ARYNews.tv | Urdu – Har Lamha Bakhabar

Tag: فٹبالر

  • رونالڈو ایک اور منفرد اعزاز حاصل کرنے میں کامیاب

    رونالڈو ایک اور منفرد اعزاز حاصل کرنے میں کامیاب

    پرتگال سے تعلق رکھنے والے عالمی شہرت یافتہ فٹبالر کرسٹیانو رونالڈو ایک اور اہم اعزاز حاصل کرنے میں کامیاب ہوگئے۔

    النصر کی جانب سے سعودی سپرکپ کے فائنل میچ میں عالمی شہرت یافتہ فٹبالر کرسٹیانو رونالڈو نے الاہلی کے خلاف گول کیا، وہ اپنی ٹیم کو تو نہ جتواسکے تاہم انہوں نے ایک تاریخی سنگ میل عبور کرلیا۔

    رپورٹس کے مطابق رونالڈو کا یہ النصرکلب کے لیے 100واں گول تھا۔ اس طرح رونالڈو نے 4 مختلف کلبوں کی نمائندگی کرتے ہوئے 100 یا زائد گول کرنے والے پہلے فٹبالر کا اعزاز حاصل کرلیا۔

    اُنہوں نے ریال میڈرڈ کے لیے 450، مانچسٹر یونائیٹڈ کے لیے145، یوونٹس کے لیے 101 اور النصر کے لیے 100 گول کیے ہیں۔

    واضح رہے کہ رونالڈو بین الاقوامی سطح پر سب سے زیادہ گول کرنے والا کھلاڑی بھی ہیں، انہوں نے پرتگال کی قومی ٹیم کے لیے 138 گولز کر رکھے ہیں۔

    رونالڈو نے اپنی گرل فرینڈ جارجینا سے منگنی کر لی

    عالمی شہرت یافتہ پرتگالی اسٹار فٹبالر کرسٹیانو رونالڈو نے 8 سال ڈیٹنگ کے بعد اپنی گرل فرینڈ جارجینا روڈریگز سے منگنی کر لی۔

    ڈیاگو جوتا کی حادثاتی موت پر کرسٹیانو رونالڈو کا بیان آگیا

    رپورٹس کے مطابق اپنی ہسپانوی محبوبہ جارجینا کو 40 سالہ رونالڈو نے ایک قیمتی ہیرے کی انگوٹھی پہنا کر شادی کی پیشکش کی ہے، جس کو ان کی گرل فرینڈ نے قبول کرلیا ہے۔

    اپنی انسٹاگرام پوسٹ میں جارجینا نے انگوٹھی کی تصویر شیئر کی، جس میں ان کا ہاتھ رونالڈو کے ہاتھ پر رکھا ہوا ہے اور انہوں نے بڑے سائز کے ہیرے کی انگھوٹی پہن رکھی ہے۔

  • جارجیا کا نیا مقرر ہونے والا صدر کون سا سابق فٹبالر ہے؟

    جارجیا کا نیا مقرر ہونے والا صدر کون سا سابق فٹبالر ہے؟

    تبلیسی: جارجیا کی گورننگ پارٹی نے سابق فٹبالر میخائل کاویلاشویلی کو ملک کا نیا صدر مقرر کر دیا ہے۔

    غیر ملکی میڈیا رپورٹس کے مطابق جارجیا میں اکتوبر میں متنازعہ انتخابات کے بعد ہنگامہ آرائی کی صورت حال ہے، اس دوران گورننگ پارٹی نے ایک سابق فٹبالر کو ملک کا نیا صدر مقرر کر دیا ہے، جو کھلاڑی سے انتہائی دائیں بازو کے سیاست دان بن گئے تھے۔

    الجزیرہ کے مطابق جارجیائی ڈریم پارٹی کی طرف سے نامزد کردہ میخائل کاویلاشویلی، ہفتہ کے ووٹ میں کھڑے واحد امیدوار تھے، 53 سالہ سابق فٹبالر کو کسی مقابلے کا سامنا نہیں کرنا پڑا۔

    اپوزیشن نے ووٹنگ کا بائیکاٹ کیا، کیوں کہ ان کا کہنا تھا کہ یہ حکومت ناجائز ہے، اس لیے وہ کسی ایسے عمل میں حصہ نہیں لیں گے جس سے حکومت کو قانونی حیثیت حاصل ہو۔

    26 اکتوبر کو ہونے والے قانون ساز انتخابات کے نتائج پر ملک گیر احتجاج جاری ہے، اپوزیشن نے پارلیمنٹ کا بائیکاٹ کردیا ہے، مبصرین کا بھی کہنا تھا کہ انتخابات میں رشوت دی گئی اور دوہری ووٹنگ کے واقعات بھی رونما ہوئے۔

    چھ سال قبل مقبول عوامی ووٹوں سے منتخب ہونے والے سابق صدر سلوم زورابیچولی نے کہا کہ ملک کو ایک ’جائز صدر‘ کی ضرورت ہے جسے عوام نے اپنے ووٹوں سے منتخب کیا ہو، نہ کہ ایسی پارلیمنٹ نے جس کی قانونی حیثیت کوئی نہ ہو۔

    ان کا کہنا تھا کہ لوگوں کو اب یہ احساس ہو رہا ہے کہ ہم ایک نازک موڑ پر آ چکے ہیں، یا تو یہ جدوجہد کامیاب ہوگی، یا پھر ہم ایک ایسی حکومت میں داخل ہو جائیں گے جو کم و بیش روسی صدر ولادیمیر پیوٹن کے زیر اثر ہوگی۔

  • میچ کے دوران ہارٹ اٹیک سے معروف فٹبالر چل بسے

    میچ کے دوران ہارٹ اٹیک سے معروف فٹبالر چل بسے

    برازیل: میچ کے دوران 27 سالہ فٹبالر ہارٹ اٹیک کے باعث فانی دنیا کو خیر باد کہہ گئے۔

    برطانوی خبر رساں ادارے کی رپورٹ کے مطابق یوراگوئے کے فٹبالر جون ایزکویردو برازیل میں میچ کے دوران ہارٹ اٹیک کا شکار ہوگئے ۔

    یوراگوئے کے فٹبالر جون ایزکویردوکے گرنے کے بعد فوری طور پر میچ روک دیا گیا تھا جس کے بعد تمام کھلاڑی ان کے گرد جمع ہوگئے، انہیں اسپتال منتقل کیا گیا، مگر وہ راستے میں ہی چل بسے۔

    خبر ایجنسی کی رپورٹ میں بتایا گیا ہے کہ فٹبالر شادی شدہ تھے اور ان کے 2 بچے بھی ہیں، چھوٹے بیٹے کی پیدائش رواں ماہ اگست کے شروع میں ہوئی تھی۔

    اس سے قبل فلسطین کے مشہور فٹبالر محمد برکت اسرائیلی حملے میں شہید ہو گئے تھے، صہیونی فوج نے خان یونس میں ان کے گھر پر بمباری کی تھی۔

    خان یونس کے لیجنڈ فلسطینی فٹبالرمحمد برکات نے فلسطینی قومی ٹیم اورمقامی کلب کی نمائندگی بھی کی۔ کیریئرمیں ایک سو چودہ گول کیے۔

    ’میرے پاس انٹرنیشنل کرکٹ کھیلنے کے لیے اب زیادہ وقت نہیں بچا‘

    محمد برکت کو خان یونس کا لیجنڈ کہا جاتا تھا، انہوں نے اپنے کیریئر میں 114 گول اسکور کیے اور وہ خان یونس یوتھ کلب کے کپتان بھی تھے۔محمد برکت نے فلسطین کی نیشنل ٹیم کی نمائندگی کی اور لوکل کلب کی جانب سے بھی میچز کھیلے ہیں۔

  • مشہور فٹبالر نے اپنی والدہ کو قتل کردیا

    مشہور فٹبالر نے اپنی والدہ کو قتل کردیا

    میسوری : امریکا میں فٹ بال کے ایک سابق کھلاڑی نے اپنی والدہ کو گولی مار کر ہلاک کردیا، ملزم نے بعد ازاں خود کو پولیس سے حوالے کردیا۔

    تفصیلات کے مطابق امریکا کی ریاست میسوری میں کالج ٹیم کے ایک سابق فٹبال کھلاڑی جیلن جانسن نے اپنی ماں کو گولی مار کر ہلاک کردیا۔

    سینٹ لوئس کے نواحی علاقے کے رہائشی ملزم نے اپنی والدہ مونیکا میک نکولس جانسن پر اس وقت فائرنگ کی جب وہ گھر کے پچھلے دروازے سے گھر میں داخل ہورہی تھی۔

    غیر ملکی خبر رساں ادارے کی رپورٹ کے مطابق مقتولہ کے بیٹے جیلن جانسن نے سمجھا کہ کوئی اس کے گھر میں گھسنے کی کوشش کررہا ہے جس پر مغالطے میں اس نے گولی مار دی۔

    mistaking

    پولیس کا کہنا ہے کہ25 سالہ ملزم جیلن جانسن کو بعد میں احساس ہوا کہ اس نے جسے گولی ماری کوئی اور نہیں اس کی اپنی والدہ ہے تو غم کے باعث سکتے میں آگیا۔

    بعد ازاں اس نے خود ریسکیو ادارے اور پولیس کو واقعے سے مطلع کرکے اپنی گرفتاری دے دی، ملزم جیلن جانسن اور اس کی دوست نے مقتولہ کی جان بچانے کی ہر ممکن کوشش کی تاہم مونیکا میک نکولس جانسن گھر میں ہی چل بسیں۔

    crying

    اس المناک واقعے کے بعد سے جیلن جانسن بہت زیادہ پشیمان اور نمناک ہیں۔ جیلن کے وکیل ولیم گولڈسٹین نے بتایا کہ جیلن جانسن کا کوئی مجرمانہ ریکارڈ نہیں ہے۔ وکیل کے مطابق ان کے مؤکل نے بندوق کی نوک پر لٹنے کے بعد اپنے دفاع کے لیے گھر میں بندوق رکھی ہوئی تھی۔

    واضح رہے کہ ریاست میسوری میں شہریوں کو اپنے دفاع کے لیے اسلحہ رکھنے کی قانونی اجازت ہے۔ قانون ریاستی شہریوں کو قانونی طور پر آتشیں اسلحے کا استعمال کرنے کی اجازت دیتا ہے اگر انہیں خوف ہو کہ ان پر ریاست کے ‘اسٹینڈیور گراؤنڈ’ قانون کے تحت حملہ ہونے کا خطرہ ہے۔

  • فیفا ویمنز ورلڈ کپ: مراکش کی فٹبالر نے تاریخ رقم کر دی

    فیفا ویمنز ورلڈ کپ: مراکش کی فٹبالر نے تاریخ رقم کر دی

    فیفا ویمنز ورلڈ کپ 2023 میں مراکش کی خاتون فٹبالر ابتسام جریدی نے جنوبی کوریا کے خلاف میچ کھلیتے ہوئے تاریخ رقم کر دی۔

    عرب نیوز کے مطابق فیفا ویمنز ورلڈ کپ میں مراکش کی 30 سالہ خاتون فٹبالر ابتسام جریدی نے جنوبی کوریا کے خلاف میچ کھیلتے ہوئے گول کیا جس کے بعد وہ گول کرنے والی پہلی عرب خاتون بن گئی کھلاڑی نے اپنا نام فٹبال کی ریکارڈ بک میں ہمیشہ کے لیے درج کرا لیا ہے۔

    ویڈیو: مراکشی فٹبالر کا فتح کی خوشی میں والدہ کیساتھ رقص

    میچ کے چھٹے منٹ میں کورین کھلاڑی کم جونگ کو ڈاج کراتے ہوئے ابستام نے بال  پاس کو ہیڈ کے ذریعے گول میں بدل دیا اور ٹیم کو برتری دلا کر میچ کے آخر تک برقرار رکھنے میں کامیابی حاصل کر لی۔

    رپورٹ کے مطابق ابتسام جریدی نے جنوبی کوریا کے خلاف مراکش کو 0-1 سے فتح دلائی، مراکش اپنے گروپ کا آخری میچ کولمبیا کے خلاف 3 اگست کو کھیلے گا جب کہ ٹیم کو افتتاحی میچ میں جرمنی کے خلاف 0-6 سے شکست کا سامنا کرنا پڑا تھا۔

    میچ کے اختتام پر ابتسام نے کہا ہے کہ اس کامیابی پر ہم سب بہت خوش ہیں، یہ فتح مراکش اور عربوں کی فتح ہے اور ہمیں محنت کا پھل کامیابی کی صورت میں ملا ہے۔

  • کیا ڈینش فٹبالر کرسچن ایرکسن کو دل کا دورہ پڑا تھا؟

    کیا ڈینش فٹبالر کرسچن ایرکسن کو دل کا دورہ پڑا تھا؟

    گزشتہ روز یورو 2020 میں ڈینش فٹبالر کرسچن ایرکسن کے فٹبال میچ کے دوران گر جانے کے بعد ان کا کیریئر بھی خطرے میں دکھائی دے رہا ہے، مداحوں نے کھلاڑی کے لیے نیک خواہشات کا اظہار کیا ہے۔

    بین الاقوامی ویب سائٹ کے مطابق گزشتہ روز ڈنمارک کے فٹ بالر کرسچن ایرکسن فٹ بال کے یورو 2020 مقابلوں کے پہلے میچ میں فن لینڈ کے خلاف میچ کے دوران گر گئے اور انہیں فوری طور پر اسپتال منتقل کرنا پڑا تھا۔

    29 سالہ کرسچن ایرکسن ابھی تک اسپتال میں ہیں، لیکن ان کی حالت خطرے سے باہر بتائی جا رہی ہے، تاہم تاحال ان کی بیماری کی وجہ معلوم نہیں ہو سکی۔

    سنجے شرما لندن میں سینٹ جارج یونیورسٹی میں سپورٹس کارڈیالوجی کے پروفیسر ہیں اور وہ اس حوالے سے کہتے ہیں کہ واضح طور پر کچھ بہت غلط ہو گیا ہے۔ سوال یہ ہے کہ کیا ہوا اور ایسا کیوں ہوا؟ کرسچن ایرکسن کے 2019 میں معمول کے ٹیسٹ ہوئے تھے تو یہ دل کا دورہ کیسے ہوسکتا ہے؟

    سنجے شرما کا کہنا ہے کہ ایرکسن کو دل کا دورہ پڑنے کے بعد ان کے دوبارہ فٹ بال کھیلنے کا کوئی امکان نہیں ہے، برطانیہ کی فٹ بال باڈیز ایرکسن کو دوبارہ کھیلنے کی اجازت دینے کے بارے میں انتہائی سختی سے پیش آسکتی ہیں۔

    اس سے قبل بولٹن وانڈرس کے فٹ بالر فیبریس موامبا کو مارچ 2012 میں ٹوٹنہم ہاٹ پور کے خلاف میچ کے دوران دل کا دورہ پڑنے سے اپنا کیرئیر ختم کرنا پڑا تھا، انہوں نے اپنے کیریئر کے دوبارہ آغاز کی امید کی تھی، لیکن طبی مشورے پر پانچ ماہ بعد پروفیشنل فٹبال سے ریٹائر ہوگئے۔

    کرسچن ایرکسن کو دل کا دورہ پڑنے کی خبر سماجی رابطے کی ویب سائٹ ٹویٹر پر وائرل ہوئی تو مداحوں کی جانب سے نیک تمناؤں کے ساتھ ساتھ جذباتی پیغامات دیکھنے کو ملے، ایک صارف نے لکھا کہ یہ واقعی بہت افسوسناک ہے، لیکن کل ان تصاویر کو دیکھنے کے بعد مجھے خوشی ہے کہ وہ اب بھی ہمارے ساتھ ہیں۔

    ایک اور ٹویٹر صارف کا کہنا تھا کہ ان کی صحت اس وقت زیادہ اہم ہے، ان کے کیریئر کے بارے میں فیصلے کا انتظار کیا جا سکتا ہے، مجھے یقین ہے کہ کوئی فیصلہ کرنے سے پہلے ان کی صحت کا مکمل جائزہ لیا جائے گا۔

  • انگلینڈ میں 4 روز سے لاپتہ کھلاڑی کی لاش مل گئی

    انگلینڈ میں 4 روز سے لاپتہ کھلاڑی کی لاش مل گئی

    انگلینڈ میں 4 دن سے لاپتہ فٹبالر کی لاش مل گئی جس کے بعد ان کے مداحوں میں غم کی لہر دوڑ گئی، پولیس کے مطابق پوسٹ مارٹم کے بعد تعین کیا جاسکے گا کہ فٹبالر کی موت کس طرح ہوئی۔

    بین الاقوامی ویب سائٹ کے مطابق لنکا شائر پولیس کو چار دن سے لاپتہ فٹبالر جیمز ڈین کی لاش ملی ہے، پولیس اور فٹبالر کے قریبی دوست ان کی تلاش میں مصروف تھے لیکن اتوار کو بلیک برن کے علاقے میں ان کی لاش برآمد ہوئی۔

    جیمز ڈین کی عمر 35 سال تھی اور وہ آخری بار 5 مئی کو آکرڈ ڈرائیور کے علاقے میں دیکھے گئے تھے۔

    ان کی گمشدگی کے بعد لنکا شائر پولیس نے ٹویٹر پر ان کی تصویر بھی پوسٹ کی لیکن ان کا کوئی سراغ نہیں مل سکا۔

    تاحال یہ تعین نہیں کیا جاسکا کہ آیا فٹبالر کا قتل ہوا ہے یا انہیں کوئی حادثہ پیش آیا، لنکا شائر پولیس کے مطابق جیمز ڈین کا پوسٹ مارٹم ہوگا اور اسی کے بعد حتمی بات سامنے آسکے گی۔

    جیمز ڈین نے اپنا کیریئر گریٹ ہاروڈ ٹاؤن کے ساتھ شروع کیا تھا، وہ کلیتھیور، نارٹ وچ وکٹوریہ اور اسٹریلی بریج سیلٹک کے ساتھ وابستہ تھے۔

  • اسٹار فٹبالر بھی نسلی امتیاز کے خلاف میدان میں آگئے

    اسٹار فٹبالر بھی نسلی امتیاز کے خلاف میدان میں آگئے

    لندن: انگلش فٹبال کلب مانچسٹرسٹی کے معروف فٹبالر رحیم اسٹرلنگ بھی نسل پرستی کے خلاف میدان میں آگئے اور امریکا میں جاری مظاہروں کی حمایت کردی۔

    تفصیلات کے مطابق امریکی پولیس کے ہاتھوں سیاہ فام جارج فلائیڈ کے ہلاکت کے بعد امریکا سمیت دنیا بھر میں مظاہرے پھوٹ پڑے ہیں جس سے متعلق رحیم اسٹرلنگ نے حمایت کی اور نسلی امتیاز کے خاتمے کا مطالبہ کیا، کھلاڑی نے سیاہ فام کی موت پر گہرے دکھ اور افسوس کا بھی اظہار کیا۔

    ان کا کہنا تھا کہ دنیا میں تبدیلی اور امتیازی سلوک ختم کرنے کی ضرورت ہے، آج کے دور میں احتجاج کر کے ہی آواز اٹھائی جاسکتی ہے۔ خیال رہے کہ رحیم اسٹرلنگ سے قبل کھل اور فلم انڈسٹری سے تعلق رکھنے والی دیگر مشہور شخصیات نے بھی نسلی امتیاز کے خلاف آواز بلند کی ہے۔

    خیال رہے کہ کچھ روز قبل امریکی ریاست مینیسوٹا میں سابق پولیس افسر ڈارک چوون کے تشدد کے باعث سیاہ فام امریکی جارج فلائیڈ ہلاک ہوگیا تھا، سوشل میڈیا پر وائرل ہونے والی ویڈیو میں دیکھا جاسکتا ہے۔

  • معروف فٹبالر کی کرونا رپورٹ چوتھی بار بھی مثبت آگئی

    معروف فٹبالر کی کرونا رپورٹ چوتھی بار بھی مثبت آگئی

    بیونس آئرس: ارجنٹینا کے مشہور فٹبالر پاؤلو دیبالا کی کروناٹیسٹ رپورٹ ایک بار پھر مثبت آگئی۔

    غیرملکی خبررساں ادارے کی رپورٹ کے مطابق اٹلی کے مشہور کلب یوونٹس کی نمائندگی کرنے والے کھلاڑی اور ان کی دوست اوریانا گزشتہ 6 ہفتوں سے کروناوائرس کا شکار ہیں۔

    رپورٹ میں کہا گیا ہے کہ پاؤلو نے مہلک وائرس میں مبتلا ہونے کے بعد مرحلہ وار چار مرتبہ کرونا ٹیسٹ کروایا جو مثبت ہی آیا، تاہم ان کی صحت اب برقرار ہے اور وبا کی علامات بھی آہستہ آہستہ ختم ہورہی ہیں۔

    صحت سے متعلق اپنے تازہ بیان میں فٹبالر کا کہنا تھا کہ کرونا میں مبتلا ہونے کے بعد سانس لینے میں دشواری پیش آرہی تھی لیکن اب صحت یاب ہوں لیکن وائرس اب بھی جسم میں موجود ہے جو ممکنہ طور پر جلد ختم ہوجائے گا۔

    لیجنڈری کھلاڑی کرونا وائرس کا شکار ہوگئے

    خیال رہے کہ پاؤلو نے سماجی رابطے کی ویب سائٹ ٹوئٹر کے ذریعے کورونا وائرس کا ٹیسٹ مثبت آنے کا انکشاف کیا تھا۔ ارجنٹینا کے 26سالہ اسٹار فٹبالر دیبالا یوونٹس کے تیسرے کھلاڑی ہیں جو وائرس کا شکار ہوئے۔

    قبل ازیں ان ہی کی ٹیم کے دفاعی کھلاڑی ڈییئل روگانی اور ورلڈ کپ جیتنے والی فرانس کی ٹیم کے رکن لیس میٹوڈی کے بھی کرونا کے ٹیسٹ مثبت آ چکے ہیں، اور تمام کھلاڑی قرنطینہ میں موجود ہیں۔

  • پاکستانی فٹبالر ہاجرہ خان نے گنیز ورلڈ ریکارڈ اپنے نام کرلیا

    پاکستانی فٹبالر ہاجرہ خان نے گنیز ورلڈ ریکارڈ اپنے نام کرلیا

    پاکستان ویمن فٹبال ٹیم کی کپتان ہاجرہ خان نے گنیز ورلڈ ریکارڈ اپنے نام کرلیا، وہ اس سے قبل بھی گنیز ورلڈ ریکارڈ بنا چکی ہیں۔

    ہاجرہ نے دنیا کے طویل ترین فٹبال میچ میں حصہ لیا جو 69 گھنٹوں تک جاری رہا، ہاجرہ نے اس میچ میں پاکستان کی نمائندگی کی۔ یہ میچ فرانس میں ایکول پلیئنگ فیلڈ کی جانب سے کھیلا گیا جس میں 51 ممالک کی 807 خواتین کھلاڑیوں نے شرکت کی۔

    اس پروگرام کا مقصد صنفی مساوات کے ذریعے خواتین کے خلاف تشدد کی روک تھام اور مختلف کھیلوں کے ذریعے دنیا بھر سے خواتین کو مواقع فراہم کرنا ہے۔

    پانچ روزہ فٹبال فیسٹیول میں ہاجرہ کے ہمراہ دیگر 3 پاکستانی خاتون فٹبالرز ابیہا حیدر، خدیجہ کاظمی اور صبا داؤد لاکھو نے بھی حصہ لیا۔ یہ میچ فیفا ویمن ورلڈ کپ 2019 کے دوران منعقد کیا گیا۔

    ہاجرہ خان نے اس میچ میں مسلسل ساڑھے 3 گھنٹوں تک کھیل کر 4 گولز اسکور کیے اور وہ یہ اسکور کرنے والی واحد پاکستانی فٹبالر بنیں۔

    ہاجرہ اس سے قبل اسی تنظیم کے تحت اردن کے بحر مردار کے ساحل پر سطح سمندر سے 420 میٹر نیچے کھیل کر، دنیا کی سب سے کم اونچائی والا فٹ بال میچ کھیلنے کا عالمی ریکارڈ بھی قائم کر چکی ہیں۔