اسلام آباد : مسلم لیگ ن کی نائب صدر مریم نواز نے فوری الیکشن کی حمایت کرتے ہوئے کہا الیکشن ہی مسائل کا حل ہیں، فتنوں میں الجھنے کے بجائے نواز شریف کو دوتہائی اکثریت دیں تا کہ وہ ملک کی تقدیر بدلیں۔
۔
تفصیلات کے مطابق مسلم لیگ ن کی نائب صدر مریم نواز نے اسلام آباد ہائی کورٹ کے باہر میڈیا سے گفتگو کرتے ہوئے کہا کہ نیب کے پاس ثبوت ہوتے تو ججز کی ٹیبل پر رکھتے ، چیف جسٹس ہائیکورٹ اطہرمن اللہ سے درخواست ہے، نیب جان کر تاخیر کررہی ہے تو بطور شہری مجھے حقوق دیئے جائیں، میرے خلاف ثبوت ہیں تو سزا دیں۔
مریم نواز کا کہنا تھا کہ چیف جسٹس سے درخواست ہے کہ نیب کی تاخیر کا نوٹس لیں،اگر میں نے کوئی غلط کام کیا تو مجھے ٹانگ دیں ، اگر نیب ثبوت نہ دے تو اسے کٹہرے میں کھڑا کریں.
سابق حکومت پر تنقید کرتے ہوئے مسلم لیگ ن کی نائب صدر نے کہا کہ جو4سال کی کارکردگی نہ دکھا سکے تو سازش، مراسلےکی ضرورت پڑتی ہے، عمران خان کی شکل میں بڑی سازش پاکستان کیخلاف ہوئی ، جتنی سازش عمران خان نےکی اتناتوکوئی غیرملکی بھی نہیں کرسکتاتھا۔
ان کا کہنا تھا کہ عمران خان کہتےہیں میں خطرناک ہوجاؤں گا، جس نےقوم سےروٹی،چینی،ادویات چھین لی وہ خطرناک نہیں توکیاہوگا، لوگ جانتے ہیں مہنگائی ، لوگ جانتےہیں ڈالر مہنگا اور اسٹاک ایکسچینج کی تباہی آپکی وجہ سےہے ، آپ نے ملک کو دیوالیہ کے دہانے پر لاکھڑا کیاہے۔
مہنگائی سے متعلق مریم نواز نے کہا کہ 4 ہفتے قبل عمران خان کےوزراکہتےتھےدنیامیں مہنگائی پاکستان میں نہیں، آج آپ کواچانک مہنگائی یادآگئی، 4سال میں آپ نےمعیشت کابراحال تباہ کردیاہے، عمران خان 4سال میں پاکستان کو400سال پیچھے دھکیل کر گیاہے۔
ن لیگی رہنما نے مزید کہا کہ آپ کو پریس کانفرنسز کرتے ہوئے شرم نہیں آتی، جب کسی اناڑی کواٹھاکراقتدارمیں بٹھاتےہیں توکیاتوقع کی جاسکتی ہے، موجودہ حکومت کوعمران خان کے گناہوں کا ٹوکراپنےسرنہیں اٹھاناچاہئے۔
عمران خان کے جلسوں کے حوالے سے ان کا کہنا تھا کہ عمران خان کوعوام میں جانےدیں عوام اسے بتائےگی کہ مہنگائی تمہاری وجہ سے ہے، چور عمران خان اور اس کےاردگرد والے لوگ ہیں ،سابق وزیراطلاعات نے اپنے رشتے داروں کو نوکریوں پر لگوایا۔
نائب صدر نے کڑی تنقید کرتے ہوئے کہا کہ جب پوچھوادویات،آٹامہنگاکیوں ہواتوکہتاہے خط آگیا سازش ہوگئی، سازش نہیں ہوئی تمہارے پاس عوام کو بتانے کیلئے کچھ نہیں۔
نواز شریف اور شہباز شریف کے تعلقات کے حوالے سے ان کا کہنا تھا کہ نوازشریف شہبازشریف میں ش بھی ہے ن بھی ہے ،اللہ کا شکر ہے ن اورش آج بھی ہےن بھی ش اورش بھی ن ہے، یہ چھچھڑوں کےخواب کبھی پورے نہیں ہوں گے، عمران خان جعلی ووٹوں سے آیا تھاہم نے تو عزت اورآئینی طریقےسے گھربھیجا۔
مریم نواز نے بھی فوری الیکشن کی حمایت کرتے ہوئے کہا ظاہرہےاس ملک میں الیکشن توہوناہے،مخلوط حکومت بڑےٖ فیصلے نہیں کرسکتی، الیکشن ہی مسائل کا حل ہیں، محدود مدت کیلئےآنیوالی حکومت مسئلے حل نہیں کرسکتی،فتنوں میں الجھنے کے بجائے نواز شریف کودوتہائی اکثریت دیں تاکہ وہ تقدیربدلیں۔
سابقہ حکومت کی کارکردگی کے حوالے سے انھون نے کہا کہ اب یہ الٹےبھی لٹک جائیں لیکن سیاسی مستقبل ختم ہوچکاہے ، کوئی کوشش کرے گا کہ وہ شہیدبنےتو4سال کی کارکردگی منہ چڑھارہی ہے۔
ان کا مزید کہنا تھا کہ جواپنےپاؤں پرکچھ نہیں کرسکتااس لئےاداروں کومتنازع بنارہاہے، کہتےہیں لکیریں ڈالنےسےکوئی زیبرانہیں ہوجاتاافواج پاکستان ہمارے لئے محترم ادارہ ہے۔
