ARYNews.tv | Urdu – Har Lamha Bakhabar

Tag: فورتھ شیڈول

  • مفتی منیب سمیت دیگر کے نام فورتھ شیڈول میں ڈالنے کی تیاری

    مفتی منیب سمیت دیگر کے نام فورتھ شیڈول میں ڈالنے کی تیاری

    کراچی: کالعدم تحریک لبیک پاکستان کے احتجاج اور ہنگامہ آرائی کے معاملے میں مفتی منیب الرحمان سمیت دیگر علما کے نام فورتھ شیڈول میں ڈالنے کی تیاری شروع ہو گئی۔

    تفصیلات کے مطابق کالعدم تحریک لبیک پاکستان کے احتجاج اور ملک بھر میں ہنگامہ آرائی کے تناظر میں مفتی منیب الرحمان سمیت کراچی کی دیگر شخصیات کے نام فورتھ شیڈول میں ڈالنے کی تیاری ہو رہی ہے، اس سلسلے میں فہرست بھی تیار کر لی گئی ہے۔

    اس فہرست میں حاجی رفیق پردیسی، غلام غوث بغدادی، مولانا ریحان امجد نعمانی، علی محمد اسلم اور عامر چھوٹانی کے نام بھی شامل کیے گئے ہیں۔

    ضلع شرقی کے تھانوں سے فورتھ شیڈول میں نام ڈالنے کے لیے تفصیلات طلب کی گئی ہیں، نام فورتھ شیڈول میں ڈالنے کے لیے سفارشات بھی تیار کی جا رہی ہیں، پولیس کی جانب سے دستاویزات سی ٹی ڈی کو بھجوائی جائیں گی۔

    مفتی منیب کا آج ملک بھر میں پہیہ جام ہڑتال کا اعلان

    یاد رہے کہ مفتی منیب نے 19 اپریل کو کراچی میں پریس کانفرنس میں لاہور یتیم خانہ چوک واقعے پر ملک بھر میں شٹر ڈاؤن اور پہیہ جام ہڑتال کا اعلان کیا تھا، مولانا فضل الرحمان اور جماعت اسلامی نے بھی مفتی منیب کی ہڑتال کی کال کی حمایت کی تھی۔

    انھوں نے کالعدم تحریک لبیک پاکستان (ٹی ایل پی) کے گرفتار کیے گئے کارکنوں کو فوری طور پر رہا کرنے اور ان کے خلاف درج کیے گئے مقدمات واپس لینے کا مطالبہ کیا تھا۔

  • فورتھ شیڈول میں شامل 1500 افراد کی مانیٹرنگ مزید سخت کرنے کا فیصلہ

    فورتھ شیڈول میں شامل 1500 افراد کی مانیٹرنگ مزید سخت کرنے کا فیصلہ

    لاہور : پنجاب میں فورتھ شیڈول میں شامل 1500 افراد کی مانیٹرنگ مزید سخت کرنے کا فیصلہ کرلیا اور کہا ان افراد کی روزانہ بنیاد پر مانیٹرنگ رپورٹ تیار ہوگی۔

    تفصیلات کے مطابق پاکستان کی ایف اےٹی ایف ٹیم نے لاہورسول سیکرٹریٹ کا دورہ کیا، ایڈیشنل چیف سیکریٹری داخلہ پنجاب کی سربراہی میں ایف اے ٹی ایف کے طے شدہ اہداف کا جائزہ لینے کیلئے اجلاس ہوا۔

    ذرائع کا کہنا تھا کہ فیٹف اجلاس میں اب تک کی پیشرفت کا جائزہ لیا گیا اور7 بڑے فیصلے کئے گئے، پنجاب میں 1500 فورتھ شیڈولرکی مانیٹرنگ مزید سخت کرنے کا فیصلہ کرلیا۔

    اجلاس میں فیصلہ کیا کہ فورتھ شیڈول میں شامل افراد کی روزانہ بنیادپرمانیٹرنگ رپورٹ تیارہوگی جبکہ منی لانڈرنگ سےمتعلق قوانین میں ترامیم کاجائزہ کیلئے کمیٹی بنا دی گئی۔

    خیال رہے فورتھ شیڈول انسداد دہشت گردی قانون کے تحت ترتیب دی جانے والی وہ فہرست ہے جس میں ان شخصیات کے نام شامل کیے جاتے ہیں جن کے متعلق دہشت گردانہ یا فرقہ وارانہ سرگرمیوں میں ملوث ہونے کا شبہ ہو یا پھر ایسے خدشات ہوں کہ ان کا تعلق کالعدم جماعتوں یا مشکوک افراد کے ساتھ ہو۔

    فورتھ شیڈول میں شامل افراد کسی بھی قسم کی مذہبی یا سیاسی سرگرمیوں میں حصہ نہیں لے سکتے ہیں، فہرست میں نام صوبائی حکومت کی سفارش پر شامل کیا جاتا ہے۔

  • الیکشن کمیشن کے پاس فورتھ شیڈول میں شامل ممبراسمبلی کونااہل کرنےکااختیارنہیں، عدالتی فیصلہ

    الیکشن کمیشن کے پاس فورتھ شیڈول میں شامل ممبراسمبلی کونااہل کرنےکااختیارنہیں، عدالتی فیصلہ

    اسلام آباد : اسلام آباد ہائی کورٹ نے فورتھ شیڈول میں شامل ممبراسمبلی کی نااہلی پر فیصلہ سناتے ہوئے کہا الیکشن کمیشن کے پاس فورتھ شیڈول میں شامل ممبراسمبلی کونااہل کرنے کا اختیار نہیں۔

    تفصیلات کے مطابق اسلام آباد ہائی کورٹ نے ”فورتھ شیڈول میں شامل ممبراسمبلی کی نااہلی ہوسکتی ہے یانہیں “کے حوالے سے اپنا فیصلہ سنا دیا ہے، جسٹس عامرفاروق نے خیبرپختونخواہ سے ایم پی اے کی درخواست پرمختصرفیصلہ سنادیا۔

    فیصلے میں کہا گیا کہ الیکشن کمیشن کے پاس فورتھ شیڈول میں شامل ممبراسمبلی کو نااہل کرنے کا اختیار نہیں۔

    پی کے 89 بنوں سے پی ٹی آئی ایم پی اے شاہ محمد نے درخواست دائرکی تھی، ایم پی اے شاہ محمد خان کی جانب سے ڈاکٹربابر اعوان نے کیس کی پیروی کی، ایم پی اے شاہ محمد اور ممبر ضلع کونسل بنوں کو فورتھ شیڈول میں نام کی وجہ سے نااہل کیا گیا تھا۔

    یاد رہے 21 ستمبر2017کو الیکشن کمیشن نے ایم پی اے، ممبر ضلع کونسل کی نااہلی کا حکم سنایا تھا، خیبر پختونخواہ سے پی ٹی آئی ایم پی اے شاہ محمد خان اور ممبر ضلع کونسل بنوں گل باز خان نااہل ہوئے تھے۔

    واضح رہے فروری 2019 میں وفاقی وزارتِ داخلہ نے فورتھ شیڈول میں شامل افراد پر مزید پابندیاں عائد کرتے ہوئے مشکوک افراد پر پاسپورٹ آفس کے دروازے بند اور بینک اکاؤنٹس منجمد کردیے تھے۔

    فورتھ شیڈول کیا ہے؟

    فورتھ شیڈول انسداد دہشت گردی قانون کے تحت ترتیب دی جانے والی وہ فہرست ہے جس میں ان شخصیات کے نام شامل کیے جاتے ہیں جن کے متعلق دہشت گردانہ یا فرقہ وارانہ سرگرمیوں میں ملوث ہونے کا شبہ ہو یا پھر ایسے خدشات ہوں کہ ان کا تعلق کالعدم جماعتوں یا مشکوک افراد کے ساتھ ہو۔

    فورتھ شیڈول میں شامل افراد کسی بھی قسم کی مذہبی یا سیاسی سرگرمیوں میں حصہ نہیں لے سکتے ہیں، فہرست میں نام صوبائی حکومت کی سفارش پر شامل کیا جاتا ہے۔

  • فورتھ شیڈول میں شامل افراد پر مزید پابندیاں عائد

    فورتھ شیڈول میں شامل افراد پر مزید پابندیاں عائد

    اسلام آباد: وفاقی وزارتِ داخلہ نے فورتھ شیڈول میں شامل افراد پر مزید پابندیاں عائد کرتے ہوئے مشکوک افراد پر پاسپورٹ آفس کے دروازے بند اور بینک اکاؤنٹس منجمد کردیے۔

    نیکٹا کی ہدایت پر وزارتِ داخلہ نے فورتھ شیڈول میں شامل افراد کی نگرانی کے لیے اُن پر مزید پابندیاں عائد کردیں جس کے تھت وہ کسی ادارے سے قرضہ نہیں لے سکتے اور نہ اب وہ بیرونِ ملک سفر کرسکیں گے۔

    فورتھ شیڈول میں شامل افراد کا اسلحہ لائسنس منسوخ جبکہ وہ کسی بھی بینک سے کریڈٹ کارڈ بھی نہیں بنوا سکیں گے جبکہ نئی فہرست امیگریشن اور ایف آئی اے حکام کے حوالے کردی گئی۔

    مشکوک افراد کے بینک کھاتوں کی جانچ پڑتال بھی شروع کردی گئی جس کے تحت اسٹیٹ بینک کو 6 ہزار 122 بینک اکاؤنٹس کا ڈیٹا فراہم کیا گیا۔

    مزید پڑھیں: وسیم اخترکا نام فورتھ شیڈول میں شامل کرنے کی سفارش

    دستاویزات کے مطابق اسٹیٹ بینک نے 4 ہزار 8 سو 63 اکاؤنٹس کو نشاندہی کے بعد منجمد جبکہ مذکورہ کھاتوں میں موجود 13 کروڑ 15 لاکھ روپے ضبط کیے گئے۔

    فورتھ شیڈول کیا ہے؟

    فورتھ شیڈول انسداد دہشت گردی قانون کے تحت ترتیب دی جانے والی وہ فہرست ہے جس میں ان شخصیات کے نام شامل کیے جاتے ہیں جن کے متعلق دہشت گردانہ یا فرقہ وارانہ سرگرمیوں میں ملوث ہونے کا شبہ ہو یا پھر ایسے خدشات ہوں کہ ان کا تعلق کالعدم جماعتوں یا مشکوک افراد کے ساتھ ہو۔

    یہ بھی پڑھیں: قبضہ مافیا کے خلاف کارروائی کا فیصلہ، کارندوں کے نام فورتھ شیڈول میں شامل

    فورتھ شیڈول میں شامل افراد کسی بھی قسم کی مذہبی یا سیاسی سرگرمیوں میں حصہ نہیں لے سکتے ہیں، فہرست میں نام صوبائی حکومت کی سفارش پر شامل کیا جاتا ہے۔

  • قبضہ مافیا کے خلاف کارروائی کا فیصلہ، کارندوں کے نام فورتھ شیڈول میں شامل

    قبضہ مافیا کے خلاف کارروائی کا فیصلہ، کارندوں کے نام فورتھ شیڈول میں شامل

    اسلام آباد : چیف کمشنر اسلام آباد نے مختلف ناموں سے کام کرنے والے قبضہ گروپوں کیخلاف سخت کارروائی کرتے ہوئے مافیا کے کارندوں کے نام فورتھ شیڈول میں ڈال دیئے۔

    تفصیلات کے مطابق طالبان گروپ اور دیگر ناموں سے سرگرم قبضہ مافیا کے خلاف کارروائی کا فیصلہ کرلیا گیا، اسلام آباد کے9بڑے قبضہ مافیا کارندوں کے نام فورتھ شیڈول میں ڈال دیئے گئے۔

    قبضہ مافیا میں مصور عباسی، غوری ٹاؤن کا مالک راجہ علی اکبر، آصف کھوکھر، عبدالرحمان اور خرم شہزاد کے نام فورتھ شیڈول میں شامل ہیں، اس کے علاوہ راجہ رضی الرحمان، راجہ ناصر، سائیں فضل انعام اور چوہدری مدثر بھی قبضہ مافیا کا حصہ ہیں۔

    مزید پڑھیں: منشا بم کو ہر دورِ حکومت میں سیاسی پشت پناہی حاصل رہی، پولیس

    ان تمام افراد کے نام انسداد دہشت گردی ایکٹ کے تحت فورتھ شیڈول میں ڈالے گئے ہیں، اس حوالے سے جاری کیے گئے نوٹی فکیشن کے مطابق طویل عرصے سے تعینات12پٹواریوں کو بھی تبدیل کردیا گیا ہے، ان کی جگہ نئے پٹواری تعینات کیے جائیں گے، چیف کمشنر نے نام فورتھ شیڈول میں ڈالنے کا نوٹی فکیشن جاری کردیا۔

  • وسیم اخترکا نام فورتھ شیڈول میں شامل کرنے کی سفارش

    وسیم اخترکا نام فورتھ شیڈول میں شامل کرنے کی سفارش

    کراچی : میئرکراچی وسیم اختر کا نام فورتھ شیڈول میں شامل کرنے کی تیاری کرلی گئی پولیس کی جانب سے ہوم ڈیپارٹمنٹ کو وسیم اختر کا نام فور شیڈول میں شامل کرنے کیلیے خط لکھا جاچکا ہے۔

    تفصیلات کے مطابق میئرکراچی وسیم اخترایک بار نئی مشکل میں پھنس گئے، ایس ایس پی ملیر راؤ انوار نے ہوم ڈیپارٹمنٹ سے وسیم اختر کا نام فورتھ شیڈول میں ڈالنے کی سفارش کی ہے تاہم حکومت سندھ نے ابھی تک اس پر تحریری حکم نامہ جاری نہیں کیا ہے۔

    اے آر وائی کے نمائندے کامل عارف کے مطابق وسیم اختر کے حوالے سے پولیس کو خدشہ ہے کہ یہ پہلے ہی چالیس مقدمات میں ضمانت پر ہیں اور یہ کسی بھی قسم کی مجرمانہ سرگرمیوں میں ملوث ہوسکتے ہیں، یا اشتعال انگیزی پھیلا سکتے ہیں، جس کی وجہ سے پولیس نے ان کا نام فورتھ شیڈول میں شامل کرنے کی سفارش کی ہے۔

    فورتھ شیڈول کیا ہوتا ہے

    فورتھ شیڈول میں پولیس انتہائی مطلوب ملزمان کو اپنی فہرست میں رکھتی ہے، ان ملزمان پر مکمل نگرانی رکھی جاتی ہے اوروہ ملزمان روزانہ تھانے آکر اپنا اندراج کراتے ہیں۔

    اس کے علاوہ ملزمان شہر سے باہر کہیں بھی جانے سے قبل اپنی تقل حرکت کی اطلاع پولیس کو دینے کے پابند ہوتے ہیں کہ وہ کہاں اور کیوں جارہے ہیں۔

    وزارت داخلہ کو یہ استحقاق ہے کہ وہ کس شخص کا کتنی مدت تک نام فورتھ شیڈول میں رکھتی ہے، اس سے قبل چالیس افراد کا نام فورتھ شیڈول میں شامل ہے۔

    مزید پڑھیں : وسیم اختر کو عدالت میں حاضری سے استثنیٰ حاصل

    یاد رہے کہ میئر کراچی وسیم اختر پہلے ہی چالیس مقدمات میں ضمانت پررہا ہیں اوراگران کا نام فورتھ شیڈول میں ڈال دیا جاتا ہے تو ان پر پولیس کی نگرانی بھی ہوگی، جبکہ ان کو تھانے جاکر اپنی حاضری بھی لگانا ہوگی، جبکہ کراچی کے میئر کو شہر سے باہر جانے سے پہلے بھی پیشگی اطلاع پولیس کو دینی پڑے گی۔