بند کرنے ہوں گے: فواد چوہدری

    پاکستان امن چاہتا ہے، مگر بھارت کو کشمیر میں مظالم بند کرنے ہوں گے: فواد چوہدری

    اسلام آباد: وزیر اطلاعات فواد چوہدری نے کہا ہے کہ پاکستان امن چاہتا ہے، مگر مقبوضہ کشمیرمیں مظالم کو بند کرنا ہوگا.

    ان خیالات کا اظہار انھوں نے اسلام آباد میں‌ کشمیر کانفرنس سے خطاب کرتے ہوئے کیا، انھوں نے کہا کہ بھارت کے کہنے سے مسئلہ کشمیرختم نہیں ہوجائے گا.

    [bs-quote quote=”ہم اس اصول پر کاربند ہیں کہ آپ ایک قدم بڑھائیں، ہم دوقدم بڑھائیں گے” style=”style-8″ align=”left” author_name=”وزیر اطلاعات فواد چوہدری”][/bs-quote]

    ان کا کہنا تھا کہ 10 کشمیریوں پرایک سپاہی کو کھڑا کر کے امن قائم نہیں کیا جا سکتا، لوگوں کوطاقت کے زورپردبایا نہیں جا سکتا۔

    وزیر اطلاعات فواد چوہدری نے کہا کہ کشمیر بھارت کاحصہ ہے اور نہ ہی کبھی ہوگا، آزاد ریاستوں کے حقوق ہی کشمیریوں کو دیں گے۔

    فواد چوہدری کا کہنا تھا کہ لہو بہنے سے آگ بڑھکتی ہے بجھتی نہیں ہے، شہری علاقوں جیسے حقوق ہی آپ کو کشمیریوں کو دینا ہوں گے، ہم امن اور دونوں ممالک میں تجارت چاہتے ہیں۔

    وزیر اطلاعات نے واضح کیا کہ ہم اس اصول پر کاربند ہیں کہ آپ ایک قدم بڑھائیں، ہم دوقدم بڑھائیں گے، حقائق آپ مستردکر دیں گے، تو مسئلہ حل نہیں ہوگا۔ کشمیریوں کاخون بہانے سے آگ بجھائیں گے، تو مسئلہ حل نہیں ہوگا۔

  • استعفیٰ نہیں دیا مگر تحفظات ہیں، فواد چوہدری کا ردِعمل

    استعفیٰ نہیں دیا مگر تحفظات ہیں، فواد چوہدری کا ردِعمل

    اسلام آباد: وزیراطلاعات فوادچوہدری نے  کہا ہے کہ میں نے کوئی استعفیٰ وزیراعظم ہاؤس نہیں بھیجا، پی ٹی وی کے حوالے سے تحفظات ہیں جسے عمران خان سے ملاقات میں بیان کروں گا، وزیراعظم فون کر کے کہیں گے تو وزارت چھوڑ دوں گا۔

    اپنے مستعفیٰ ہونےکی خبروں پررد عمل دیتے ہوئے وفاقی وزیر اطلاعات کا کہنا تھا کہ میں نے کوئی استعفیٰ وزیراعظم آفس نہیں بھیجا، ٹیم بناناصرف وزیراعظم کاکام ہے وہ جسے بہتر سمجھیں گے ٹیم میں رکھنے یا نہ رکھنے کا فیصلہ کریں گے۔

    فواد چوہدری کا کہنا تھا کہ پی ٹی وی کے مینیجنگ ڈائریکٹر کے حوالے سے مجھے تحفظات ہیں لیکن حتمی فیصلہ عمران خان کا ہوگا، وزیراعظم سےمیراصرف سیاسی نہیں بلکہ ایک ذاتی تعلق بھی ہے اس لیے اگر وہ فون اٹھاکر بولیں گے تو وزارت ہی چھوڑ دوں گا۔

    [bs-quote quote=”پی ٹی وی کے ایم ڈی اور انتظامیہ کے حوالے سے تحفظات ہیں، نعیم الحق کو کسی بات کا علم نہیں” style=”style-8″ align=”left” author_name=”فواد چوہدری”][/bs-quote]

    وفاقی وزیر اطلاعات کا کہنا تھا کہ وزیراعظم سےمیری ملاقات ہے جس میں صورتحال واضح ہوجائے گی، ابھی تک اُن سے کوئی رابطہ نہیں ہوا مگر یہ خبریں بھی بے بنیاد ہیں کہ میں نے تحفظات کی وجہ سے استعفیٰ لکھ کر وزیر اعظم ہاؤس بھیج دیا۔

    مزید پڑھیں: شیخ رشید کی وزیراطلاعات بننے کی تردید، فواد چوہدری کو اپنا بھائی قرار دے دیا

    اُن کا کہنا تھا کہ وزیر اعظم ملاقات میں جو کہیں گے اُسی پر عمل کروں گا، عمران خان راجن پور میں تھے جبکہ میں بھی بھائی کی شادی میں مصروف تھا، کل بروز پیر عمران خان سے ملاقات کروں گا۔

    فواد چوہدری کا مزید کہنا تھا کہ سرکاری ٹی وی کی مینجمنٹ کے حوالے سے میرے اختلافات موجود ہیں جبکہ تحریک انصاف کے رہنما نعیم الحق کہہ رہے ہیں آپ کااستعفیٰ وزیراعظم آفس پہنچ چکا انہیں کچھ معلوم نہیں بس ایسے ہی باتیں کرتے رہتے ہیں۔

  • بھارت کو ہوش کے ناخن لینے چاہئیں: وزیرِ اطلاعات فواد چوہدری

    بھارت کو ہوش کے ناخن لینے چاہئیں: وزیرِ اطلاعات فواد چوہدری

    مردان: وفاقی وزیرِ اطلاعات فواد چوہدری نے بھارت کو مشورہ دیا ہے کہ دنیا کی نظریں سچ پر ہیں، اس لیے بھارت کو بھی اب ہوش کے ناخن لینے چاہئیں۔

    تفصیلات کے مطابق وفاقی وزیرِ اطلاعات فواد چوہدری نے خیبر پختون خوا کے ضلع مردان میں میڈیا سے غیر رسمی گفتگو کرتے ہوئے کہا کہ بھارت بھی اب ہوش کے ناخن لے۔

    فواد چوہدری نے کہا کہ بھارتی دھمکیوں پر وزیرِ اعظم عمران خان اصولی مؤقف دے چکے ہیں۔

    بڑھتی ہوئی پاک بھارت کشیدگی سے متعلق ایک سوال پر وزیر اطلاعات کا کہنا تھا کہ دنیا دیکھ رہی ہے کون امن چاہتا ہے، کون کشیدگی میں اضافہ کر رہا ہے۔

    فواد چوہدری نے افغانستان میں امریکا کے طالبان کے ساتھ مذاکرات کے سلسلے میں کہا کہ امریکا بھی آخر کار اس نتیجے پر پہنچا ہے کہ افغان مسئلے کا حل مذاکرات میں ہے۔

    یہ بھی پڑھیں:  بہتر ہوگا بھارتی آرمی چیف جنرل باجوہ کے وِژن کو فالو کریں: ڈی جی آئی ایس پی آر

    یاد رہے کہ پاک فوج کے ترجمان میجر جنرل آصف غفور نے آج بھارتی آرمی چیف کو مشورہ دیا ہے کہ ان کے لیے بہتر ہوگا کہ وہ پاک فوج کے سربراہ جنرل قمر جاوید باجوہ کے وژن کی تقلید کریں۔

    گزشتہ روز راولپنڈی میں ڈی جی آئی ایس پی آر میجر جنرل آصف غفور نے پریس کانفرنس میں کہا تھا کہ بھارت کے لیے ہمارا پیغام واضح ہے، وہ جان لے، پاکستان بدل رہا ہے جنگ ہوئی تو فوجی ردِ عمل بھی مختلف ہوگا، بھارت پاک فوج کوکوئی بھی سرپرائز نہیں دے سکتا، سرپرائز ہم دیں گے۔

  • نیشنل ایکشن پلان پر عمل درآمد کررہے ہیں: فوادچوہدری

    نیشنل ایکشن پلان پر عمل درآمد کررہے ہیں: فوادچوہدری

    اسلام آباد: وزیراطلاعات فواد چوہدری کا کہنا ہے کہ نیشنل ایکشن پلان پر تمام سیاسی جماعتوں کا اتفاق رائے ہے، پلان پر عمل درآمد کررہے ہیں۔

    اے آر وائی نیوز سے خصوصی گفتگو کرتے ہوئے فواد چوہدری کا کہنا تھا کہ نیشنل ایکشن پلان کے تحت کل کچھ اقدامات کا اعلان کیا گیا تھا، آج بہاولپور میں ایک مدرسے کا انتظامی قبضہ پنجاب حکومت نے لیا ہے۔

    انہوں نے کہا کہ کشمیر کے پلوامہ واقعے کا بہاولپور مدرسے سے کوئی تعلق نہیں ہے، مدرسے کے 700طالبعلم زکوة اور صدقے پر تدریس میں مصروف ہیں۔

    وزیر اطلاعات کا کہنا تھا کہ یہ وہ مدرسہ ہے جس کے متعلق بھارت پروپیگنڈا کررہا تھا، بھارت پروپیگنڈا کررہا تھا کہ یہ مدرسہ جیش محمد کا ہیڈ کوارٹر ہے۔

    ان کا کہنا تھا کہ کل پنجاب حکومت میڈیا نمائندوں کو مدرسے میں لے کر جائے گی، میڈیا نمائندے خود دیکھ سکیں گے مدرسہ کس طرح کام کررہا تھا۔

    انہوں نے کہا کہ قومی سلامتی کمیٹی نے فیصلہ کیا تھا نیشنل ایکشن پلان پر مکمل عملدرآمد ہوگا، نیشنل ایکشن پلان پر تمام سیاسی جماعتوں کا اتفاق رائے ہے۔

    فواد چوہدری کا مزید کہنا تھا کہ یشنل ایکشن پلان ہمارا اپنا ایک سیکیورٹی ڈاکیومنٹ ہے، نیشنل ایکشن پلان پر عمل درآمد کررہے ہیں۔