Tag: فوج

  • شامی فوج میں پہلی خاتون بریگیڈیئر جنرل کا تقرر

    شامی فوج میں پہلی خاتون بریگیڈیئر جنرل کا تقرر

    دمشق: شامی فوج میں پہلی بار بریگیڈیئر جنرل کے عہدے پر ایک خاتون کو تعینات کردیا گیا۔ وہ پہلی خاتون ہیں جو فوج کے اس اعلیٰ عہدے تک پہنچی ہیں۔

    نبل مدحت بدر نامی یہ فوجی افسر شام کے شہر تارتوس سے تعلق رکھتی ہیں۔ اس سے قبل شامی فوج میں خواتین کی شمولیت اور مختلف عہدوں پر ان کی ترقی کوئی نئی بات نہیں تاہم اس عہدے تک پہنچنے والی مدحت پہلی خاتون ہیں۔

    شام کی فوج میں اس وقت کئی خواتین ہیں جو ملک میں جاری جنگ میں بھرپور حصہ لے رہی ہیں اور داعش کے خلاف برسر پیکار ہیں۔

    صرف ایک شام ہی نہیں بلکہ مشرق وسطیٰ میں داعش کے عفریت سے لڑنے کے لیے صرف مرد ہی نہیں بلکہ بچے اور خواتین بھی میدان میں آچکے ہیں۔

    مزید پڑھیں: داعش کے خلاف برسر پیکار برقع پوش افغان خواتین

    ان میں سے کچھ خواتین نے باقاعدہ فوج میں شمولیت اختیار کی ہے جبکہ زیادہ تر گھریلو عام خواتین ہیں جو تربیت حاصل کرنے کے بعد اب اپنے علاقے اور اہل خانہ کی حفاظت پر کمر بستہ ہیں۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • داعش کے جنگجو برقع میں فرار ہوتے ہوئے گرفتار

    داعش کے جنگجو برقع میں فرار ہوتے ہوئے گرفتار

    دمشق: شام میں داعش کے زیر قبضہ علاقہ منبج سے فرار ہونے والے داعش کے جنگجو کرد شامی فوج کے ہاتھوں پکڑے گئے۔ فرار کی کوشش کرنے والے جنگجو سیاہ برقعوں میں ملبوس تھے۔

    شمالی شام کے شہر منبج میں داعش نے قبضہ کر رکھا ہے تاہم کرد جنگجوؤں پر مشتمل شامی ڈیمو کریٹک فورسز داعش سے اس علاقے کو خالی کروانے کے لیے وہاں موجود ہیں۔ فوج کے ہاتھوں گرفتاری کے ڈر سے داعش کے کچھ جنگجوؤں نے برقعے میں فرار ہونے کی کوشش کی لیکن وہ رنگے ہاتھوں پکڑے گئے۔

    isis-3

    isis-2

    پکڑے جانے والے جنگجوؤں کی تعداد 3 ہے۔ فوج کا کہنا ہے کہ ان تینوں میں سے ایک داعش کا اسنائپر ہے جو لاتعداد اموات کا ذمہ دار ہے۔

    کرد فوج کی جانب سے جاری کی جانے والی فوٹیج میں دیکھا جاسکتا ہے کہ تینوں داعشی جنگجوؤں کو بے لباس کردیا گیا ہے جبکہ وہ گھٹنوں کے بل نیچے جھکے ہوئے ہیں۔

    یاد رہے کہ شام کے اس شہر میں داعش اور شامی فوجیں آپس میں برسر پیکار ہیں۔ فوج اس علاقے کو داعش کے قبضے سے چھڑانے کی کوششوں میں مصروف ہے۔

    مزید پڑھیں: داعش کے خلاف صف آرا 2 باہمت خواتین

    دونوں کے درمیان خونریز جھڑپوں میں اب تک داعش کے 18 جنگجو، 5 فوجی اور 8 عام افراد مارے جاچکے ہیں۔

    دوسری جانب 24 فروری کو عراقی افواج نے داعش کے زیر استعمال موصل کے ہوائی اڈے کو بھی دہشت گرد تنظیم کے قبضے سے چھڑانے کا دعویٰ کیا ہے۔

  • ترکی میں خواتین فوجی افسران کےاسکارف لینےپرپابندی ختم

    ترکی میں خواتین فوجی افسران کےاسکارف لینےپرپابندی ختم

    انقرہ : ترک حکومت نےخواتین فوجی افسران پراسلامی اسکارف پہننے کی تاریخی پابندی کوختم کردیا۔یہ پابندی 1980 کی دہائی میں عائد کی گئی تھی۔

    تفصیلات کےمطابق ترک وزارتِ دفاع کےاحکامات کےبعد ترک فوج میں خواتین فوجی افسران پراسلامی اسکارف پہننے کی پابندی کوختم کردیاگیا۔

    مقامی میڈیا کےمطابق خاتون افسران اپنی کیپ یا بیرٹ کے نیچے اسکارف پہن سکتی ہیں تاہم اس کا رنگ یونیفارم کے رنگ جیسا ہونا چاہیے جبکہ اسکارف پہننے کی صورت میں چہرہ چھپنا نہیں چاہیے۔

    خیال رہےکہ ترکی کی حکمراں جماعت کی جانب سے طویل عرصے سے خواتین کے اسکارف پر عائد پابندی ختم کیےجانےکامطالبہ کیاجاتارہا ہے۔

    یاد رہےکہ ترکی میں 1980 کی دہائی میں عوامی اداروں میں خواتین کے لیے سر پراسکارف لینے پر پابندی عائد کی گئی تھی۔ تاہم اب ترکی میں صدر رجب طیب اردوگان یہ دلیل دیتے ہیں کہ یہ پابندی ماضی کی تنگ نظری کی وجہ سےتھی۔

    واضح رہےکہ ترکی کا قانون سیکولر ہےیعنی سنہ 1920 سے اب تک سرکاری طور پر ریاست کا کوئی مذہب نہیں ہے۔ملک کی اکثریتی آبادی سنی مسلمانوں پر مشتمل ہے۔

  • روسی فوج کے ساتھ تعاون کے لیے تیار نہیں‘جمیز میٹس

    روسی فوج کے ساتھ تعاون کے لیے تیار نہیں‘جمیز میٹس

    برسلز: امریکی وزیردفاع جیمز میٹس کا کہناہےکہ ہم فی الوقت روسی فوج کے ساتھ تعاون کے لیے تیار نہیں تاہم سیاسی رہنماؤں کا آپس میں رابطہ رہےگا۔

    تفصیلات کےمطابق نیٹو سمٹ میں میڈیا نمائندوں سے گفتگو کرتے ہوئےامریکی وزیردفاع جمیز میٹس کا کہنا تھا کہ ‘فی الوقت ہم فوجی سطح پر روس سے شراکت کے لیے تیار نہیں ہیں۔

    امریکی وزیردفاع سے قبل روسی وزیردفاع سرگئی شوئگو نے ماسکو میں اعلان کیا تھا کہ وہ پینٹاگون سے تعاون دوبارہ شروع کرنے پر رضامند ہیں۔

    مزید پڑھیں:ڈونلڈ ٹرمپ کےقومی سلامتی کےمشیرعہدے سےدستبردار

    خیال رہےکہ دونوں ممالک کے رہنماؤں کےبیانات ایک ایسے وقت میں سامنے آئے ہیں،جب امریکی صدر ڈونلڈ ٹرمپ کو اپنی مہم کے ارکان اور روس کے درمیان کشیدہ تعلقات کا سامنا ہے۔

    سابق میرین جنرل اور پینٹاگون چیف جیمز میٹس کہتے ہیں کہ روس کو پہلے اپنے آپ کوثابت کرنا ہوگا جبکہ بین الاقوامی قانون کی پاسداری کرنی ہوگی،جس کے بعد ہی روس سے امریکہ اور نیٹو قریبی تعلقات کا سوچیں گے۔

    واضح رہےکہ امریکی صدر ڈونلڈ ٹرمپ روسی صدر کی تعریف اور ماسکو کے ساتھ بہتر تعلقات کی بات کرتے رہے ہیں،جس میں شام میں دہشت گرد تنظیم داعش کے خلاف جنگ بھی شامل ہے۔

  • مغربی بنگال میں فوج کی تعیناتی پرممتابینرجی کاشدیداحتجاج

    مغربی بنگال میں فوج کی تعیناتی پرممتابینرجی کاشدیداحتجاج

    نئی دہلی :وزیراعلیٰ ممتا بینرجی نے بھارتی ریاست مغربی بنگال میں ٹول بوتھس پرفوجی اہلکاروں کی تعیناتی پرشدید احتجاج کیا ہے۔

    تفصیلات کےمطابق گذشتہ رات سے دفترمیں موجودممتا بینرجی کا کہنا ہے فوج کی تعیناتی پرانہیں اعتماد میں نہیں لیا گیا۔انہوں نے کہا کہ آرمی کومغربی بنگال سے واپس بلانے تک وہ دفتر سےگھر نہیں جائیں گی۔

    وزیراعلیٰ ممتا بینرجی کا کہناتھا کہ وہ جمہوریت کی حفاظت کے لیے سیکریٹریٹ میں موجود ہیں۔انہوں نے کہا کہ اہلکاروں کی تعیناتی سے متعلق آگاہ نہیں کیاگیا۔

    بھارتی ریاست مغربی بنگال کی وزیراعلیٰ ممتا بینرجی کا کہناہے کہ مودی سرکار کی اس حرکت کی وجہ سے ریاست کےلوگوں میں خوف پایا جاتاہے۔

    وزیراعلیٰ ممتا بینرجی نے پریس کانفرنس کرتے ہوئے کہا کہ آرمی کو نیشنل ہائی کےدو ٹول پلازہ پر تعینات کیاگیا ہے اور اس حوالے سے بنگال گورنمنٹ کو نہیں بتایا گیا۔

    واضح رہے کہ بھارتی وزیراعظم نریندرمودی نے ممتا بینرجی کوتنقید کا نشانہ بناتے ہوئے کہا کہ کوئی فوج کے بارے میں سوال نہیں اٹھا سکتا۔

  • مردم شماری نہیں کرانی تو شماریات کا ادارہ بند کریں،سپریم کورٹ

    مردم شماری نہیں کرانی تو شماریات کا ادارہ بند کریں،سپریم کورٹ

    اسلام آباد: سپریم کورٹ آف پاکستان کا کہناہے کہ پورا ملک ایک قیاس پر چل رہا ہے اگرمردم شماری نہیں کروانی توشماریات کاادارہ ہی بندکردیں۔

    تفصیلات کےمطابق چیف جسٹس انور ظہیر جمالی کی سربراہی میں قائم فل بینچ نے مردم شماری میں تاخیراز خود نوٹس کیس کی سماعت کی۔

    اٹارنی جنرل نے عدالت کو بتایا فوج کی عدم دستیابی کی وجہ سے مردم شماری نہیں کرائی جاسکی تاہم اگر فوج دستاب ہوئی تو مارچ یا اپریل 2017ءتک مردم شماری کا آغاز کر دیا جائے گا۔

    چیف جسٹس انور ظہیر جمالی نے ریمارکس دیے کہ حکومتی تحریر محض دکھاوا ہیں،حکومت واضح اور ایک تاریخ بتائے ۔انہوں نے ریمارکس دیے کہ سارے کام فوج نے کرنے ہیں تو اداروں کی کیا ضرورت ہے؟۔

    سپریم کورٹ نے حکومت کی جانب سے مارچ اور اپریل 2017ءکی دی گئی مشروط حکومتی تاریخ مسترد کر دی۔

    دوران سماعت چیف جسٹس امیر ہانی نے ریمارکس دیے کہ ترمیم کریں اور مردم شماری کی شق ہی ختم کردیں۔بینچ نے ریمارکس دیے کہ مردم شماری کانہ ہونا گزشتہ حکومتوں کے ساتھ موجودہ حکومت کی بھی ناکامی ہے۔

    واضح رہے کہ سپریم کورٹ کے فل بینچ نے مردم شماری کیس کی سماعت دسمبر کے پہلے ہفتے تک ملتوی کر دی ۔

  • کوئٹہ پولیس ٹریننگ سینٹر پر حملہ،62 اہلکار شہید، 118 زخمی

    کوئٹہ پولیس ٹریننگ سینٹر پر حملہ،62 اہلکار شہید، 118 زخمی

    کوئٹہ: سریاب روڈ پر قائم پولیس ٹریننگ سینٹر پرتین دہشت گردوں کے حملےمیں 62اہلکار شہید،118 سے زائد زخمی ہوگئے،فورسزکی کارروائی میں3دہشت گردمارے گئے۔

    تفصیلات کے مطابق بلوچستان کے دارالحکومت کوئٹہ میں گزشتہ روز رات گیارہ بجے سریاب روڈ پر واقع پولیس ٹریننگ سینٹر پر حملہ کیا گیا،پولیس کی جانب سے جوابی فائرنگ بھی کی گئی جبکہ حملہ آوروں سے نمٹنے کے لیے پولیس کی اضافی نفری طلب کی گئی۔

    دہشت گردوں کے حملےمیں 62اہلکار شہید جبکہ ایف سی اور پولیس اہلکاروں سمیت 118سے زائد اہلکار زخمی ہوئے۔زخمیوں سے پانچ اہلکاروں کی حالت تشویش ناک ہے جبکہ دیگر اہلکاروں کی حالت خطرے سے باہر ہے۔

    وزیراعلیٰ بلوچستان کا صوبے میں تین روزہ سوگ کا اعلان

    واضح رہےکہ بلوچستان حکومت نے پولیس ٹریننگ سینٹر پر حملے کے خلاف 3 روزہ سوگ کا اعلان کردیا۔صوبے بھر میں سرکاری عمارتوں پر قومی پرچم سرنگوں رہے گا۔

    وزیر داخلہ چوہدری نثار علی خان کی پولیس ٹریننگ سینٹر پر حملے کی مذمت

    وفاقی وزیرداخلہ چوہدری نثارعلی خان نے اسلام آباد میں نیشنل پولیس اکیڈمی میں پاسنگ آؤٹ پریڈ سے خطاب کرتے ہوئے کہا کہ آج میرے اور پاکستان کےلیے دکھ کا لمحہ ہے۔کوئٹہ میں لوگ شہیدوں کی میتیں اٹھارہے ہیں۔

    سانحہ کوئٹہ کے شہدا کی نماز جنازہ ادا

    کوئٹہ میں گزشتہ روز رات گئے پولیس سینٹر پر دہشت گردوں کے حملے شہید ہونے والے اہلکاروں کی نمازجنازہ پولیس سینٹر میں اداکردی گئی۔

    نماز جنازہ میں وزیراعلیٰ بلوچستان نواب ثناءاللہ زہری،وزیرداخلہ بلوچستان میرسرفرازبگٹی،آرمی چیف جنرل راحیل شریف،ڈی جی آئی ایس آئی لیفٹیننٹ جنرل رضوان اختر،ڈی جی ایم آئی،کورکمانڈر بلوچستان،آئی جی بلوچستان سمیت دیگراعلیٰ حکام نے شرکت کی۔

    نماز جنازہ کی ادائیگی کے بعد شہدا کے جسد خاکی ان کے آبائی علاقوں کو روانہ کردیا گیا جہاں انہیں پورے اعزاز کے ساتھ سپرد خاک کیا جائے گا۔

    دہشت گردوں کےاس حملے شہیدہونے والے اہلکاروں میں کوئٹہ کے علاوہ پنجگور، گوادر، پسنی، لورالائی، چمن اور قلعہ عبداللہ  سے تعلق رکھنے والے زیر تربیت اہلکارشامل ہیں۔

    b1

    یاد رہے گزشتہ روز رات گئے آئی جی ایف سی میجر جنرل شیرافگن نے آپریشن کی تکمیل کے بعد وزیرداخلہ بلوچستان سرفراز بگٹی کے ساتھ پریس کانفرنس میں کہنا تھا کہ پولیس ٹریننگ سینٹر میں فائرنگ کی اطلاع ملنے کے فوراََ بعد ہم نے آپریشن شروع کیا اور آپریشن کو مکمل کرنے میں چار گھنٹے لگے.


    Sarfraz bugti & IG FC media talk by arynews

    post-2

    انسپکٹر جنرل فرنٹیئرکورایف سی  کا کہنا تھا کہ حملے میں 3 دہشت گرد شامل تھے جنہوں نے خود کش جیکٹ پہن رکھی تھی اور دو نے خود کو دھماکے سے اڑا دیا جبکہ تیسرے کو آپریشن کے دوران ہلاک کردیا گیا۔

    آئی جی ایف سی کا کہنا تھا کہ کالج میں زیر تربیت زخمی اہلکاروں میں کسی کو سنجیدہ زخم نہیں آئے تاہم آپریشن میں حصہ لینے والے چند فوجی اہلکار شدید زخمی ہوئے۔

    post-1

     میجر جنرل شیر افگن کا مزیدکہناتھاکہ حملہ آوروں کا تعلق ممنوعہ تنظیم لشکر جھنگوی عالمی سے تھا اور انھیں افغانستان سے ہدایات مل رہی تھیں۔

    بلوچستان کے وزیر داخلہ میر سرفراز بگٹی کاکہناتھاکہ سب سے پہلا حملہ پولیس ٹریننگ سینٹر کے عقبی علاقے میں واقع واچ ٹاور پر کیا گیا جہاں موجود اہلکار نے بھرپور مقابلہ کیا لیکن جب وہ شہید ہوا تو حملہ آور دیوار پھلانگ کر کالج کے اندر داخل ہونے میں کامیاب ہو گئے۔

    post-4

    سرفراز بگٹی کا کہناتھاکہ حملہ آوروں میں سےدو نے اپنے آپ کو دھماکے سے اڑا دیا جبکہ ایک کو سیکورٹی فورسز کے اہلکاروں نے فائرنگ میں ہلاک کیا۔

    صدر ممنون حسین کی پولیس ٹریننگ سینٹر پر حملے کی مذمت

    صدر مملکت ممنون حسین نے کوئٹہ میں پولیس ٹریننگ سینٹر پر حملے کی شدید مذمت کی اورکہاکہ دکھ کی اس گھڑی میں پوری قوم شہید اہلکاروں کےا ہلخانہ کے ساتھ ہیں ان کی قربانیاں رائیگاں نہیں جائےگا۔

    وزیر اعظم نوازشریف کی پولیس ٹریننگ سینٹر پر حملے کی مذمت

    وزیر اعظم میاں نواز شریف نےکوئٹہ پولیس ٹریننگ سینٹر پر ہونے والے اس حملے کی شدید الفاظ میں  مذمت کرتے ہوئے واقعے میں ملوث دہشت گردوں کے خلاف سخت کارروائی کی ہدایت کی ہے۔انہوں نے سانحہ میں زخمی ہونے والے افراد کو ہر ممکن علاج اور سہولیات فراہم کرنے کی ہدایت بھی کی۔

    بلوچستان کے صوبائی حکام کا کہنا تھا کہ واقعے کے بعد کوئٹہ کے تمام اسپتالوں میں ایمرجنسی نافذ کرکے عملے کو فوری طور پر طلب کرلیا گیا۔

    post-3

    بلوچستان کے وزیرِ اعلیٰ ثناء اللہ زہری کا کہناتھاکہ چند روز پہلے اطلاع موصول ہوئی تھی کہ کچھ دہشت گرد کوئٹہ شہر میں گھس گئے ہیں جس کے بعد پورے شہر میں ہائی الرٹ نافذ کر دیا تھا۔ انھیں شہر کے اندر موقع نہیں ملا تو وہ شہر سے باہر تربیتی مرکز تک پہنچ گئے۔

    b2

    ثناءاللہ زہری کا کہناتھاکہ سکیورٹی کے بارے میں کہناتھاکہ تریتی مرکز خاصے بڑے علاقے پر پھیلا ہوا ہے اور اس کا رقبہ دو ڈھائی سو ایکڑ ہےاور یہ شہر سے 15 کلومیٹر دور ہے۔

    سیکریٹری صحت نورالحق بلوچ کاکہناتھاکہ  85 زخمی اہلکاروں کو سول اسپتال پہنچایا گیا ہے جبکہ 25 سے زائد زخمی اہلکاروں کو بولان میڈیکل کمپلیکس اسپتال اور دیگر اہلکاروں کو سی ایم ایچ اسپتال منتقل کیاگیا۔

    b3

    واضح رہے کہ حملے کے بعد زیر تربیت اہلکار کا کہناتھا کہ اس نے دو دہشت گردوں کو فائرنگ کرتے اور اندر داخل ہوتے ہوئے دیکھا،حملہ آور ٹریننگ سینٹر میں واقع بیرکس میں گھسے ہیں اور انہوں نے اندر داخل ہوتے ہی فائرنگ شروع کردی تھی۔

    b4

  • ملک بھر کے حساس اور عسکری اداروں پر ہونے والے دہشت گرد حملے

    ملک بھر کے حساس اور عسکری اداروں پر ہونے والے دہشت گرد حملے

    پاکستان میں ایک طویل عرصہ سے جاری دہشت گردی کی لہر نے عام افراد سمیت عسکری اور سیکیورٹی اداروں کو بھی متاثر کیا ہے۔

    پچھلے 10 سالوں میں اس دہشت گردی کے باعث جہاں عام افراد نے ناقابل تلافی جانی نقصان سہا، وہیں مختلف عسکری و حساس اداروں اور مقامات کو بھی دہشت گردی کا نشانہ بنایا گیا جس میں اب تک سینکڑوں سیکیورٹی اور پولیس اہلکاروں نے اپنی جانوں کا نذرانہ پیش کیا۔

    یہاں پچھلے 10 سال میں ملک بھر میں ہونے والے دہشت گردی کے بڑے واقعات پیش کیے جارہے ہیں جن کا ہدف عسکری اداروں اور مقامات تھے۔

    چوبیس اکتوبر 2016: کوئٹہ میں پولیس ٹریننگ سینٹر کو نشانہ بنایا گیا جس میں 60 زیر تربیت پولیس اہلکار شہید ہوئے۔ آپریشن میں 3 حملہ آور بھی مارے گئے۔

    کوئٹہ میں ہونے والے دہشت گردی کے بڑے واقعات *

    اٹھارہ ستمبر 2015: پشاور میں بڈھ بیر ایئر فورس کیمپ پر حملہ ہوا جس میں 30 افراد شہید ہوئے۔ 13 حملہ آور بھی مارے گئے۔

    چھ ستمبر 2014: کراچی میں نیول ڈاکیارڈ پر حملہ ہوا جس میں ایک نیوی اہلکار شہید جبکہ دو حملہ آور مارے گئے۔

    چودہ اگست 2014: پی اے ایف سمنگلی ایئر بیس پر حملہ ہوا جس میں خوش قسمتی سے کوئی جانی نقصان نہیں ہوا البتہ 11 حملہ آور مارے گئے۔

    آٹھ جون 2014: کراچی ایئرپورٹ پر دہشت گردوں کا حملہ ہوا جس میں 26 افراد اپنی جانوں سے ہاتھ دھو بیٹھے۔ فوج کی جانب سے کیے جانے والے آپریشن میں 10 حملہ آور مارے گئے۔

    karachi-airport

    چوبیس جولائی 2013: سکھر میں آئی ایس آئی کے دفتر پر حملہ ہوا جس میں 8 آئی ایس آئی اہلکار شہید جبکہ 4 حملہ آور مارے گئے۔

    پندرہ دسمبر 2012: پشاور ایئر پورٹ پر ہونے والے حملہ میں 15 افراد جاں بحق اور 5 حملہ آور ہلاک ہوئے۔

    سولہ اگست 2012: کامرہ ایئر بیس پر ہونے والے حملے میں 2 اہلکار شہید جبکہ 9 حملہ آور ہلاک ہوئے۔

    بائیس مئی 2011: پی این ایس نیول بیس مہران پر حملے میں 18 نیوی اور سیکیورٹی اہلکار شہید جبکہ 4 حملہ آور ہلاک ہوئے۔

    دس جولائی 2010: کراچی میں سی آئی ڈی کی بلڈنگ پر حملہ میں 18 اہلکار و عام افراد جاں بحق ہوئے۔

    آٹھ دسمبر 2009: ملتان میں آئی ایس آئی کے دفتر پر حملہ ہوا جس میں 15 اہلکار شہید ہوئے۔

    چار دسمبر 2009: جی ایچ کیو کی پریڈ لین مسجد پر حملہ ہوا جس میں 37 نمازی شہید جبکہ 5 حملہ آور جہنم واصل ہوئے۔

    پندرہ اکتوبر 2009: لاہور میں ایف آئی اے کے دفتر اور مناواں میں پولیس اکیڈمی پر حملہ ہوا۔ دونوں حملوں میں مجموعی طور پر 16 افراد جاں بحق ہوئے جبکہ 8 حملہ آور ہلاک کیے گئے۔

    دس اکتوبر 2009: راولپنڈی میں آرمی کے ہیڈ کوارٹر پر حملہ میں 10 فوجی اہلکاروں نے جام شہادت نوش کیا۔ 4 حملہ آور بھی مارے گئے۔

    ghq

    سات مئی 2009: لاہور میں آئی ایس آئی کے دفتر پر ہونے والے حملے میں 40 افراد جاں بحق ہوئے۔

    تیس مارچ 2009: لاہور کے علاقہ مناواں میں پولیس ٹریننگ اکیڈمی پر حملہ ہوا جس میں 15 پولیس اہلکار شہید جبکہ 4 حملہ آور ہلاک ہوئے۔

    دس دسمبر 2007: پاکستان ایروناٹیکل کمپلیکس کامرہ پو ہونے والے حملے میں 7 افراد جاں بحق ہوئے۔

    تیرہ ستمبر 2007: تربیلا غازی ایئر بیس کی آفس میس پر حملہ میں 20 ایس ایس جی کمانڈوز شہید ہوگئے۔

    آٹھ نومبر 2006: خیبر پختونخوا میں درگئی کے علاقے میں ملٹری کیمپ پر ہونے والے حملے میں 42 جوان شہید ہوگئے۔

  • عمران خان کے شریف برادران پر ایک بار پھر سنگین الزامات

    عمران خان کے شریف برادران پر ایک بار پھر سنگین الزامات

    راولپنڈی: عمران خان نے وزیر اعظم نواز شریف پر الزام لگاتے ہوئے کہا ہے کہ ن لیگ تاثر دے رہی ہے کہ دو نومبر کا دھرنا فوج کروا رہی ہے۔ متنازعہ خبر لیک کرنے والوں کے نام اب تک سامنے کیوں نہیں آئے۔ انہوں نے ایک بار پھر نواز شریف سے احتساب کے لیے پیش ہونے کا مطالبہ کیا۔

    عمران خان نے شریف برادران پر ایک بار پھر سنگین الزامات عائد کر دیے۔ بنی گالہ میں عمران خان کی زیر صدارت 2 نومبر کے دھرنے پر اہم اجلاس کے بعد میڈیا سے گفتگو کرتے ہوئے ان کا کہنا تھا کہ شریف برادران غریب عوام کے پیسے سے کیس نہ لڑیں۔

    انہوں نے الزام لگایا کہ ن لیگ تاثر دے رہی ہے کہ 2 نومبر کا احتجاج فوج کروا رہی ہے۔

    فوج کے خلاف متنازعہ خبر کے معاملے پر عمران خان کا کہنا تھا کہ خبر لیک کرنے والوں کے نام اب تک سامنے کیوں نہیں آئے۔

    رحیم یار خان میں قومی صحت پروگرام کے دوران وزیر اعظم کے آبدیدہ ہونے پر عمران خان نے کہا کہ نواز شریف کو 8 سال بعد رونا آیا ہے، یہ رونا دراصل پاناما کا رونا ہے۔

    اس سے قبل بنی گالہ میں عمران خان کی زیر صدارت میڈیا اسٹریٹجک کمیٹی کا اجلاس ہوا جس میں 2 نومبر کے دھرنے کے لیے انتظامات پر تبادلہ خیال کیا گیا۔

  • فلپائنی فوج پرداعش کا حملہ،12 فوجی ہلاک

    فلپائنی فوج پرداعش کا حملہ،12 فوجی ہلاک

    منیلا: فلپائن کے ایک جزیرے پر داعش سے منسلک مسلح جنگجوؤں کے حملے میں ایک افسر سمیت 12 فوجی اہلکار ہلاک ہوگئے.

    تفصیلات کے مطابق فلپائنی فوج کے ترجمان کا کہنا تھا کہ مسلح جنگجوؤں کی جانب سے مذکورہ حملہ فوج کے جاری آپریشن کے پانچویں روز کیاگیا.

    میجر فائل مون ٹان کا کہنا تھا کہ جولو نامی جزیرے پر پاٹیکول ٹاؤن میں ڈیڑھ گھنٹے تک جاری رہنے والی مسلح جھڑپ میں 5 فوجی اہلکار زخمی بھی ہوئے.

    ان کا کہنا تھا کہ فوج نے ابو سیاف نامی تنظیم کے مسلح جنگجوؤں کی موجودگی کی اطلاع پر اس علاقے میں کارروائی کا آغاز کیا تھا تاہم انہیں شدید مزاہمت کا سامنا کرنا پڑا.

    فوجی ترجمان نے مزید کہا کہ ‘لڑائی بہت شدید تھی، جس میں 12 فوجی ساتھی جان کی بازی ہار گئے،دونوں جانب بھاری جانی نقصان ہوا ہے تاہم ایک اندازے کے مطابق داعش کے 30 سے زائد جنگجو ہلاک ہوئے’.

    *فلپائن میں جیل پرحملہ،داعش کے آٹھ دہشت گرد فرار

    یادرہے کہ گزشتہ روز فلپائن کے جنوبی شہر مروائی میں جیل پر حملہ کرکے دولت اسلامیہ سے منسلک آٹھ دہشت گردوں کورہا کرولیاگیاتھا.

    واضح رہے کہ جمعرات سے جاری فوجی آپریشن میں ابو سیاف گروپ کے 20 سے زائد جنگجو ہلاک ہوئے ہیں،اس آپریشن کے لیے صدر رودریگو دوتیرتے نے فوج کو حکم دیا تھا.