فیصل آباد کے ایک نوجوان آرٹسٹ محمد عثمان نے پنجاب کی پہلی خاتون وزیر اعلیٰ مریم نواز شریف کی ڈیڑھ سالہ کارکردگی پر ان کا 150 فٹ طویل تصویری البم بنا کر منفرد انداز سے خراج تحسین پیش کیا ہے۔
ستیانہ روڈ کے رہائشی 30 سالہ آرٹسٹ محمد عثمان نے وزیر اعلیٰ پنجاب مریم نواز کے عوامی خدمت کے سلسلے میں انقلابی اقدامات کو خراج تحسین پیش کرنے کے لیے ڈیڑھ سال کے دوران شروع کیے گئے منصوبوں کی تصویری البم تیار کی ہے۔
ہر سال ہزار پاکستانی ڈاکٹر بیرون ملک آباد ہو رہے ہیں، پاکستان میں طبی نظام کے بحران پر ویڈیو رپورٹ
عثمان کا کہنا ہے وہ خود ملاقات کر کے وزیر اعلیٰ کو البم پیش کرنا چاہتا ہے، محمد عثمان اپنی تیار کردہ منفرد تصویری البم کی ڈی گراؤنڈ میں نمائش بھی کرتا ہے، جسے دیکھنے کے لیے شہری وہاں پہنچتے ہیں اور اس کے کام کو سراہتے ہیں۔
وطن عزیز کی محبت سے سرشار آرٹسٹ محمد عثمان پہلے بھی مختلف قومی تہوار اور واقعات دلچسپ اور منفرد انداز میں منا کر شہریوں سے داد حاصل کر چکا ہے۔