اسلام آباد : وزیراعظم کے معاون خصوصی برائے ڈیجیٹل میڈیا فہد ہارون کا کہنا ہے کہ ایکس پڑوسی ملک کا قانون مانتاہےہماراقانون نہیں مانتا تو معطل کریں گے۔
تفصیلات کے مطابق وزیراعظم کے معاون خصوصی برائے ڈیجیٹل میڈیا فہد ہارون نے اے آر وائی نیوز کے پروگرام اعتراض ہے میں گفتگو کرتے ہوئے کہا کہ ہم کسی بھی سوشل میڈیاپلیٹ فارم سےبلیک میل نہیں ہوسکتے، کوئی سوشل میڈیا پلیٹ فارم ہمارے ملک کاقانون نہیں مانے گا تو بلاک کریں گے۔
معاون خصوصی کا کہنا تھا کہ ایکس سے کئی باررابطہ کیا لیکن انہوں نے جواب نہ دیا جس پر بلاک کیا، ایکس پڑوسی ملک کا قانون مانتا ہے ہمارا قانون نہیں مانتا تو معطل کریں گے۔
انھوں نے مزید کہا کہ ایکس کا دفتر پڑوسی ملک میں کھلاہوا ہے ہمارےملک میں نہیں ہے۔
وزیراعظم کے معاون خصوصی نے کہا کہ ٹرولز کا ایک ایجنڈا ہوتا ہے جس کو روکنے کیلئے اقدامات کیے تاہم سست انٹرنیٹ کامسئلہ اکتوبرتک حل ہوگا۔