Tag: فولک ایسڈ

  • صارفین کے لیے الرٹ: مقامی کمپنی کی فولک ایسڈ اور آئرن کی گولیاں نہ خریدیں!

    صارفین کے لیے الرٹ: مقامی کمپنی کی فولک ایسڈ اور آئرن کی گولیاں نہ خریدیں!

    اسلام آباد: ڈریپ نے لوکل فارما کمپنی کی تیار کردہ فولک ایسڈ اور آئرن کی گولیاں غیر معیاری قرار دیتے ہوئے الرٹ جاری کر دیا۔

    تفصیلات کے مطابق ڈرگ ریگولیٹری اتھارٹی پاکستان نے مقامی دوا ساز کمپنی کی تیار کردہ فولک ایسڈ اور آئرن کی گولیوں کو غیر معیاری قرار دیتے ہوئے مارکیٹ سے اٹھانے کی ہدایت کر دی۔

    ڈریپ نے شہریوں سے دونوں گولیوں کا استعمال روکنے کی درخواست کی ہے۔

    ڈرگ ریگولیٹری اتھارٹی کی جانب سے شہریوں، ڈاکٹرز، فارمیسیوں اور اسپتالوں کو الرٹ جاری کیا گیا ہے، جس میں کہا گیا ہے کہ رسالپور میں واقع مقامی دوا ساز کمپنی کی تیار کردہ فولک ایسڈ، آئرن گولی کا بیچ غیر معیاری ہے۔

    ڈریپ الرٹ کے مطابق آئرن کی گولی 100 ایم جی اور فولک ایسڈ 0.35 ایم جی کا بیچ نمبر 2781 غیر معیاری ہے۔

    الرٹ میں فارما کمپنیوں کو دونوں گولیوں کا اسٹاک مارکیٹ سے فوری اٹھانے جب کہ ادویات کے ڈسٹری بیوٹرز اور فارمیسیوں کو دونوں ادویات کی ترسیل اور فروخت فوری روکنے کی ہدایت کی گئی ہے۔

    ڈرگ ریگولیٹری اتھارٹی پاکستان کی جانب سے صوبائی ٹیموں کو دونوں ادویات کی خرید و فروخت روکنے کے لیے میڈیسن مارکیٹس کی سرویلنس بڑھانے کی بھی ہدایت کی گئی ہے۔

  • دہی کااستعمال ہائی بلڈ پریشرکو معمول پرلانےمیں مفید ہے

    دہی کااستعمال ہائی بلڈ پریشرکو معمول پرلانےمیں مفید ہے

    کراچی: (ویب ڈیسک) دہی کاروزانہ استعمال ہائی بلڈ پریشرمیں مبتلا افراد کےلیےمفید ہے۔

    طبی ماہرین کےمطابق دہی کا روزانہ استعمال بلندفشار خون کو معمول پرلانےمیں مددگار ثابت ہوتاہے۔

    ایک تحقیق میں بتایا گیا ہےکہ دہی میں شامل صحت بخش بیکٹیریامعدے میں جاکربلند فشار خون کو معمول پر لانےمیں مددگار ثابت ہوتا ہے۔

     دہی میں پائے جانے والے بیکٹیریا پرو بائیوٹیک کے استعمال کو معمول بنالیتے ہیں جس سے بلند فشار خون کی سطح کم کرنے میں مدد ملتی ہے۔

    دہی میں پائے جانے والا کیلشیم، پروٹین ، وٹامن بی، فولک ایسڈ بڑھتے ہوئے کولیسٹرول کوکم کرنے کیلئے نہایت مفید ہے۔ اگر روزانہ دو پیالے دہی کھایا جائے تواس خطرناک مرض پر قابو پایا جا سکتا ہے۔

    تحقیق کےمطابق دہی کا روزانہ استعمال ذیابطیس کے خطرہ کو بیس فیصد تک کم کر دیتا ہے۔

    ماہرین کا کہنا ہے کہ دوپہر کے کھانے میں دہی کا مستقل استعمال انسانی صحت پر خوش گوار اثرات مرتب کرتا ہے۔

  • کولیسٹرول کے مریضوں کیلئے خوشخبری،دہی استعمال کریں

    کولیسٹرول کے مریضوں کیلئے خوشخبری،دہی استعمال کریں

    ماہرینِ طب کہتے ہیں کہ دہی کا روزانہ استعمال کو لیسٹرول میں کمی لاتا ہے۔

    ہاورڈ اسکول آف پبلک ہیلتھ کے ماہرین کے مطابق دل کے دورے کی سب سے بڑی وجہ کولیسٹرول کی زیادتی ہے، جسے دہی کم کرتا ہے۔

    دہی میں پائے جانے والا کیلشیم، پروٹین ، وٹامن بی، فولک ایسڈ بڑھتے ہوئے کولیسٹرول کوکم کرنے کیلئے نہایت مفید ہے۔ اگر روزانہ دو پیالے دہی کھایا جائے تواس خطرناک مرض پر قابو پایا جا سکتا ہے۔