لاہور: مرکزی ترجمان استحكام پاكستان پارٹی فیاض الحسن چوہان نے الزام عائد کیا ہے کہ پی ٹی آئی کے سوشل میڈیا ایکٹوسٹ نے مسلسل رپورٹنگ کے ذریعے میرا ٹک ٹاک اکاؤنٹ بلاک کروایا۔
تفصیلات کے مطابق مرکزی ترجمان استحكام پاكستان پارٹی فیاض الحسن چوہان کا ٹک ٹاک اکاؤنٹ بلاک کر دیا گیا۔
فیاض الحسن چوہان نے الزام عائد کیا ہے کہ پی ٹی آئی کے سوشل میڈیا ایکٹوسٹ نے مسلسل رپورٹنگ کے ذریعے میرا اکاؤنٹ بلاک کروایا۔
فیاض الحسن چوہان کا کہنا تھا کہ میرا ٹک ٹاک اکاؤنٹ بلاک کروا کر پی ٹی آئی نے اپنی شکست تسلیم کی ہے، پی ٹی آئی کی سوشل میڈیا ٹیم اگر میرا مقابلہ نہیں کرسکتی تو ریاست کا کیا مقابلہ کرے گی۔
مرکزی ترجمان استحكام پاكستان پارٹی نے کہا کہ میرا جُرم “سب سے پہلے پاکستان” کا نعرہ لگا نا ہے، میرا جُرم تحریکِ فساد فی الارض کو سوشل میڈیا پر بے نقاب کرنا ہے، ابھی تو میں سوشل میڈیا پر بھرپور متحرک نہیں ہوں تو پی ٹی آئی کی ہوا اُکھڑ گئی ہے، پی ٹی آئی میدان میں مقابلہ کرے گیدڑوں کی طرح راہ فرار حاصل نہ کرے۔
ان کا مزید کہنا تھا کہ پاکستان کی بقا کی جنگ سوشل میڈیا، الیکٹرانک میڈیا اور سیاست کے میدان پر جاری رہے گی، بانی چئیرمین پی ٹی آئی کی ملک دشمن پالیسیوں کو بے نقاب کرنے پر میرا ٹک ٹاک اکاؤنٹ بلاک کروایا گیا، پی ٹی آئی سوشل میڈیا ٹیم تگڑی رہے پاکستان کے لیے اور تحریکِ فساد فی الارض کے خلاف جنگ جاری رہے گی۔
