Tag: فوجی ہیلی کاپٹر

بھارت کا فوجی ہیلی کاپٹر کے حادثے کی تحقیقات کا فیصلہ

نئی دہلی : بھارت نے فوجی ہیلی کاپٹر کے حادثے کی تحقیقات کا فیصلہ کرلیا ، تحقیقاتی ٹیم کی سربراہی ائیر مارشل ماویندر کریں گے۔

‌تفصیلات کے مطابق بھارتی لوک سبھا میں جنرل بپن راوت کی ہیلی کاپٹر میں موت پر 2منٹ کی خاموشی اختیار کی گئی ، وزیر دفاع نے لوک سبھا میں حادثے سے متعلق بیان میں کہا کہ حکومت نے فوجی ہیلی کاپٹر کے حادثے کی تحقیقات کافیصلہ کرلیا ہے۔

بھارتی وزیر دفاع کا کہنا تھا کہ تحقیقاتی ٹیم کی سربراہی ائیر مارشل ماویندر کریں گے جبکہ زخمی گروپ کیپٹن ویلینگٹن اسپتال میں زیر علاج ہیں۔

یاد رہے گذشتہ روز بھارتی ریاست تامل ناڈو میں آرمی ہیلی کاپٹر گرکر تباہ ہوگیا تھا ، حادثے میں بھارتی چیف آف ڈیفنس اسٹاف بپن راوت سمیت 13 افراد ہلاک ہوگئے تھے۔

بھارتی فضائیہ کا کہنا تھا کہ جنرل بپن راوت بھارتی ریاست تامل ناڈو کے ضلع نیلا گیری میں واقعے ڈیفنس سروسز اسٹاف کالج میں ایک تقریب میں شرکت کیلئے جار ہے تھے کہ کونور کے قریب ہیلی کاپٹر کو حادثہ پیش آیا۔

بھارتی وزیراعظم نریندر مودی نے حادثے کی تفصیلات طلب کرلی تھیں جبکہ بھارتی فضائیہ نے ہیلی کاپٹر حادثے کی تحقیقات شروع کردی تھیں۔

دسمبر 9, 2021
افغان صوبے لوگر میں فوجی ہیلی کاپٹر گر کر تباہ، 2 امریکی فوجی ہلاک

لوگر: افغانستان کے صوبے لوگر میں فوجی ہیلی کاپٹر گر کر تباہ ہو گیا ہے، جس کے نتیجے میں 2 امریکی فوجی ہلاک ہو گئے ہیں۔

تفصیلات کے مطابق افغان میڈیا نے خبر دی ہے کہ صوبہ لوگر میں فوجی ہیلی کاپٹر گرنے کے واقعے میں 2 امریکی فوجی ہلاک ہو گئے۔

طالبان نے دعویٰ کر دیا ہے کہ امریکی فوجی ہیلی کاپٹر چینوک انھوں نے مار گرایا ہے، طالبان کے ترجمان ذبیح اللہ مجاہد نے ٹویٹر کے ذریعے کہا ہے کہ امریکی چاپر ضلع چرخ میں پنگرام کے علاقے میں طالبان کے ٹھکانے پر ریڈ کرنے والا تھا۔

طالبان ترجمان کے مطابق یہ واقعہ کل رات پیش آیا، انھوں نے دعویٰ کیا ہے کہ ہیلی کاپٹر کریش واقعے میں 54 افراد ہلاک ہوئے ہیں۔ واقعے کے بعد مزید ہیلی کاپٹرز اور طیاروں نے علاقے کو گھیر لیا تھا۔

تازہ ترین: امریکا کا طالبان کی قید سے آسٹریلوی اور امریکی پروفیسرز کی بازیابی کا خیرمقدم

ترجمان کے مطابق گزشتہ رات غزنی میں بھی قلعہ جوز میں طالبان حملے میں 8 مسلح اہل کاروں کو مار دیا گیا ہے، اور ان سے بڑی تعداد میں اسلحہ چھینا گیا۔

یاد رہے کہ گزشتہ روز افغان صوبے فاریاب میں فورسز کے فضائی حملے میں 2 افغان طالبان کمانڈر ملا احمد اور قاری معراج ہلاک جب کہ دو طالبان زخمی ہو گئے تھے۔ طالبان کی جانب سے بھی افغانستان کے دارالحکومت کابل میں ملٹری کے تربیتی مرکز پر خودکش دھماکا کیا گیا تھا جس کے نتیجے میں 3 فوجی زخمی ہو گئے تھے۔

نومبر 20, 2019
وینزویلا میں فوجی ہیلی کاپٹر گر کر تباہ، 7 افسران ہلاک

کراکس: وینزویلا کا فوجی ہیلی کاپٹر پہاڑی علاقے کراکس کے اطراف گر کر تباہ ہوگیا جس کے نتیجے میں 7 افسران ہلاک ہوگئے۔

غیرملکی خبررساں ادارے کے مطابق وینزویلا کے صدر مادورو نے ہیلی کاپٹر حادثے کی تصدیق کرتے ہوئے کہا کہ فوجی ہیلی کاپٹر حادثے کے نتیجے میں 7 افسران ہلاک ہوگئے۔۔

ہیلی کاپٹر کا ملبہ دارالحکومت سے باہر ایک علاقے سے مل گیا، حادثے میں ہلاک ہونے والوں میں 2 میجر، 3 کیپٹن، اور 2 لیفٹیننٹ کرنل شامل ہیں۔

ریسکیو اداروں نے امدادی کاموں کا آغاز کرتے ہوئے ہلاک ہونے والوں کی لاشوں کو ملبے سے نکال کر اسپتال منتقل کیا۔

مزید پڑھیں: ترکی میں فوجی ہیلی کاپٹر گر کر تباہ، چار فوجی جاں بحق

وینزویلا کے صدر مادورو نے اپنی فوج کو امریکی حملے سے خبردار کرتے ہوئے ہرقسم کے حالات سے نبردآزما ہونے کے لیے تیار رہنے کی ہدایت کی تھی۔

نکولس مادورو کا کہنا تھا کہ امریکا خود ساختہ صدر ہونے کے دعویدار اپوزیشن لیڈر جوآن گائیڈو کی حمایت میں کسی بھی حد تک جاسکتا ہے۔

واضح رہے کہ وینزویلا میں سیاسی بحران عروج پر ہے، صدر نکولس مادورو اور خود ساختہ صدر اپوزیشن لیڈر جوآن گائیڈو نے اپنی حکومت قائم کرنے کا دعویٰ کیا ہے جسے امریکی صدر ٹرمپ کی حمایت حاصل ہے۔

مئی 5, 2019
کابل: فوجی ہیلی کاپٹر حادثے کا شکار، 25 اعلیٰ افسران ہلاک

کابل: افغانستان کے مغربی صوبے میں فوجی ہیلی کاپٹر گر کر تباہ ہوگیا جس کے نتیجے میں پائلٹ سمیت 25 افراد ہلاک ہوگئے۔

تفصیلات کے مطابق افغانستان کے مغربی صوبے فرح میں فوجی ہیلی کاپٹر گر کر تباہ ہوگیا جس کے نتیجے میں دو پائلٹ، 25 اعلیٰ فوجی افسران اور صوبائی حکومت کے اعلیٰ عہدیداران موقع پر ہی ہلاک ہوگئے، افغان حکام کی جانب سے حادثے میں ہلاکتوں کی تصدیق کردی گئی ہے۔

غیر ملکی خبر رساں ادارے کا کہنا تھا کہ افغانستان کے فوجی ہیلی کاپٹر میں مغربی زون کے ڈپٹی کمانڈر بریگیڈئر نعمت اللہ خلیل، صوبہ فرح کی کونسل کے سربراہ فرید بختاور اور کونسل ممبر جمیلہ امینی بھی ہیلی کاپٹر میں موجود تھی۔

صوبائی گورنر کے ترجمان ناصر مہری کے مطابق ہیلی کاپٹر نے افغانستان کے پہاڑی علاقے انار دارا ڈسٹرکٹ سے اڑان بھرنے کے کچھ دیر بعد ہی صبح 9 بج کر 10 منٹ پر حادثے کا شکار ہوا تھا۔

غیر ملکی خبر رساں ادارے کا کہنا تھا کہ افغان طالبان کی جانب سے فوجی ہیلی کاپٹر کو نشانہ بنانے کا دعویٰ کیا گیا ہے جبکہ افغان حکام کا کہنا ہے ہیلی کاپٹر خراب موسم کے باعث حادثے کا شکار ہوا تھا۔

غیر ملکی خبر رساں ادارے کا کہنا تھا کہ حادثے کا شکار ہونے والا ہیلی کاپٹر روسی ساختہ ایم آئی 17 تھا، افغان حکام کا کہنا ہے کہ ہیلی کاپٹر زمین پر گرنے کے بعد تباہ ہوگیا تھا جس کے باعث ہیلی کاپٹر میں آگ بھڑک اٹھی اور ہلاک افراد کی لاشیں بھی جھلس گئیں۔

کابل جیل کے قریب خودکش دھماکا، 7 جیل ملازمین ہلاک

یاد رہے کہ کچھ دیر قبل افغانستان کے دارالحکومت کابل کی پل چرخی جیل کے مرکزی دروازے کے قریب جیل ملازمین کی بس کو خودکش دھماکے کا نشانہ بنایا گیا تھا جس کے نتیجے میں 7 افراد ہلاک اور تین افراد کے زخمی ہوئے تھے۔

افغان میڈیا کا کہنا تھا کہ جیل ملازمین کی بس کو اس وقت دھماکے کا نشانہ بنایا گیا جب وہ مرکزی دروازے پر سیکیورٹی کلئیرنس کے لیے رکی تھی۔

مقامی خبر رساں ادارے کا کہنا ہے کہ دھماکے کے وقت متاثرہ گاڑی میں خواتین افسران سوار تھیں۔

اکتوبر 31, 2018
سعودی عرب کا فوجی ہیلی کاپٹر حادثے کا شکار، امریکی پائلٹ ہلاک

ریاض : سعودی عرب کے دارالحکومت میں فنی خرابی کے باعث حادثے کا شکار ہونے والے ہیلی کاپٹر میں امریکی پائلٹ ہلاک جبکہ سعودی فوجی زخمی ہوگیا۔

تفصیلات کے مطابق سعودی عرب کے دارالحکومت ریاض میں گذشتہ روز فوجی ہیلی کاپٹر اچانک گر کر تباہ ہوگیا، حادثے کے نتیجے میں امریکی پائلٹ ہلاک جبکہ متاثرہ ہیلی کاپٹر میں موجود سعودی فوجی شدید زخمی ہوگیا۔

غیر ملکی خبر رساں ادارے کا کہنا تھا کہ ہیلی کاپٹر حادثے میں ہلاک ہونے والا امریکی پائلٹ سعودی فوجیوں کے لیے خدمات انجام دے رہا تھا۔

مقامی میڈیا کا کہنا ہے کہ ’اے ایچ 6 آئی‘ نامی ہیلی کاپٹر دارالحکومت ریاض میں واقع خاشم الآن ہوائی اڈے پر حادثے کا شکار ہوا تھا،سعودی نیشنل گارڈز کے حکام کا کہنا ہے کہ حادثے کا شکار ہونے والا ہیلی کاپٹر تربیتی مشن پر تھا۔

عرب خبر رساں ادارے کا کہنا ہے کہ خاشم الآن ہوائی اڈے پر ہلاک ہونے والا امریکی پائلٹ پاؤل ریڈے سعودی عرب کے زخمی فوجی ہشام بن عبد العزیز کو ہیلی کاپٹر اڑانے کی تربیت دے رہا تھا۔

غیر ملکی خبر رساں ادارے کا کہنا ہے کہ ہنگامی خدمات انجام دینے والے عملے نے حادثے میں زخمی ہونے والے سعودی فوجی کو فوری طور پر اسپتال منتقل کردیا تھا جہاں زخمی کی حالت خطرے سے باہر ہے۔

مقامی خبر رساں ادارے کا کہنا تھا کہ ہیلی کاپٹر انجن میں فنی خرابی کے باعث حادثے کا شکار ہوا تھا، نیشنل گارڈز کے اعلیٰ حکام کی جانب سے حادثے کی تحقیقات کے لیے کمیٹی تشکیل دے دی گئی ہے۔

ستمبر 7, 2018
جکارتہ : انڈونیشیا کے صوبےجاوا میں فوجی ہیلی کاپٹر گر کر تباہ،3افراد ہلاک

جکارتا: انڈونیشیا کے صوبے جاوا میں فوجی ہیلی کاپٹرگر کر تباہ ہو گیا،حادثے میں تین افراد جان کی بازی ہار گئے.

تفصیلات کے مطابق ہیلی کاپٹرانڈونیشیا کے صوبےجاوا کے مرکزی شہر یوگویاکرتا کے شمال کی طرف مضافات میں گر کر تباہ ہوا.حادثے کے وقت ہیلی کاپٹر میں چھ افراد سوار تھے،جن میں سے تین افراد جان کی بازی ہار گئے.

انڈونیشین ڈیزاسٹر ایجنسی کے ترجمان سوتوپو پوروو نگروہو نے اپنے بیان میں تصدیق کی ہے کہ تین افراد ہلاک جبکہ تین مزید زخمی ہوئے ہیں جنھیں طبی امداد کے لیے اسپتال منتقل کردیا گیا ہے.

مقامی ٹی وی کے مطابق ہیلی کاپٹر عمارت کی دیوار سے ٹکرایا جس کے باعث عمارت کو شدید نقصان پہنچا ہے تاہم حادثے کے وقت عمارت میں کوئی موجود نہیں تھا.

دوسری جانب انڈونیشیا کے تلاش اور ریسکیو ایجنسی کے بمبنگ سولیسٹیو کا کہنا تھا کہ ابتدائی رپورٹ کے مطابق چھ افراد سوار تھے جن میں سے تین ہلاک ہوئے جس کی تحقیقات کی جارہی ہیں.

یاد رہے حالیہ سالوں میں انڈونیشیا کی فوج اس طرح کے طیاروں کے حادثات کا شکار رہی ہے جن میں بیشتر حادثے شہری علاقوں میں پیش آئے ہیں.

جولائی 9, 2016
بینکاک: فوجی ہیلی کاپٹر گر کر تباہ،9 فوجی ہلاک

تھائی لینڈ: فوجی ہیلی کاپٹر گر کر تباہ ہونے سے نو فوجی ہلاک ہوگئے۔

بیل دو سو بارہ نامی ہیلی کاپٹر تھائی فوجیوں کے لئے موت کا پروانہ بن گئے، حکام کا کہنا ہے کہ شمالی صوبے پے یاؤ سے اڑان بھرنے والا ہیلی کاپٹر پرواز کے کچھ ہی دیر بعد فنی خرابی کے باعث گر تباہ ہوگیا، حادثے میں میجر جنرل سمیت نو فوجی لقمہ اجل بنے۔

دو سال کے عرصے میں گر کر تباہ ہونے والا یہ چوتھا فوجی ہیلی کاپٹر ہے۔

نومبر 18, 2014
ویتنام: فوجی ہیلی کاپٹر گرکر تباہ، 16فوجی ہلاک

جولائی 8, 2014