Tag: فوجی کارروائی

مقبوضہ کشمیر میں قابض بھارتی فوج کی ریاستی دہشت گردی کا نہ رکنے والا سلسلہ جاری ہے، قابض بھارتی فوجیوں نے مزید 2 کشمیری نوجوانوں کو شہید کر دیا۔

کشمیر میڈیا سروس کے مطابق مقبوضہ جموں و کشمیر میں ضلع پونچھ کے علاقے بالا کوٹ میں ایک فوجی کارروائی کے دوران 2 نوجوانوں کو شہید کردیا۔

رپورٹ کے مطابق علاقے میں اب بھی سرچ آپریشن کی آڑ میں گھر گھر تلاشی کا سلسلہ جاری ہے جب کہ کرفیو نفذ کرکے عوام کی نقل و حرکت بھی روک دی گئی ہے۔

دوسری جانب بھارتی میڈیا نے یہ دعویٰ کیا ہے کہ ہلاک ہونے والے افراد چند روز قبل ڈھانگری میں فائرنگ اور دستی بم حملے میں ملوث تھے۔

مقبوضہ وادی میں قابض بھارتی فوج نے گزشتہ 76 برسوں ریاستی دہشت گردی کا بازار گرم کر رکھا ہے۔ گزشتہ ماہ بھی 7 کشمیریوں نے قابض فوج کے ظلم کا سامنا کرتے ہوئے جام شہادت نوش کیا تھا۔

امریکی محکمہ خارجہ نے کہا ہے کہ شمالی شام اور عراق میں ترک آپریشن کی مخالفت کرتے ہیں۔

امریکی محکمہ خارجہ کے ترجمان نے اعلان کیا ہے کہ امریکا شام میں حالات کو غیر مستحکم کرنے والی کسی بھی فوجی کارروائی کی مخالفت کرتا ہے۔

امریکی ترجمان نے مزید کہا کہ واشنگٹن نے انقرہ کو شام میں کرد باغیوں  سے لڑنے کیلئے اس طرح کے حملے کے اثرات کے متعلق اپنے شدید تحفظات سے آگاہ کر دیا ہے۔

یہ بھی پڑھیں؛ ترک فورسز کی شام میں کرد باغیوں پر حملہ، 31 افرد ہلاک

ترجمان کا یہ بھی کہنا تھا کہ ہم نے ترکی سے کہا ہے کہ وہ ایسی کارروائیاں نہ کرے، ہم نے اپنے شامی شراکت داروں سے بھی کہا کہ وہ ایسے حملے اور جارحیت کا ارتکاب نہ کریں۔

واضح رہے ایک ہفتہ قبل استنبول میں بم دھماکے کے نتیجے میں 6 افراد ہلاک ہوگئے تھے، اس کے بعد ترکیہ کی وزارت دفاع نے اعلان کیا ہے کہ ترکیہ کی فضائیہ نے شمالی شام اور شمالی عراق میں کرد ملیشیا کے ٹھکانوں پر حملے کئے ہیں جس کے نتیجے میں ان کے 89 اہداف کو تباہ کر دیا گیا ہے۔

ابوظہبی: عرب ممالک شام میں فوجی کارروائی پر متفق، سعودی عرب کے بعد متحدہ عرب امارات بھی شام میں فوجی کارروائی کے لیے تیار ہے۔

متحدہ عرب امارات کے وزیر مملکت برائے امور خارجہ انور گرگاش نے کہا ہے کہ داعش کے خلاف کسی بھی کارروائی میں زمینی فوج کو شامل کرنے کے لیے تیار ہیں، انور گرگاش کا کہنا تھا کہ زمینی کارروائی کی صورت میں امریکا فوجوں کی قیادت کرے۔

متحدہ عرب امارات کا یہ اعلان سعودی عرب کی جانب سےزمینی مداخلت کے بیان کے بعد سامنے آیا ہے، دوسری جانب شام نے بھی فوجی جارحیت کی صورت میں سنگین نتائج بھگتنے کا بیان دیا ہے۔

لندن: برطانیہ اور اسپین میں عوام شام میں فوجی کارروائی کے خلاف اورشامی عوام سے اظہار یکجہتی کے لیے سڑکوں پر نکل آئے۔

لندن اور میڈرڈ میں شام میں فوجی کارروائی کے خلاف ریلیاں نکالی گئیں جس میں عوام کی بڑی تعداد میں شرکت کی۔لندن میں مظاہرین نے وزیراعظم ڈیوڈ کیمرون کی جانب سے شام میں فوجی کارروائی کے فیصلےکی مخالفت کرتے ہوئے کہا کہ شام پہلے ہی دو عالمی طاقتوں کی فوجی کارروائی کاشکار ہے۔

میڈر ڈمیں مظاہرین کا کہنا تھا کہ شام میں فوجی کارروائی کے ذریعے امن قائم کرناممکن نہیں ہے، ریلی میں شامی عوام سے یکجہتی کا اظہار کیا گیا۔