ARYNews.tv | Urdu – Har Lamha Bakhabar

Tag: فیروز خان

  • بھارتی اداکارہ کی فیروز خان سے متعلق پوسٹ نے مداحوں کو کشمکش میں مبتلا کردیا

    بھارتی اداکارہ کی فیروز خان سے متعلق پوسٹ نے مداحوں کو کشمکش میں مبتلا کردیا

    تامل اور بھارتی فلموں کی اداکارہ و ماڈل گتھیکا تیواری نے پاکستانی اداکار فیروز خان کی تعریف کرکے ایک بار پھر مداحوں کو کشمکش میں مبتلا کردیا۔

    اداکارہ گتھیکا تیواری نے فوٹو اینڈ شیئرنگ ایپ انسٹاگرام پر ایک استوری شیئر کی ہے جس میں انہوں نے پاکستان کے معروف اداکار فیروز خان کی تعریف کی ہے۔

    اداکارہ نے فیروز خان کی تعریف  میں لکھا کہ ’اداکار فیروز خان اپنے کرشماتی انداز، موجودگی، غیر معمولی اداکاری اور صلاحیت سے بھرپور انٹرٹیمنٹ انڈسٹری کا ایک جانا مانا نام ہے‘۔

     

    View this post on Instagram

     

    A post shared by Pakistani Cinema (@pakistanicinemaa)

    انہوں نے لکھا کہ ’فیروز خان ہر چھوٹی بڑی اسکرین  پر اپنی اداکاری سے سامعین کے دلوں میں آسانی سے جگہ بنا لیتے ہیں، اور صرف یہی نہیں بلکہ انکا کرشما آن اسکرین سے بھی بہت آگے ہے‘۔

    اداکارہ نے پاکستانی اداکار کی تعریف مین مزید لکھا کہ ’فیروز خان مہربانی اور گرمجوشی شخصیت کے مالک ہونے کے سبب خود سے ملنے والے تمام لوگوں کے دلوں میں  انمٹ نشان  چھورنے کا ہنر رکھتے ہیں۔’

     

    View this post on Instagram

     

    A post shared by Ferozexsaumya (@ferozeluv)

    یاد رہے کہ سال 2024 کے آغاز پر فیروز خان نے فوٹو اینڈ ویڈیو شیئرنگ ایپ انسٹاگرام پر نئے پراجیکٹ کی شوٹنگ کی جھلک اپنے مداحوں کے ساتھ شیئر کی تھی جس میں انہیں  اداکارہ و ماڈل گتھیکا تیواری کے ہمراہ دیکھا گیا تھا۔

    سوشل میڈیا پر فلم کی شوٹنگ کے دوران کھچوائی گئی تصاویر وائرل ہونے کے بعد دونوں کے درمیان تعلقات کی چہ مگوئیاں شروع ہوگئیں تھی۔

  • فیروز خان اور گیتھیکا تیواری سے متعلق بھارتی میڈیا کا دعویٰ

    فیروز خان اور گیتھیکا تیواری سے متعلق بھارتی میڈیا کا دعویٰ

    بھارتی میڈیا کا دعویٰ ہے کہ پاکستانی اداکار فیروز خان اور اداکارہ گیتھیکا تیواری ڈیٹنگ کررہے ہیں۔

    بالی ووڈ فلموں کے نقاد کمال آر خان المعروف کے آر کے نے اپنی ولاگ میں دعویٰ کیا ہے کہ گیتھیکا تیواری اور فیروز خان سے شادی کرنے کے لیے مسلمان ہوسکتی ہے۔

    کمال آر خان نے یہ بھی دعویٰ کیا کہ بھارتی اداکارہ شاید مسلمان ہوچکی ہے کیونکہ انہیں برقع پہنے اور نماز پڑھتے بھی دیکھا گیا ہے۔

    انہوں نے کہا کہ فیروز اور گیتھیکا کے درمیان رومانس اس وقت پروان چڑھا جب ان کی ملاقات فلم کے سیٹ پر لندن میں ہوئی تھی۔

    یہ پڑھیں: فیروز خان کی بھارتی اداکارہ کے ساتھ ویڈیو وائرل

    بھارتی ناقد نے کہا کہ  بالی وڈ اداکارہ گیتھیکا فیروز کے پیار میں پاگل ہوگئی ہے، گیتھیکا فیروز کیلئے کچھ بھی کرنے کو تیار ہے، وہ ہندو مذہب ہی نہیں بھارت بھی چھوڑنے کو تیار ہے۔

    واضح رہے کہ دونوں کے درمیان تعلقات کی افواہیں اس وقت سامنے آئیں جب گیتھیکا نے اپنے انسٹاگرام پر فیروز خان کے ساتھ اپنی مختلف تصاویر اور ویڈیوز شیئر کیں اور فیروز خان کو سپر کیوٹ قرار دیا۔

    یاد رہے کہ فیروز خان اور گیتھیکا تیواری ایک فلم میں ساتھ کام کررہے ہیں جس کے ہدایت کار ذوالفقار علی ہیں۔

  • حمائمہ ملک کی فیروز خان کے ہمراہ خوبصورت تصاویر وائرل

    حمائمہ ملک کی فیروز خان کے ہمراہ خوبصورت تصاویر وائرل

    شوبز انڈسٹری کی معروف اداکارہ حمائمہ ملک کی اپنے بھائی فیروز خان کے ہمراہ خوبصورت تصاویر سوشل میڈیا کی زینت بن گئی ہیں۔

    فوٹو اور ویڈیو شیئرنگ ایپ انسٹاگرام پر اداکارہ حمائمہ ملک نے نئی تصاویر شیئر کیں جس میں انہیں اپنے بھائی فیروز خان کے ہمراہ دیکھا جاسکتا ہے۔

    حائمہ ملک نے تصاویر شیئر کرتے ہوئے کیپشن میں لکھا کہ ”تم ہمارے گھر کی رونق ہو ابو سلطان ہو۔۔۔۔ تم فقط بھائی نہیں ہو! تم تو میری جان ہو!!“

    اداکارہ نے چند گھنٹوں قبل یہ تصاویر شیئر کیں جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔

    حمائمہ ملک سوشل میڈیا پر کافی متحرک رہتی ہیں اور اکثر اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔

    اس سے قبل بھی شوبز انڈسٹری کی معروف اداکارہ حمائمہ ملک کی انسٹاگرام تصاویر سوشل میڈیا پر مقبول ہوگئی تھیں۔

    فوٹو اور ویڈیو شیئرنگ ایپ انسٹاگرام پر اداکارہ حمائمہ ملک نے تصاویر شیئر کی تھیں جس میں انہیں سیاہ لباس میں خوشگوار موڈ میں دیکھا جاسکتا ہے۔

    حائمہ ملک نے تصاویر شیئر کرتے ہوئے کیپشن میں لکھا کہ ’ہر رات اپنے لیے ایک محبت کا نوٹ چھوڑنے سے بہتر کوئی چیز نہیں ہوسکتی، پیاری حمائمہ تم اتنی پیاری ہو۔‘

    واضح رہے کہ حمائمہ ملک نے 2014 میں بالی ووڈ فلم راجہ نٹور لال میں عمران ہاشمی کے ساتھ اداکاری کے جوہر دکھائے تھے۔

    اداکارہ حمائمہ ملک معروف اداکار فیروز خان اور ٹی وی میزبان دعا ملک کی بڑی بہن ہیں۔

  • ’فیروز خان غیر ذمے دار باپ نہیں‘

    ’فیروز خان غیر ذمے دار باپ نہیں‘

    پاکستان شوبز انڈسٹری کے معروف اداکار فیروز خان کی سابقہ اہلیہ علیزے سلطان نے اداکار کے غیر ذمے دار باپ ہونے کے حوالے سے بلآخر خاموشی توڑ دی ہے۔

    فوٹو اینڈ ویڈیو شیئرنگ ایپ انسٹا گرام پر حال ہی میں علیزے سلطان نے سوال جواب کا سیشن رکھا جس میں انہوں نے صارفین کے سوالوں کے جواب دیے۔

    ایک صارف نے سوال کیا کہ آپ اپنی زندگی میں کیا تبدیلی چاہتی ہیں؟ اس سوال کے جواب میں علیزے نے کہا کہ میں دین و دنیا میں توازن سیکھنا چاہتی ہوں، صبر، برداشت اور درگزر کرنا اور رشتوں میں توازن رکھنا سیکھنا چاہتی ہوں۔

    انہوں نے لکھا کہ جب میں گھر سے باہر جاتی ہوں تو سر پر دوپٹہ اوڑھ لیتی ہوں اور اب چاہتی ہوں کہ انسٹا گرام پوسٹس میں بھی اس کا مظاہرہ کروں، حجاب نہیں صرف سر پر دوپٹہ لیے تصاویر شیئر کروں۔

    ایک صارف نے پوچھا کہ کیا مرد کا قد اہمیت رکھتا ہے؟ علیزے  نے جواب دیتے ہوئے کہا کہ صرف اس کی برداشت کرنے کی صلاحیت اور شخصیت اہمیت رکھتی ہے کہ جب بھی بات کرے تو اچھی بات کرے۔

    اسی سوال جواب کے سیشن کے دوران ایک صارف نے اداکار فیروز خان سے متعلق سوال کیا کہ کیا واقعی فیروز خان اپنے بچوں کے اخراجات برداشت نہیں کرتے؟ کیا واقعی وہ ایک غیر ذمے دار باپ ہیں؟

    صارف کے سوال کا جواب دیتے ہوئے علیزے سلطان نے کہا کہ ایسا ہرگز نہیں ہے، اس میں کوئی صداقت نہیں ہے بلکہ فیروز خان بچوں کے آدھے اخراجات برداشت کرتے ہیں۔

    خیال رہے کہ کراچی کی فیملی کورٹ نے اداکار فیروز خان کو بیٹے سلطان کے لیے 50 اور بیٹی فاطمہ کے لیے 30 ہزار روپے ماہانہ اخراجات کی مد میں دینے کا حکم دیا تھا۔

  • فیروز خان نے بیٹی کے ہمراہ پہلی تصویر شیئر کردی

    شوبز انڈسٹری کے اداکار فیروز خان نے اپنی بیٹی فاطمہ کے ساتھ پہلی تصویر شیئر کی جو سوشل میڈیا پر وائرل ہو رہی ہے۔

    ’حبس‘ کے اداکار نے اپنی سب سے چھوٹی بیٹی فاطمہ خان کے ساتھ تصویر اور ویڈیو شیئرنگ ایپلی کیشن پر دو تصویری شیئر کی۔

    مشہور شخصیت فیروز خان نے کیپشن میں گلاب اور دل کے اسٹیکر کے ساتھ لکھا کہ "میں آپ کو سمجھ گیا”۔

    وائرل پوسٹ پر پہلی تصویر میں فیروز خان اور ان کی بیٹی ہے جس میں  بچی کا چہرہ آدھا ڈھکا ہوا ہے۔ جبکہ دوسری  تصویر ایک پوسٹ ہے جو اپنے بچے کو حفاظتی طور پر لے جا رہا ہے۔

     

    View this post on Instagram

     

    A post shared by Feroze Khan 🇵🇰 (@ferozekhan)

    واضح رہے کہ فیروز خان اور ان کی سابق اہلیہ علیزے سلطان نے چار سال تک ساتھ رہنے کے بعد گزشتہ سال ستمبر میں علیحدگی اختیار کر لی تھی۔

    فیروز خان کے دو بچے ہیں، ایک 3 سالہ بیٹا سلطان اور ایک بچی فاطمہ جو گزشتہ سال فروری میں پیدا ہوئے تھی۔

    اپنے بچوں کی تحویل کی جنگ میں، فیملی کورٹ نے فیروز خان کو حکم دیا کہ وہ بچوں کے ماہانہ اخراجات کے طور پر ہر ماہ کی 14 تاریخ سے پہلے 80 ہزار  روپے ادا کرے۔ جبکہ چند دنوں کے لیے اکلوتے بیٹے سلطان کی تحویل کی بھی اجازت دی گئی ہے۔

  • ’ڈھونڈنے والوں کو دنیا بھی نئی دیتے ہیں‘

    ’ڈھونڈنے والوں کو دنیا بھی نئی دیتے ہیں‘

    شوبز انڈسٹری کے نامور اداکار فیروز خان کی گھڑ سواری کی ویڈیو سوشل میڈیا پر وائرل ہوگئی۔

    اے آر وائی ڈیجیٹل کے ڈرامہ سیریل ’حبس‘ میں ’باسط‘ کا مرکزی کردار نبھانے والے اداکار فیروز خان نے انسٹا گرام پر ویڈیو اور تصاویر شیئر کیں۔

    ویڈیو میں فیروز خان کو گھڑ سواری سے لطف اندوز ہوتے دیکھا جاسکتا ہے۔

    اداکار نے ویڈیو شیئر کرتے ہوئے شاعر مشرق علامہ اقبال کا شعر بھی لکھا ’کوئی قابل ہو تو ہم شان کئی دیتے ہیں ، ڈھونڈنے والوں کو دنیا بھی نئی دیتے ہیں۔‘

     

    View this post on Instagram

     

    A post shared by Feroze Khan 🇵🇰 (@ferozekhan)

    فیروز خان کی ویڈیو کو لاکھوں کی تعداد میں مداح دیکھ چکے ہیں اور ان کی ویڈیو کو پسند بھی کررہے ہیں۔

    گزشتہ دنوں بھی انہوں نے ایک ویڈیو شیئر کی تھی جس میں انہیں گھڑ سواری کرتے دیکھا جاسکتا ہے، فیروز خان نے ویڈیو شیئر کرتے ہوئے لکھا تھا کہ ’ہمت نہ ہارو، برداشت کرو اور کامیابی حاصل کرو۔‘

     

    View this post on Instagram

     

    A post shared by Feroze Khan 🇵🇰 (@ferozekhan)

    واضح رہے کہ اس سے قبل فیروز خان نے سابقہ اہلیہ کی جانب سے لگائے گئے الزامات پر وضاحت پیش کی تھی۔

    اداکار نے لکھا تھا کہ ’میں تمام بے بنیاد بدنیتی پر مبنی اور جھوٹے الزامات کی سختی سے تردید کرتا ہوں جو مجھ پر لگائے گئے ہیں اور سوشل میڈیا پر افواہوں کی چکی میں گردش کررہے ہیں۔‘

    https://urdu.arynews.tv/actor-feroze-khan-twit-allegations-his-wife/

    فیروز خان کا کہنا تھا کہ ’میں ان کارروائیوں کے مرتکب افرااد کے خلاف قانونی چارہ جوئی کا ارادہ رکھتا ہوں اور اس سلسلے میں اپنی قانونی ٹیم کو ہدایت بھی کردی ہے۔

    یاد رہے کہ فیروز خان کی اہلیہ علیزے سلطان نے گزشتہ ماہ فیروز پر تشدد کا الزام عائد کرتے ہوئے علیحدگی کی تصدیق کی تھی جس کے بعد فیروز خان نے بھی ردعمل دیا تھا جبکہ کیس ابھی عدالت میں زیر سماعت ہے۔

  • ہانیہ عامر کے بیان پر فیروز خان کا ردعمل آگیا

    ہانیہ عامر کے بیان پر فیروز خان کا ردعمل آگیا

    پاکستانی ڈرامہ انڈسٹری کی ہردلعزیز اداکارہ ہانیہ عامر کے بیان پر اداکار فیروز خان نے ردعمل دے دیا۔

    گزشتہ دنوں اداکارہ ہانیہ عامر نے ایک انٹرویو کے دوران اداکار فیروز خان کی تعریف کی تھی جس کی ویڈیو سوشل میڈیا کے مختلف پلیٹ فارمز پر وائرل ہورہی ہے۔

    ہانیہ عامر کا ایک انٹرویو کے دوران کہنا ہے کہ اُن میں اور فیروز خان میں بہت اچھی دوستی ہے، فیروز خان اپنے آپ میں بہت سخت انسان بنتے ہیں مگر وہ ایسے ہیں نہیں۔

    ہانیہ کا کہنا ہے کہ فیروز خان اگر آپ کے اچھے دوست ہیں اور آپ کی عزت کرتے ہیں تو آپ کا ہر مشورہ آرام سے مان لیتے ہیں۔

    دوسری جانب ڈیجیٹل پلیٹ فارم کے لیے دیے گئے اس انٹرویو کے دوران ہانیہ عامر کا مداحوں کو مشورہ دیتے ہوئے کہنا تھا کہ زندگی بہت چھوٹی ہے، آپ بالکل نہیں جانتے کہ کل آپ ہوں یا نہ ہوں، جو یہ لمحہ یا دن آپ جی رہے ہیں یہ آپ کی زندگی کا آخری دن ہو۔

    انہوں نے مزید کہا کہ کسی کے لیے کبھی کچھ غلط نہ بولیں، نہ سوچیں، نہ کسی کے ساتھ کچھ غلط کریں۔

    اب ہانیہ عامر کے بیان پر فیروز خان نے ردعمل دیتے ہوئے لکھا کہ "ہانیہ عامر بھی بہت اچھی انسان ہیں۔”

    واضح رہے کہ فیروز خان ڈرامہ سیریل "حبس” میں شاندار اداکاری کے جوہر دکھا رہے ہیں تو ہانیہ عامر بھی ڈرامہ سیریل "میرے ہمسفر” میں معصوم لڑکی ہالا کے کردار میں جلوہ گر ہیں۔

    یاد رہے کہ دونوں‌ فنکاروں‌ نے ڈرامہ سیریل عشقیہ میں مرکزی کردار ادا کیا تھا مداحوں‌ کی جانب سے ان کی اداکاری کو خوب سراہا گیا تھا.

  • "باسط تنہا اور ٹوٹا ہوا ہے وہ محبتوں اور خوشیوں کا مستحق ہے”

    "باسط تنہا اور ٹوٹا ہوا ہے وہ محبتوں اور خوشیوں کا مستحق ہے”

    اے آر وائی ڈیجیٹل کے ڈرامہ سیریل "حبس” کی 15ویں قسط میں فیروز خان "باسط” کی اداکاری مداحوں کے دلوں کو چھو گئی۔

    ڈرامہ سیریل ’حبس‘ میں فیروز خان (باسط)، اشنا شاہ (عائشہ)، عائشہ عمر (روہا)، اسرا غزل (سعدیہ باسط کی والدہ)، جاوید شیخ، عمران اسلم، صبا فیصل (عائشہ کی والدہ)، حنا رضوی، دانیہ انور(بانو) ودیگر مرکزی کردار نبھا رہے ہیں۔

    ’حبس‘ کی کہانی ایسے لڑکے باسط کے گرد گھومتی ہے جو بچپن میں‌ ملے صدمے کو بھول نہیں پاتے اور یہی غم جوانی تک ان کا پیچھا کرتے ہیں، والدہ انہیں بچپن میں‌ ہی چھوڑ‌کر چلی جاتی ہیں‌ اور اسی غم کے ساتھ وہ بڑے ہوتے ہیں لیکن والد کے انتقال کے بعد اچانک وہ واپس آتی ہیں‌ اس وقت وہ انہیں‌ دل سے قبول نہیں‌ کرپاتے اور بچپن میں‌ گزرے دردناک لمحات ان کے ذہن میں سوار ہوچکے ہوتے ہیں‌ اور شادی کے بعد بھی اس میں‌ تبدیلی نہیں آتی۔

    سماجی رابطے کی ویب ٹویٹر پر گزشتہ قسط میں فیروز خان کی اداکاری کی ویڈیو اور تصاویر شیئر کی جارہی ہیں جس میں وہ اپنی سالگرہ کے موقع پر خوش ہوتے ہیں لیکن ساتھ ہی والدہ کو دیکھ کر ان کی خوشی پھیکی پڑ جاتی ہے۔

    مداحوں کی جانب سے فیروز خان کی اداکاری کی تعریف کرتے ہوئے ڈرامے کے ڈائیلاگ اور اپنے تاثرات بھی شیئر کیے جارہے ہیں۔
    ایک مداح نے لکھا کہ "وہ اندر سے تنہا اور ٹوٹا ہوا ہے اور وہ محبتوں خوشیوں کا مستحق ہے۔”


    ایک صارف نے باسط کے بچپن اور جوانی کی تصویر شیئر کرتے ہوئے لکھا کہ "میں ٹھیک نہیں ہوں۔”


    عنایا نامی صارف نے ڈرامے کا ڈائیلاگ لکھا کہ "آپ کو کیا لگتا ہے میں بار بار آپ کو بلانے آوں گا میں یہ بتانے آیا ہوں آکر اپنا سامان لے لیں۔”


    سوشل میڈیا صارفین نے مزید ڈرامے سے متعلق پوسٹ شیئر کیں چند پوسٹس دیکھیں۔

  • ’جتنا چاہے پیسہ چلالو، آخری جیت حق کی ہوگی‘

    ’جتنا چاہے پیسہ چلالو، آخری جیت حق کی ہوگی‘

    مسلم لیگ ن کے رہنما حمزہ شہباز کے وزیراعلیٰ پنجاب منتخب ہونے پر اداکار فیروز خان نے پی ٹی آئی کے رہنما علی محمد خان کا ٹویٹ شیئر کردیا۔

    گزشتہ روز پنجاب اسمبلی میں وزیراعلیٰ پنجاب کے انتخابات میں ڈپٹی اسپیکر قاسم سوری نے رولنگ دی کہ چوہدری شجاعت کے خط کے مطابق ق لیگ کے 10 ووٹ مسترد کیے جاتے ہیں اور حمزہ شہباز وزیراعلیٰ برقرار رہیں گے۔

    ڈپٹی اسپیکر کے فیصلے کے بعد پی ٹی آئی اور ق لیگ نے سپریم کورٹ جانے کا اعلان کیا جہاں عدالت نے فیصلہ دیتے ہوئے حمزہ شہباز کا بطور وزیراعلیٰ یکم جولائی کا اسٹیٹس بحال کردیا۔

    https://urdu.arynews.tv/cm-punjab-elections-farhan-saeed-others-showbiz-stars-respond/

    فیروز خان نے پی ٹی آئی رہنما علی محمد خان کا ٹویٹ شیئر کیا جس میں انہوں نے لکھا تھا کہ ’جتنا چاہے پیسہ چلالو، جتنی سازشیں اور بلیک میلنگ کرلو پہلے بھی کہا تھا اب بھی کہہ رہا ہوں آخری جیت حق کی ہوگی۔‘

    انہوں نے مزید لکھا تھا کہ ’اس پنجاب اسمبلی سے پی ٹی آئی کی حکومت بنے گی اور قومی اسمبلی میں بھی میرا لیڈر عمران خان دو تہائی اکثریت سے ایک بار پھر آئے گا، انشا اللہ۔‘

    فیروز خان کے اس ری ٹویٹ کو مداحوں کی جانب سے پسند کیا جارہا ہے اور علی محمد خان کا بیان شیئر کرنے پر اداکار کی تعریف کی جارہی ہے۔

  • فیروز خان: ہمہ جہت فن کار جو اپنے شاہانہ طرزِ‌ زندگی کے لیے مشہور تھا

    فیروز خان: ہمہ جہت فن کار جو اپنے شاہانہ طرزِ‌ زندگی کے لیے مشہور تھا

    بولی وڈ میں فیروز خان ایک ‘اسٹائل آئیکون’ کے طور پر پہچانے جاتے تھے اور اپنے شاہانہ طرزِ‌ زندگی کے لیے مشہور تھے۔ انھیں ہمہ جہت فن کار کہا جاتا ہے جس نے فلم نگری میں اپنے سفر کے دوران کئی کام یابیاں سمیٹیں۔ انھوں نے 27 اپریل 2009ء کو یہ دنیا ہمیشہ کے لیے چھوڑ دی۔

    فیروز خان نے فلمی کیریئر کا آغاز تو دوسرے درجے کی فلموں سے بطور معاون اداکار شروع کیا تھا، لیکن فلم اونچے لوگ میں ان کی لاجواب اداکاری انھیں اوّل درجے کی فلموں تک لے آئی اور وہ آگے بڑھتے چلے گئے۔ فیروز خان خود کو اداکاری تک محدود نہ رکھ سکے۔ وہ فلمیں پروڈیوس کرنے لگے اور بعد میں ہدایت کاری کے شعبے میں قسمت آزمائی۔ فلم سازی سے ہدایت کاری تک فیروز خان نے اپنی صلاحیتوں کو منوایا اور بہ طور فلم ساز و ہدایت کار زیادہ کام یاب ہوئے۔

    ان کی بنائی ہوئی فلم جانباز 1986ء میں‌ نمائش کے لیے پیش کی گئی اور کام یاب رہی، اس کے بعد دیا وان ایک مقبول فلم ثابت ہوئی اور قربانی نے بھی دھوم مچائی۔ یہ وہ فلم تھی جس کا ایک گیت ’آپ جیسا کوئی میری زندگی میں آئے تو بات بن جائے…‘ بہت مقبول ہوا۔ یہ گیت پاکستانی پاپ سنگر نازیہ حسن نے گایا تھا، اس گیت کی بدولت پندرہ سالہ نازیہ حسن پاکستان اور بھارت میں شہرت اور مقبولیت کی بلندیوں کو چھونے لگیں جب کہ فلم نے زبردست کام یابی سمیٹی۔

    فیروز خان کی آخری کامیڈی فلم کا نام ‘ویلکم ‘ تھا۔ 69 سال کی عمر میں وفات پانے والے اس فن کار کو کینسر کا مرض لاحق تھا۔