Tag: فوج تعینات

اسلام آباد : محرم الحرام کے دوران سکیورٹی خدشات کے پیش نظر فوج تعینات کرنے کا فیصلہ کرلیا گیا، سول اداروں کی مددکیلئےفوج سیکیورٹی کے فرائض سر انجام دے گی۔

وزارت داخلہ نے اسلامی مہینےمحرم الحرام کے دوران سیکیورٹی کو یقینی بنانے کے لیے ملک بھر میں پاک فوج کی تعیناتی کی منظوری دے دی ہے۔

آئین کے آرٹیکل 245 کے تحت فوج کی تعیناتی کا نوٹیفکیشن بھی جاری کر دیا گیا ہے، جس میں چاروں صوبوں، جی بی اور آزادکشمیرمیں فوج کی تعیناتی کا فیصلہ کیا گیا ہے۔

نوٹی فکیشن میں کہا گیا وفاقی دارالحکومت اسلام آباد میں بھی فوج تعینات کی جائے گی، محرم کے دوران سول اداروں کی مدد کیلئے فوج سیکیورٹی کے فرائض سر انجام دے گی۔

فوج کی تعیناتی کا مقصد ممکنہ سکیورٹی خطرات سے نمٹنا اور عوام کے تحفظ کو یقینی بنانا ہے، فوج کے دستے حساس علاقوں میں گشت کریں گے اور حفاظتی انتظامات کی نگرانی کریں گے۔

مزید پڑھیں : محرم الحرام کا آغاز، پنجاب بھر میں سیکیورٹی ہائی الرٹ، دفعہ 144 نافذ

چاروں صوبوں اور گلگت بلتستان کی حکومتوں نے محرم میں فوج تعیناتی کی درخواست کی تھی۔

یاد رہے پنجاب حکومت نے صوبے بھر میں یکم سے 10محرم تک دفعہ 144 نافذ کرنے کا اعلان کیا ہے تاکہ اس مہینے میں امن و امان کو یقینی بنایا جا سکے۔

دفعہ 144 کے تحت سیکورٹی اور فرقہ وارانہ ہم آہنگی کو برقرار رکھنے کے لیے صوبے بھر میں سات قسم کی پابندیاں نافذ کی گئیں ہیں۔

موٹر سائیکل پر ڈبل سواری پر پابندی خاص طور پر 9 اور 10 محرم کو نافذ کی جائے گی۔ دیگر تمام پابندیاں پورے 10 دن کی مدت میں نافذ رہیں گی۔

اسلام آباد : محرم الحرام کے دوران کراچی میں فوج تعینات کرنے کا حکم دے دیا گیا ، فوج کوسول انتظامیہ کی مدد کیلئے تعینات کیا جارہا ہے۔

تفصیلات کے مطابق سندھ میں محرم الحرام کے دوران فوج تعینات کرنے کی منظوری دے دی گئی، محکمہ داخلہ کی درخواست پرسندھ میں فوج ،رینجرز ،ایف سی کے دستے تعینات کرنے کا حکم دیا گیا۔

انسداد دہشتگردی ایکٹ 1997 سیکشن 4 اور 5 کے تحت ملک بھرکی طرح سندھ میں فوج تعینات ہوگی، وفاقی وزارت داخلہ نے بتایا کہ فوج کوسول انتظامیہ کی مدد کیلئے تعینات کیا جارہا ہے۔

وزارت داخلہ کا کہنا تھا کہ فوج کی تعیناتی زمینی حالات کے پیش نظر کی جائے گی، صوبوں کو تعیناتی کا اختیار ہوگا۔

محکمہ داخلہ سندھ نے فوجی حکام سے رابطہ کرلیا ہے اور محرم میں تعیناتی کا روڈ میپ تیار ہے، وزارت داخلہ کا مزید کہنا ہے کہ متعلقہ فریقین کی باہمی مشاورت سے فوجی دستے ضرورت کے مطابق تعینات ہوں گے۔

اسلام اباد : الیکشن کمیشن نے عام انتخابات میں پولنگ اسٹیشنز پر فوج تعینات کرنے کا فیصلہ کرتے ہوئے وزارت داخلہ کو خط لکھ دیا۔

تفصیلات کے مطابق عام انتخابات میں پولنگ اسٹیشنز پر پاک فوج کی تعیناتی کے معاملے پر الیکشن کمیشن نے وزارت داخلہ کو خط لکھ دیا۔

ذرائع نے بتایا کہ خط میں عام انتخابات میں سیکیورٹی سےمتعلق جامع رپورٹ 27نومبرتک طلب کی گئی ہے۔

الیکشن کمیشن نے چاروں صوبوں ، چیف کمشنر اسلام آباد سے اہلکاروں کی دستیابی سےمتعلق رپورٹ مانگی ہے اور صوبوں میں نفری کی قلت سےمتعلق بھی تحریری آگاہ کرنے کی ہدایت کی گئی ہے۔

خط میں کہا گیا ہے کہ سیکیورٹی اہلکاروں کی کتنی قلت ہے؟ بیک اپ پلان کیا ہے تفصیلات جمع کرائیں۔

الیکشن کمیشن نے وزارت داخلہ کو سیکیورٹی اہلکاروں کی تفصیلات لیکر جمع کرانے کی ہدایت کرتے ہوئے کہا کہ الیکشن کمیشن صاف شفاف انتخابات کے لیے تمام آئینی اور قانونی اقدامات کر رہا ہے۔

خط کے متن میں کہنا ہے کہ الیکشن کمیشن پولنگ کےدن فول پروف سیکیورٹی کیلئےانتظامات کر رہا ہے، پولیس نفری کی قلت پر فوج اور دیگراداروں کو تعینات کرنے کا فیصلہ کیاگیاہے۔

اسلام آباد : وفاقی حکومت نے کچے کے علاقے میں آپریشن کیلئے فوج تعینات کرنے کی منظوری دے دی گئی، پنجاب حکومت نے وفاق سے رجوع کیا تھا۔

تفصیلات کے مطابق وفاقی حکومت کی جانب سے کچے کےعلاقےمیں آپریشن کیلئے فوج تعینات کرنے کی منظوری دے دی گئی۔

ذرائع نے کہا کہ سرکولیشن کے ذریعے فوج تعینات کرنے کی سمری کی منظوری لی گئی ہے۔

پنجاب حکومت نے فوج کی خدمات حاصل کرنے کیلئے وفاق سے رجوع کیا تھا، پنجاب حکومت نے 24 اپریل تک فوج کی خدمات کی درخواست کی ہے۔

پنجاب حکومت کی جانب سے آپریشن ختم نہ ہونے کی صورت میں 5 مئی تک توسیع کی بھی درخواست کی گئی ہے۔

خیال رہے پولیس کا کچے کے ڈاکوؤں کیخلاف آپریشن ساتویں روزمیں داخل ہوگیا ہے ، پولیس کچہ کراچی میں لاٹھانی گینگ کی کمین گاہوں میں داخل ہوئی تو لاٹھانی گینگ اپنی کمین گاہیں چھوڑ کر دریائی جزیرے میں فرار ہوگئے۔

پولیس نےلاٹھانی گینگ کی کمین گاہوں کومسمارکرکےنذرآتش کردیا اور کمین گاہوں سے راکٹ لانچر، اینٹی ایئر کرافٹ گن اور ہزاروں ہینڈگرنیڈز برآمد کرلئے ہیں۔

ترجمان نے بتایا کہ پولیس نے جزیرے کا محاصرہ کرلیا ہے، جہاں شدید فائرنگ کاسلسلہ جاری ہے۔