Tag: فوڈ اسٹریٹ

اسلام آباد: وفاقی وزیر ریلوے شیخ رشید کا کہنا ہے کہ تمام بڑے ریلوے اسٹیشنوں پر فوڈ اسٹریٹ بنانے جا رہے ہیں۔ 80 لاکھ مسافروں کا اضافہ ایک ریکارڈ ہے۔

تفصیلات کے مطابق وفاقی وزیر ریلوے شیخ رشید کا کہنا تھا کہ امریکا کو افغانستان میں ہماری ضرورت ہے، امریکا بھارت کو چین کے خلاف استعمال کرنا چاہتا ہے، ایم ایل ون پر آئی ایم ایف کی پابندی صرف پروپیگنڈا ہے۔ ٹرینوں کو 160 کلو میٹر کی رفتار پر لے کر جا رہے ہیں۔

شیخ رشید کا کہنا تھا کہ میری لائن صرف شہباز شریف کے ساتھ فٹ ہے، شہباز شریف کے علاوہ میرا کسی سے رابطہ نہیں۔ فضل الرحمٰن کو عبد الغفور حیدری کے ذریعے پیغام پہنچایا ہے۔ ساری اپوزیشن مسئلہ کشمیر پر عمران خان کے پیچھے کھڑی ہوگی۔

انہوں نے کہا کہ کل وزیر اعظم نے عالم اسلام کی ترجمانی کی، وزیر اعظم نے جس جذبے سے کیس لڑا وہ تاریخ میں یاد رکھا جائے گا۔ خسارے کو ختم کرنا ہمارا ٹاسک ہے۔ عمران خان کی ہدایت پہ روڈ کا لوڈ ٹریک پر لے کر آنا ہے۔

شیخ رشید نے کہا کہ 15 اکتوبر سےجناح ایکسپریس میں اکانومی کلاس شروع کی جائے گی، تمام بڑے ریلوے اسٹیشنوں پر فوڈ اسٹریٹ بنانے جا رہے ہیں۔ 80 لاکھ مسافروں کا اضافہ ایک ریکارڈ ہے۔

انہوں نے کہا کہ ٹرین شیڈول متاثر ہوا ہے جس کا صرف حل ایم ایل ون ہے، ایم ایل ون کے علاوہ ریلوے کے پاس کوئی دوسرا پلان نہیں۔ او آئی سی کانفرنس پاکستان میں ہونے جا رہی ہے۔ اب اگر جنگ ہوئی تو وہ آخری اور ایٹمی جنگ ہوگی۔ مریکا سپر پاور ہے وہ وکٹ کے دونوں طرف کھیلتا ہے۔