Tag: فیس بک

سان فرانسسکو: سماجی رابطے کی سب سے بڑی ویب سائٹ فیس بک نے نئے سال کا آغاز ہوتے ہی اپنی میسنجر ایپ میں بڑی تبدیلی کردی۔

تفصیلات کے مطابق فیس بک اپنے صارفین کو متاثر کرنے کے لیے ایپ میں نت نئے فیچر ز شامل کرتا ہے، چونکہ گزشتہ سال مارک زکربرگ اور اُن کی کمپنی کے لیے سیکیورٹی بریچ کے باعث بہت برا ثابت ہوا تھا اس لیے ماہرین نے سال نو کے آغاز پر ہی نئی آزمائشی سروس متعارف کروائی۔

ٹیکنالوجی پر نظر رکھنے والی خاتون صحافی جین مین چن وانگ نے سماجی رابطے کی ویب سائٹ پر دو علیحدہ علیحدہ تصاویر ٹویٹ کرتے ہوئے بتایا ہے کہ فیس بک نے ڈارک موڈ میسنجر ایپ کی آزمائشی سروس مخصوص صارفین اور ممالک کے لیے متعارف کرادی۔

قبل ازیں فیس بک مسینجر کا رنگ ہلکا نیلا اور  اس کی پشت بالکل سفید رنگ تھا مگر اب یہ سیاہ ہوگا اور دوستوں کے نام سفید رنگ سے لکھے نظر آئیں گے جبکہ آن لائن لوگوں کی نشاندہی نیلے رنگ سے ہوگی۔

قبل ازیں فیس بک نے گزشتہ برس 24 نومبر کو میسنجر ایپ کے ڈیزائن میں تبدیلی کا فیصلہ کرتے ہوئے Tabs کو کم  کرنے کا اعلان کیا تھا، اس اقدام کا مقصدر صارفین کے لیے اسے مزید آسانیاں پیدا کرنا تھا۔

مزید پڑھیں: فیس بک میسنجر میں تبدیلی، آزمائشی فیچرکا تجربہ

ٹیکنالوجی پر نظر رکھنی والی ویب سائٹ نے دعویٰ کیا تھا کمپنی میسنجر ایپ میں 9 کے بجائے تین ٹیبز مہیا کرنے کا ارادہ رکھتی ہے، جن میں سیکیورٹی فلٹر آپشن دیا گیا ہے، یعنی صارف جن لوگوں سے چیٹ کرنا چاہیے گا اپنی مرضی سے کرے گا بقیہ دیگر اُسے پیغام ارسال نہیں کرسکیں گے۔

سروس میں فیس بک کے دوستوں کے دوست، جن دوستوں نے موبائل نمبر سے فیس بک آئی ڈی بنائی ہے، جو لوگ آپ کو انسٹاگرام پر فالو کرتے ہیں یا دیگر صارفین سب کو پیغام بھیجنے کے لیے اجازت کی ضرورت ہے۔

گزشتہ برس فیس بک کے نائب صدر اسٹان نے تبدیلی کا عندیہ دیتے ہوئے کہا تھا کہ ’کئی برسوں میں ہماری ٹیم نے میسنجر کے حوالے سے کافی مہارت حاصل کرلی، ایپ میں تبدیلیاں آسان نہیں تھیں البتہ ہمارے لیے اب سب کچھ ممکن ہے‘۔

یہ بھی پڑھیں: فیس بک میسنجر ایپ میں بڑی تبدیلیوں کا فیصلہ

اسی سے متعلق: فیس بک میسج واپس لینے کا فیچر متعارف

یاد رہے کہ فیس بک نے صارفین کی شکایات کو مدنظر رکھتے ہوئے مسینجر سے بھیجے جانے والے پیغام کو واپس لینے کے فیچر پر بھی کام شروع کیا ہوا ہے۔

روم: اٹلی کی حکومت نے سماجی رابطے کی ویب سائٹ فیس بک پر 11 لاکھ تیس ہزار روپے کا جرمانہ عائد کردیا۔

غیر ملکی خبررساں ادارے کی رپورٹ کے مطابق اٹلی کے سرکاری ادارے نے شہریوں کا ڈیٹا دوسری کمپنیوں کو فروخت کرنے اور اُس کی حفاظت نہ کرنے پر کمپنی کو جرمانے کی سزا سنائی۔

جمعے کے روز حکام کی جانب سے اعلامیہ جاری کیا گیا جس میں اُن کا کہنا تھا کہ فیس بک نے صارفین کے ساتھ آئی  ڈی بنانے کے دوران دھوکا کیا اور بغیر اجازت اُن کی تفصیلات کمرشل معاملات کے لیے استعمال کی۔

مزید پڑھیں: فیس بک صارفین کو سالوں پرانے پیغامات دوبارہ موصول ہونے کی شکایت

اعلامیے میں کہا گیا ہے کہ کمپنی نے دھوکا دہی کے ذریعے صارفین کا ڈیٹا دوسری کمپنیوں کو فروخت کیا جبکہ فیس بک نے سوشل میڈیا استعمال کرنے والوں کو یقین دہانی کروائی تھی کہ اُن کا ڈیٹا کسی غلط کام کے لیے استعمال نہیں کیا جائے گا۔

فیس بک کو یہ بھی تنبیہ کی گئی ہے کہ وہ فوری طور پر متعلقہ ادارے کو آگاہ کرے کن کمپنیوں کو صارفین کا ڈیٹا فراہم کیا گیا ہے۔

دوسری جانب فیس بک کے نمائندے نے کمپنی کے اوپر عائد ہونے والے جرمانے اور الزام کو مسترد کردیا۔

یہ بھی پڑھیں: فیس بک نے ایک ارب پانچ کروڑ اکاؤنٹس بلاک کردیے

یاد رہے کہ فیس بک کو ڈیٹا بریج کے حوالے سے گزشتہ کئی ماہ سے مشکلات کا سامنا کرنا پڑ رہا ہے، امریکا کے علاوہ برطانوی حکومت نے بھی کمپنی کو نوٹس جاری کیا تھا جس کے بعد فیس بک نے اپنی صفائی دی تھی۔

سان فرانسسکو: سماجی رابطے کی سب سے بڑی ویب سائٹ فیس بک کے ترجمان نے تصدیق کی ہے کہ فیچر اپ ڈیٹ کے دوران سسٹم میں ایک خرابی پیدا ہوگئی جس کے بعد صارفین کو پرانے ان باکس پیغامات دوبارہ موصول ہونے شروع ہوگئے تھے البتہ اب اس مسئلے کو حل کردیا گیا ہے۔

تفصیلات کے مطابق فیس بک کے صارفین نے شکایت کی کہ انہیں ان باکس پر سالوں پرانے میسج دوبارہ موصول ہونے شروع ہوگئے جو  Unread کے طور پر ظاہر ہو رہے ہیں۔

فیس بک کے ترجمان نے تصدیق کی کہ ’کچھ صارفین کو پرانے پیغامات ملنے شروع ہوئے جس سے ہم پوری طرح آگاہ ہیں اور مسئلے کو حل کرنے کی کوشش کررہے ہیں‘۔

مزید پڑھیں: فیس بک کا نیا فیچر، جو صارفین کو وقت کا احساس دلائے گا

انہوں نے صارفین سے نئی مشکل پیش آنے پر معذرت کرتے ہوئے کہا کہ ’میسنجر کے نئے فیچر کی آزمائش کے دوران ایک غلط کوڈ ڈالنے کی وجہ سے یہ مسئلہ پیش آیا‘۔ اُن کا کہنا تھا کہ دراصل یہ مسئلہ الگورتھم کی وجہ سے پیش آیا جس میں خوشی یا غم کی پوسٹوں میں فرق کرنے کا طریقہ درج نہیں تھا۔

دوسری جانب فیس بک کی جانب سے جاری ہونے والے تازہ اعلامیے کے مطابق کمپنی نے سافٹ ویئر کی اپ ڈیٹ کے دوران پیش آنے والے مسئلے پر قابو پالیا۔

فیس بک کے ترجمان نے پرانے پیغامات موصول ہونے والے صارفین سے معذرت کرتے ہوئے کہا ہے کہ ’ہم اس مشکل گھڑی میں آپ سے معافی کے طلب گار ہیں، آئندہ ہماری کوشش ہوگی کہ اس قسم کی صورتحال کا سامنا نہ کرنا پڑے’۔

یہ بھی پڑھیں: فیس بک نے ایک ارب پانچ کروڑ اکاؤنٹس بلاک کردیے

ٹیکنالوجی کی مشہور ویب سائٹ سے بات کرتے ہوئے ایک امریکی شہری کا کہنا تھا کہ اُسے تین سال پہلے مرنے والے ایک دوست کا پرانا پیغام موصول ہوا جس میں اُس نے پوچھا خیریت دریافت کی تھی۔ صارف کا کہنا ہے کہ وہ اس پیغام کو دیکھ کر پریشان ہوگیا تھا  آخر  ان باکس پر پیغام کس طرح اور کیوں آیا؟۔

نوجوان صارف کا کہنا تھا کہ ’جب میں نے رابرٹ (دوست) کے اہل خانہ سے فون کر کے اکاؤنٹ استعمال کرنے کا پوچھا تو انہوں نے صارف انکار کردیا پھر میں نے اپنے والدین کو اس صورتحال سے آگاہ کیا تو وہ بھی خوف زدہ ہوگئے تھے‘۔

سان فرانسسکو: سماجی رابطے کی سب سے بڑی ویب سائٹ فیس بک کا سسٹم اچانک کریش ہوگیا جس کے باعث دنیا بھر کے صارفین کو مشکلات کا سامنا ہے۔

غیر ملکی خبررساں ادارے کی رپورٹ کے مطابق ہیکرز  نے بیک وقت فیس بک اور انسٹاگرام کے سسٹم میں داخل ہونے کی کوشش کی جس کے بعد لاکھوں صارفین سروس سے محروم ہوگئے۔

امریکا، برطانیہ، یورپ، آسٹریلیا، جنوبی امریکا، پاکستان، بھارت سمیت دیگر ممالک میں سوشل میڈیا استعمال کرنے والے صارفین اکاؤنٹس تک رسائی حاصل نہیں کر پارہے۔

مزید پڑھیں: فیس بک کا سسٹم کریش، صارفین کو مشکلات کا سامنا

امریکی نشریاتی ادارے کی رپورٹ میں دعویٰ کیا گیا ہے کہ گزشتہ روز بھی فیس بک کی ویب سائٹ، ایپ اور میسنجر تک ہیکرز نے رسائی حاصل کرنے کی کوشش کی تھی جس کے بعد سروس متاثر ہوئی تھی۔

انسٹا گرام استعمال کرنے والے صارفین ویب کے ذریعے اکاؤنٹس تک رسائی حاصل ہورہی ہے جبکہ موبائل ایپلیکیشن بالکل بھی کام نہیں کررہی۔

فیس بک کے ترجمان نے تصدیق کرتے ہوئے کہا کہ سسٹم کریش ہونے کی وجہ سے انٹرنیٹ براؤزر اور موبائل ایپ پر صارفین کو مشکلات کا سامنا ہے، کمپنی نے تکنیکی ماہرین کی خدمات حاصل کرلی ہیں جو خرابی کو دور کرنے پر کام کررہے ہیں۔

فیس بک ترجمان نے امید ظاہر کی کہ جلد خرابی کو دور کردیا جائے گا جس کے بعد دنیا بھر میں بسنے والے تمام ہی لوگ آئی ڈیز تک رسائی حاصل کرسکیں گے۔

علاوہ ازیں انسٹاگرام نے اس حوالے سے کسی بھی قسم کا تبصرہ کرنے سے گریز کیا۔