Tag: فیاض الحسن چوہان

لاہور : وزیراطلاعات پنجاب فیاض الحسن چوہان کا کہنا ہے کہ باکس آفس پرفلم طیارےزمین پرعرصےتک چھائی رہےگی، پاکستان نےایٹمی اورمیزائل ٹیکنالوجی شادی کیلئےنہیں رکھی، مودی میں شرم ہوتودوبارہ چائےکاٹھیلہ لگالے۔

تفصیلات کے مطابق وزیراطلاعات پنجاب فیاض الحسن چوہان نے الحمرا ہال لاہور میں نجی سکول کی تقریب میں میڈیا سے گفتگو کرتے ہوئے کہا تارے زمیں پر سے بھی زیادہ طیارے زمیں پر کو ہٹ فلم قرار دیتے ہوئے کہاکہ پاکستان پر حملے کی باتیں کرنے والے احمقوں کی جنت میں رہتے ہیں ،باکس آفس پرفلم طیارے زمین پر عرصےتک چھائی رہےگی۔

وزیراطلاعات پنجاب کا کہنا تھا کہ مودی کےاقدامات کی وجہ سےبھارت کوجگ ہنسائی کاسامناکرناپڑا، بھارتی عوام بھی سوچتے ہیں مودی نےالیکشن مہم کیلئے کیا کچھ نہیں کیا، مودی نےجنگی جنون کی وجہ سےاپنی ہی الیکشن مہم کابیڑہ غرق کردیا۔

فیاض الحسن چوہان نے کہا  وزیراعظم عمران خان ملک کی خدمت میں آگےآئے، بھارت نے 10سال پہلے تارے زمین پر بنائی تھی، آج بھارتی طیارے زمین پر ہیں، پاکستانی قوم خون کےآخری قطرے تک اپنےملک کادفاع کرےگی، آئندہ چندسالوں میں پاکستان ایک معاشی مستحکم ملک کےطورپرسامنے آئے گا۔

طیارے زمین پر فلم کے بعدعمران خان کانام دنیابھرمیں تعریف کیساتھ لیاجاتاہے

ان کا کہنا تھا کہ  وزیراعظم عمران خان ملک کوسنوارنے آئیں ہے، دنیابھی معترف ہے، طیارے زمین پر فلم کے بعدعمران خان کانام دنیابھرمیں تعریف کیساتھ لیاجاتاہے، حالیہ صورتحال میں پاکستانی قوم کوخراج تحسین پیش کرتاہوں۔

وزیراطلاعات پنجاب نے کہا  ہم نےجذبےکےتحت اس ملک کوآگے لےکرجاناہے، پاکستانیوں نےہرمیدان میں اپنالوہامنوایاہے، ہم کسی میدان میں کسی سے پیچھے نہیں، رسی جل گئی مگربل نہیں گیا،مودی میں شرم ہوتودوبارہ چائےکاٹھیلہ لگالے۔

فیاض الحسن چوہان  کا کہنا تھا  نریندرمودی پاکستان پر سرجیکل سٹرائیک کی باتیں کرتے کرتے چلبل پانڈے بننے کے بجائے کھل نائیک بن گئے، پاکستان پر حملے کی باتیں کرنے والا سیاست چھوڑ دیں۔

پاک فوج نےابھی صرف ایک ٹیزردکھایاہے

انھوں نے مزید کہا  پاکستان ایک ایٹمی طاقت ہے،میزائل ٹیکنالوجی سےلیس ہے، پاکستان نےایٹمی اورمیزائل ٹیکنالوجی شادی کیلئےنہیں رکھی، پاک فوج نےابھی صرف ایک ٹیزردکھایاہے، آدھی بھارتی عوام مودی کولعن طعن کررہی ہے۔

لاہور : پنجاب کے وزیراطلاعات فیاض الحسن چوہان کا کہنا ہے کہ شریف فیملی این آر او کے لئے تڑپ رہے ہیں،یہ طیب اردوگان نہیں بلکہ خوردگان ہیں، شریف برادرن سپریم کورٹ کے مطابق سیرٹیفائڈ، سیسی لین مافیا اورگاڈ فادر ہیں۔

تفصیلات کے مطابق لاہور میں پنجاب کے وزیراطلاعات فیاض الحسن چوہان نے میڈیا سےگفتگو کرتے ہوئے کہا دل کی بات یہ ہے کہ پتلی گلی سےلندن جاناہے، ہم آپ کی دل کی بات پوری نہیں کرسکتے، یہیں علاج کرائیں گے۔

فیاض الحسن چوہان کا کہنا تھا کہ آل شریف کیلئےروزانہ نئی قیامت برپاہوتی ہے، ان  کےتمام حواری نجومی بن گئے ہیں، وفاق اور صوبوں کی حکومتیں 5سال پورے کریں گی، شہباز شریف کو 2 طریقوں سے چیئرمین پی اے سی کے عہدے سے ہٹایا جاسکتا ہے۔

آل شریف کیلئےروزانہ نئی قیامت برپاہوتی ہے

پنجاب کے وزیراطلاعات نے کہا پچھلے دس سال سے پنجاب کے نام نہاد وزیر اعلی نے عوام کے لاکھوں روپے لگائے، وزیر اعلی پنجاب عثمان بزدار عمرہ پر روانہ ہوئے جسکا میڈیا سے پتہ چلا، عثمان بزدار نے اپنے خرچ پر بغیر پروٹوکول کےپر سفر کیا۔

ان کا کہنا تھا کہ این آراوکیلئے یہ لوگ تڑپ رہےہیں، یہ طیب اردوگان نہیں بلکہ خوردگان ہیں، شریف برادرن سپریم کورٹ کے مطابق سیرٹیفائڈ، سیسی لین مافیا اورگاڈ فادرہیں۔

فیاض الحسن چوہان نے کہا نواز شریف کی بیماری کو سیاسی طور پر استعمال کیا جا رہا ہے ، صحت پر چار بورڈز بنائے گئے جسکو تسلیم نہیں کیا، ڈاکٹرز کا کہنا ہے بواز شریف کی بیماری کا پاکستان میں علاج ہو سکتا ہے۔

اسپتال سے جیل اور جیل سے اسپتال کا چکر صرف این آر او کیلئے کیا جا رہا ہے

صوبائی وزیراطلاعات کا کہنا تھا کہ سموسوں پکوڑوں سے دل کے مریض کی خاطر تواضح کی گئی ، اسپتال سے جیل اور جیل سے اسپتال کا چکر صرف این آر او کیلئے کیا جا رہا ہے ، قومی مجرم ہونے کے باوجود ہمارا فرض ہے کہ آپ کو کوئی ذاتی شکایت نہ ہو۔