Tag: فیاض الحسن چوہان

لاہور : سابق وزیراطلاعات پنجاب فیاض الحسن چوہان نے بلاول اورمریم کی ملاقات پر تبصرہ کرتے ہوئے کہا تیراغم میراغم ایک ہی ہے صنم، دونوں ابوبچاؤ مہم پرنکلے ہیں، یہ چاہتے ہیں ابو بچانے میں عوام ہمارا ساتھ دیں۔

تفصیلات کے مطابق سابق وزیراطلاعات پنجاب فیاض الحسن چوہان نے مریم نواز کی بلاول بھٹو کو جاتی امرا آنے کی دعوت پر ردعمل دیتے ہوئے کہا بلاول اورمریم نوازکی ملاقات پرایک ہی تبصرہ کروں گا، تبصرہ یہ ہےکہ تیراغم میراغم ایک ہی ہے صنم، یہ دونوں ایک ہی مہم ابو بچاؤ مہم پر نکلے ہیں۔

فیاض الحسن چوہان کا کہنا تھا یہ چاہتےہیں ابو بچانے میں عوام ہماری مدد کریں اور ساتھ دیں، ابوبچانے کے ساتھ ساتھ کرپشن کا مال بھی بچانا چاہتے ہیں۔

سابق وزیراطلاعات پنجاب نے کہا مریم کہتی تھیں عمران خان کوووٹ زرداری کےکھاتےمیں جائے گا ، آج پوچھتا ہوں یہ کس منہ سےایک دوسرے کیساتھ بیٹھ رہے ہیں۔

ان کا کہنا تھا مہنگائی کی آگ ن لیگ اورپی پی کی لگائی ہوئی ہے، ان دونوں جماعتوں کی مہنگائی کی آگ ہم بجھارہےہیں، مداری بھی ڈگڈگی بجاکران سےزیادہ لوگ جمع کرلیتاہے، لکشمی چوک اورراجہ بازار ڈگڈگی والا ان سے زیادہ لوگ جمع کرلیتا ہے۔

خیال رہے پاکستان مسلم لیگ نون کی نائب صدر مریم نواز نے پی پی چیئرمین بلاول بھٹو زرداری کو ٹیلیفون کر کے جاتی امرا آنے کی دعوت دی، جسے انہوں نے قبول کر لیا ہے۔

پی پی پی چئیرمین کل اتوار کو دوپہر ڈیڑھ بجے رائیونڈ جائیں گے، اس موقع پر دونوں جانب سے چند قریبی رفقاء بھی شریک ہوں گے۔ دونوں رہنماؤں کی وفود کی سطح کے علاوہ ون آن ون ملاقات بھی متوقع ہے۔

لاہور : پی ٹی آئی رہنما فیاض الحسن چوہان نے کہا مولانا فضل الرحمان نے کوئی حکومت نہیں چھوڑی جس کےاتحادی نہ رہے ہوں،عمران خان کی حکومت  میں فضل الرحمان بے روزگارہیں، ریفرنسزبھی آئیں گےاور گرفتاریاں بھی ہوں گی،کوئی قانون سےبالاتر نہیں۔

تفصیلات کے مطابق سابق وزیراطلاعات پنجاب فیاض الحسن چوہان نے مولانا فضل الرحمان کے بیان پر ردعمل دیتے ہوئے کہا مولانافضل الرحمان نے بھی آئین وقانون سے بغاوت کی ہے، یہ وہی ہیں جو73کے آئین میں74کرپشن کی اقسام نکالتے ہیں، فرعون بھی کہتاتھاکسی کی کیاجرات جومجھ سےسوال پوچھے۔

فیاض الحسن چوہان کا کہنا تھا فضل الرحمان کاصرف ایک ہی کام ہے، ن لیگ کاپیغام پی پی کوپہنچناہے، فضل الرحمان نے کوئی حکومت نہیں چھوڑی جس کے اتحادی نہ رہیں، واحد عمران خان کی حکومت میں فضل الرحمان بے روزگار ہیں۔

انھوں نے کہا مولانافضل الرحمان نےبھی لوٹ مارمیں ہاتھ دھوئےہیں، ریفرنسز بھی آئیں گے اورگرفتاریاں بھی ہوں گی، کوئی قانون سے بالاتر نہیں،سب کا احتساب ہوگا۔

ریفرنسز سے  گھبرانے والا نہیں ہوں، مولانا فضل الرحمان

یاد رہے جمعیت علمائے اسلام ف کے سربراہ مولانا فضل الرحمان کا کہنا تھا کہ ان کے خلاف جتنے ریفرنسز بنانے ہیں بنالیں، واضح کردوں کہ ریفرنسز سے  گھبرانے والا نہیں ہوں، انصاف کے قتل کرنے والوں سے انصاف کی توقع نہیں، اگر کسی نے جرات کی تو انکے ریفرنسز انکے منہ پر ماروں گا۔

انھوں نے کہا تھا فیصلہ کیا ہے کہ جون کے آخر میں آل پارٹی کانفرنس بلائی جائے گی، اب وقت آگیا ہے کہ عوامی مسائل کے لئے میدان میں اترنا ہوگا۔

وزیر اعظم کو آڑے ہاتھوں لیتے ہوئے جے یو آئی ف کے سربراہ کا کہنا تھا کہ رات گئے خطاب کرنے کی وجہ سمجھ نہیں آئی، وزیر اعظم کو اپنے الفاظ پر کنٹرول نہیں ہے، خطاب کو بھی سینسر کرنا پڑا۔

لاہور : سابق وزیراطلاعات پنجاب فیاض الحسن چوہان کا کہنا ہے کہ اپنی زندگی کی 3محبتیں ہیں پاکستان، پاکستان اور پاکستان، اپنا ایک ہی نعرہ ہے، صلح ہوکہ جنگ ہو عمران خان کے سنگ ہو، سب ہمیں پسند ہےخون ہوکہ رنگ ہو۔

تفصیلات کے مطابق سابق وزیراطلاعات پنجاب فیاض الحسن چوہان نے سماجی رابطے کی ویب سائٹ پر اپنے بیان میں کہا اظہار یکجہتی کرنے والے لاکھوں چاہنےوالوں کوسلام، اپنی زندگی کی 3محبتیں ہیں پاکستان،پاکستان اورپاکستان۔

فیاض الحسن چوہان کا کہنا تھا کہ اپنے بھی اور شریکے والے بھی سن لیں اپنا ایک ہی نعرہ ہے، صلح ہوکہ جنگ ہوعمران خان کے سنگ ہو سب ہمیں پسند ہے خون ہوکہ رنگ ہو، پاکستان زندہ باد، عمران خان زندہ باد۔

اظہار یکجہتی کرنے والے لاکھوں چاھنے والوں سلام۔۔اپنی زندگی کی تین محبتیں ھیں پاکستان،پاکستان اور پاکستان۔۔۔!!! اپنے بھی اور شریکےوالے بھی سن لیں اپنا ایک ہی نعرہ ھے۔۔۔!
صلح ھو کہ جنگ ھو عمران خان کے سنگ ھو۔۔۔سب ھمیں پسند ھے خون ھو کہ رنگ ھو۔!!
پاکستان زندہ باد عمران خان زندہ باد

— Fayazulhasan chohan (@Fayazchohanpti) March 13, 2019

یاد رہے گذشتہ ہفتے وزیراعظم عمران خان نے فیاض الحسن چوہان کے بیان کا نوٹس لیتے ہوئے  وزیراعلیٰ پنجاب کو ایکشن لینے کا حکم دیا تھااور کہا تھا کسی بھی مذہب کی دل آزاری قبول نہیں ہوگی جبکہ تمام وفاقی اورصوبائی وزراکو ایسےمعاملات پرمحتاط رہنےکی ہدایت بھی کی تھی۔

بعد ازاں پنجاب کے صوبائی وزیر اطلاعات فیاض الحسن چوہان ہندو کیمونیٹی کے حوالے سے متنازعہ بیان دینے پر مستعفی ہو گئے تھے، وزیر اعظم عمران خان کی ہدایت پر لئے جانے والے استعفی کو وزیراعلی پنجاب سردار عثمان بزدار نے منظور کیا تھا۔

ترجمان وزیر اعلیٰ پنجاب شہباز گل نے اپنے ویڈیو بیان میں کہا تھا کہ وزیراعلیٰ پنجاب نے فیاض الحسن چوہان سے ملاقات کی ، جس کے بعد انھوں نے عہدے سے مستعفیٰ ہونےکافیصلہ کیا اور وزیر اعلیٰ پنجاب نے واضح کیا ہے کہ ایسے بیان کی اجازت نہیں دے سکتے، جس سے اقلیتی برادری کو تکلیف ہو۔