کراچی : گلستان جوہر منور چورنگی کے قریب اسٹریٹ کرمنلز کے ہاتھوں ڈکیتی مزاحمت پر قتل ہونے والا فہد حسین آن لائن راِئیڈر کے ساتھ یوٹیوبربھی نکلا۔
تفصیلات کے مطابق کراچی کے علاقے گلستان جوہر میں ڈاکوؤں کی فائرنگ سے بائیک رائیڈر کے قتل کے واقعے کی تحقیقات جاری ہے۔
ڈکیتی مزاحمت پرقتل ہونےوالا فہد حسین راِئیڈر کے ساتھ یوٹیوبر بھی تھا اور کچھ عرصہ پہلے برطانیہ سے پاکستان واپس آیا تھا۔
ورثاء مقتول کی لاش وصول کرنے سردخانے پہنچ گئے ہیں، تدفین کے بعد مقدمہ درج کیا جائے گا۔
اس موقع پراہل خانہ نے بتایا کہ مقتول 7سال لندن میں رہا اور یوٹیوب سے پیسےکماتا تھا،آمدنی بند ہوگئی تھی، آمدنی بندہونےپرآن لائن رائیڈلینا شروع کی تھیں۔
مزید پڑھیں : کراچی : گلستان جوہر میں ڈاکوؤں کے ہاتھوں آن لائن رائڈر کے قتل کی ویڈیو سامنے آگئی
اہل خانہ کا کہنا تھا کہ مقتول کی کچھ عرصے بعد شادی ہونی تھی، اپیل ہے فہد حسین کے قاتلوں کو گرفتار کیا جائے۔
گذشتہ روز منور چورنگی کے قریب ڈکیتوں نےفائرنگ کرکےان لائن بائیک رائیڈر فہد حسین کو قتل کر دیا تھا اورموبائل فون چھین کرفرار ہو گئے تھے۔
وزیراعلی سندھ مراد علی شاہ نے آن لائن بائیک رائیڈرکے قتل کے واقعےکا نوٹس لیتے ہوئے ایڈیشنل آئی جی کراچی سے رپورٹ طلب کرلی ہے۔
خیال رہے رواں برس اس شہر میں ڈکیتوں کے ہاتھوں 110 شہری زندگی کی بازی ہار چکے ہیں۔
