Tag: فٹ بال

کروشیا کے اسٹار فٹ بالر لوکا موڈرچ نے ایک اور اعزاز اپنے نام کر لیا

میڈرڈ: کروشیا کے کپتان لوکا موڈرچ نے ایک اور اہم اعزاز اپنے نام کر کے نئی تاریخ رقم کر دی۔

تفصیلات کے مطابق لوکا موڈرچ کی کامیابیوں کا سلسلہ جاری ہے.ہسپانوی کلب ریال میڈرڈ سے کھیلنے والے کروشیا کے معروف کھلاڑی سن 2018 کا "بیلون ڈی اور” ایوارڈ کے حق دار قرار پائے.

یہ ایوارڈ حاصل کر کے لوکا موڈرچ نے کرسٹیانو رونالڈو اور لائنل میسی کی برتری ختم کر کے نئی تاریخ‌ رقم کر دی.

واضح رہے کہ گذشتہ ایک دہائی میں یہ اہم ترین ایوارڈ یا تو پرتگالی اسٹار کرسٹیانو رونالڈو نے اپنے نام کیا، یا پھر ارجنٹینا کے جادوگر لائنل میسی اس کے حق دار ٹھہرے، مگر اس بار کروشین اسٹار نے "بیلون ڈی اور” پر قبضہ جما لیا.

یاد رہے کہ کروشیا کو رواں برس فٹ بال ورلڈ‌کپ کے فائنل میں‌ پہنچانے کا اصل سہرا لوکا موڈرچ کے سر تھا، جنھوں‌ نے بہ طور کھلاڑی اور کپتان بہترین کارکردگی کا مظاہرہ کیا.

اس اہم ترین ایوارڈ کی دوڑ میں یووینٹیس کے فارورڈ اور نامور فٹبالر کرسٹیانو رونالڈو کا دوسرا، جب کہ میسی کا پانچواں نمبر رہا۔

پہلی بارمتعارف کرایا جانے والا ویمنز بیلون ڈی اوور ایوارڈ ناروے کی کھلاڑی کے نام رہا۔

واضح رہے کہ ستمبر 2018 میں اسٹار کھلاڑی نے فیفا پلیئر آف دی ایئر کا اہم ترین اعزاز اپنے نام کیا تھا، گذشتہ ماہ انھیں‌ یورپ کے بہترین کھلاڑی کے ایوارڈ سے بھی نوازا گیا تھا.

دسمبر 4, 2018
وزیراعظم کی فیفا کے صدر کو دورہ پاکستان کی دعوت

اسلام آباد: وزیراعظم عمران خان نے فیفا کے صدر گیانی انفانٹینو کو دورہ پاکستان کی دعوت دے دی۔

تفصیلات کے مطابق وزیراعظم نے ملک میں فٹ بال کی سرگرمیاں بڑھانے کا فیصلہ کرتے ہوئے فیفا کے صدر کو مدعو کر لیا۔

وزیر اعظم عمران خان سے آج رکن اسمبلی، پنجاب فٹ بال کونسل کے رکن عامرڈوگرکی ملاقات ہوئی، جس میں فٹ بال فیڈریشن کےانتخابات، کھیل کی موجودہ صورتحال پربات چیت ہوئی۔

[bs-quote quote=”پاکستانی کھلاڑی فٹ بال میں ملک کا نام روشن کرسکتے ہیں، بڑےشہروں میں عالمی معیارکے فٹ بال گراؤنڈ بنائیں گے” style=”style-7″ align=”left” author_name=”وزیر اعظم عمران خان” author_avatar=”https://arynewsudweb.wpengine.com/wp-content/uploads/2018/11/ImranKhan60x60-1.jpg”][/bs-quote]

اس موقع پر وزیراعظم نے کہا کہ پاکستان میں کھیلوں کا فروغ حکومت کی ترجیحات میں شامل ہے، کھیلوں کا معیار بہتر بنانے کے لئے جامع پالیسی ترتیب دی جارہی ہے۔

وزیراعظم کا کہنا تھا کہ نئی پالیسی سے کھلاڑیوں، کوچز، ریفریزکا مستقبل محفوظ بنایا جائے گا، پاکستانی کھلاڑی فٹ بال میں ملک کا نام روشن کرسکتے ہیں، بڑےشہروں میں عالمی معیارکے فٹ بال گراؤنڈ بنائیں گے۔

وزیراعظم نے ملک بھر میں فٹ بال اکیڈمیز قائم کرنے کی ہدایت جاری کر دی، اسی ضمن میں پاکستان کی جانب سے فیفا اور ایشین فٹبال فیڈریشن کے صدور کو پاکستان آنے کی دعوت دی گئی ہے۔

عمران خان نے کہا کہ کھیلوں کے شعبوں میں عالمی معیار کی سہولیات دیں گے، میرٹ کی خلاف ورزی، اپنوں کو نوازنے کا رواج ختم کرنا ہوگا۔

نومبر 28, 2018
سپراسٹار محمد صلاح کا مجسمہ شدید تنقید کی زد پر

لندن: مصر سے تعلق رکھنے والے اسٹار فٹ بالر محمد صلاح‌ کے نئے مجسمے کو شدید تنقید کا سامنا ہے.

تفصیلات کے مطابق انگلش کلب لیورپول سے کھیلنے والے محمد صلاح‌ کے مجسمے کی مصر کے شہر شرم الشیخ میں اتوار کے روز ورلڈ یوتھ فورم میں نقاب کشائی ہوئی.

آرٹسٹ نے مصری اسٹار کے گول اسکور کرنے کے بعد جشن منانے کے مخصوص انداز کو مجسمے میں ڈھالا، البتہ مداحوں کو یہ مجسمہ قطعی پسند نہیں‌ آیا اور اس پر ہر طرف سے تنقید کے تیر برسنے لگے.

سوشل میڈیا پر اسے ممتاز پرتگالی فٹ بالر کرسٹیانو رونالڈو کے گذشتہ برس سامنے آنے والے مجسمے سے بھی بدتر قرار دیا گیا.

یاد رہے کہ گذشتہ سال مدیرہ ہوائی اڈے پر ایمانیوئل کا بنایا ہوا رونالڈو کا مجسمہ نصب کیا گیا تھا، جس پر کڑی تنقید کی گئی.

کچھ ایسا ہی معاملہ محمد صلاح کا مجسمہ بنانے والے فن کار مائے عبداللہ کے ساتھ پیش آیا، مجسمہ ساز کا موقف تھا کہ فن پارے کے پیچھے یہ خیال تھا کہ محمد صلاح مصری نوجوانوں کے لیے رول ماڈل ہیں۔

نقاب کشائی کے موقع پر یوتھ فورم میں مصری صدر عبدالفتح السیسی سمیت ہزاروں لوگ شریک تھے.

مداحوں‌ کو شکوہ تھا کہ یہ مجسمہ مصری اسٹار محمد صلاح کے بجائے گلوکار لیو سیئر یا فلم ہوم الون کے کردار مارئوو سے زیادہ مماثلت رکھتا ہے۔

نومبر 6, 2018
محمد صلاح: جادو وہ جو سر چڑھ کر بولے، مصری کھلاڑی کی شان دار ہیٹ ٹرک

لندن: مصری سپراسٹار محمد صلاح نے شان دار ہیٹ ٹرک اسکور کرکے اپنے ناقدین کو چپ کر دیا.

تفصیلات کے مطابق مصر سے تعلق رکھنے والے محمد صلاح کو برطانیہ میں ایک آئی کون کا درجہ حاصل ہے، وہ انگلش کلب لیورپول کی طرف سے کھیلتے ہیں اور اس کی ریڑھ کی ہڈی تصور کیے جاتے ہیں.

گذشتہ دنوں جب چیمپینز فٹبال لیگ کے گروپ سی کے میچ میں ریڈ اسٹار بیلگریڈ اور لیول پول کی ٹیمیں مدمقابل آئیں، تو صلاح بھرپور فارم میں‌ تھے.

صلاح کی شان دار ہیٹ ٹرک نے جہاں ان کی ٹیم کو مقابلہ چار صفر سے جتوا دیا، وہیں انھوں نے اپنے ان مخالفین کو بھی خاموش کروا دیا، جو ان کی ناقص فارم کی وجہ سے ان پر تنقید کر رہے تھے.

میچ کے آغاز ہی سے محمد صلاح مخالف ٹیم پر غالب رہے. انھوں نے گول اسکور کرنے کا کوئی موقع ہاتھ سے جانے نہیں دیا۔

مزید پڑھیں: رونالڈو سے صلاح کی کامیابی ہضم نہ ہوسکی، اپنے گول کو زیادہ بہتر قرار دے دیا

میچ کا پہلا گول روبرٹو ڈی اولیوریا نے اسکور کیا، البتہ باقی تین گول صلاح نے داغے.

لیورپول نے ریڈ اسٹار بیلگریڈ کو شکست دیکر گروپ سی میں چھ پوائنٹس کے ساتھ پہلی پوزیشن حاصل کرلی ہے۔

یاد رہے کہ اسٹار کھلاڑی کو چند روز قبل فیفا کی جانب سے سال کے بہترین گول کا ایوارڈ دیا گیا تھا.

اکتوبر 25, 2018
محمد صلاح کا ناقابل یقین گول، ماہرین حیران

قاہرہ: سپراسٹار محمد صلاح نے ایک ناقابل یقین گول داغ کر مخالفین کو ورطہ حیرت میں ڈال دیا۔

تفصیلات کے مطابق انگلش کلب لیور پول کی طرف سے کھیلنے والا معروف مصری کھلاڑی محمد صلاح نے انوکھا گول اسکور کرے مداحوں کے دل جیت لیے۔

افریقہ کپ کے کوالیفائنگ راؤنڈ میں مصر اور سوئٹزرلینڈ مدمقابل آئے، تو محمد صلاح بھرپور فارم میں تھے۔

مصری ٹیم نے یہ مقابلہ بہ آسانی تین صفر سے جیت لیا، مگر ان تین میں سب سے انوکھا گول محمد صلاح کا تھا۔

صلاح نے کارنر کک سے براہ راست گول پوسٹ میں پھینک کو سب کو حیران کر دیا۔ واضح رہے کہ کارنر کے اینگل سے گول کرنا انتہائی دشوار ہوتا ہے اور چند ہی عظیم کھلاڑی انٹرنیشنل فٹ بال میں یہ کارنامہ انجام دے سکے ہیں۔

مزید پڑھیںـ رونالڈو سے صلاح کی کامیابی ہضم نہ ہوسکی، اپنے گول کو زیادہ بہتر قرار دے دیا

محمد صلاح کی کک لگنے کے بعد گیند گھومتی ہوئی گول پوسٹ میں داخل ہوگئی، دفاعی کھلاڑی اور گول کیپر دیکھتے رہ گئے۔

واضح رہے کہ مصر میں محمد صلاح کو ہیرو کا درجہ حاصل ہے۔ مصری فٹ بالر برطانیہ میں بھی بہت مقبول ہیں۔

گذشتہ دونوں محمد صلاح کو فیفا کی جانب سے بہترین گول کا ایوارڈ دیا گیا تھا۔ یہ گول انھوں نے انگلش کلب ایورٹن کے خلاف اسکور کیا تھا۔

<span data-mce-type="bookmark" style="display: inline-block; width: 0px; overflow: hidden; line-height: 0;" class="mce_SELRES_start"></span>

اکتوبر 13, 2018
سپراسٹار میسی کی شان دار کارکردگی، بارسلونا نے انگلش کلب کو شکست دے دی

لندن: سپراسٹار لیونل میسی کی شان دار کارکردگی کی بدولت چیمپینز لیگ میں‌ بارسلونا نے ایک اور فتح اپنے نام کر لی۔

تفصیلات کے مطابق لندن میں ہونے والے مقابلے میں اسپینش کلب بارسلونا نے انگلش کلب ٹوٹنہم کو دو کے مقابلے میں چار گولز سے شکست دے دی۔

میچ کے آغاز ہی سے بارسلونا کا پلڑی بھاری رہا اور انگلش ٹیم ہوم کراؤڈ کا فائدہ اٹھانے میں ناکام رہی. میچ کے دسویں منٹ میں بارسلونا نے پہلا گول کیا. پہلے ہاف کے اختتام پر اسکور دو صفر تھا۔

دوسرے ہاف میں ٹوٹنہم نے معروف انگلش کھلاڑی ہیری کین کے شان دار گول سے کم بیک کیا، مگر ٹھیک تب میسی مخالف ٹیم پر قہر بن کر برسے.

مزید پڑھیں: اسپیشن لالیگا: میسی اور سوارز نے مخالف ٹیم کی درگت بنا دی

ارجنٹینی اسٹار نے لگاتار دو گول داغ کر اپنی ٹیم کو واضح برتری دلا دی، جو میچ کے اختتام تک قائم رہی۔

یاد رہے کہ چیمپیئنز لیگ کے مانند اسپینش لیگ لالیگا میں بھی بارسلونا کی شان دار کارکردگی جاری ہے.

واضح رہے کہ ورلڈ‌کپ میں‌ ارجنٹینی اسٹار شائقین کی توقعات پر پوری نہیں اترسکے تھے اور ارجنٹینا کو ناک آؤٹ راؤنڈ سے گھر لوٹ‌ گئی تھی.

اکتوبر 4, 2018
رونالڈو سے صلاح کی کامیابی ہضم نہ ہوسکی، اپنے گول کو زیادہ بہتر قرار دے دیا

میلان: معروف پرتگالی اسٹار کرسٹیانو رونالڈو سے مصری کھلاڑی محمد صلاح کی کامیابی ہضم نہیں‌ ہوسکی.

تفصیلات کے مطابق اطالوی کلب یوونٹس سے کھیلنے والے رونالڈو نے اپنے گول کو صلاح کے گول سے زیادہ جان دار قرار دے دیا.

یاد رہے کہ فیفا کی جانب سے انگلش کلب لیور پول سے تعلق رکھنے والے محمد صلاح کے ایورٹن کے خلاف گول کو سال کا بہترین گول قرار دیا گیا تھا.

البتہ کرسٹیانو رونالڈ کا دعویٰ ہے کہ 2017 میں انھوں نے اپنے پرانے کلب ریال میڈرڈ کی جانب سے یوونٹس کے خلاف جو گول داغا تھا، وہ صلاح کے گول سے زیادہ دل کش اور بہتر تھا.

یاد رہے کہ رونالڈو نے ایک خوب صورت بائی سائیکل کک پر یہ گول کیا تھا، جس کا ایک عرصے فٹ بال نگر میں چرچا رہا.

رونالڈو نے انسٹا گرام پر اپنے پیغام میں‌کہا کہ صلاح‌کا گول بہت خوب صورت ہے، مگر ہمیں‌خود سے جھوٹ نہیں بولنا چاہیے، میرا گول زیادہ بہتر تھا.

یاد رہے کہ 33 سالہ رونالڈو کو انسٹاگرام پر 142 ملین افراد فالو کرتے ہیں.

رونالڈو نے مزید لکھا کہ کبھی آپ ایوارڈ جیتتے ہیں، کبھی نہیں، البتہ میری کامیابی یہ ہے کہ میں‌ نے گذشتہ پندرہ برس میں اپنی پرفارمینس کے معیار کو ہمیشہ برقرار رکھا، میں میچ جیتنے کے لیے کھیلتا ہوں، ایوارڈ جیتنے کے لیے نہیں.

یاد رہے کہ فیفا کے بہترین کھلاڑی کی کیٹیگری میں رونالڈو، لیوکا موڈرچ اور صلاح میں مقابلہ تھا.

یہ ایوارڈ کرویشیا کے اسٹار کھلاڑی لوکا موڈرچ نے اپنے نام کیا تھا.

ستمبر 29, 2018
پاکستان فٹ بال فیڈریشن کا ڈیم فنڈ میں 12 لاکھ روپے کا عطیہ

اسلام آباد: پاکستان فٹ بال فیڈریشن نے بھی چیف جسٹس میاں ثاقب نثار کے قائم کردہ ڈیم فنڈ میں 12 لاکھ رپے کا عطیہ دے دیا، چیف جسٹس نے یہ فنڈ پاکستان میں ڈیموں کی تعمیر کے لیے قائم کیا ہے۔

تفصیلات کے مطابق چیف جسٹس کے قائم کردہ ڈیم فنڈ میں ملک بھر کے عوام اور اداروں کی جانب سے عطیات جمع کرنے کا سلسلہ زور و شور سے جاری ہے۔ فٹ بال فیڈریشن نے بھی اپنا حصہ شامل کر دیا۔

پاکستان فٹ بال فیڈریشن کے وائس پریذیڈنٹ سردار نوید حیدر کی سربراہی میں ایک وفد نے میاں ثاقب نثار سے ملاقات کی، ملاقات میں فیڈریشن کی جانب سے چیف جسٹس کو چیک دیا گیا۔ اس موقع پر فٹ بال ٹیم بھی موجود تھی۔

یہ بھی پڑھیں: ڈیم فنڈز : پاک فوج عطیات دینے والوں میں سرِ فہرست

وفد نے چیف جسٹس کو بتایا کہ فٹ بال ٹیم نے بنگلا دیش میں منعقدہ ساؤتھ ایشیا فٹ بال فیڈریشن کپ 2018 میں انعامی رقم جیتی، فیڈریشن اور کھلاڑیوں نے متفقہ طور پر یہ فیصلہ کیا ہے کہ یہ انعامی رقم سپریم کورٹ کے ڈیم فنڈ میں عطیہ کی جائے۔

چیف جسٹس آف پاکستان میاں ثاقب نثار نے فٹ بال فیڈریشن کی جانب سے ڈیم فنڈ کے لیے چیک وصول کرتے ہوئے ان کا شکریہ ادا کیا۔

خیال رہے کہ اب تک سپریم کورٹ کی جانب سے قائم ڈیم فنڈ میں پاک فوج عطیات دینے والوں میں سرِ فہرست ہے، پاک فوج کی جانب سے 58 کروڑ سے زائد رقم جمع کرائی جا چکی ہے۔

ستمبر 19, 2018
کرسٹیانو، موڈرچ یا صلاح: کون ہوگا فیفا پلیئر آف دی ایئر؟

فیفا کی جانب سے سال کے بہترین کھلاڑیوں کے لیے شاٹ لسٹ کیے جانے والے تین ناموں کا اعلان کر دیا گیا.

تفصیلات کے مطابق فیفا پلیئر آف دی ایئر کے لیے اس بار پرتگال کے کرسٹیانو رونالڈو ، کروشیا کے لوکا موڈرچ اور مصر کے محمد صلاح کے درمیان سخت مقابلہ ہے.

فیفا ایوارڈز کا رنگا رنگ میلہ 24 ستمبر کو لندن میں‌ سجے گا، جہاں دنیا کے سب سے معروف کھیل سے جڑے سپر اسٹارز کو اعزازات سے نوازا جائے گا.

فیفا ایوارڈ ز میں بہترین کوچ ،بہترین گول کیپر اور دیگر ایوارڈز بھی دئے جائیں گے۔

یوں‌ تو فیفا ایوارڈز میں ہر اعزاز اہم ہوتا ہے، مگر سب کی نظریں فیفا پلیئر آف دی ایئر پر مرکوز ہوں گی، جہاں تین سپراسٹارز کے درمیان مقابلہ ہے.

فیفا کی جانب سے ایوارڈزکے لئے کھلاڑیوں کی حتمی فہرست جاری ہونے کے بعد جہاں ایک جانب جشن کا سماں ہے، وہیں میسی کے مداحوں سخت غصے میں‌ ہیں.

مزید پڑھیں: یورپ کا بہترین کھلاڑی کون ہے؟ فیصلہ ہوگیا

واضح رہے کہ پانچ مرتبہ ایوارڈ اپنے نام کرنے والے لائنل میسی اس بار ٹاپ تھری میں بھی جگہ نہ بنا سکے.

میسی کےمداحوں نے اس ضمن میں‌ٹویٹر کو احتجاج کا ذریعہ بنایا اور اس لسٹ کے اعلان کے بعد میسی ٹاپ ٹرینڈ بنا رہا.

یاد رہے کہ گذشتہ دنوں یوئیفا بیسٹ پلیئر کے ایوارڈ کا اعلان ہوا تھا، جو لوکا موڈرچ نے اپنے نام رہا، فیفا ایوارڈ کے لئے بھی موڈرچ فیورٹ ہیں۔

ستمبر 4, 2018
یورپ کا بہترین کھلاڑی کون ہے؟ فیصلہ ہوگیا

موناکو: یورپ کا بہترین کھلاڑی کون ہے، فیصلہ ہوگیا، کروشیا کے سپراسٹار نے ایوارڈ اپنے نام کر لیا.

تفصیلات کے مطابق یوئیفا ایوارڈز کے رنگا رنگ میلے میں‌ اسپینش فٹبال کلب ریال میڈرڈ کا پلہ بھاری رہا، بیش تر ایوارڈز اس کے کھلاڑیوں کے حصے میں آئے.

اس سال یورپ کے بہترین کھلاڑی کا ایوارڈ ریال میڈرڈ کے مڈفیلڈر لوکا موڈرچ نے اپنے نام کیا.

یاد رہے کہ لوکا موڈرچ کروشیا کے کپتان ہیں اور ان کی شان دار کارکردگی کے طفیل کروشیا نے فیفا ورلڈ کپ 2018 کے فائنل میں‌ رسائی حاصل کی تھی.

موناکو میں ہونے والی تقریب میں بہترین کھلاڑی کے لئے لوکا موڈرچ ، اسٹار فٹبالر کرسٹیانو رونالڈ اور مصر کے محمد صلاح کے درمیان مقابلہ تھا۔

مزید پڑھیں: مصر کےاسٹار فٹبالرمحمد صلاح کےلیے چیچنیا کی اعزازی شہریت

البتہ کرسٹیانو رونالڈو بھی خالی ہاتھ نہیں‌لوٹے. انھوں نے میسی کو پیچھے چھوڑتے ہوئے بہترین فارورڈ کا ایوارڈ اپنے نام کرلیا۔

یاد رہے کہ 2013 کے بعد یہ پہلا موقع ہے، جب میسی اور رونالڈو دونوں‌ ہی یورپ کے بہترین کھلاڑی کا ایوارڈ جیتنے میں ناکام رہے۔

کیا رونالڈو اس فیصلے سے ناراض ہیں؟

ایک جانب جہاں لولا موڈرچ کو اس کامیابی پر مبارک باد دی جارہی ہے، وہیں اس فیصلے پر تنقید کا سلسلہ بھی جاری ہے، بالخصوص رونالڈو کے مداح اسے شدید تنقید کا نشانہ بنا رہے ہیں۔

یاد رہے کہ چیمپینز لیگ کے بارہ میچز کھیلنے والے کرسٹیانو رونالڈو نے پندرہ مقابلوں میں بارہ گول داغے تھے، جب کہ موڈرچ صرف ایک ہی گول اسکور کرسکے۔

اگست 31, 2018