ARYNews.tv | Urdu – Har Lamha Bakhabar

Tag: فوزیہ صدیقی

  • کراچی کی باہمت خاتون فوزیہ صدیقی خواتین کیلیے مثال بن گئیں، ویڈیو رپورٹ

    کراچی کی باہمت خاتون فوزیہ صدیقی خواتین کیلیے مثال بن گئیں، ویڈیو رپورٹ

    کراچی کے علاقے سمن آباد کی رہائشی باہمت خاتون فوزیہ صدیقی خواتین کیلیے مثال بن گئیں، ٹھیلے پر جھوٹا سا فوڈ سینٹر کھول لیا۔

    شوہر کے بے روزگار ہونے کے بعد کراچی کی باہمت خاتون نے ٹھیلا لگا کر اپنے شوہر کا ہاتھ بٹانا شروع کردیا، فوزیہ صدیقی نے ہمت کی مثال قائم کردی۔

    اے آر وائی نیوز کی رپورٹ کے مطابق فوزیہ صدیقی کے شوہر کی نوکری ختم ہوئی تو وہ شوہر کا بازو بن گئیں، ٹھیلے پر جھوٹا سا فوڈ سینٹر کھول لیا۔

    کراچی کے علاقے سمن آباد کی رہائشی باہمت خاتون اپنے شوہر کا ہاتھ بٹانے اور بچوں کو بہتر مستقبل دینے کے لئے باوقار انداز میں ٹھیلے پر مزیدار وڑا پاؤ بنا کر فروخت کرتی ہیں۔

    فوزیہ صدیقی کا کہنا ہے کہ شوہر بے روزگار ہوجانے کے بعد انہوں نے فیصلہ کیا کہ اب صرف آن لائن آرڈر سے کام نہیں چل سکتا اور اب انہیں گھر سے باہر نکل کر بھی کام کرنا ہوگا۔

    فوزیہ صدیق کا ماننا ہے کہ زندگی کے ہر نشیب و فراز میں عورت اپنے مرد کا ساتھ احسن طریقے سے نبھا سکتی ہے۔

    اس موقع پر شہریوں کی جانب سے بھی ان کی حوصلہ افزائی کی جاتی ہے ایک شہری کا کہنا تھا کہ فوزیہ کے ہاتھوں سے صفائی سے تیار کیا گیا وڑا پاؤ بہت ذائقہ دار ہوتا ہے۔

  • امریکی جیل میں قید عافیہ صدیقی سے انکی بہن کی ملاقات کروادی گئی

    امریکی جیل میں قید عافیہ صدیقی سے انکی بہن کی ملاقات کروادی گئی

    نیویارک : امریکی جیل میں قید ڈاکٹر عافیہ صدیقی سے 20 سال بعد انکی بہن فوزیہ صدیقی کی رواں سال دوسری ملاقات کروادی گئی۔

    تفصیلات کے مطابق امریکی جیل میں قید ڈاکٹر عافیہ صدیقی سے انکی بہن فوزیہ صدیقی کی رواں سال دوسری ملاقات کروادی گئی، دونوں بہنوں کی ملاقات تقریباً 30 منٹ تک جاری رہی۔

    ملاقات کے بعد ڈاکٹر فوزیہ صدیقی نے ویڈیو بیان میں بتایا کہ جیل میں قید عافیہ صدیقی کی حالت پہلے سے زیادہ خراب محسوس ہوئی، ملاقات کے اختتام پر بہت دکھی ہوں، عافیہ صدیقی کو ایک بار پھر اسی حالت میں چھوڑ آئی ہوں۔

    امریکی جیل میں قید ڈاکٹر عافیہ صدیقی نے پاکستانیوں کے لیے کیا پیغام دیا؟

    رپورٹ کے مطابق ملاقات کے وقت عافیہ صدیقی کی وکیل اور سینیٹر طلحہ محمود بھی موجود تھے، اس دوران بیچ میں شیشہ لگایا گیا کیوں کہ دونوں کو چھونے کی اجازت نہیں تھی۔

    ڈاکٹر فوزیہ کو اپنی مقید بہن ڈاکٹر عافیہ سے 2 اور 3 دسمبر کو دونوں دن ملاقات کرنی تھی، ڈیلس فورٹ ورتھ کی ہائی سیکیورٹی وفاقی جیل میں اجازت کے باوجود 2 دسمبر کو ملاقات نہ ہوسکی تھی۔

    گزشتہ روز ڈاکٹر فوزیہ صدیقی امریکی جیل میں قید اپنی بہن سے ملاقات کیلئے جیل کے باہر 4 گھنٹے تک انتظار کرتی رہیں تاہم امریکی جیل حکام چابی کھو جانے کا بہانہ بنا کر ٹال مٹول کرتے رہے۔

  • امریکا میں قید عافیہ صدیقی کی بہن فوزیہ صدیقی وطن واپس پہنچ گئیں

    امریکا میں قید عافیہ صدیقی کی بہن فوزیہ صدیقی وطن واپس پہنچ گئیں

    کراچی: امریکا میں برسوں‌ سے قید عافیہ صدیقی کی بہن فوزیہ صدیقی وطن واپس پہنچ گئیں۔

    تفصیلات کے مطابق عافیہ صدیقی کی بہن امریکا سے پاکستان واپس پہنچ گئی ہیں، فوزیہ صدیقی نے امریکا میں بہن سے ملاقا ت کے بعد وطن واپسی پر گفتگو کرتے ہوئے کہا ’’میں تصور بھی نہیں کر سکتی تھی کہ وہ اتنے برے حال میں ہے۔‘‘

    فوزیہ صدیقی کا کہنا تھا کہ عافیہ سے ملاقات کو ممکن بنانے کے لیے ان کی مدد وزیر اعظم شہباز شریف، وزیر خارجہ بلاول بھٹو اور آصف زرداری نے کی تھی۔

    ان کا کہنا تھا کہ عافیہ صدیقی کے ساتھ ملاقات میں ایک بڑا ہاتھ اسلام آباد ہائیکورٹ کا بھی تھا، فوزیہ نے ایک بار پھر دہرایا کہ عافیہ کی رہائی کی کنجی اسلام آباد میں ہے۔

    گفتگو کرتے ہوئے ڈاکٹر فوزیہ نے کہا کہ میں امریکی حکام سے امید رکھتی ہوں ان کے دل بھی نرم ہوں گے، انھوں نے مزید بتایا کہ جولائی یا اگست میں ان کی عافیہ سے دوبارہ ملاقات ہوگی۔

  • ملاقات میں عافیہ صدیقی بار بار کہتی رہیں مجھے اس جہنم سے نکالو

    ملاقات میں عافیہ صدیقی بار بار کہتی رہیں مجھے اس جہنم سے نکالو

    ٹیکساس: امریکی جیل میں دو پاکستانی بہنوں نے مسلسل دوسرے روز بھی ملاقات کی، جس میں ڈاکٹر عافیہ بار بار کہہ رہی تھیں مجھے اس جہنم سے نکالو۔

    تفصیلات کے مطابق امریکی جیل میں قید ڈاکٹر عافیہ صدیقی سے ان کی بڑی بہن ڈاکٹر فوزیہ کی 20 سال بعد ملاقات ہوئی ہے، امریکی ریاست ٹیکساس کے شہر فورٹ ورتھ میں قائم امریکی جیل ایف ایم سی کارزویل میں قید ہیں۔

    دوسری ملاقات میں جماعت اسلامی کے سینیٹر مشتاق احمد خان، اور انسانی حقوق کے وکیل کلائیو اسمتھ بھی موجود تھے، سینیٹر مشتاق خان نے ٹویٹ میں ڈاکٹر عافیہ صدیقی سے ملاقات کا احوال بیان کیا۔

    انھوں نے لکھا ’’ڈاکٹر عافیہ سے 3 گھنٹے ملاقات ہوئی، گفتگو مکمل ریکارڈ ہو رہی تھی، عافیہ صدیقی کی صحت کمزور، بار بار ان کی آنکھوں میں آنسو آ رہے تھے۔‘‘

    امریکی جیل میں قید ڈاکٹر عافیہ صدیقی سے بڑی بہن کی 20 سال بعد ملاقات

    سینیٹر مشتاق خان کے مطابق ملاقات میں ڈاکٹر عافیہ بار بار کہہ رہی تھی مجھے اس جہنم سے نکالو، ملاقات کے اختتام پر ڈاکٹر عافیہ صدیقی کو زنجیروں میں لے جایا گیا۔

    سینیٹر مشتاق احمد خان کا کہنا تھا کہ ڈاکٹر عافیہ کی رہائی کی چابی واشنگٹن نہیں اسلام آباد میں پڑی ہے، حکمرانوں ڈاکٹر عافیہ صدیقی کو رہا کراؤ۔

  • ‘نئے امریکی صدر عافیہ صدیقی کی رہائی ممکن بنائیں گے’

    ‘نئے امریکی صدر عافیہ صدیقی کی رہائی ممکن بنائیں گے’

    اسلام آباد : مشیر پارلیمانی امور بابر اعوان نے فوزیہ صدیقی سے ملاقات میں کہا کہ حکومت عافیہ صدیقی کی واپسی کیلئےسنجیدہ اقدامات کررہی ہے، نئے امریکی صدر سے امید ہے وہ عافیہ صدیقی کی رہائی ممکن بنائیں گے۔

    تفصیلات کے مطابق مشیر پارلیمانی امور بابر اعوان سےعافیہ صدیقی کی بہن فوزیہ صدیقی کی ملاقات ہوئی ، ملاقات میں عافیہ صدیقی سےمتعلق اب تک کی پیشرفت پرگفتگو کی گئی۔

    مشیر پارلیمانی امور بابر اعوان نے کہا کہ حکومت مختلف ممالک میں قیدپاکستانیوں کی واپسی کیلئےکوشاں ہے، وزیراعظم کی ذاتی کوششوں سے5ہزارپاکستانی قیدی واپس لائےگئے ہیں۔

    بابراعوان کا کہنا تھاکہ حکومت عافیہ صدیقی کی واپسی کیلئےسنجیدہ اقدامات کررہی ہے،ایوان بالامیں وزارت خارجہ نےعافیہ کےلیےکوششوں کاجائزہ رکھا، انسانی ہمدردی اور خاتون ہونے کے ناطے یہ جائزہ رکھا گیا تھا۔

    انھوں نے مزید کہا کہ نئے امریکی صدر سے امید ہے وہ عافیہ صدیقی کی رہائی ممکن بنائیں گے، بیرون ملک پاکستانیوں کےمسائل کاحل پی ٹی آئی حکومت کی ترجیح ہے۔

    فوزیہ صدیقی نے عافیہ صدیقی کی رہائی کیلئے وزیراعظم اوربابراعوان کی کوشش پر اطمینان کااظہار کیا۔

    یاد رہے مشیر برائے پارلیمانی امور ڈاکٹر بابر اعوان کا کہنا تھا کہ ڈاکٹر عافیہ نے پچھلے مہینے رحم کی پٹیشن پر دستخط کیے ہیں، جیل انتظامیہ کے ذریعے پٹیشن امریکی صدر کو بھیجی جائے گی۔

    انھوں نے کہا تھا کہ ہمارے اختیار میں ہو تو ایک ہفتے میں عافیہ صدیقی کو واپس لے آئیں، عافیہ کی رہائی کے لیے ہر قانونی راستہ اختیار کریں گے۔

  • وزیر خارجہ سے عافیہ صدیقی کی بہن ڈاکٹر فوزیہ صدیقی کی ملاقات

    وزیر خارجہ سے عافیہ صدیقی کی بہن ڈاکٹر فوزیہ صدیقی کی ملاقات

    اسلام آباد: وزیر خارجہ شاہ محمود قریشی سے ڈاکٹر عافیہ صدیقی کی بہن ڈاکٹر فوزیہ صدیقی نے ملاقات کی جس میں وزیر خارجہ نے انہیں عافیہ صدیقی کیس سے متعلق کاوشوں سے آگاہ کیا۔

    تفصیلات کے مطابق وزیر خارجہ شاہ محمود قریشی سے امریکا میں قید ڈاکٹر عافیہ صدیقی کی بہن ڈاکٹر فوزیہ صدیقی نے ملاقات کی۔

    شاہ محمود قریشی نے ڈاکٹر فوزیہ کو عافیہ صدیقی کیس سے متعلق کاوشوں سے آگاہ کیا۔ وزیر خارجہ کا کہنا تھا کہ عافیہ صدیقی سے متعلق ہیوسٹن میں پاکستانی قونصلیٹ جنرل کو ہدایات کی ہیں۔

    انہوں نے کہا کہ ہدایت کی ہے کہ عافیہ صدیقی کے انسانی و قانونی حقوق کے تحفظ کو یقینی بنایا جائے اور باقاعدگی کے ساتھ کونسلر وزٹس کا اہتمام کیا جائے۔

    ملاقات میں ڈاکٹر عافیہ صدیقی کی پاکستان منتقلی پر بھی تبادلہ خیال ہوا۔

    بعد ازاں سماجی رابطے کی ویب سائٹ ٹویٹر پر ٹویٹ کرتے ہوئے وزیر خارجہ نے کہا کہ آج ڈاکٹر فوزیہ سے ملاقات کی اور مکمل حمایت کا یقین دلایا، ڈاکٹر عافیہ صدیقی کی پاکستان حوالگی سے متعلق بھی تبادلہ خیال کیا۔

    خیال رہے کہ چند روز قبل ڈاکٹر عافیہ صدیقی نے وزیر اعظم عمران خان کو خط لکھا تھا جس میں انہوں نے کہا تھا کہ قید سے باہر نکلنا چاہتی ہوں، قید کی سزا غیر قانونی ہے، مجھے اغوا کر کے امریکا لایا گیا۔

    عافیہ کا مزید کہنا تھا کہ وزیر اعظم عمران خان نے ماضی میں میری بہت حمایت کی، وہ ہمیشہ سے میرے ہیرو رہے ہیں۔

    بعد ازاں پاکستان نے دورے پر آئی ہوئی امریکی نائب وزیر خاجہ ایلس ویلز کے سامنے ڈاکٹر عافیہ صدیقی کا معاملہ اٹھایا تھا۔ حکومت پاکستان نے مطالبہ کیا تھا کہ عافیہ صدیقی کے معاملے میں انسانی حقوق کو مدنظر رکھا جائے۔

    وزارت خارجہ کے ترجمان ڈاکٹر محمد فیصل نے ایک بریفنگ میں بتایا تھا کہ امریکہ میں قید ڈاکٹر عافیہ صدیقی نے شکایت کی ہے کہ جیل کے عملے کی طرف سے ان کے ساتھ نامناسب سلوک کیا گیا۔

    امریکا کے دعوے کے مطاقب عافیہ صدیقی کو افغان جنگ کے دوران افغانستان سے گرفتار کیا گیا تھا، عافیہ صدیقی پر امریکی فوجی کے قتل کا الزام عائد کیا گیا تھا تاہم عافیہ صدیقی نے ہمیشہ اس الزام کی تردید کی ہے۔

    ڈاکٹر عافیہ صدیقی کو سنہ 2010 میں امریکی عدالت نے افغانستان میں امریکی فوجیوں پرحملہ کرنے کے الزام میں 86 سال قید کی سزاسنائی تھی، وہ ٹیکساس کی جیل میں قید ہیں۔