Tag: فوٹیج

کراچی: آر جے مال میں آگ کتنے بجے کہاں اور کیسے لگی؟ چوتھی منزل پر لگنے والی آگ نے دوسری منزل پر موجود فوڈ کورٹ کو کیسے مکمل جلادیا، اے آر وائے نیوز نے خصوصی سی سی ٹی وی فوٹیج حاصل کرلی۔

تفصیلات کے مطابق کراچی کے علاقے راشد مہناس روڈ پر واقع آر جے مال میں آگ چوتھی منزل کے ٹی بار میں 6 بجکر 12 منٹ پر لگی تھی، فوٹیج میں 6 بجکر  12 منٹ 40 سیکنڈ پر اسپارک دیکھا جاسکتا ہے۔

فوٹیج میں دیکھا جاسکتا ہے کہ 6 بجکر 17 منٹ پر چوتھی منزل پر آگ میں شدت آچکی تھی، چوتھی منزل پر فالس سیلنگ میں مکمل طور پر آگ لگ چکی تھی۔

فوٹیج میں دیکھا گیا کہ جلتے ہوئے اجزا کے ٹکڑے گرنے سے فوڈ کورٹ میں بھی آگ لگی،  6 بجکر 22 منٹ پر فوڈ کورٹ مکمل طور پر جل چکا تھا، آگ لگنے سے تمام منزلوں پر شدید دھواں جمع ہو گیا تھا۔

واضح رہے کہ گزشتہ ماہ 25 نومبر کو کراچی میں راشد منہاس روڈ پر شاپنگ مال میں آگ لگنے کے سبب دھوئیں کے باعث دم گھٹنے سے 11 افراد جاں بحق اور 22 افراد زخمی ہوگئے تھے۔

فائر بریگیڈ کی جانب سے تیار کردہ ابتدائی رپورٹ میں کہا گیا تھا کہ شاپنگ مال میں عوام کے تحفظ کا کوئی نظام موجود نہیں تھا۔

پولیس کی ابتدائی رپورٹ کے مطابق گلشن اقبال فائر اسٹیشن کو 6 بجکر 29 منٹ پر اطلاع دی گئی، چوتھی منزل کے مالکان کو منیجر مدثر نے 7 بجے اطلاع  دی، فائر بریگیڈ ڈیپارٹمنٹ کو  آگ لگنے کی اطلاع بروقت نہیں دی گئی، جب ےک فائربریگیڈ پہنچی تو تیسری اور چوتھی منزل پر آگ لگ چکی تھی۔

کراچی : شہرِ قائد میں ڈاکو بے لگام ہوگئے، وارداتوں میں کمی کا کوئی امکان نظر نہیں آرہا، آج بھی ایک محنت کش شہری کو ڈکیت نے لوٹ لیا۔

تفصیلات کے مطابق کراچی کے علاقے کورنگی گلزار کالونی میں پان کی دکان پر یہ ڈکیتی کی واردات ہوئی ہے جہاں 4 ڈکیت  محنت کش کی جمع پونجی اور سامان لوٹ کر فرار ہوگئے۔

پان کی دکان میں ڈکیتی کی سی سی ٹی وی فوٹیج بھی  اے آر وائی نیوز نے حاصل کرلی ہے، ملزمان ڈیڑھ لاکھ روپے، 50 ہزار کی سگریٹ اور سامان لوٹ کر فرار ہوئے ہیں۔

ویڈیو میں 2 ملزمان کو پان کے کیبن میں داخل ہوتے دیکھا جاسکتا ہے، رقم لوٹنے کے بعد ملزمان نے دکان سے سگریٹ و دیگر سامان بھی بوری میں بھر کر لے گئے۔

ذرائع نے بتایا کہ دو ملزمان نے باہر چوکیدار اور ٹیکسی ڈرائیور کو پکڑے رکھا تھا، ملزمان پان کی دکان کا تالا توڑ کر اندر داخل ہوئے تھے، واردات کے بعد چاروں ملزمان 2 موٹر سائیکل پر فرار ہوئے۔