Tag: فواد چوہدری

اسلام آباد : گرفتار پی ٹی آئی رہنماؤں شاہ محمود قریشی ، اسد عمر اور فواد چوہدری کو اڈیالہ جیل منتقل کر دیاگیا۔

تفصیلات کے مطابق نقص امن کے تحت پی ٹی آئی کے رہنماؤں کی گرفتاریوں کے معاملے پر شاہ محمود قریشی، اسد عمر، فواد چوہدری اور جمشید اقبال چیمہ کو اڈیالہ جیل منتقل کر دیا گیا۔

ذرائع نے بتایا کہ فلک نازچترالی، مسرت جمشید چیمہ اور ملیکہ بخاری بھی اڈیالہ جیل منتقل کیا گیا ہے۔

یاد رہے اسلام آباد کیپٹل پولیس کی جانب سے بیان میں کہا گیا تھا کہ جلاؤ گھیراؤ اور پرتشدد مظاہروں پر اکسانے والوں کے خلاف کارروائیاں ہو رہی ہیں، شاہ محمود قریشی، اسد عمر، فواد چوہدری، جمشید اقبال چیمہ، مسرت چیمہ، فلک ناز، ملکیہ بخاری کو گرفتار کیا گیا ہے۔

پولیس کا کہنا تھا کہ تمام گرفتاریاں قانونی تقاضوں کو مکمل کر کے عمل میں لائی گئیں ہیں، مزید گرفتاریاں بھی متوقع ہیں، عوام میں افواہ اور اشتعال پھیلانے سے گریز کریں۔

واضح رہے کہ تحریک انصاف کے وائس چیئرمین شاہ محمود قریشی کو اسلام آباد میں گلگت بلتستان ہاؤس سے گرفتار کیا گیا، اس سے پہلے فواد چوہدری کو سپریم کورٹ کے باہر سے اور اسد عمر کو اسلام آباد ہائیکورٹ سے گرفتار کیا گیا تھا۔

اسلام آباد : پاکستان تحریک انصاف کے رہنماؤں اسد عمر اور فواد چوہدری کو 15 روز کے لئے نظربند کردیا گیا۔

تفصیلات کے مطابق اسلام آباد انتظامیہ کی جانب سے کہا گیا ہے کہ پاکستان تحریک انصاف کے رہنماوں اسد عمر اور فوادچوہدری کو 15روز کے لئے نظربند کردیا گیا ہے، دونوں کوتھری ایم پی اوکے تحت نظر بند کیا گیا ہے۔

یاد رہے گذشتہ روز رہنما پی ٹی آئی اسدعمر کو اسلام آباد ہائی کورٹ کے احاطے اور فوادچوہدری کو سپریم کورٹ کے باہر سے گرفتار کیا گیا تھا۔

انتظامیہ نے بتایا تھا کہ دونوں رہنماوں کو ایم پی اوکے تحت گرفتار کیا گیا۔

خیال رہے مکنہ گرفتاری سے بچنے کے لیے فوادچوہدری صبح 11 بجے سے سپریم کورٹ میں موجود تھے۔ سپریم کورٹ کے پریس روم میں موجود فواد چوہدری کا ایس پی سکیورٹی سپریم کورٹ سے مکالمہ ہوا۔ ایس پی سکیورٹی نے کہا تھا کہ ہم نے عمارت خالی کر کے رپورٹ دینا ہوتی ہے۔

فواد چوہدری کا جواب میں کہنا تھا کہ عدالتی حکم کا انتظار کر رہا ہوں اور ایس پی سکیورٹی سپریم کورٹ سے 45 منٹ کا وقت مانگ لیا۔

بعد ازاں پریس ایسوسی ایشن آف سپریم کورٹ کا دفتر اندھیرے میں ڈوب گیا جبکہ دفاتر اور انٹرنیٹ بھی بند کر دیا گیا تھا۔

اسلام آباد ہائیکورٹ نے پی ٹی آئی رہنما فواد چوہدری اور سیف اللہ نیازی کو گرفتار کرنے سے روک دیا۔

پاکستان تحریک انصاف کے رہنما فواد چوہدری سمیت 8 افراد نے گرفتاری سے بچنے کے لیے عدالت میں درخواستیں دائر کیں تھے، عدالت سے رجوع کرنے والوں میں فیصل چوہدری، سیف اللہ نیازی اور بیرسٹر گوہر سمیت دیگر شامل تھے۔

اسلام آباد ہائیکورٹ نے درخواست پر سماعت کرتے ہوئے پی ٹی آئی رہنماؤں کی استدعا کو منظور کیا اور کہا کہ وفاق، نیب، ایف آئی اے اور پولیس فواد چوہدری کو گرفتار نہ کرے، اس کیس کی مزید سماعت 12 مئی کو ہوگی۔

اسد عمر کو گرفتار کر لیا گیا

ذرائع کے مطابق اسلام آباد ہائیکورٹ کے باہر انسداد دہشتگردی، ایگل اسکواڈ، اسلام آباد پولیس کی نفری سپریم کورٹ کے باہر موجود ہے جبکہ فواد چوہدری سپریم کورٹ کے وکلا روم میں موجود ہیں۔

اس کے علاوہ ایس ایس پی آپریشن بھی بھاری نفری کے ہمراہ سپریم کورٹ پہنچ گئے۔

اسلام آباد : تحریک انصاف کے رہنما فواد چوہدری کا کہنا ہے کہ بلاول کے دورے کی سرکاری کوریج کے لئے درجنوں صحافی گوا بھیج دیئے گئے۔

تفصیلات کے مطابق تحریک انصاف کے رہنما فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا درجنوں صحافی گوا بھیجے گئے جو بلاول کے دورے کی سرکاری کوریج تو کریں گے، لیکن وہ ان کے سیاسی معاون کے طور پر بھی خدمات انجام دیں گے۔

درجنوں صحافی گوا بھیجے گئے ہیں جو بلاول بھٹو کے دورے کی سرکاری کوریج تو کریں گے لیکن وہ ان کے سیاسی معاون کے طور پر بھی خدمات انجام دیں گے، https://t.co/4Gjkn2IkZ3

— Ch Fawad Hussain (@fawadchaudhry) May 4, 2023

فواد چوہدری نے سوال کیا آپ نے سوچا بھی کیسے کہ ہمارا میڈیا اپنے پیسوں سے کسی کو کوریج کیلئے بھیجے گا؟ یہ صرف کاغذوں میں ہوتا ہے اداروں کو پیسے ایڈوانس ملتے ہیں اشتہاروں میں دیں یا ویسے دیں۔

آپ نے سوچا بھی کیسے کہ ہمارا میڈیا سیٹھ اپنے پیسوں سے کسی کو کوریج کیلئے بھیجے گا؟ یہ صرف کاغذوں میں ہوتا ہے اداروں کو پیسے ایڈوانس دئیے جاتے ہیں اشتہاروں میں دیں یا ویسے دیں https://t.co/Zrh1lyqoON

— Ch Fawad Hussain (@fawadchaudhry) May 4, 2023

اس سے قبل پی ٹی آئی کے مرکزی سیکریٹری اطلاعات فواد چوہدری نے ایک ٹوئٹ میں کہا تھا کہ بلاول بھٹو ویڈیو لنک پر بھارت میں ہونے والے اجلاس میں شرکت کر سکتے تھے لیکن مودی کی محبت میں ان کے لیے کشمیریوں، مسلمانوں، اقلیتوں کے ساتھ بھارتی ظلم کی کوئی اہمیت نہیں۔

فواد چوہدری کا کہنا تھا کہ مودی جنتا کو خوش کرنے کیلیے یہ حکمران ہر حد پار کرنے کو تیار ہیں۔ بلاول بھٹو کے اس دورے کی ہم شدید مذمت کرتے ہیں۔

لاہور : تحریک انصاف کے رہنما فواد چوہدری نے صحافت کے عالمی دن کو ارشد شریف کے نام کرتے ہوئے کہا پاکستان کی صحافت اپنے بدترین دور سے گزر رہی ہے۔

تفصیلات کے مطابق تحریک انصاف کے رہنما فواد چوہدری نے آزادی صحافت کے عالمی دن پر اپنے پیغام میں کہا کہ صحافت کا عالمی دن ارشد شریف کے نام ہے ، یہ دن ایسےوقت منایاجارہاہےجب ریاستی جبرعروج پر،صحافت پابندسلاسل ہے۔

فواد چوہدری کا کہنا تھا کہ ایک طرف نوجوان صحافی قید و بند کی صعوبتیں برداشت کر رہے ہیں اور دوسری طرف صحافیوں کی خرید و فروخت کی منڈی لگی ہوئی ہے۔

پی ٹی آئی رہنما نے مزید کہا کہ پاکستان کی صحافت اپنے بدترین دور سے گزر رہی ہے، ہمارا عزم ہے کہ ملک میں صحافت کو آزاد کرائیں گے۔

صحافت کا عالمی دن ارشد شریف کے نام، پاکستان میں یہ دن ایسے وقت منایا جا رہا ہے جب ریاستی جبر عروج پر ہے،صحافت پابند سلاسل ہے ایک طرف نوجوان صحافی قید و بند کی صعوبتیں برداشت کر رہے ہیں اور دوسری طرف صحافیوں کی خرید و فروخت کی منڈی لگی ہوئ ہے، پاکستان کی صحافت اپنے بدترین دور سے…

— Ch Fawad Hussain (@fawadchaudhry) May 3, 2023

خیال رہے پاکستان سمیت دنیا بھر میں آج آزادی صحافت کا دن منایاجارہا ہے، آزادی صحافت کے عالمی دن پر نیشنل پریس کلب اسلام آباد میں قومی سیمینار ہوگا ، قومی سیمینارپی ایف یوجے،پارلیمنٹیرینزکمیشن انسانی حقوق کےاشتراک سے ہوگا۔

موضوع’’ڈیجیٹل ٹیکنالوجی،سوشل میڈیاکےآزادی اظہاراورانسانی حقوق پراثرات‘‘ہوگا ، قومی سیمینار آج نیشنل پریس کلب اسلام آبادمیں سہ پہر3بجے ہوگا، قومی سیمینار کا مقصدانسانی حقوق کیلئے آزادی اظہار کے مستقبل کا تعین کرنا ہے۔

اسلام آباد : تحریک انصاف کے رہنما فواد چوہدری کو توہین الیکشن کمیشن کے کیس میں جواب جمع کرانے کا آخری موقع دے دیا گیا۔

تفصیلات کے مطابق الیکشن کمیشن میں تحریک انصاف کے رہنما فواد چوہدری کے خلاف توہین الیکشن کمیشن کے کیس کی سماعت ہوئی۔

چیف الیکشن کمشنر کی زیر صدارت4رکنی کمیشن نےسماعت کی ، فواد چوہدری کی جانب سے معاون وکیل مرزا آصف عباس الیکشن کمیشن میں پیش ہوئے۔

معاون وکیل نے بتایا کہ یہ کیس سندھ ہائیکورٹ میں زیر سماعت ہے، ممبر اکرام اللہ خان نے سوال کیا کیا آپ نے وکالت نامہ جمع کرایا؟ تو معاون وکیل نے بتایا کہ میں بطور پراکسی کونسل پیش ہورہا ہوں۔

ممبر اکرام اللہ خان کا کہنا تھا کہ پھر کس حیثیت میں آپ بات کر رہے ہیں؟ ایسے تو کوئی بھی منہ اٹھا کر آجائے گا، جس پر معاون وکیل فواد چوہدری نے کہا کہ پراکسی کونسل کے طور پرمیری حاضری لگائی جاسکتی ہے۔

چیف الیکشن کمشنر نے کہا کہ گزشتہ سماعت پر انور منصور نے کہا بطور پراکسی کونسل پیش ہورہے ہیں، 4سماعتوں میں پراکسی کونسل پیش ہورہے ہیں، یہ کیس دوسرے توہین الیکشن کمیشن کے کیسز سے الگ ہے، 16 مئی کو فواد چوہدری پر چارج فریم کریں گے۔

معاون وکیل کا کہنا تھا کہ ہمیں جواب جمع کرانے کا موقع دیا جائے، جس پر چیف الیکشن کمشنر نے کہا بہت مواقع دیے لیکن جواب جمع نہیں کرایا گیا۔

بعد ازاں الیکشن کمیشن نے کیس کی مزید سماعت 16 مئی تک ملتوی کردی۔

پاکستان تحریک انصاف کے رہنما فواد چوہدری نے کہا ہے کہ مذاکرات کی کامیابی چاہتے ہیں لیکن ناکامی کی صورت میں حکمت عملی مرتب کرلی ہے۔

سماجی رابطے کی ویب سائٹ ٹوئٹر پر پاکستان تحریک انصاف کے رہنما اور سابق وفاقی وزیر فواد چوہدری نے کہا کہ مذاکرات کی کامیابی چاہتے ہیں لیکن ناکامی کی صورت میں حکمت عملی مرتب کرلی ہے یہ نہیں ہوسکتا آئین کو ردی کا ٹکڑا اور عوام کو کیڑے مکوڑے سمجھ لیا جائے۔

تحریک انصاف مذاکرات کی کامیابی چاہتی ہے لیکن ناکامی کی صورت میں حکمت عملی مرتب کرلی ہے، یہ نہیں ہو سکتا کہ آئین کو ردی کا ٹکڑا اور عوام کو کیڑے مکوڑے سمجھ لیا جائے اور تحریک انصاف خاموش بیٹھ جائے مذاکرات کی ناکامی کی صورت میں عوام بڑی تحریک کیلئے تیار ہو جائیں، تحریک کا آغاز کل…

— Ch Fawad Hussain (@fawadchaudhry) April 30, 2023

فواد چوہدری کا کہنا تھا کہ تحریک انصاف خاموش نہیں بیٹھے گی، مذاکرات کی ناکامی کی صورت میں عوام بڑی تحریک کیلئے تیار ہو جائیں۔

تحریک انصاف کے رہنما کا مزید کہنا تھا کہ تحریک کا آغازکل لاہور، اسلام آباد،پشاور میں ریلی سے ہو رہا ہے، اس کا نقطہ عروج ایک تاریخی لانگ مارچ ہو گا۔

اسلام آباد : تحریک انصاف کے رہنما فواد چوہدری کا کہنا ہے کہ اکتوبر سے پہلے الیکشن نہیں کروانا تو خواجہ آصف ابھی اپنی مذاکراتی ٹیم واپس بلا لیں۔

تفصیلات کے مطابق تحریک انصاف کے رہنما فواد چوہدری سے صحافی نے سوال کیا کہ خواجہ آصف نے کہا اکتوبر سے پہلے الیکشن کا امکان نہیں ، جس پر فواد چوہدری کا کہنا تھا کہ خواجہ آصف کہہ رہے ہیں اکتوبر سے پہلے الیکشن نہیں تو مذاکراتی ٹیم واپس بلالیں۔

پی ٹی آئی رہنما شاہ محمود قریشی نے خواجہ آصف کے بیان پر ردعمل دیتے ہوے کہا خواجہ آصف کو حق ہے اپنی رائے دیں، ہم تو سننے آئےہیں بتانے نہیں ، جو زور آور ہوتا ہے وہی بتاتا ہے۔

یاد رہے وزیر دفاع خواجہ آصف نے پارلیمنٹ کے باہر میڈیا سے گفتگو کرتے ہوئے کہا تھا کہ الیکشن ایک دن ہی ہوں گے تاہم الیکشن اکتوبر سے پہلے ہونے کا امکان نہیں۔

خواجہ آصف کا کہنا تھا کہ آپ کہتے ہیں کشیدگی ختم ہونی چاہئے، کشیدگی تو ابھی شروع ہوگی، آپ ابھی الیکشن کراتے ہیں پھر اکتوبر میں بھی کرائیں گے تو کشیدگی تو ہوگی، میں تو اس معاملے پر پنجابی مثال دینا چاہتا ہوں لیکن رہنےدیں۔

وزیردفاع نے کہا تھا کہ ہم آئین کی بات کر رہے ہیں اس میں عمران کی مقبولیت یا خوف کی بات نہیں، مقبولیت ایک ایسی چیز ہے جو کبھی بھی مستحکم نہیں رہتی۔

پاکستان تحریک انصاف کے رہنما فواد چوہدری نے کہا ہے کہ کل اچھے ماحول میں بات چیت ہوئی امید ہے آج معاملات آگے بڑھیں گے۔ 

پاکستان تحریک انصاف کے رہنما فواد چوہدری نے جاری کردہ ٹوئٹ میں کہا کہ حکمرانوں اور عوام کے درمیان مذاکرات کا دوسرا دور آج ہوگا، عوام کو طاقت کا مرکز تسلیم کر کے انتخابات میں جانا مذاکرات کا بنیادی نقطہ ہے۔

ہمارا مؤقف بالکل سادہ ہے تحریک انصاف نے اجتماعی استعفی دیا تھا کہ ملک میں عام انتخابات ہوں جسٹس اطہر من اللہ نے جب اجتماعی استعفیٰ کی تعریف ہی مسترد کر دی اور کہا کہ استعفیٰ اجتماعی نہیں ہو گا تو ہم نے کہا پھر استعفیٰ واپس کر دیں اگر عدالت اجتماعی استعفی کی تعریف نہ بدلتی اور ملک… https://t.co/wiX1CmlCkX

— Ch Fawad Hussain (@fawadchaudhry) April 28, 2023

فواد چوہدری کا کہنا تھا کہ کل اچھے ماحول میں بات چیت ہوئی امید ہے آج معاملات آگے بڑھیں گے، ہم سب کو ایک دوسرے کا نقطہ نظر سمجھ کر ملک کیلئے آگے بڑھنا چاہیے۔

انہوں نے کہا کہ ہمارا مؤقف سادہ ہے پی ٹی آئی نے اجتماعی استعفے دئے تاکہ عام انتخابات ہوں، جسٹس اطہر من اللہ نے اجتماعی استعفے کی تعریف ہی مسترد کردی۔

حکمرانوں اورعوام کے درمیان مذاکرات کا دوسرا دور آج ہو گا،پاکستان میں عوام کو طاقت کا مرکز تسلیم کر کے انتخابات کی طرف جانا ان مذاکرات کا بنیادی نقطہ ہے، کل اچھے ماحول میں بات چیت ہوئ امید ہے آج معاملات آگے بڑھیں گے ہم سب کو ایک دوسرے کا نقطہ نظرسمجھ کر ملک کیلئے آگے بڑھنا چاہئیے

— Ch Fawad Hussain (@fawadchaudhry) April 28, 2023

فواد چوہدری کا مزید کہنا تھا کہ جسٹس اطہر من اللہ نے کہا کہ استعفے اجتماعی نہیں ہوں گے تو ہم نےکہا پھر استعفے واپس کر دیں، عدالت اجتماعی استعفےکی تعریف نہ بدلتی اور ملک انتخابات کی طرف جاتا تو موجودہ بحران پیدا نہ ہوتا۔