ARYNews.tv | Urdu – Har Lamha Bakhabar

Tag: فٹ بال

  • صلاح کا ایک انوکھا مداح، جسے دیکھ کر آپ حیران رہ جائیں گے

    صلاح کا ایک انوکھا مداح، جسے دیکھ کر آپ حیران رہ جائیں گے

    لندن: اسٹار فٹ بالر محمد صلاح کا ایک ایسا مداح سامنے آیا ہے، جس نے سب کو گرویدہ بنا لیا.

    تفصیلات کے مطابق لیورپول کے  اسٹرائیکر محمد صلاح کا شمار دنیائے فٹ بال کی ممتاز شخصیات میں ہوتا ہے. ان کے مداحوں کی تعداد لاکھوں‌ ہے.

    مصری کنگ کہلانے والے محمد صلاح کے مداحوں نے ان کے لیے ایک خصوصی نغمہ تیار کیا تھا، جو وہ میچ کے دوران گنگناتے ہیں.

    صلاح کی مقبولیت کا اندازہ اس بات سے لگایا جاسکتا ہے کہ اسی گیت میں‌ مداح یہ بھی کہتے ہیں کہ اگر صلاح گول اسکور کرتا رہا، تو وہ بھی ایک دن اسلام قبول کر لیں گے.

    اب صلاح کا ایک اور مداح سامنے آیا ہے، جو کوئی انسان نہیں، بلکہ ایک طوطا ہے.

    جی ہاں ، طوطے بھی مصری اسٹار کا بڑا مداح ہے اور ’محمد صلاح، محمد صلاح‘ کا گیت گنگناتا ہے۔

    یہ ایک سرمئی رنگ افریقی کا طوطا ہے جس کا نام ’کیلو‘ ہے، جس کی عمر پانچ برس ہے. اس طوطے کی مالکن لنڈا نامی ایک خاتون ہیں.

    اس طوطا کی دل چسپ ویڈیو سوشل میڈیا پر آتے ہی وائرل ہوگئی اور  عالمی میڈیا کی توجہ کا محور بن گئی ہے۔

  • ڈیگو میراڈونا: ایک فسوں گر کے عروج و زوال کی حیران کن داستان

    ڈیگو میراڈونا: ایک فسوں گر کے عروج و زوال کی حیران کن داستان

    کانز: فرانس کے شہر کانز  میں ہونے والے 72 ویں فیسٹیول میں جن فلموں‌ کا چرچا ہے، ان میں سے ایک فٹ بال کی تاریخ کے عظیم ترین کھلاڑی ڈیگو میراڈونا کی زندگی کے گرد گھومتی ہے.

    تفصیلات کے مطابق 72 واں کانز فلم فیسٹیول منگل کو شروع  ہوا، جس میں معروف فلمی ہستیوں کے ساتھ نئے اداکار بھی دکھائی دیے. ایک جانب جہاں بڑے بینرز کی فلمیں پیش کی گئیں، وہیں کم بجٹ کی فلموں نے بھی توجہ حاصل کی.

    برطانوی خبر رساں ادارے کے مطابق کانز  فیسٹول میں پیش کی جانے والی جن فلموں کو خصوصی توجہ دی جارہی ہے،  ان میں سے ایک ارجنٹینا کو 86 کا ورلڈ کپ جتوانے والے ڈیگو میراڈونا کی زندگی کے گرد گھومتی ہے.

    یہ فلم اتوار کے روز ڈاکومینڑی کانز میں بڑی اسکرین کی زینت بنے گی۔ البتہ یہ پہلے ہی دنیا بھر کے ناقدین سے داد بٹور چکی ہے.

    ڈیگو میراڈونا کا شمار دنیا کے مقبول اور متنازع ترین کھلاڑیوں‌ میں ہوتا ہے، ایک جانب جہاں وہ مقبولیت کے عروج پر پہنچے، وہیں انھیں  منشیات کے استعمال اور پرتشدد رویوں کی وجہ سے تنقید اور مقدمات کا بھی سامنا کرنا پڑا.

    یہ ڈاکومینڑی آصف کپاڈیا کی پیش کش ہے، جنھوں نے سنہ 2016 میں گلوکارہ ایمی وائن ہاؤس پر فلم بنائی تھی، اس فلم کو آسکر کا حق دار قرار دیا گیا تھا. آصف کپاڈیا برازیل کے مشہور فارمولا ون کار ریسر ائرٹن سینا کی زندگی پر بھی فلم بنا چکے ہیں.

  • چیمپینز لیگ: حیرتوں‌ کا سلسلہ جاری، ایک اور انگلش کلب نے تاریخ‌ رقم کر دی

    چیمپینز لیگ: حیرتوں‌ کا سلسلہ جاری، ایک اور انگلش کلب نے تاریخ‌ رقم کر دی

    چیمپینز لیگ میں حیران کن واقعات کا سلسلہ جاری ہے، دو دن میں دو بڑے کم بیک کرکے انگلش کلبس نے خطرے کی گھنٹی بجا دی.

    تفصیلات کے مطابق ایک جانب جہاں لیور پول نے بارسلونا کے خلاف حیران کن کم بیک کرکے فائنل تک رسائی حاصل کی تھی، وہیں ایک اور انگلش کلب ٹاٹنہیم نے اپنے مداحوں کے دل جیت لیے.

    انگلش ٹیم ڈچ کلب آئی ایکس کے خلاف سیمی فائنل کے دوسرے مرحلے میں اتری، تو ماہرین ڈچ کلب کو فیورٹ قرار دے رہے تھے، مگر اس کانٹے دار میچ میں آخری لمحات میں پانسہ پلٹ گیا.

    ایسے میں جب میچ دو دو سے برابر تھا،  لوکس مورا نے خوب صورت گول داغ کر اپنی ٹیم کو فتح‌ دلا دی. پہلے دو گول بھی لوکس مورا ہی نے داغے تھے.

    اس وقت برطانیہ میں جشن کا سماں ہے، یکم جون کو میڈرڈ میں ٹاٹنہیم کا مقابلہ لیور پول سے ہوگا.

    آ گیا عین میچ میں اگر وقتِ افطار

    اس میچ کا اہم پہلو یہ تھا کہ ڈچ کلب کے دو مسلمان کھلاڑی روزہ رکھ کر میچ کھیل رہے تھے. خیال رہے کہ یہ معاملہ گزشتہ چند روز سے موضوع بحث بنا ہوا تھا.

    میچ کے دوران آئی ایکس ایمسٹرڈیم کے مسلمان کھلاڑیوں حاکم اور نوصیر نے میچ کے بائیسویں منٹ میں افطار کیا. افطار کے طوری بعد حاکم نے برق رفتاری کا مظاہرہ کرتے ہوئے گول اسکور کردیا.

    خیال رہے کہ لیورپول سے کھیلنے والے سپر اسٹار محمد صلاح بھی روزہ رکھ کر میدان میں اترتے ہیں.

  • روک سکو تو روک لو، میسی نے 600 گولز کا سنگ میل عبور کر لیا

    روک سکو تو روک لو، میسی نے 600 گولز کا سنگ میل عبور کر لیا

    بارسلونا: ارجنٹینا کے سپر  اسٹار لائنل میسی نے  ایک بار پھر ثابت کر  دیا کہ وہ دنیا کے بہترین کھلاڑی ہیں.

    تفصیلات کے مطابق بارسلونا نے چیمپئنز لیگ کے سیمی فائنل کے پہلے مرحلے میں لیورپول کو تین صفرسے ٹھکانے لگادیا۔ اسٹار فٹ بالر نے دو جادوئی گول اسکور کرکے اپنے کلب کیریر میں‌ چھ سو گولز کا کاسنگ میل عبورکرلیا.

    کیمپ نو میں منعقد اس میچ میں بارسلونا کی ٹیم چھائی رہی، بارسلونا کے گول کیپر اسٹیگن سپر اسٹارز محمد صلاح کے حملوں کے سامنے آہنی دیوار بنے رہے اورلیورپول کی ایک نہ چلنے دی.

    بارسلونا کے اسٹار کھلاڑی سواریزنے 26 ویں منٹ پر گول اسکور کرکے اپنی ٹیم کو برتری دلا دی. لیورپول نے اس کے بعد کئی حملے کیے اور یوں لگنے لگا کہ لیورپول میچ برابر کر دی گی، مگر میسی کے سامنے انگلش ٹیم ہمت ہار بیٹھی.

    میچ کے اختتامی لمحات میں‌ میسی کے بدن میں بجلیاں‌ بھر گئیں، انھوں نے دوشان دارگول اسکور کرکے اپنی ٹیم کی جیت پر تصدیق کی مہر ثبت کر دی.

    تجزیہ کاروں کے مطابق اب لیورپول کو دوسرے سیمی فائنل میں کوئی ان ہونی ہی شکست سے بچا سکتی ہے.

    بارسلونا کا تیسرا گول میسی کے کلب کیریر کا 600 واں گول تھا، جو انھوں نے اپنے 683 میچ کیا. وہ اب بارسلونا کی تاریخ میں سب سے زیادہ گول کرنے والے کھلاڑی ہیں۔

    لائنل میسی اس سیزن میں اب تک 38 میچوں میں 31 گول کر چکے ہیں

  • لیورپول کے عظیم کھلاڑی کا پاکستان آنے کا اعلان

    لیورپول کے عظیم کھلاڑی کا پاکستان آنے کا اعلان

    اسلام آباد:انگلش فٹ بال کلب لیورپول کے عظیم سابق اسٹرائیکر اور ٹیم کے عالمی سفیرآن رش رواں ہفتے پاکستان کا دورہ کریں گے جس کے دوران وہ فٹ بال کو ملک میں نچلی سطح پر فروغ دیں گے۔

    تفصیلات کے مطابق پاک ریڈز نامی کلب کی جانب سے سماجی رابطے کی ویب سائٹ ٹویٹر پر جاری کردہ پیغام میں اعلان کیا گیا ہے کہ آن رش 21 اپریل کو لاہور میں قائم پاک ریڈز کے ہیڈ کوارٹرز میں لیورپول اور کارڈف کے درمیان شیڈول پریمیر لیگ کے میچ کی اسکریننگ میں شرکت کریں گے۔

    آن رش نے ویڈیو پیغام میں کہا کہ میں پاکستان جانے کا منتظر ہوں اور امید ہے کہ وہاں میرا وقت بہترین گزرے گا۔

    انہوں نے کہاکہ کھیل کے لیے بہت پرجوش ہوں اور امید کرتا ہوں کہ جیت سے ان کی ٹیم لیگ ٹیبل میں سب سے اعلیٰ پوزیشن حاصل کرلے گی۔قبل ازیں برطانیہ میں پاکستانی ہائی کمشنر محمد نفیس ذکریا نے ان کے پاکستان آمد کے سلسلے میں ملاقات کی تھی۔

    نفیس ذکریا نے اقدام کو سراہتے ہوئے کہا کہ باصلاحیت پاکستانی نوجوان کو فٹ بال جیسے کھیلوں میں پروفیشنل سطح پر لایا جاسکتا ہے۔ہائی کمشنر نے آن رش اور ان کی ٹیم کو پاکستان میں کھیلوں کے فروغ میں بھرپور تعاون کی یقین دہانی کرائی۔

    اس سے قبل فٹ بال کے ہی مایہ ناز کھلاڑی اوراسٹار فٹ بالر کاکا اور فیگو پاکستان کے شہر کراچی تشریف لائے تھے ، جہاں انہوں نے کہا تھا کہ پاکستان میں فٹ بال کی راہ ہموار ہوتی جارہی ہے، پرتگال کے سابق کپتان فیگو نے یہ بھی کہا تھا کہ خوابوں کو پورا کرنے کے لئے نوجوان فٹ بالرز بھرپور محنت کریں۔

  • پلاسٹک سے تیار ہونے والا روس کا انوکھا فٹ بال گراؤنڈ

    پلاسٹک سے تیار ہونے والا روس کا انوکھا فٹ بال گراؤنڈ

    سوچی: روسی شہری نے استعمال شدہ پلاسٹک کا انوکھے انداز میں‌ استعمال کرکے سب کو حیران کر دیا.

    تفصیلات کے مطابق روسی شہر سوچی میں پلاسٹک کے کپس کی ری سائیکلنگ نے ایک شاہ کار کو جنم دے دیا.

    تخلیقی سوچ کے حامل ایک شہری نے پلاسٹک کے کپوں سے فٹبال گراؤنڈ تیار کرلیا، اس منفرد میدان کی تیاری میں ڈھائی ٹن پلاسٹک کے کپ استعمال کئے گئے.

    اس اقدام کے ذریعے  فٹ بال گراؤنڈ روایتی سبز کے بجائے سفید رنگ میں رنگ گیا. درمیان میں سرخ رنگ بھی دکھائی دیتا ہے.

    دل چسپ بات یہ ہے کہ پلاسٹک کے یہ کپ گزشتہ برس فیفا ورلڈ کپ کے دوران گراؤنڈز سے جمع کیے گئے تھے.

    ناکارہ اشیا کو ری سائیکل کرنے کا رجحان دنیا بھر میں پایا جاتا ہے، البتہ ایسی حیران کن مثال کم ہی ہیں، جب ایک میگا پراجیکٹ میں استعمال شدہ پلاسٹ کو برتا گیا ہو.

    خیال رہے کہ گزشتہ فیفا ورلڈ‌ کپ روس میں منعقد ہوا تھا، جس نے مقبولیت کی تمام ریکارڈ توڑ دیے. اس میگا مقابلے میں کئی اپ سیٹ ہوئے، ٹائٹل فرانس کی ٹیم نے اپنے نام کیا.

  • میسی کا اپنے حریف رونالڈو سے متعلق حیران کن بیان

    میسی کا اپنے حریف رونالڈو سے متعلق حیران کن بیان

    بارسلونا: سپر اسٹار لائنل میسی نے اپنے سب سے بڑے حریف کرسٹیانو رونالڈو سے متعلق حیران کن بیان دے دیا.

    تفصیلات کے مطابق ارجنٹینا سے تعلق رکھنے والے نامور کھلاڑی نے پرتگالی ساحر رونالڈو سے متعلق ایک غیر متوقع بیان دے کر سب کی توجہ حاصل کر لی.

    ریڈیو کے ایک مشہور پروگرام میں‌ بارسلونا سے کھیلنے والے میسی نے جی کھول کر کرسٹیانو رونالڈو کی تعریف کی.

    انھوں نے یہ بھی کہا کہ جب رونالڈو ریال میڈرڈ سے کھیلا کرتے تھے، تب ان کا مقابلہ کرنا بڑا خوش گوار تجربہ تھا اور وہ چاہیں گے کہ ایسے ہی تجربے سے دوبارہ گزریں.

    پروگرام میں‌ جب میسی سے پوچھا گیا کہ وہ کن فٹبالرز کو قابل تعریف خیال کرتے ہیں، تو میسی نے کہا کہ یوں تو کئی بڑے کھلاڑی ہیں، جن میں برازیلی اسٹار نیمار اور یوروگوائے سے کھیلنے سواریز نمایاں ہیں، البتہ رونالڈو کو وہ اس فہرست کے بجائے اپنے ساتھ رکھتے ہیں.

    میسی نے رونالڈو کو اپنا ہم پلہ قرار دیتے ہوئے ہوا کہا کہ اطالوی کلب یوونٹس بھی بہترین ٹیم ہے، البتہ جب وہ ریال میڈرڈ سے کھیلا کرتے تھے، تب وہ مقابلے کی فضا سے خوب محظوظ ہوتے تھے.

    یاد رہے کہ دونوں‌ کھلاڑیوں‌ کا شمار فٹ بال کی تاریخ‌ کے عظیم کھلاڑیوں میں ہوتا ہے، البتہ یہ بھی ایک حقیقت ہے کہ دونوں ہی کھلاڑی کبھی اپنی ٹیم کو ورلڈ کپ نہیں جتوا سکے.

  • لیژر لیگز کا شمالی علاقوں ہنزہ، گلگت اور گیزر میں آغاز ہو گیا

    لیژر لیگز کا شمالی علاقوں ہنزہ، گلگت اور گیزر میں آغاز ہو گیا

    گلگت: پاکستان کے شمالی علاقوں ہنزہ، گلگت اور گیزر میں لیژر لیگز نے بہ یک وقت ہفتہ وار لیگز کا آغاز کر دیا۔

    تفصیلات کے مطابق پاکستان کے خوب صورت شمالی علاقوں میں لیژر لیگز کا آغاز ہو گیا ہے، ہنزہ، گلگت اور گیزر میں برف باری کا سلسلہ بھی جاری ہے۔

    [bs-quote quote=”نیشنل چیمپئن شپ کی فاتح ٹیم کو آئی ایس ایف اے ورلڈ کپ میں بھی کھیلنے کا سنہری موقع حاصل ہوگا۔” style=”style-7″ align=”left” color=”#dd3333″][/bs-quote]

    مقامی کھلاڑی برف سے ڈھکی ہوئی وادیوں میں لیژر لیگز کے مقابلوں سے محظوظ ہو رہے ہیں۔

    لیژر لیگز نے نادرن ایریاز کے کھلاڑیوں کو نہ صرف فٹ بال کی سرگرمیوں کی جانب راغب کیا ہے بلکہ کھلاڑیوں کے لیے لیژر لیگز نیشنل چیمپئن شپ کھیلنے کا موقع بھی فراہم کر دیا ہے۔

    نیشنل چیمپئن شپ کی فاتح ٹیم کو آئی ایس ایف اے ورلڈ کپ میں بھی کھیلنے کا سنہری موقع حاصل ہوگا، جو اکتوبر 2019 میں یونان میں کھیلا جائے گا۔

    یہ بھی پڑھیں:  صوابی: آٹھویں واٹر کراس جیپ ریس میں خواتین ڈرائیورز نے سب کو حیران کر دیا

    خیال رہے کہ شمالی علاقوں کے کھلاڑیوں کو ماضی میں نظر انداز کیا جاتا رہا ہے لیکن ٹرنک والا فیملی نے لیژر لیگز کے ذریعے برف پوش علاقوں سے کھلاڑیوں کو قومی اور بین الاقوامی دھارے میں شامل کرنے کے کام یاب اقدامات کر دیے ہیں۔

    ہنزہ، گلگت اور گیزر میں 8,8 ٹیموں کی لیگز کا انعقاد کیا جائے گا، لیگز میں ہر ٹیم اپنے گروپ میں 14,14 میچز کھیلے گی جو ہفتہ وار ہوں گے، مقابلے ساڑھے تین ماہ جاری رہیں گے۔

  • اسٹار فٹ بالر کاکا اور فیگو پاکستان میں فٹ بال کے فروغ کے لیے پرامید

    اسٹار فٹ بالر کاکا اور فیگو پاکستان میں فٹ بال کے فروغ کے لیے پرامید

    کراچی: اسٹار فٹ بالر کاکا اور فیگو نے کہا ہے کہ پاکستان میں فٹ بال کی راہ ہموار ہوتی جارہی ہے.

    ان خیالات کا اظہار انھوں‌ نے ایک تقریب سے خطاب کرتے ہوئے کیا، اس موقع پر پرتگال کے سابق کپتان فیگو نے کہا کہ خوابوں کو پورا کرنے کے لئے نوجوان فٹ بالرز بھرپور محنت کریں.

    فیگو نے مزید کہا کہ حکومت پاکستان ٹیم کوبھرپور سپورٹ کرے، تاکہ وہ اہداف حاصل کرسکیں.

    اس موقع پر برازیل کے اسٹار فٹ بالر کاکا نے کہا کہ فٹ بال سے زیادہ پاکستان میں کرکٹ مقبول کھیل ہے، البتہ پاکستان میں فٹ بال کی راہ ہموار ہوتی جارہی ہے، اگر محنت کریں، تو ورلڈ‌کپ میں‌ کوالیفائی کرسکتے ہیں.

    تقریب میں پاکستانی فٹ بال ٹیم کے کپتان نے انھیں پاکستانی جرسری پیش کی۔

    قبل ازیں دنیائے فٹ بال کے دونوں بڑے نام کاکا اور لیوئس فیگو دبئی سے خصوصی طیارے سے کراچی پہنچے، اس موقع پر انھیں سندھی ٹوپی اور اجرک پیش کی گئی۔

    مزید پڑھیں: مصر کا مسلمان کھلاڑی افریقہ کا بہترین فٹ بالر قرار

    دونوں لیجنڈ فٹ بالرز نے مقامی ہوٹل میں ورلڈ ساکر اسٹارز سے متعلق بریفنگ دی، وہ آج شام ہی لاہور کے لیے روانہ ہوجائیں گے۔

  • میسی اور رونالڈو، سال 2018 میں‌ کون زیادہ کامیاب رہا؟

    میسی اور رونالڈو، سال 2018 میں‌ کون زیادہ کامیاب رہا؟

    بارسلونا: عہد حاضر کے دو عظیم کھلاڑی لائنل میسی اور کرسٹیانو  رونالڈو پورے سال خبروں کی زینت بنے رہے.

    تفصیلات کے مطابق روایتی حریف ارجنٹینا کے میسی اور پرتگال کے رونالڈو کے لیے سال 2018 ملا جلا رہا.

    دونوں کھلاڑی روس میں ہونے والے ورلڈ کپ کے اکھاڑے میں اس امید سے اترے تھے کہ وہ اپنی ٹیم کو ورلڈ کپ جتوائیں‌ گے، مگر دونوں ہی کو اس محاذ پر ناکامی کا سامنا کرنا پڑا.

    ارجنٹینا کو سیکنڈ راؤنڈ میں‌ فرانس کے ہاتھوں بدترین شکست کا سامنا کرنا پڑا. اسی روز یوروگوائے نے پرتگال کو بھی نکال باہر کیا اور دونوں کھلاڑیوں کے مداحوں میں‌ مایوسی کی لہر دوڑ گئی.

    اس ناکامی کے بعد یہ بحث بھی شروع ہوگئی کہ کیا دونوں عظیم کھلاڑی اپنا آخر ورلڈ کپ کھیل چکے ہیں.

    ورلڈ کپ کے بعد رونالڈ ایک بار پھر خبروں‌ کی زینت بنے، جب وہ ریال میڈرڈ سے علیحدگی اختیار کرتے ہوئے اطالوی کلب اے سی میلان کا حصہ بن گئے. ادھر میسی بارسلونا ہی کا حصہ رہے.

    مزید پڑھیں: لیونل میسی نے اسرائیلی فٹبال کلب کی رکنیت حاصل کرلی

    اگلا معاملہ ایوارڈز کا تھا. یوئیفا اور فیفا کے بہترین کھلاڑیوں کے ایوارڈز عام طور پر میسی اور رونالڈ ہی کے درمیان تقسیم ہوتے تھے، البتہ اس بار انھیں اس محاذ پر شکست ہوئی.

    اپنی ٹیم کو ورلڈ کپ فائنل میں پہنچانے والے کروشیا کے کھلاڑی لوکا موڈرچ نے 2018 میں‌میسی اور رونالڈو کو شکست دی اور تمام بڑے ایوارڈ لے اڑے.

    الغرض دونوں کھلاڑی اپنے کلبس کو جتوانے میں کامیاب رہے اور انفرادی طور پر بھی اچھی کمائی کی، مگر یہ سال ان کے لیے گذشتہ برسوں سے پست رہا۔