ARYNews.tv | Urdu – Har Lamha Bakhabar

Tag: فواد چوہدری

  • گرفتاریوں اور حمزہ شہباز کوروکے جانے سےہمارا تعلق نہیں ، فواد چوہدری

    گرفتاریوں اور حمزہ شہباز کوروکے جانے سےہمارا تعلق نہیں ، فواد چوہدری

    اسلام آباد : وزیر اطلاعات فواد چوہدری کا کہنا ہے کہ گرفتاریوں کا مطلب ہے ملک درست سمت میں آگے بڑھ رہا ہے، گرفتاریوں اور حمزہ شہباز کوروکے جانے سےہمارا تعلق نہیں۔

    تفصیلات کے مطاق وزیر اطلاعات فواد چوہدری نے مسلم لیگ ن کےرہنماؤں کی گرفتاریوں پر ردعمل کا اظہار کرتے ہوئے کہا جنہوں نے گاجریں کھائی ان کے پیٹ میں درد ، گرفتاریوں کا مطلب ہے ملک درست سمت میں آگے بڑھ رہا ہے۔

    [bs-quote quote=” ہمیں ان کے مقدمات کا نہیں پتہ ، ہمیں بس یہ معلوم ہے انہوں نے بہت پیسے کھائے” style=”style-6″ align=”left”][/bs-quote]

    وزیر اطلاعات کا کہنا تھا کہ خواجہ سعد رفیق کی گرفتاری ضمانت منسوخی کے بعد کی گئی ، گرفتاریوں اور حمزہ شہباز کوروکے جانے سےہمارا تعلق نہیں۔

    فواد چوہدری نے کہا یہ لوگ جن مقدمات میں پکڑےگئے ہیں وہ ہم نےنہیں بنائے، جو پکڑ  رہے ہیں انہیں بھی ہم نے نہیں لگا یا، ہم نہ بنانے والوں میں ہیں نہ لگانے والوں میں  ادارے خود مختار ہیں ،انہیں گرفتار کر رہے ہیں۔

    ان کا مزید کہنا تھا کہ ہمیں ان کے مقدمات کا نہیں پتہ ، ہمیں بس یہ معلوم ہے انہوں نے بہت پیسے کھائے۔

    مزید پڑھیں : نیب نے خواجہ سعد رفیق اور سلمان رفیق کو حراست میں لے لیا

    یاد رہے لاہور ہائی کورٹ کی جانب سے خواجہ برادران کی عبوری ضمانت میں توسیع کی درخواست مسترد ہونے کے بعد نیب نے سابق وزیر ریلوے خواجہ سعد رفیق اور سابق وزیر صحت پنجاب خواجہ سلمان رفیق کو گرفتار کرلیا اور تفتیش کیلئے لاہور آفس میں منتقل کردیا ہے۔

    سماعت میں وکلا صفائی نے دلائل میں کہا آج تک پیراگون کےساتھ ان کےموکلوں کاکوئی تعلق سامنےنہیں آیا،ایک ایک پیسہ قانونی ہے، جس پر نیب کےوکلا نے کہا سعد رفیق اور سلمان رفیق تفتیش میں تعاون نہیں کر رہے گرفتاری کے بغیر تفتیش مکمل نہیں کر پائیں گے۔

  • وزیر اعظم نے سب وزرا کو بتا دیا ہے کہ آپ عوام کو جوابدہ ہیں: فواد چوہدری

    وزیر اعظم نے سب وزرا کو بتا دیا ہے کہ آپ عوام کو جوابدہ ہیں: فواد چوہدری

    اسلام آباد: وفاقی وزیر اطلاعات فواد چوہدری کا کہنا ہے کہ احتساب کا عمل شروع کیا ہے، وزرا سے سوالات بھی احتساب ہے۔ وزیر اعظم نے سب وزرا کو بتا دیا ہے کہ آپ جوابدہ ہیں، عوام کے ایک ایک روپے ٹیکس کی حکومت جوابدہ ہے۔

    تفصیلات کے مطابق وفاقی وزیر اطلاعات فواد چوہدری نے میڈیا سے گفتگو کرتے ہوئے کہا کہ ایسے اقدامات کر رہے ہیں جس سے قومی خزانے کو فائدہ پہنچے گا، کل کابینہ کے خصوصی اجلاس میں تمام وزرا نے اپنی کارکردگی بیان کی۔

    فواد چوہدری نے کہا کہ کارکردگی کے ساتھ وزیر اعظم نے وزرا سے سوال جواب بھی کیا، نئی روایت ہے کہ وزرا اپنی اور وزارت کی کارکردگی سے آگاہ کر رہے ہیں۔ مدینہ کی ریاست کی طرف بڑھنے کی ابتدائی ہے ہر کوئی جوابدہ ہے۔

    انہوں نے کہا کہ کابینہ اجلاس میں جو بھی کام ہو رہا ہے اس سے متعلق باز پرس ہوئی، اخراجات کم کرنا اور گاڑیاں وغیرہ نیلام کرنا پہلی مرتبہ ہو رہا ہے۔ ہمارا کوئی سیاسی ہدف نہیں ہمارا فوکس اس وقت چیلنجز سے نمٹنا ہے۔

    وزیر اطلاعات کا کہنا تھا کہ نواز شریف اور آصف زرداری نے اپنی سیاست کرلی ہے، دونوں نے آخری وقت جیل یا گھر میں گزارنا ہے۔ پیپلز پارٹی اور ن لیگ کی سیاست کا محور اب صرف تنقید ہے۔ ’ہم کوئی بھی اچھا کام کریں یہ صرف تنقید ہی کریں گے اور کچھ نہیں کریں گے‘۔

    انہوں نے کہا کہ ہم نے احتساب کا عمل شروع کیا ہے، وزرا سے سوالات بھی احتساب ہے۔ ماضی میں جیسی سیاست ہوئی اس سے اداروں میں تنزلی آئی، عمران خان نے سب وزرا کو بتا دیا ہے کہ آپ جوابدہ ہیں، عوام کے ایک ایک روپے ٹیکس کی حکومت جوابدہ ہے۔

    فواد چوہدری نے کہا کہ عوام کے ٹیکس کے پیسوں نے نواز شریف کا لندن میں 4 کروڑ سے زائد کا علاج ہوا۔ بات صرف یہاں نہیں رکی جو پی آئی اے کا جہاز گیا اس پر بھی 4 کروڑ سے زائد خرچہ ہوا۔

    انہوں نے کہا کہ جاتی امرا میں ایک اینٹ بھی انہوں نے اپنے پیسوں سے نہیں لگائی۔ عوام کے پیسوں سے گورنر ہاؤس میں چائے پی جاتی تھی۔ قومی خزانے سے پیسے ان کی عیاشیوں پر خرچ ہوئے۔

    وزیر اطلاعات نے کہا کہ ہمیں پاکستان جیسے ملا اس کی معاشی صورتحال عوام کے سامنے ہے، ہم معیشت کو بہتر کرنے کی کوشش کر رہے ہیں۔ ہماری حکومت کو گورننس اور معیشت کا چیلنج درپیش ہے، ’ہمارے لیے چیلنج ہے کہ ہم نے پاکستان کو اپنے پاؤں پر کھڑا کرنا ہے‘۔

  • مہنگے فون پر 38 فیصد ٹیکس ہے، اس سے زیادہ مناسب ٹیکسیشن کیا ہوگی: فواد چوہدری

    مہنگے فون پر 38 فیصد ٹیکس ہے، اس سے زیادہ مناسب ٹیکسیشن کیا ہوگی: فواد چوہدری

    اسلام آباد: وفاقی وزیر اطلاعات فواد چوہدری کا کہنا ہے کہ ہم دو ارب ڈالر کے موبائل درآمد کر رہے ہیں اس پر ٹیکس نہیں کریں گے تو کیسے چلے گا؟ مہنگے فون پر 38 فیصد ٹیکس ہے، اس سے زیادہ مناسب ٹیکسیشن کیا ہوگی۔

    تفصیلات کے مطابق وفاقی وزیر اطلاعات فواد چوہدری نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ سمندر پار پاکستانی فون لا سکتے ہیں اضافی فون پر ٹیکس ہے، ہم دو ارب ڈالر کے موبائل درآمد کر رہے ہیں اس پر ٹیکس نہیں کریں گے تو کیسے چلے گا؟

    فواد چوہدری نے کہا کہ 60 ڈالر سے کم قیمت کے فون پر ٹیکس نہ ہونے کے برابر ہے۔ مہنگے فون پر 38 فیصد ٹیکس ہے، اس سے زیادہ مناسب ٹیکسیشن کیا ہوگی۔

    انہوں نے مزید کہا کہ ہمیں ٹیکس کلچر اپنانا ہوگا۔

  • لگتا نہیں کہ بریفنگ کر پاؤں گا، کابینہ میٹنگ ختم ہونے کے آثار نظر نہیں آ رہے: فواد چوہدری

    لگتا نہیں کہ بریفنگ کر پاؤں گا، کابینہ میٹنگ ختم ہونے کے آثار نظر نہیں آ رہے: فواد چوہدری

    اسلام آباد: وفاقی وزیرِ اطلاعات فواد چوہدری نے سماجی رابطوں کی ویب سائٹ ٹویٹر پر کہا کہ لگتا نہیں کہ بریفنگ کر پاؤں گا کیوں کہ کابینہ اجلاس ختم ہونے کے کوئی آثار نظر نہیں آ رہے ہیں۔

    تفصیلات کے مطابق فواد حسین چوہدری نے وفاقی کابینہ کے خصوصی اجلاس کے حوالے سے ٹویٹ کرتے ہوئے کہا کہ سو دن کی کارکردگی کے حوالے سے وزرا کی بریفنگ جو ساڑھے گیارہ بجے شروع ہوئی تھی اب بھی جاری ہے۔

    فواد چوہدری نے اپنے ٹویٹر پیغام میں کہا کہ وزیرِ اعظم عمران خان جس محنت، صبر اور تحمل سے تمام وزرا کی کارکردگی جانچ رہے ہیں یہ انھی کا خاصہ ہے۔

    وزیرِ اطلاعات کا کہنا تھا کہ سو دن میں وزارتوں میں جو کام ہوئے ہیں پچھلے دس سال میں اس کا تصور بھی نہیں ہو سکتا تھا۔

    اس تفصیلی ٹویٹ کے کچھ دیر بعد وزیرِ اطلاعات نے ایک ٹویٹ کے جواب میں کہا کہ ’لگتا نہیں کہ بریفنگ کر پاؤں گا کیونکہ ابھی میٹنگ ختم ہونے کے کوئی آثار نظر نہیں آ رہے۔‘

    یہ بھی پڑھیں:  وفاقی کابینہ اجلاس: وزارتوں کی کارکردگی کے لیے ہر 3 ماہ بعد اجلاس بلانے کا فیصلہ

    واضح رہے کہ اسلام آباد میں وزیرِ اعظم کی زیرِ صدارت وفاقی کابینہ کا اجلاس گزشتہ 9 گھنٹے سے مسلسل جاری ہے، وزرا، وزرائے مملکت، مشیران اور معاونینِ خصوصی 11 بجے سے وزیرِ اعظم آفس میں موجود ہیں۔

  • وزیرِ اعظم جسے چاہیں وزیرِ اطلاعات بنائیں، یہ ان کی صوابدید ہے: فواد چوہدری

    وزیرِ اعظم جسے چاہیں وزیرِ اطلاعات بنائیں، یہ ان کی صوابدید ہے: فواد چوہدری

    لندن: وفاقی وزیرِ اطلاعات فواد چوہدری نے کہا ہے کہ ان کی وزارت کے بارے میں بہتر فیصلہ وزیرِ اعظم ہی کریں گے، یہ وزارت وزیرِ اعظم کی طرف سے اعتماد کا نام ہے۔

    تفصیلات کے مطابق وفاقی وزیرِ اطلاعات فواد چوہدری لندن میں اے آر وائی نیوز سے خصوصی گفتگو کر رہے تھے، انھوں نے کہا کہ وزیرِ اعظم جسے چاہیں وزیرِ اطلاعات بنائیں، یہ ان کی صوابدید ہے۔

    [bs-quote quote=”میں یہاں تک پی ٹی آئی اور وزیرِ اعظم عمران خان کی مہربانی سے پہنچا ہوں۔” style=”style-7″ align=”left” color=”#dd3333″ author_job=”وفاقی وزیرِ اطلاعات”][/bs-quote]

    فواد چوہدری نے وزارت کی تبدیلی کی افواہوں پر کہا کہ وزیرِ اعظم ہی فیصلہ کریں گے، جسے وہ بہتر سمجھیں گے، وزارتِ اطلاعات کا قلم دان سونپیں گے۔

    وزیرِ اطلاعات کا کہنا تھا کہ اگر مجھے وزیرِ اعظم کا یہ اعتماد حاصل ہو کہ میں ٹھیک کام کر رہا ہوں تو اپنی ذمہ داریوں کو جاری رکھوں گا۔

    فواد چوہدری نے کہا ’میں یہاں تک پی ٹی آئی اور وزیرِ اعظم عمران خان کی مہربانی سے پہنچا ہوں، اگروہ چاہیں گے تو بہ طور ممبر کام جاری رکھنے میں میرے لیے کوئی عار نہیں۔‘

    یہ بھی پڑھیں:  شیخ رشید کی وزیراطلاعات بننے کی تردید، فواد چوہدری کو اپنا بھائی قرار دے دیا

    خیال رہے کہ وزیرِ ریلوے شیخ رشید نے وزارتِ اطلاعات کا قلم دان سنبھالنے کی خبروں کی تردید کر دی ہے، فواد چوہدری کی جانب سے سامنے آنے والے ٹویٹ کے بعد شیخ رشید نے اے آر وائی نیوز سے خصوصی گفتگو کرتے ہوئے کہا کہ مجھ سے منسوب باتیں بے بنیاد ہیں، فواد چوہدری میرا بھائی ہے۔

    وزیر ریلوے شیخ رشید نے کہا کہ فواد چوہدری کو فون کر کے کہا ہے کہ واپس آجائیں، سوال ہی پیدا نہیں ہوتا کہ فواد چوہدری کی جگہ لوں۔

    یاد کہ برطانیہ کے دورے پر موجود فواد چوہدری نے اپنی ٹویٹ میں کہا تھا کہ شیخ رشید کے لیے اپنی وزارت چھوڑنے پر خوشی ہوگی۔

  • شیخ رشید کی وزیراطلاعات بننے کی تردید، فواد چوہدری کو اپنا بھائی قرار دے دیا

    شیخ رشید کی وزیراطلاعات بننے کی تردید، فواد چوہدری کو اپنا بھائی قرار دے دیا

    اسلام آباد: وزیر ریلوے شیخ رشید نے وزارت اطلاعات کا قلم دان سنبھالنے کی خبروں کی تردید کر دی.

    تفصیلات کے  مطابق فواد چوہدری کی جانب سے سامنے آنے والے ٹویٹ کے بعد شیخ رشید نے اے آر وائی نیوز سے خصوصی گفتگو کرتے ہوئے کہا کہ مجھ سے منسوب باتیں بے بنیاد ہیں، فواد چوہدری میرا بھائی ہے.

    وزیر ریلوے شیخ رشید نے کہا کہ فواد چوہدری کو فون کرکے کہا ہے کہ واپس آجائیں، سوال ہی پیدا نہیں ہوتا کہ فوادچوہدری کی جگہ لوں.

    یاد رہے کہ برطانیہ کے دورے پر موجود فواد چوہدری نے اپنی ٹویٹ میں کہا تھا کہ شیخ رشید کے لئے اپنی وزارت چھوڑنے پر خوشی ہوگی، بہ طورایم این اے حکومت کی خدمت کے لئے تیار ہوں، جب تک وزیر ہوں، اشتہاری لابی کی بلیک میلنگ میں نہیں آؤں گا.

    شیخ رشید نے کہا کہ وزیراعظم بہتر سمجھتے ہیں کہ کون کس جگہ پر بہتر کام کرے گا، غلط خبریں چلانے والوں کو اللہ ہدایت دے، میں ریلوے کی وزارت میں بہت خوش ہوں.

    وزیر ریلوے کا کہنا تھا کہ دنیا ادھر سے ادھر ہوجائے، وزیر اطلاعات کے خلاف کسی سازش میں شامل نہیں ہوں گا، وزیر اعظم پیش کش کریں یا نہیں میں وزارت نہیں لوں گا۔

    وزیراعظم ہاؤس کا موقف

    بعد ازاں‌ پی ٹی آئی کے سینئر رہنما نعیم الحق نے اے آر وائی نیوز سے گفتگو کرتے ہوئے کہا کہ فواد چوہدری سے وزارت اطلاعات واپس لینے کی افواہیں ہیں، وہ ہی وزیراطلاعات رہیں گے.

    نعیم الحق نے کہا کہ 3 ماہ میں کسی وزیر کی کارکردگی کاحتمی فیصلہ نہیں ہوسکتا.

    ذرائع وزیر اعظم ہاؤس نے بھی واضح کیا ہے کہ فوادچوہدری اپنی خدمات جاری رکھیں گے، ان سے متعلق بے بنیاد خبروں کا مقصد کچھ اور ہے.

     

  • پہلے بڑے ہاتھیوں کو پکڑیں گے، پھرنیچے سے کرپشن ختم کریں گے: فواد چوہدری

    پہلے بڑے ہاتھیوں کو پکڑیں گے، پھرنیچے سے کرپشن ختم کریں گے: فواد چوہدری

    لندن: وفاقی وزیر اطلاعات فواد چوہدری نے کہا ہے کہ پاکستان تحریک انصاف نے100دن میں نئے پاکستان کی بنیاد رکھ دی.

    ان خیالات کا اظہار انھوں نے لندن میں میڈیا سے گفتگو کرتے ہوئے کیا، وفاقی وزیر اطلاعات کا کہنا تھا کہ پاکستان میں برآمدات میں اضافہ اور درآمدات میں کمی آئی ہے، حکومت نے 90 دن میں پاکستان ہاؤسنگ اتھارٹی قائم کی.

    [bs-quote quote=”فوری دیوالیہ ہونے کا خطرہ ٹل چکا ہے، برآمدات میں اضافہ اوردرآمدات میں کمی آئی ہے” style=”style-7″ align=”left” author_name=”فواد چوہدری” author_job=”وفاقی وزیر اطلاعات”][/bs-quote]

    وفاقی وزیر  نے کہا کہ پہلے بڑے ہاتھیوں کو  پکڑیں گے، پھر نیچے سےکرپشن ختم کریں گے، اسلام آباد میں طاقتور  افراد سے زمین واگزار کرائی ہے۔

    ان کا کہنا تھا کہ زلفی بخاری برطانیہ سےہیں اور  اوورسیز پاکستانیوں کے مسائل کو سمجھتے ہیں، برطانوی یونیورسٹیزکے طلبا کوانٹرن شپ پرپاکستان لے کر جائیں گے.

    فواد چوہدری نے کہا کہ منی لانڈرنگ کے تدارک کے لئے اقدامات کر رہے ہیں، پی ٹی آئی حکومت اب بڑے اقتصادی پلان کی طرف بڑھ رہی ہے، پنجاب میں بند ہونے والی 200 ٹیکسٹائل ملز دوبارہ کھلنے جارہی ہیں، یواےای اور سعودی عرب بھی پاکستان میں سرمایہ کاری کررہے ہیں.

    انھوں نے کہا کہ امریکی کمپنی پاکستان میں تیل دریافت کے لئے اربوں روپے لگارہی ہے، فوری دیوالیہ ہونے کا خطرہ ٹل چکا ہے، برآمدات میں اضافہ اوردرآمدات میں کمی آئی ہے، 120 کے قریب برٹش کمپنیز پاکستان میں کام کررہی ہیں، پاکستانیوں کو ملازمت کے لیے بیرون ملک جانے کی ضرورت نہیں پڑےگی.

    فواد چوہدری کا کہنا تھا کہ پاکستان میں میڈیا آزاد ہے، آزادی اظہار کو متاثر نہیں ہونا چاہیے، ہم میڈیا کی آزادی کے حوالے سے پیچھے کی طرف سفر نہیں کرنا چاہتے، کوشش ہے، ہمارے صحافیوں کو عالمی اداروں میں کام کا موقع ملے۔

    مزید پڑھیں: پہلی بار طاقتور افراد قانون کا دباؤ محسوس کررہے ہیں، فوادچوہدری

    فواد چوہدری نے کہا کہ کیا برطانیہ میں کوئی ججز کو دھمکی دینے کی جرات کرسکتا ہے؟ ہم نے بڑے پرتشدد گروپس پر ہاتھ ڈالا ہے، پارلیمنٹ میں چور ڈاکو کے احتساب کی بات کرتے ہیں، تواپوزیشن ناراض ہوتی ہے، سعد رفیق نے 70 سی سی سے سیاسی سفر کا آغاز کیا تھا، مشاہداللہ خان لوڈرکے طور پرپی آئی اے میں بھرتی ہوئے تھے.

    انھوں نے کہا کہ ہم نے اسٹیٹ بینک کو اختیار دے دیا ہے، اسحاق ڈار اسٹیٹ بینک کو کنٹرول کر رہے تھے، ڈالر کے مقابلے میں صرف پاکستانی کرنسی نیچے نہیں گئی، مفتاح اسماعیل بھی اسحاق ڈارکی ڈالر کنٹرول پالیسی سے متفق نہیں تھے.

    انھوں نے کہا کہ گائے کھلنے پر وزیرکو استعفیٰ دینا پڑا،یہ عمران خان کا دیا ہوا کلچر ہے، حالاں کہ وہ اپیلوں کے ذریعے وقت گزارسکتے تھے، 18ویں ترمیم کی بہت سی شقیں اچھی ہیں، پڑوسی ممالک کے ساتھ امن سب کے لئے ضروری ہے۔

  • عمران خان کا وژن معیشت کی بحالی اور تعلیمی اداروں کے ساتھ روابط ہے، فواد چوہدری

    عمران خان کا وژن معیشت کی بحالی اور تعلیمی اداروں کے ساتھ روابط ہے، فواد چوہدری

    لندن : وفاقی وزیراطلاعات فواد چوہدری نے کہا ہے کہ وزیراعظم معیشت کی بحالی کیلئے خصوصی توجہ مرکوز کئے ہوئے ہیں، عمران خان کا وژن طلبہ اور تعلیمی اداروں کے ساتھ روابط ہے۔

    ان خیالات کا اظہار انہوں نے آکسفورڈ یونیورسٹی میں قومی، علاقائی اور عالمی امور کے موضوع پر لیکچر کے موقع پر کیا، اس لیکچر کا اہتمام آکسفورڈ ساؤتھ ایشیاء سوسائٹی اور آکسفورڈ پاکستان سوسائٹی نے کیا، فواد چوہدری نے کہا کہ عمران خان کا وژن طلبہ اور تعلیمی اداروں کے ساتھ روابط ہے، پاکستان سمیت دنیا کی ممتاز جامعات سے طلبہ کو انٹرن شپ دیں گے۔

    ملکی معیشت سے متعلق ان کا کہنا تھا کہ وزیراعظم معیشت کی بحالی کیلئے خصوصی توجہ مرکوز کئے ہوئے ہیں، علاقائی تنازعات کے اثرات پاکستان کی معیشت پر مرتب ہوئے ہیں، پاکستان نے غیرمعمولی مزاحمت کرتے ہوئے اپنے آپ کو برقرار رکھا، اقتصادی زون تشکیل دے کر حکومت صنعتی ترقی کے لئے کام کررہی ہے، چین پاکستان اقتصادی راہداری عظیم معاشی منصوبہ ہے۔

    بڑی کمپنیوں نے پاکستان میں اربوں ڈالر کی سرمایہ کاری میں دلچسپی ظاہر کی ہے، وزیراعظم کی ترجیحات میں شفافیت اور قانون کی حکمرانی سرفہرست ہے، کرپشن کو جڑ سے اکھاڑ پھینکنا اور منی لانڈرگ کے خاتمے کا عزم کیا ہے، حکومت نے ریاستی میڈیا سے بھی سینسر شپ ختم کردی ہے۔

    اس کے علاوہ سول اور عسکری ادارے مکمل ہم آہنگی کے ساتھ کام کررہے ہیں، سول اور عسکری اداروں کی ہم آہنگی سے خارجہ پالیسی کا محور تبدیل ہوگیا، پالیسیوں کے تسلسل کے لیے اداروں کی ہم آہنگی ناگزیر ہوتی ہے۔

    فوادچوہدری کا مزید کہنا تھا کہ کشمیر سمیت دیگر تنازعات کے حل کیلئے مذاکرات واحد راستہ ہے، کرتار پور راہداری خارجہ پالیسی کے محور کا ایک مظہر ہے، امید ہے بھارت پاکستان کی مذاکرات کی پیشکش پر سنجیدگی سے غور کرے گا، پاکستان داخلی اور خارجی سطح پر امن کا خواہاں ہے۔ افغانستان میں قیام امن اوراستحکام کیلئے پاکستان کردار ادا کرنے کے لئے تیار ہے.

  • شاہ محمود، فواد چوہدری، احسان مانی، شعیب اختر کی یاسر شاہ کو عالمی ریکارڈ بنانے پر مبارک باد

    شاہ محمود، فواد چوہدری، احسان مانی، شعیب اختر کی یاسر شاہ کو عالمی ریکارڈ بنانے پر مبارک باد

    اسلام آباد: یاسر شاہ کو تیز ترین 200 وکٹیں حاصل کرنے پر سیاسی رہنماؤں اور چیئرمین پی سی بی نے مبارک باد پیش کی ہے۔

    تفصیلات کے مطابق لیگ اسپنر یاسر شاہ کو تیز ترین 200 وکٹیں حاصل کرنے اور 82 سالہ ریکارڈ توڑنے پر شاہ محمود قریشی، احسان مانی، شعیب اختر، فواد چوہدری اور فیصل جاوید نے مبارک باد پیش کی ہے۔

    وزیر خارجہ شاہ محمود قریشی نے کرکٹر یاسر شاہ کو عالمی ریکارڈ بنانے پر مبارک باد دیتے ہوئے کہا کہ پاکستان میں ٹیلںٹ کی کوئی کمی نہیں، پاکستان کا نام روشن کرنے والے کھلاڑی قیمتی اثاثہ ہیں۔

    آئی جی خیبرپختونخوا نے بھی خیبرپختونخوا سے تعلق رکھنے والے یاسر شاہ کو مبارک باد دیتے ہوئے کہا کہ لیگ اسپنر نے ملک کا نام روشن کیا۔

    تحریک انصاف کے سینیٹر فیصل جاوید نے کہا کہ 82 سال پرانا ریکارڈ توڑنے پر یاسر شاہ مبارک باد کے مستحق ہیں۔

    چیئرمین پی سی بی احسان مانی نے کہا کہ یاسر شاہ کی پاکستان کرکٹ کے لیے خدمات قابل ستائش ہیں، یاسر شاہ کی مستقبل میں مزید کامیابیوں کے لیے پرامید اور دعاگو ہوں، یاسر شاہ میچ ونر کھلاڑی ہے اور کھیل کے لیے اس کا رویہ شاندار ہے۔

    وزیر اطلاعات فواد چوہدری نے اپنے ٹویٹ میں کہا کہ یاسر شاہ کی پرفارمنس قابل فخر ہے، ان کی کارکردگی پر خوشی ہے۔

    سابق اسپیڈ اسٹار شعیب اختر نے بھی یاسر شاہ کو مبارک باد دیتے ہوئے کہا ہے کہ آپ نے بہت ہی اچھا اسپیل کیا آپ اس کے حق دار تھے۔

    مزید پڑھیں: یاسرشاہ نے ٹیسٹ کرکٹ کا بیاسی سال پرانا ریکارڈ توڑدیا

    واضح رہے کہ یاسر شاہ نے 33 ٹیسٹ میچز میں 200 وکٹیں حاصل کرکے 82 سالہ پرانا ریکارڈ توڑ دیا ہے، تیز ترین 200 وکٹیں حاصل کرنے کا ریکارڈ اس سے قبل آسٹریلوی اسپنر کلیری گریمٹس کے پاس تھا انہوں نے 1936 میں یہ کارنامہ انجام دیا تھا۔

  • نواز شریف اور زرداری اپنا آخری الیکشن لڑچکے، فواد چوہدری

    نواز شریف اور زرداری اپنا آخری الیکشن لڑچکے، فواد چوہدری

    لندن: وفاقی وزیر اطلاعات فواد چوہدری نے کہا ہے کہ نواز شریف اور زرداری اپنا آخری الیکشن لڑ چکے، مڈٹرم الیکشن کا کوئی امکان نہیں، ڈالر اوپر نیچے جانے سے کوئی فرق نہیں پڑتا ہے، ہمارا سب سے بڑا چیلنج اپنے وعدے پورا کرنا ہے۔

    تفصیلات کے مطابق فواد چوہدری نجی دورے پر لندن پہنچے ہیں جہاں ان کا استقبال ڈپٹی ہائی کمشنر محمد ایوب نے کیا، میڈیا سے گفتگو کرتے ہوئے فواد چوہدری نے کہا کہ الیکشن مہم میں ساتھ دینے پر اوورسیز کمیونٹی کا شکریہ ادا کرنے آیا ہوں، وقت آگیا اوورسیز پاکستانیوں کی توقعات پوری ہوں۔

    [bs-quote quote=”عمران خان کی پالیسیوں سے پاکستان کے پاسپورٹ کی اہمیت بڑھے گی” style=”style-6″ align=”left” author_name=”فواد چوہدری”][/bs-quote]

    وزیر اطلاعات نے کہا کہ پاکستان میں احتساب پر لوگوں کی گھبراہٹ دیکھ کر اوورسیز پاکستانی خوش ہیں، عمران خان کی پالیسیوں سے پاکستان کے پاسپورٹ کی اہمیت بڑھے گی، پاکستانی سفارتی کامیابیوں سے مستحکم معیشت کی طرف بڑھ رہے ہیں۔

    فواد چوہدری نے کہا کہ ملک کو اس حالت میں پہنچانے والے ہمیں لیکچر دے رہے ہیں، ہمیں کوئی سیاسی چیلنج درپیش نہیں سب سے بڑا چیلنج وعدوں کی تکمیل ہے۔

    اسد عمر سے متعلق خبروں کی سختی سے تردید

    وزیر اطلاعات نے اسد عمر سے متعلق خبروں کی سختی سے تردید کرتے ہوئے کہا کہ منفی پروپیگنڈے کا مقصد معیشت کو عدم استحکام سے دوچار کرنا ہے، وزیراعظم کو اسد عمر کی صلاحیتوں پر بھرپور اعتماد کرتے ہیں۔

    فواد چوہدری نے کہا کہ اسد عمر بھرپور صلاحیتوں، محنت کے ساتھ قومی خدمات انجام دے رہے ہیں، ملکی معیشت کو استحکام دینے کے لیے اسد عمر کی قابلیت نے اہم کردار ادا کیا۔

    انہوں نے کہا کہ سرمایہ کاری اور برآمدات میں اضافہ ہورہا ہے، درآمدات میں کمی آئی اور ترسیلات زر بڑھ رہی ہیں، وہ دن دور نہیں جب سیاست کی طرح معیشت میں مثبت تبدیلی نظر آئے گی۔

    یہ پڑھیں: عوام کا مال لوٹنے والوں کے مقدر میں صرف جیل کی دال ہے: فواد چوہدری

    واضح رہے کہ چند روز قبل فواد چوہدری کا اپنے ایک بیان میں کہنا تھا کہ عوام کا مال لوٹنے والے پی ٹی آئی کے ایجنڈے سے تکلیف میں ہیں، خورشید شاہ اور ان کے لیڈروں نے قومی خزانے کو سونے کی مرغی سمجھ کر حلال کیا، پیپلزپارٓٹی کب تک اپنی کرپشن بھٹو کے پیچھے چھپائے گی۔

    فواد چوہدری کا کہنا تھا کہ عمران خان روایتی وزیرِ اعظم نہیں ہیں جو عوام کو اپنا غلام سمجھے، عوام نے عمران خان کو وزیرِ اعظم منتخب کر کے لٹیروں کے خلاف اعلانِ جنگ کیا۔