ARYNews.tv | Urdu – Har Lamha Bakhabar

Tag: فواد چوہدری

  • وزیرِ اطلاعات فواد چوہدری سے اردن کے سفیر ابراہیم المدنی کی ملاقات

    وزیرِ اطلاعات فواد چوہدری سے اردن کے سفیر ابراہیم المدنی کی ملاقات

    اسلام آباد: وفاقی وزیرِ اطلاعات فواد چوہدری سے اردن کے سفیر ابراہیم المدنی نے ملاقات کی، جس میں دو طرفہ تعلقات، میڈیا اور اطلاعات کے شعبوں میں تعاون پر بات چیت کی گئی۔

    تفصیلات کے مطابق اردن کے سفیر ابراہیم المدنی کے ساتھ ملاقات میں وزیرِ اطلاعات نے کہا کہ پاکستان اردن کے ساتھ تعلقات کو ہمیشہ اہمیت دیتا رہا ہے۔

    [bs-quote quote=”ہر شعبے میں دو طرفہ تعلقات میں اضافہ دونوں ملکوں کے عوام کی بہتری ہے۔” style=”style-7″ align=”left” color=”#dd3333″ author_name=”فواد چوہدری”][/bs-quote]

    فواد چوہدری کا کہنا تھا کہ پاکستان اور اردن مشترکہ مذہبی ثقافتی اور تاریخی تعلقات میں جڑے ہوئے ہیں، معیشت، تجارت اور سرمایہ کاری میں تعاون سے تعلقات میں مزید بہتری آئے گی۔

    وزیرِ اطلاعات نے کہا ’ہر شعبے میں دو طرفہ تعلقات میں اضافہ دونوں ملکوں کے عوام کی بہتری ہے۔‘

    فواد چوہدری نے دہشت گردی کے حوالے سے گفتگو کرتے ہوئے اردن کے سفیر سے کہا کہ دہشت گردی اور انتہا پسندی مشترکہ مسائل ہیں، ان کے خاتمے کے لیے مل کام کرنا ہوگا۔

    یہ بھی پڑھیں:  یو اے ای کا پاکستان کو 3 ارب ڈالر بیل آؤٹ پیکج دینے کا اعلان

    وزیرِ اطلاعات نے ابراہیم المدنی کو بتایا کہ پاکستان نے دہشت گردی کے خلاف جنگ میں گراں قدر قربانیاں دی ہیں۔ انھوں نے کہا کہ ہماری مسلح افواج اور سیکورٹی کے اداروں نے بہادری کے ساتھ دہشت گردی کے خلاف جنگ لڑی، پوری قوم انھیں خراجِ تحسین پیش کرتی ہے۔

    خیال رہے کہ آج متحدہ عرب امارات نے پاکستان کو معاشی مشکلات سے نکلنے کے لیے بیل آؤٹ پیکج دینے کا اعلان کر دیا ہے، اماراتی حکومت 3 ارب ڈالر کی رقم اسٹیٹ بنک آف پاکستان میں رکھوائے گی۔

  • پی ٹی آئی کی حکومت میڈیا ورکرز کے ساتھ کھڑی ہے: وزیرِ اطلاعات فواد چوہدری

    پی ٹی آئی کی حکومت میڈیا ورکرز کے ساتھ کھڑی ہے: وزیرِ اطلاعات فواد چوہدری

    اسلام آباد: وفاقی وزیرِ اطلاعات فواد چوہدری نے کہا ہے کہ پی ٹی آئی کی حکومت میڈیا ورکرز کے ساتھ کھڑی ہے، حکومت نے ویج بورڈ ایوارڈ تشکیل دے دیا ہے۔

    تفصیلات کے مطابق وزیرِ اطلاعات فواد چوہدری سے آر آئی یو جے کے وفد نے ملاقات کی، پی ایف یو جے ورکرز گروپ کے صدر پرویز شوکت نے انھیں مسائل سے آگاہ کیا۔

    [bs-quote quote=”ویج بورڈ کے سلسلے میں پہلا اجلاس 27 دسمبر کو ہوگا۔” style=”style-7″ align=”left” color=”#dd3333″ author_name=”فواد چوہدری” author_job=”وفاقی وزیرِ اطلاعات”][/bs-quote]

    فواد چوہدری نے کہا کہ صحافیوں کے مسائل کے حل کے لیے بھرپور تعاون کریں گے، حکومت آزادیٔ اظہار رائے کے حق پر کامل یقین رکھتی ہے۔

    وزیرِ اطلاعات کا کہنا تھا کہ آزاد اور ذمہ دار میڈیا کے فروغ کے لیے سہولتیں فراہم کریں گے، آزاد میڈیا ریگولیٹری اتھارٹی کے قیام پر کام جاری ہے۔

    ریگولیٹری اتھارٹی کے قیام کا مقصد وَن ونڈو آپریشن کے ذریعے میڈیا اور عوام کو سہولیات فراہم کرنا ہے، اتھارٹی کا بورڈ مکمل طور پر آزاد ہوگا جس میں نجی شعبے کے افراد بھی شامل ہوں گے۔

    وزیرِ اطلاعات فواد چوہدری نے مزید کہا کہ ویج بورڈ کے سلسلے میں پہلا اجلاس 27 دسمبر کو ہوگا، صحافیوں کی پیشہ ورانہ استعدادِ کار بڑھانے کے لیے کورسز کی تجویز بھی زیرِ غور ہے۔

    یہ بھی پڑھیں:  چینلز نے کامیڈی پروگرام سانحے کے احترام میں منسوخ نہیں کیے: فواد چوہدری

    یاد رہے کہ 17 دسمبر کو پارلیمنٹ ہاؤس کے احاطے میں نواز شریف کے اسکواڈ نے 2 کیمرا مینوں پر تشدد کیا تھا، جس سے ایک ٹی وی کیمرا مین بے ہوش ہو گیا تھا، جس پر وزیرِ اطلاعات فواد چوہدری نے شدید مذمت کرتے ہوئے کہا کہ حکومت ختم ہو گئی مگر مغلیہ سوچ ختم نہ ہوئی۔

    فواد چوہدری نے کہا کہ حکومت آزادیٔ اظہارِ رائے پر کامل یقین رکھتی ہے، میڈیا ورکرز کے ساتھ ہیں۔

  • سال 2018 کے چند مقبول ترین ٹویٹس

    سال 2018 کے چند مقبول ترین ٹویٹس

    کراچی: دنیا بھر میں سوشل میڈیا کا استعمال تیزی سے بڑھ رہا ہے یہی وجہ ہے کہ اب صارفین اپنے مسائل اجاگر کرنے کے لیے سماجی رابطے کی ویب سائٹ پر آواز اٹھاتے ہیں۔

    آج ہم بات کررہے ہیں رواں سال مشہور ہونے والی شخصیات کے چند منفرد اور یادگار ٹویٹ کی۔

    وزیراعظم عمران خان

    وزیراعظم عمران خان نے 19 نومبر کو امریکی صدر کو دھمکی آمیز بیان کے بعد ٹویٹ کیا اور پاکستان کی قربانیوں کے حوالے سے آگاہ کیا۔

    سماجی رابطے کی ویب سائٹ پر عمران خان نے ایک نعت شیئر کی جسے صارفین نے بہت زیادہ پسند کیا۔

    اسی طرح وزیراعظم عمران خان نے 10 نومبر کو ایک تصویر شیئر کی جس میں بے گھر شخص اپنے دو کمسن بچوں کے ساتھ سڑک کنارے چادر اڑھے سورہا تھا، انہوں نے لکھا کہ ’آج میں نے بے گھر افراد کیلئے تعمیر کی جانی والی 5 پناہ گاہوں میں سے پہلی کا سنگ بنیاد لاہور میں رکھا۔ اسی طرح راولپنڈی اور پھر دیگر شہروں کی باری آئے گی، ہم اپنے نادار شہریوں کیلئے سماجی بہبود کا جال بچھانے کیلئے پرعزم ہیں تاکہ چھت کیساتھ انہیں صحت و تعلیم کی سہولیات بھی مل سکیں‘۔

    وزیراعظم نے ایک روز قبل اپنی تقریر میں مرغی اور انڈے کے ذریعے معیشت کو مستحکم کرنے کا طریقہ بتایا جس پر ناقدین نے مذاق بھی بنایا البتہ دنیا کی امیر ترین اور نامور شخصیت بل گیٹس نے اس فارمولے کو کامیاب قرار دیا۔ وزیراعظم نے بل گیٹس کا ایک انٹرویو شیئر کیا جو بہت زیادہ مشہور ہوا۔

    میجر جنرل آصف غفور

    ڈی جی آئی ایس پی آر نے پاک افغان بارڈر پر باڑ کی تنصیب کے حوالے سے فوجی جوانوں کی ایک ویڈیو شیئر کی جسے بہت زیادہ سراہا گیا۔

    کرتار پور راہداری منصوبے کی افتتاحی تقریب کی میجر جنرل آصف غفور نے ویڈیو شیئر کی جسے دنیا بھر میں پسند کیا گیا۔

    پاک فوج کی جانب سے دیامر اور بھاشا ڈیم فنڈ کے لیے ایک ارب روپے سے زائد رقم کے عطیات دیے گئے، آرمی چیف آف اسٹاف نے چیک چیف جسٹس آف پاکستان کے حوالے کیا. اس تصویر اور اعلان کو قوم نے بہت سراہا۔

    پاک فوج کے سپہ سالار جنرل قمر جاوید باجوہ کے صاحبزادے سعد صدیقی کی شادی کی تصاویر بھی سوشل میڈیا پر وائرل ہوئیں جو میجر جنرل آصف غفور نے اپنے اکاؤنٹ سے شیئر کی تھیں۔

    میجر جنرل آصف غفور نے سماجی رابطے کی ویب سائٹ پر صارفین کو خبردار کرنے کے لیے ایک ویڈیو جاری کی جس میں یہ بتایا گیا کہ ایک گروہ پاک فوج کا نام لے کر بذریعہ کال آپ کے بینک اکاؤنٹ کی تفصیلات جمع کررہا ہے، یہ ایک گروہ ہے جس سے خبردار رہیں۔

    فواد چوہدری

    وفاقی وزیر اطلاعات فواد چوہدری کے ٹویٹر اکاؤنٹ کو گزشتہ ماہ بلیو ٹک کا اعزاز ملا۔

    فواد چوہدری کا 15 نومبر کو ٹویٹ کردہ کارٹون بہت زیادہ وائرل ہوا۔ انہوں نے سینیٹ میں داخلے کی پابندی عائد ہونے کے اگلے روز یہ تصویر شیئر کی۔

    اعظم سواتی کے مستعفیٰ ہونے کے حوالے سے بھی فواد چوہدری نے ٹویٹ کیا جسے ہزاروں ری ٹویٹ اور لائیکس ملے۔

    وزیر اعظم عمران خان نے 18 نومبر کو خلیجی ممالک کا کامیاب دورہ کیا، ایسا پہلی بار دیکھنے میں آیا کہ دبئی کے حکمران کے آفیشل ٹویٹر اکاؤنٹ سے اردو زبان میں ٹویٹ گیا گیا ہو۔

    اس ٹویٹ میں شیخ محمد بن راشد المکتوم نے عمران خان کو خوش آمدید کہا اور پاکستان کے ساتھ تعلقات پر فخر کا اظہار بھی کیا۔

    اسلام آباد میں تعینات جرمن سفیر مارٹن کوبلر نے ایشیا کپ 2020 کی میزبانی ملنے پر پاکستانی قوم کو مبارک باد پیش کی۔

    پاکستان میں تعینات برطانوی سفیر نے برٹس ایئر ویز کی دوبارہ پروازوں کا آغاز ہونے پر اردو میں ٹویٹ کیا اور مبارک باد پیش کی۔

    وفاقی وزیر ریلوے شیخ رشید احمد نے دعویٰ کیا کہ شہباز شریف این آر او مانگ رہے ہیں۔

    قومی کرکٹ ٹیم کے سابق کپتان شعیب ملک نے بیٹے کی پیدائش کا اعلان سماجی رابطے کی ویب سائٹ پر کیا۔

    نوٹ: ٹویٹس کا انتخاب عوامی مقبولیت کی بنیاد پر کیا گیا۔

  • وزیر اعظم کی تمام وزارتوں کو10 فیصد اخراجات کم کرنے کی ہدایت

    وزیر اعظم کی تمام وزارتوں کو10 فیصد اخراجات کم کرنے کی ہدایت

    اسلام آباد: وفاقی وزیر اطلاعات فواد چوہدری نے کہا ہے کہ آج وفاقی کابینہ کے اجلاس میں‌ مقبوضہ کشمیر میں بھارتی مظالم کی شدید مذمت کی گئی.

    ان خیالات کا اظہار انھوں نے میڈیا سے گفتگو کرتے ہوئے کیا. وزیر اطلاعات کا کہنا تھا کہ یمن کے معاملے پر پاکستان نیوٹرل رہے گا، کچھ دن میں یو اے ای پاکستان کے لئے پیکج کا اعلان کرے گا.

    فواد چوہدری نے کہا کہ ہمیں اپنے پاؤں پرکھڑا ہونا کے لیے اخراجات کم کرنے ہوں گے، اداروں میں بچت کی روایت ڈالی جارہی ہے، وزرا سے کہا گیا ہے کہ اپنے دورے محدود رکھے جائیں، تمام وزارتوں کو10فیصداخراجات کم کرنےکی ہدایت کی گئی ہے.

    [bs-quote quote=”یو اے ای پاکستان کے لئے پیکج کا اعلان کرے گا” style=”style-7″ align=”left” author_name=”وزیر اطلاعات فواد چوہدری”][/bs-quote]

    وزیراطلاعات نے کہا کہ وزیر اعظم نے ایئرپورٹس پر کلچر میں تبدیلی کی ضرورت پرزور دیا ہے، اسلام آباد ایئرپورٹ کا ٹھیکہ 35 ارب کا تھا، جوبعد میں 137 ارب تک پہنچ گیا، نیب، ایف آئی اے اور سی اے اے معاملے کی انکوائری کررہے ہیں.

    فواد چوہدری نے کہا کہ سیاحت میں اضافہ کرنا ہے تو اپنے ویزا سسٹم میں تبدیلی لانا ہوگی،  پی آئی اے کو 72 ارب روپے سی اے اے کو ادا کرنے ہیں.

    انھوں نے کہا کہ وزیراعظم نے ٹورازم سے متعلق نئی پالیسی مرتب کرنے کی ہدایت کی ہے، غیرملکی صحافیوں کے لئے ویزا ریجبن متعارف کرانے کی ہدایت کی گئی ہے.

    فواد چوہدری نے کہا کہ اسلام آباد کے لئے ماسٹر پلان کی تیاری کا بھی فیصلہ کیا گیا ہے، سی ڈی اے اسلام آباد کے لئے ماسٹر پلان تیار کرے گا، پنجاب اور کے پی کے بڑےشہروں کے لئے ماسٹرپلان لائیں گے، تجاوزات آپریشن کے متاثرین کی مدد کرنا بھی حکومت کا فرض ہے.

    [bs-quote quote=” اپوزیشن روڑے اس لئے اٹکاتی ہے کہ قانون سازی نہ ہوسکے” style=”style-7″ align=”left” author_name=”وزیر اطلاعات فواد چوہدری”][/bs-quote]

    وزیر اطلاعات نے کہا کہ امریکا جو پہلے پیچھے ہٹ گیا تھا، اب ساتھ کھڑا ہے، ٹیکس پالیسی میں بہتری کے لئے ورلڈ بینک سے مدد لی جائے گی، وزیراعظم نے فاٹا فنڈ میں کسی بھی قسم کی کمی سے منع کیا ہے، 1.63 ارب روپے فاٹا کو جاری کئے گئے ہیں، این ایف سی ایوارڈ سے متعلق رکاوٹیں سندھ حکومت کی ہیں، پیپلزپارٹی کی حکومت اب تک زبانی کلامی باتیں کررہی ہے.

    فوادچوہدری کا کہنا تھا کہ پاکستان کابل میں200 بیڈ کاجناح اسپتال بنارہا ہے، طور خم جلال آباد روڈ کیرج وے، افغان اسپتال، کڈنی سینٹر بنا رہے ہیں، افغانستان میں رہائش پذیر افراد کو سہولت پہنچانے کی کوشش کر رہے ہیں.

    مزید پڑھیں: اثاثے چھپانے پر آصف زرداری کے خلاف ریفرنس دائر کیا جائے گا: فواد چوہدری

    انھوں نے کہا کہ حکومت نواز زرداری اتحاد سے خوفزدہ نہیں، یہ صفر جمع صفر کے برابر ہیں، انہیں خوش ہونا چاہیے کہ اڈیالہ جیل میں کمپنی رہے گی، ن لیگ اور پی پی پی پہلی سیاسی جماعتیں ہوں گی، جو اپنی چوری معاف کرنے کےلئے جلسے کریں گی۔

    ان کا کہنا تھا کہ فنانس منسٹری انڈسٹری کی بہتری کے لئے کام جاری رکھے ہوئے ہے، پاکستان کی سب سے بڑی فارن پالیسی سائن ہونےجارہی ہے.

    انھوں نے مزید کہا کہ اپوزیشن روڑے اس لئے اٹکاتی ہے کہ قانون سازی نہ ہوسکے، کسی بھی حکومتی وزیر نے جے آئی ٹی کے معاملے پربات نہیں کی، جے آئی ٹی کی سیل رپورٹ سپریم کورٹ میں جمع ہوئی ہے، اس میں کیا لکھا ہے، پی پی والوں کوپتا ہے، اس لئے گھبرائے ہوئےہیں.

    انھوں نے کہا کہ حکومت عوام کی بہتری کے اقدامات پرتوجہ مرکوز کئے ہوئے ہے، محسن داوڑاورعلی وزیرکےنام ای سی ایل سےنکال دیے گئے.

  • اثاثے چھپانے پر آصف زرداری کے خلاف ریفرنس دائر کیا جائے گا: فواد چوہدری

    اثاثے چھپانے پر آصف زرداری کے خلاف ریفرنس دائر کیا جائے گا: فواد چوہدری

    اسلام آباد: وفاقی وزیرِ اطلاعات فواد چوہدری نے کہا ہے کہ آصف زرداری امریکا میں ایک اپارٹمنٹ کے مالک ہیں، اثاثے چھپانے پر ان کے خلاف ریفرنس دائر کیا جائے گا۔

    تفصیلات کے مطابق پی ٹی آئی حکومت نے پاکستان پیپلز پارٹی کے شریک چیئرمین آصف علی زرداری کو بھی کرپشن کیس میں گھیرنے کی تیاری کر لی ہے، وزیرِ اطلاعات نے پریس کانفرنس میں تفصیلات بتا دیں۔

    [bs-quote quote=”آصف زرداری امریکا میں اپارٹمنٹ کے مالک ہیں، نواز شریف اور آصف زرداری کا سیاست میں اب کوئی مستقبل نہیں رہا۔” style=”style-7″ align=”left” color=”#dd3333″ author_name=”وزیرِ اطلاعات”][/bs-quote]

    فواد چوہدری نے کہا کہ آصف زرداری مین ہیٹن، امریکا میں ایک عمارت میں اپارٹمنٹ کے مالک ہیں، تاہم انھوں نے امریکا میں اپارٹمنٹ کا اثاثوں میں ذکر نہیں کیا، اثاثے چھپانے پر ان کے خلاف ریفرنس دائر کیا جائے گا۔

    وزیرِ اطلاعات نے بتایا کہ خرم شیر زمان کو ہدایت کی گئی ہے کہ آصف زرداری کے خلاف نا اہلی ریفرنس دائر کر دیں۔

    فواد چوہدری کا کہنا تھا کہ سندھ میں آصف زرداری کے معاملات کی تفصیلات جمع ہو رہی ہیں، کچھ دستاویز میڈیا پر سرکولیٹ ہونے کی وجہ سے تفصیل بتا رہے ہیں، نواز شریف اور آصف زرداری کا سیاست میں اب کوئی مستقبل نہیں رہا۔

    انھوں نے کہا کہ دیکھنا ہے دونوں جماعتیں اپنے سیاسی معاملات کو کیسے لے کر چلیں گی، ان لوگوں کے خلاف تحقیقات کا آغاز ان کی ہی حکومتوں میں ہوا تھا، لیکن تحقیقات آگے اس لیے نہیں بڑھ رہی تھیں کہ اداروں کو روکا جا رہا تھا۔ پی ٹی آئی حکومت میں اداروں کو کام کرنے کی مکمل آزادی دی گئی ہے۔

    فواد چوہدری نے مزید کہا ’نام نہاد قوتیں آگے چل کر آپس میں مل بھی جائیں تو کوئی فرق نہیں پڑے گا، صفر جمع صفر صفر ہی ہوتا ہے، پی ٹی آئی نے شفاف احتساب کا وعدہ کیا تھا۔‘

    یہ بھی پڑھیں:  پاکستان تحریکِ انصاف کا سندھ حکومت کو ٹف ٹائم دینے کا فیصلہ

    وزیرِ اطلاعات کا کہنا تھا ’وزیرِ اعظم سمجھتے ہیں کہ قومی خزانے کو لوٹنے والوں کو انجام تک پہنچانا ضروری ہے، یہ لوگ روزانہ ایک پی ٹی آئی ممبر پکڑ کر بیٹھ جاتے ہیں، کہتے ہیں فلاں بندے کا احتساب نہیں ہوا۔‘

    [bs-quote quote=”حامد انصاری کو جذبۂ خیر سگالی کے طور پر رہا کیا، اس پر ہالی ووڈ، بالی ووڈ فلمیں بن سکتی ہیں۔” style=”style-7″ align=”right” color=”#dd3333″ author_name=”فواد چوہدری”][/bs-quote]

    انھوں نے کہا ’ماحول تبدیل ہو رہا ہے، غیر ملکی سرمایہ کار بھی صورتِ حال دیکھ رہے ہیں، وہ مطمئن دکھائی دے رہے ہیں، پاکستان میں سرمایہ کاری کا ماحول بن رہا ہے، پرتگال نے پاکستان کے لیے اپنی ٹریول ایڈوائزری تبدیل کر دی ہے، بڑے پیمانے پر غیر ملکی سرمایہ کاری آ رہی ہے۔‘

    فواد چوہدری نے مزید کہا ’غیر ملکی اخبار عمران خان کی تعریف کر رہے ہیں، کہتے ہیں عمران خان رحم اور غریب کی بات کر رہے ہیں، ریاستِ مدینہ کی اساس کو فالو کیا جا رہا ہے۔‘

    وزیرِ اطلاعات نے کہا کہ گزشتہ روز بھارتی شہری حامد انصاری کو جذبۂ خیر سگالی کے طور پر رہا کیا گیا، اس رہائی پر ہالی ووڈ، بالی ووڈ فلمیں بن سکتی ہیں۔

    انھوں نے فیصل واوڈا کے سلسلے میں کہا کہ ان کی جائیدادگوشواروں میں ظاہر کی جا چکی ہے، ایک شخص رات کی تاریکی میں عجیب کپڑے پہن کر عجیب باتیں کر رہا ہے، فیصل واوڈا نے الیکشن گوشواروں میں کچھ نہیں چھپایا، سب ظاہر کیا ہے، جو دستاویز فیصل واوڈا نے ظاہر کیں عابد شیر علی وہی اٹھائے گھوم رہے ہیں۔

  • غیرملکی میڈیا کیلئے ویزہ عمل آسان کرنے پرغور کررہے ہیں، فواد چوہدری

    غیرملکی میڈیا کیلئے ویزہ عمل آسان کرنے پرغور کررہے ہیں، فواد چوہدری

    اسلام آباد : وزیراطلاعات فواد چوہدری نے کہا ہے کہ پاکستان میں ذرائع ابلاغ، عدلیہ اور سول سوسائٹی متحرک ہے، کینیڈین فلم سازوں کو شمالی علاقوں میں عکس بندی کی دعوت دیتے ہیں۔

    یہ بات انہوں نے کینیڈین ہائی کمشنر سے ملاقات کے موقع پر گفتگو کرتے ہوئے کہی، فواد چوہدری نے کہا کہ غیر ملکی میڈیا کیلئے ویزہ عمل آسان کرنے پرغور کررہے ہیں۔

    کرتار پور راہداری پاکستان کی جانب سے امن کے لیے قدم ہے، کرتار پور کے راستے سے آنے والے کینیڈین اور امریکی سکھوں کو تمام سہولیات فراہم کریں گے، پاکستان ایک پرامن اورمحفوظ ملک ہے، کینیڈین فلم سازوں کو شمالی علاقوں کی عکس بندی کی دعوت دیتے ہیں۔

    وزیراطلاعات کا کہنا تھا کہ کینیڈا پاکستان کےحوالے سے ٹریول ایڈوائزری نرم کرے، پاکستان اور کینیڈا تاریخی طور پر مضبوط تعلقات میں بندھے ہوئے ہیں، کینیڈا میں موجود پاکستانی کمیونٹی دونوں ممالک کے تعلقات بہتر اور مضبوط بنانے کا اہم ذریعہ ہیں۔

    فواد چوہدری نے کہا کہ حکومت آزادی اظہار رائے پر کامل یقین رکھتی ہے، پاکستان میں ذرائع ابلاغ، عدلیہ، سول سوسائٹی متحرک ہے تاہم سوشل میڈیا پر نفرت انگیزمواد روکنے عالمی ریگولیٹری طریقہ کار کی ضرورت ہے، نفرت انگیز مواد کےخلاف ایک آواز بننا ہوگا۔

    اس موقع پر کینیڈین ہائی کمشنر نے سکھ برادری کو سہولیات کی فراہمی یقینی بنانے کیلئےتعاون پر اظہار تشکر کرتے ہوئے کہا کہ کینیڈا پاکستان کے ساتھ مختلف شعبوں میں تعلقات کے فروغ کا خواہاں ہے۔

  • برٹش ایئرویز کے بعد دیگر کمپنیاں بھی اپنا آپریشن بحال کریں گی، فواد چوہدری

    برٹش ایئرویز کے بعد دیگر کمپنیاں بھی اپنا آپریشن بحال کریں گی، فواد چوہدری

    اسلام آباد: وفاقی وزیر اطلاعات فواد چوہدری نے کہا ہے کہ برٹش ایئرویز کو پاکستان میں خوش آمدید کہتے ہیں، برٹش ایئرویز کے بعد دیگر کمپنیاں بھی اپنا آپریشن بحال کریں گی۔

    تفصیلات کے مطابق وفاقی وزیر اطلاعات فواد چوہدری نے سماجی رابطے کی ویب سائٹ ٹویٹر پر اپنے پیغام میں کہا کہ پاکستان دوسرے کئی ملکوں کے مقابلے میں زیادہ محفوظ ہے۔

    انہوں نے کہا کہ برٹش ایئرویز کا فضائی آپریشن بحال کرنا خوش آئند اقدام ہے، ہمارے خوبصورت ملک کو کئی لوگ درست طریقے سے سمجھ نہیں سکے۔

    فواد چوہدری نے کہا کہ برٹش ایئرویز کے بعد دیگر کمپنیاں بھی اپنا آپریشن بحال کریں گی، اکادکا منفی واقعات پر سفری انتباہ جاری نہیں کیے جانے چاہئیں۔

    مزید پڑھیں: برطانیہ کا پاکستان کے لیے برٹش ایئر ویز کی پروازیں بحال کرنے کا اعلان

    واضح رہے کہ برطانیہ نے 10 سال بعد پاکستان سے برٹش ایئرویز کی پروازیں بحال کرنے کا اعلان کیا ہے، برٹش ایئرویز نے 10 سال قبل 2008 میں سیکیورٹی صورت حال کے باعث پاکستان سے اپنا فلائٹ آپریشن معطل کردیا تھا۔

    برطانوی سفارتی حکام کا کہنا تھا کہ پاکستان میں امن کی بحالی خوش آئند ہے، آئندہ سال جون سے فلائٹ آپریشن شروع کیا جائے گا۔ برٹش ایئر ویز ہفتے میں 3 فلائٹ آپریٹ کرے گی۔

    دوسری جانب پاک فوج کے شعبہ تعلقات عامہ آئی ایس پی آر کے سربراہ میجر جنرل آصف غفور نے بھی سماجی رابطے کی ویب سایٹ ٹویٹر پر ٹویٹ کرتے ہوئے برٹش ایئر ویز کی پروازیں بحال ہونے پر خوشی کا اظہار کیا۔

    اپنے ٹویٹ میں ان کا کہنا تھا کہ پاکستانی قوم اور سیکیورٹی فورسز کی دہائیوں پر مبنی جدوجہد رنگ لانے لگی۔ پاکستان میں امن اور استحکام آرہا ہے۔

  • سیاسی منزل حاصل کر چکے، اب مستحکم معاشی نظام کی جانب گامزن ہیں: وزیر اطلاعات

    سیاسی منزل حاصل کر چکے، اب مستحکم معاشی نظام کی جانب گامزن ہیں: وزیر اطلاعات

    اسلام آباد: وزیر اطلاعات فواد چوہدری کا کہنا ہے کہ ہمارے لیے معیشت کی بہتری چیلنج ہے۔ سیاسی منزل ہم حاصل کر چکے ہیں، مستحکم سیاسی نظام کے ساتھ مستحکم معاشی نظام کی جانب گامزن ہیں۔

    تفصیلات کے مطابق وزیر اطلاعات فواد چوہدری نے میڈیا سے گفتگو کرتے ہوئے کہا کہ سیاست ہمارے لیے چیلنج نہیں، ہمارے لیے معیشت کی بہتری چیلنج ہے۔ حکومت ملی تو ڈیفالٹ کی طرف جا رہے تھے اسی لیے دوست ممالک کے پاس گئے۔ ڈیفالٹ سے نکل گئے اب کوشش ہے معیشت کو بہتر کریں۔

    انہوں نے کہا کہ وزارت خزانہ اور معاشی ٹیم نے محنت کی اور معیشت کے لیے کام کیا، اس مرتبہ ٹیکس ریٹرنز میں دگنا اضافہ ہوا ہے۔ ٹیکس دینے والوں پر مزید ٹیکس لگانے سے معیشت بہتر نہیں ہوگی۔

    فواد چوہدری نے کہا کہ ہم اپنے زر مبادلہ ذخائر بڑھالیں گے تو بہت سے مسائل حل ہوجائیں گے، منی لانڈرنگ کے خلاف اقدامات شروع کر دیے ہیں۔ کرتار پور بارڈر کھول کر ہم نے 70 سال کی تاریخ کو بدل کر رکھ دیا۔ کرتار پور بارڈر کھولنے کا مقصد مذہب کے ساتھ معاشی بھی ہے۔

    انہوں نے کہا کہ فرانس نے پاکستان کے لیے ٹریول ایڈوائزری ریڈ سے گرین کردی ہے، جرمنی بھی پاکستان کے لیے ٹریول ایڈوائزری تبدیل کرنے کا سوچ رہا ہے۔ جرمنی کے بعد امریکا بھی پاکستان کے لیے ٹریول ایڈوائزری پر نظر ثانی کرے گا۔

    وزیر اطلاعات کا کہنا تھا کہ عالمی سطح پر پاکستان کے مثبت امیج سے ہمیں فائدہ ہو رہا ہے، پاکستان کے شفاف امیج کی وجہ سے معیشت پر بھی مثبت اثر پڑ رہا ہے۔ افغانستان میں قیام امن کے لیے بھی پاکستان کوششوں میں مصروف ہے، طالبان کو مذاکرات کی میز پر لانے میں پاکستان نے اہم کردار ادا کیا ہے۔

    انہوں نے کہا کہ سی پیک پہلے صرف سڑکوں تک محدود تھا، سی پیک کے ذریعے انفرا اسٹرکچر پر بھی توجہ دی جارہی ہے، سی پیک کے تحت روس کے ساتھ ایک معاہدے پر دستخط کیے ہیں، سی پیک میں پرائیویٹ سیکٹر کو بھی منصوبے دیے جا رہے ہیں۔

    انہوں نے مزید کہا کہ ہماری منزل معاشی ہے، سیاسی منزل تو ہم حاصل کر چکے ہیں، مستحکم سیاسی نظام کے ساتھ مستحکم معاشی نظام کی جانب گامزن ہیں۔

  • زرداری حکومتی سودن کے بجائے اپنی سیاست کے آخری سو دن پرتوجہ دیں: فواد چوہدری

    زرداری حکومتی سودن کے بجائے اپنی سیاست کے آخری سو دن پرتوجہ دیں: فواد چوہدری

    اسلام آباد: وزیر اطلاعات فواد چوہدری نے کہا ہے کہ زرداری حکومتی سودن کے بجائے اپنی سیاست کےآخری سو دن پرتوجہ دیں۔

    ان خیالات کا اظہار وزیراطلاعات نے آصف زرداری کے خطاب پر رد عمل دیتے ہوئے کیا، انھوں‌نے کہا کہ جتنے مرضی فلسفے بیان کریں، ساری قوم جانتی ہے کہ پیسہ کس نے لوٹا.

    [bs-quote quote=”زرداری نے پیپلزپارٹی کو  قومی جماعت سے علاقائی جماعت بنا دیا ہے” style=”style-7″ align=”left” author_name=”فواد چوہدری”][/bs-quote]

    ان کا کہنا تھا کہ جوکام ضیاءالحق نہ کرسکے، وہ کام آصف زرداری نے کیا، زرداری نے پیپلزپارٹی کو  قومی جماعت سے علاقائی جماعت بنا دیا ہے، قوم پوچھتی ہے آپ کوقوم کا پیسہ لوٹنے کا حق کس نے دیا؟

    وزیراطلاعات نے کہا کہ آپ چاہتے ہیں کہ اداروں کی سربراہی اپنے چمچوں میں بانٹ دیں، پاکستان تحریک انصاف ایسا ہرگز  نہیں ہونے دے گی، جب ان سےحساب مانگو، تو  ان کوجمہوریت یاد آجاتی ہے.

    فوادچوہدری نے کہا کہ گاجریں نہ کھائی ہوتیں، تو آج اتنا پیٹ میں درد بھی نہ ہوتا، ہزاروں دن حکومت کرنے والے ہمارے سو دن گن رہے ہیں.

    مزید پڑھیں: ہم نے پہلے سو دنوں میں سوات سے دہشت گردوں کا صفایا کیا، آصف علی زرداری

    وزیر اطلاعات نے کہا کہ زرداری نے پہلے بھی ایک بیان دیا تھا، پھر تین سال دبئی کی سیرکرنی پڑی.

    واضح رہے کہ آج آصف علی زرداری نے حیدرآباد میں پیپلزپارٹی کے جلسے سے خطاب کرتے ہوئے حکومت کو کڑی تنقید کا نشانہ بنایا اور سو روزہ پرگرام کو آڑے ہاتھوں لیے۔

  • عوام لوٹ مار کا حساب چاہتے ہیں: فواد چوہدری

    عوام لوٹ مار کا حساب چاہتے ہیں: فواد چوہدری

    اسلام آباد: وفاقی وزیر اطلاعات فواد چوہدری کا کہنا ہے کہ عوام لوٹ مار کا حساب لینا چاہتے ہیں۔ کچھ لوگوں کی سوچ ہے پارلیمنٹیرین بن گئے تو انہیں کرپشن کا لائسنس مل گیا۔

    تفصیلات کے مطابق وفاقی وزیر اطلاعات فواد چوہدری نے قومی اسمبلی میں اظہار خیال کرتے ہوئے کہا کہ احتساب کا عمل جو بھی ہونا چاہیئے اس میں شفافیت ضروری ہے، نیب کے موجودہ چیئرمین مسلم لیگ ن کے اپنے ہی لگائے گئے ہیں۔

    اپوزیشن کے شور شرابے پر فواد چوہدری نے کہا کہ لگتا ہے اپوزیشن کی تربیت ٹھیک نہیں ہوئی، جس پر اپوزیشن نے احتجاج کیا۔ اسپیکر قومی اسمبلی نے بھی فواد چوہدری کو جملہ واپس لینے کی ہدایت کردی۔

    فواد چوہدری کا مزید کہنا تھا کہ خواجہ سعد رفیق نے ضمانت کے لیے لاہور ہائیکورٹ میں درخواست دی تھی، لاہور ہائیکورٹ سے درخواست خارج ہونے پر ان کی گرفتاری کی گئی۔ ’گزشتہ 5 سال انہوں نے کیسی حکومت کی سب جانتے ہیں‘۔

    انہوں نے کہا کہ نیب میں ایک چپڑاسی بھی ہمارے دور کا لگایا ہوا نہیں ہے۔ عوام احتساب چاہتی ہے، لوٹ مار کا حساب لینا چاہتے ہیں۔

    وزیر اطلاعات نے کہا کہ نیب کے موجودہ قانون اس وقت بنے تھے جب آپ اقتدار میں تھے، جب آپ اقتدار سے نکلے تو پھر آپ کو نیب قوانین نظر آگئے۔ نیب قانون میں کہاں خامیاں ہیں جب اقتدار میں تھے تو اس وقت دیکھتے۔

    انہوں نے کہا کہ کچھ لوگوں کی سوچ ہے پارلیمنٹیرین بن گئے تو انہیں کرپشن کا لائسنس مل جاتا ہے۔ ماضی میں اہم عہدوں پر منی لانڈرنگ میں ملوث لوگوں کو تعینات کیا گیا۔ ایس ای سی پی چیئرمین سمیت دیگر عہدے آپ کے سامنے ہیں۔

    فواد چوہدری نے کہا کہ جو لوگ موٹر سائیکل پر گھومتے ہیں آج ان کے پاس ٹاور اور گاڑیاں ہیں۔ ’ان سے پوچھیں کہ پیسہ کہاں سے آیا تو کہتے ہیں پارلیمنٹ کا وقار مجروح ہو رہا ہے، ان کو شہباز شریف یا سعد رفیق کی نہیں اپنی باری آنے کا ڈر ہے‘۔

    انہوں نے کہا کہ یہ بات اب نہیں ہوسکتی کہ ہمارے پاس تو کرپشن کا لائسنس ہے کون پوچھ سکتا ہے، حکومت اپنا، عدالت اپنا اور ادارے اپنا کام کر رہے ہیں۔