Tag: فیس بک

بلاول بھٹو نے فیس بک استعمال کرنے والے نوجوانوں کو خوشخبری سنا دی

اسلام آباد / سنگاپور: وزیر خارجہ بلاول بھٹو نے فیس بک پر مواد تخلیق کرنے والوں کو بڑی خوشخبری سنا دی، انہوں نے سنگاپور میں میٹا کے ایشیا پیسفک ہیڈ کوارٹر کا دورہ کیا ہے۔

تفصیلات کے مطابق وزیر خارجہ بلاول بھٹو نے سنگا پور میں میٹا کے ایشیا پیسفک ہیڈ کوارٹر سے سماجی رابطے کی ویب سائٹ ٹویٹر پر ایک ویڈیو پوسٹ کی۔

ویڈیو میں بلاول نے کہا کہ میں میٹا کا دورہ کرنے پر بہت خوش ہوں اور میٹا کی ٹیم کا شکر گزار ہوں جو میری میزبانی کر رہے ہیں۔

انہوں نے کہا کہ میٹا نے پاکستانیوں کے لیے بھی اسٹار مونیٹائزیشن کا فیچر شروع کردیا ہے جس کے بعد فیس بک پر مواد تخلیق کرنے والے افراد پیسہ کما سکیں گے۔

وزیر خارجہ کا کہنا تھا کہ میں میٹا کا شکر گزار ہوں جو پاکستان میں سرمایہ کاری کر رہا ہے اور پاکستانیوں کو مواقع فراہم کر رہا ہے، میٹا نوجوانوں کی تعلیم اور خواتین کے آن لائن کاروبار کے فروغ میں مدد دے رہا ہے۔

انہوں نے مزید کہا کہ میٹا پہلے بھی کووڈ 19 اور سیلاب کے مواقعوں پر پاکستان کے ساتھ کام کرتا رہا ہے اور امید ہے کہ یہ اشتراک جاری رہے گا۔

With this new feature now live in 🇵🇰 creators can monetize their Facebook content. The more stars they get the more money they will earn. Hoping the youth of Pakistan in particular will get more productive use out of their social media. https://t.co/RzewgYv8yQ https://t.co/UX20W0MmQH pic.twitter.com/7KmrJt5UWe

— BilawalBhuttoZardari (@BBhuttoZardari) December 10, 2022

دسمبر 10, 2022
فیس بک پر لنک کلک کرتے ہی سوا لاکھ روپے اُڑ گئے

نئی دہلی: اگر آپ بھی سوچے سمجھے بغیر کسی بھی لنک کو کھول لیتے ہیں تو اب ہوشیار رہیں کہی ایک کلک سے آپ کی جمع پونجی ہی نہ چلی جائے۔

بھارت کے دارالحکومت دہلی کے شاہدرا ضلع کے کرشنا نگر علاقے میں ایک شخص کو فیس بک اکاونٹ کے ایک لنک پر کلک کرنا کافی مہنگا پڑ گیا۔

اوتار شرما ایک پرائیوٹ نوکری کرتا ہے، جس کا کہنا تھا کہ وہ اپنے فون پر فیس بک ایپ کا استعمال کررہا تھا، اس دوران اس سے ایک لنک کلک ہوگیا۔

اوتار شرما کا کہنا تھا کہ کلک کرتے ہی میرے اکاونٹ سے ایک ہی وقت میں سوا لاکھ روپے غائب ہوگئے، اور فوراً بعد موبائل پر ان روپیوں کے ٹرانزکشن کا میسیج آیا۔

متاثرہ نوجوان کا کہنا تھا کہ میں نے فوری بینک میں رابطہ کر کے اکاونٹ کو بند کروایا اور بعد میں اس معاملے کی اطلاع پولیس کو دی گئی۔

متاثرہ نوجوان نے بینک اکاونٹ کو بند کروانے کے بعد اس بارے میں مقامی پولیس کو اطلاع دی، مقامی پولیس نے متاثر نوجوان کو سائبر تھانے بھیج دیا۔ پولیس نے ان کی شکایت پر کیس درج کر کے چھان بین شروع کردی ہے۔

سائبر تھانے کی پولیس کا کہنا ہے کہ پولیس ٹیکنیکل سرویلنس کی مدد سے ملزم تک پہچنے کی کوشش کررہی ہے۔

نومبر 15, 2022
ٹوئٹر کے بعد میٹا سے بھی بری خبر

ٹیکنالوجی کمپنی میٹا (سابقہ فیس بک) کی جانب سے بھی ملازمین کے لیے بری خبر آ گئی۔

وال اسٹریٹ جرنل کی ایک رپورٹ کے مطابق ٹوئٹر سے بڑے پیمانے پر ملازمین کی برطرفی کے بعد، اب مارک زکربرگ کی کمپنی میٹا نے بھی ملازمین کو نکالنے کا منصوبہ بنا لیا ہے۔

سوشل میڈیا کمپنی میں برطرفی کا عمل بدھ سے شروع ہوگا، جس کی وجہ سے ہزاروں ملازمین اپنی ملازمتوں سے محروم ہو سکتے ہیں، کمپنی کی 18 سالہ تاریخ میں پہلی بار اس طرح کی وسیع پیمانے کی برطرفیاں کی جا رہی ہیں۔

رپورٹ کے مطابق ستمبر تک فیس بک اور انسٹاگرام کی بنیادی کمپنی میٹا کے ملازمین کی تعداد 87 ہزار سے زائد تھی، میٹا سرمایہ کاروں نے کمپنی سے اپیل کی ہے کہ وہ اپنی افرادی قوت میں کم از کم 20 فی صد کمی کرے۔

جون میں میٹا کے چیف پروڈکٹ آفیسر کرس کاکس نے ملازمین کو خبردار کیا تھا کہ وہ معاشی بحران میں زیادہ مؤثر طریقے سے کام کریں، جب کہ پچھلے مہینے کمپنی کے سربراہ زکربرگ نے کہا تھا کہ 2023 میں وہ سرمایہ کاری کو مخصوص شعبوں تک محدود کر دیں گے۔

انھوں نے خبردار کر دیا تھا کہ 2023 میں کمپنی پہلے کی نسبت تقریباً وہی یا اس سے کم ہو جائے گی۔

تشویش ناک امر یہ ہے کہ میٹا کی آمدنی نے ایک اور سہ ماہی میں 4 فی صد کمی ظاہر کر دی ہے، اور سرمایہ کاروں نے کمپنی سے اپنی رقم نکالنا شروع کر دی ہے۔

نومبر 7, 2022
مارک زکر برگ کی 10 ارب ڈالر کی سلیفی، انٹرنیٹ صارفین اس پر میمز کیوں بنانے لگے؟

امریکی ٹیکنالوجی کمپنی میٹا (فیس بک) کے بانی مارک زکر برگ نے گرافکس سے تیار کردہ اپنی سیلفی پوسٹ کی جو انٹرنیٹ پر مذاق کا نشانہ بن گئی، لوگوں نے کہا کہ 10 ارب ڈالرز خرچ کیے جانے کے بعد ایسی سیلفی مذاق لگتی ہے۔

میٹا (فیس بک) نے حال ہی میں ہورائزن ورلڈز نامی گیم کو میٹاورس پلیٹ فارم سے مزید 2 ممالک میں متعارف کروایا ہے، برطانیہ، امریکا اور کینیڈا کے بعد فرانس اور اسپین میں اس گیم کو متعارف کرانے کا اعلان مارک زکر برگ نے اپنی ایک ڈیجیٹل اوتار کی سیلفی پوسٹ کرتے ہوئے کیا۔

یہ سیلفی سوشل میڈیا پر بہت زیادہ وائرل ہوئی اور میٹا کے نئے پلیٹ فارم کی بجائے بیشتر افراد کمپنی کے سی ای او مارک زکر برگ کی میٹاورس سیلفی پر بات کرتے رہے۔

اس سیلفی میں مارک زکربرگ کا ڈیجیٹل اوتار پیرس کے ایفل ٹاور کے سامنے کھڑا ہے۔

مگر سوشل میڈیا صارفین نے اس تصویر کا مذاق اڑاتے ہوئے کہا کہ ایک کمپنی جس نے میٹا ورس کے لیے اپنا نام میٹا رکھ دیا، یہ تصویر مذاق لگتی ہے۔

کچھ افراد نے کہا کہ مارک زکر برگ کی سیلفی مستقبل کے میٹا ورس کی تشکیل میں میٹا کی ناکامی کی علامت ہے حالانکہ گزشتہ سال کمپنی نے اس مقصد کے لیے 10 ارب ڈالرز خرچ کیے۔

بیشتر افراد نے اس ڈیزائن کا موازنہ 1990 کی دہائی کے گرافکس سے کرتے ہوئے کہا کہ سیلفی میں مارک زکر برگ کا انداز بچگانہ ہے۔

شاید مارک زکر برگ نے بھی اس تنقید اور میمز کو دیکھ لیا تھا اور اسی وجہ سے اہم اپ ڈیٹس بشمول نئے اوتار گرافکس کو جلد متعارف کروانے کا اعلان کیا، فیس بک اور انسٹاگرام پر مارک زکر برگ نے زیادہ بہتر اواتار کی تصویر بھی پوسٹ کی۔

انہوں نے پوسٹ میں لکھا کہ میں جانتا ہوں کہ حال ہی میں جو تصویر میں نے پوسٹ کی وہ بہت سادہ تھی، وہ ایک لانچ کے لیے جلد بازی میں لی گئی تھی۔

انہوں نے کہا کہ ہورائزن ورلڈ کے گرافکس بہت کچھ کرنے کی قابلیت رکھتے ہیں اور ان کو بہت تیزی سے بہتر کیا جائے گا۔

اگست 22, 2022
فیس بک میسینجر کے حوالے سے اہم خبر

دوستوں اور رشتہ داروں سے چَیٹنگ کے لیے فیس بک میسینجر استعمال کرنے والے صارفین کے لیے خوش خبری ہے کہ میسینجر پر اب پرائیویسی کے متعدد فیچرز کی آزمائش شروع کر دی گئی ہے۔

اے آروائی نیوز براہِ راست دیکھیں live.arynews.tv پر

دراصل میسینجر استعمال کرنے والے صارفین ہمیشہ سے اس بات پر اعتماد کرنے کے متمنی تھے کہ دوستوں اور رشتہ داروں کے ساتھ ان کی آن لائن گفتگو نجی اور محفوظ رہے۔

اب دنیا کی سب سے بڑی سوشل میڈیا فیس بک کے میسینجر پر ایپلی کیشن کے پیغامات کو زیادہ محفوظ بنانے کے لیے ’اینڈ ٹو اینڈ‘ فیچرز کی آزمائش شروع کی جا رہی ہے۔

میسینجر کی جانب سے ایک بلاگ پوسٹ میں بتایا گیا ہے کہ ’اینڈ ٹو اینڈ‘ فیچرز کے تحت صارفین کے درمیان ہونے والے پیغامات کو مذکورہ افراد کے علاوہ فیس بک یا کوئی تیسری پارٹی بھی نہیں دیکھ سکے گی، نہ ہی وہ ان تک کوئی رسائی کر سکیں گے۔

صارفین جلد ہی اپنے پیغامات اور چیٹ ہسٹری کو ’اینڈ ٹو اینڈ‘ کر سکیں گے، میسینجر چیٹ میں ایسا فیچر بھی متعارف کرایا جائے گا کہ صارفین چاہیں تو کسی چیٹ کو طویل عرصے تک محفوظ رکھ سکیں اور اسی چیٹ کو موبائل یا کمپیوٹر ضائع ہونے پر واپس حاصل کر سکیں۔

اس فیچر کے استعمال کے لیے کمپنی صارفین کو ’اینڈ ٹو اینڈ‘ چیٹ ہسٹری محفوظ رکھنے کے لیے پاس ورڈ یا پن بنانے کے آپشن فراہم کرے گی۔

مذکورہ پرائیویسی فیچرز کے تحت کالز کو بھی ’اینڈ ٹو اینڈ‘ بنایا جا رہا ہے، یعنی میسنجر پر کی جانے والی کالز تک بھی کسی تیسری پارٹی کو رسائی نہیں ہوگی۔

اگست 15, 2022
فیس بک پر ہیک اکاؤنٹ کیسے بحال کریں؟

سوشل میڈیا صارفین کو اکاؤنٹ ہیک ہونے کی شکایت کا سامنا ہوتا رہتا ہے، اگر آپ فیس بک استعمال کرتے ہیں تو آپ کو بھی اس مسئلے کا سامنا کرنا پڑ سکتا ہے، اس لیے یہ جاننا مفید ہے کہ فیس بک پر ہیک اکاؤنٹ کیسے بحال کریں؟

سب سے پہلے تو یہ کریں کہ جب آپ کو معلوم ہو کہ آپ کا فیس بک اکاؤنٹ ہیک ہو چکا ہے تو پریشان نہ ہوں، یقیناً ہیکر آپ کی نجی تصاویر اور معلومات تک رسائی کر سکتا ہے، تاہم اسے فوراً روکنا ممکن ہے۔

ہیکرز عام طور سے آپ کے پاس ورڈ کا اندازہ لگا کر اکاؤنٹ ہیک کرتا ہے، یا پھر ہیکنگ کے دیگر پینترے استعمال کر کے وہ آپ کے اکاؤنٹ میں گھس جاتا ہے۔

اس لیے جب آپ کا اکاؤنٹ ہیک ہو جائے تو سب سے پہلا کام یہ کریں کہ پاس ورڈ تبدیل کر دیں۔

اس کے بعد آپ ’پاس ورڈ اور سیکیورٹی‘ والے آپشن پر جائیں، وہاں سے آپ یہ معلوم کر سکتے ہیں کہ آپ کا اکاؤنٹ کہاں کہاں لاگ اِن ہے۔

اگر آپ کو کوئی ایسا سسٹم نظر آتا ہے جو آپ کا نہیں ہے، لیکن وہاں آپ کا اکاؤنٹ لاگ اِن ہے، تو فوری طور پر اس سسٹم سے اپنا اکاؤنٹ ہٹا دیں۔

اس کے بعد Suspicious لاگ اِن پر کلک کریں، اور Secure اکاؤنٹ منتخب کریں، اور اکاؤنٹ کو محفوظ بنانے کے لیے فیس بک کی ہدایات پر عمل کریں۔

آپ سپورٹ پیج کے ذریعے فیس بک سے بھی رابطہ کر سکتے ہیں، پاس ورڈ اور سیکیورٹی والے آپشن پر جائیں۔ ’Get Help‘ پر کلک کریں، اور پھر رپورٹ کریں کہ آپ کا اکاؤنٹ ہیک ہو گیا ہے۔

ہیکر نے اگر آپ کو آپ ہی کے اکاؤنٹ سے لاگ آؤٹ کر دیا ہے، تو فوری طور پر Facebook.com/ hacked پر جائیں، وہاں آپ سے فون نمبر درج کرنے کو کہا جائے گا، جو آپ کے فیس بک اکاؤنٹ سے منسلک ہے، اس کے بعد فیس بک کی ہدایات کی مدد سے آپ اپنا اکاؤنٹ دوبارہ حاصل کر لیں گے۔

جولائی 4, 2022
فیس بک نے صارفین کے لیے آمدنی کے نئے منصوبے کا اعلان کردیا

امریکی ٹیکنالوجی کمپنی میٹا یعنی فیس بک کے بانی مارک زکر برگ نے دنیا کی سب سے بڑی سوشل ویب سائٹ اور انسٹاگرام پر اب تک ویڈیوز کے ذریعے پیسے کمانے کے سب سے بڑے منصوبے کا اعلان کردیا۔

مارک زکربرگ نے اپنی فیس بک پوسٹ میں بتایا کہ وہ انسٹاگرام اور فیس بک پر کانٹینٹ کریئٹرز کو پیسے کمانے کے زیادہ سے زیادہ مواقع فراہم کرنے سمیت مونیٹائزیشن کے نئے ضوابط پر کام کر رہے ہیں۔

انہوں نے اپنی پوسٹ میں بتایا کہ ان کی کمپنی تخلیق کاروں کے لیے پیسے کمانے کے نئے مواقع پیدا کرنے کے منصوبوں پر کام کر رہی ہے اور جلد ہی ایسے فیچرز متعارف کروائے جائیں گے، جس سے لوگ پیسے کمانا شروع کریں گے۔

انہوں نے بتایا کہ جلد ہی انسٹاگرام صارفین کو اپنی ریلز یعنی مختصر ویڈیوز کو فیس بک پر بھی شیئر کرنے کی اجازت دی جائے گی جبکہ انہیں فیس بک اور انسٹاگرام پر بیک وقت مونیٹائزیشن کی اجازت بھی دی جائے گی۔

ان کے مطابق ریلز کے ذریعے پیسے کمانے کے منصوبے کا آغاز فوری طور پر امریکا سے شروع کیا جا رہا ہے اور وہاں کے صارفین جن کی مختصر ویڈیوز کو ایک لاکھ بار دیکھا جا چکا ہے اور جنہوں نے صرف کچھ ہی ویڈیوز بنائی ہیں، وہ بھی مونیٹائیزیشن کے لیے درخواست دے سکتے ہیں۔

علاوہ ازیں انہوں نے متعدد دیگر منصوبوں کا بھی اعلان کیا، جس سے کانٹینٹ کریئٹرز مستقبل میں پیسے کما سکیں گے۔

فیس بک اسٹارز: مذکورہ منصوبے کے تحت فیس بک پر کانٹنیٹ کریئٹرز کو ریلز کے علاوہ لائیو اور ویڈیو آن ڈیمانڈ (وی او ڈی) پر بھی پیسے دینا شروع کیے جائیں گے۔

کریئٹر مارکیٹ پلیس: اس فیچر کے تحت فیس بک میں ایک نیا فیچر متعارف کروایا جائے گا، جس میں کاروباری ادارے اور کانٹینٹ کریئٹرز ایک دوسرے سے شراکت داری یعنی پیسوں کے عوض پروموشنل ویڈیوز کے حوالے سے معاملات طے کر سکیں گے۔

اس فیچر کے تحت انسٹا گرام کاروباری حضرات کو مشہور کانٹنیٹ کریئٹرز کی خدمات پیش کرے گا جب کہ کانٹینٹ کریئٹرز کو اداروں کی تجاویز دی جائیں گی۔

جون 22, 2022
فیس بک کی اہم عہدیدار 14 سال بعد کمپنی سے علیحدہ

میٹا کی چیف آپریٹنگ آفیسر (سی او او) شیرل سینڈ برگ نے 14 سال بعد کمپنی کو چھوڑنے کا اعلان کیا ہے، یہ اعلان انہوں نے اپنے فیس بک صفحے پر ایک پوسٹ میں کیا ہے۔

شیرل نے بتایا کہ وہ سنہ 2022 کے موسم خزاں میں سی او او کے عہدے کو چھوڑ دیں گی مگر بورڈ آف ڈائریکٹرز کا حصہ رہیں گی۔

میٹا سے شیرل سینڈ برگ کی علیحدگی اس وقت ہو رہی ہے جب اس کمپنی کو پرائیوسی اور گمراہ کن تفصیلات کے پھیلاؤ کے حوالے سے متعدد تنازعات کا سامنا ہے۔

14 سال تک کمپنی کا حصہ رہنے والی شیرل سینڈ برگ کو بھی بطور سی او او تنقید کا سامنا رہا۔

شیرل نے فیس بک پوسٹ میں کہا کہ ہم نے جو پراڈکٹس تیار کیں انہوں نے دنیا بھر میں اثرات مرتب کیے، تو یہ ہماری ذمہ داری ہے کہ لوگوں کی پرائیوسی کا تحفظ ہو۔

انہوں نے کہا کہ جب میں نے سنہ 2008 میں یہ کام شروع کیا تو میرا خیال تھا کہ اس عہدے پر 5 سال تک کام کروں گی، اب 14 سال بعد وقت آگیا ہے کہ میں اپنی زندگی کے نئے باب کا آغاز کروں۔

شیرل نے مزید لکھا کہ وہ نہیں جانتیں کہ مستقبل میں ان کے لیے کیا چھپا ہے مگر اب وہ اپنی توجہ فلاحی کاموں پر مرکوز کریں گی۔

میٹا کے سی ای او مارک زکر برگ نے ایک فیس بک پوسٹ میں بتایا کہ شیرل سینڈ برگ کی جگہ کمپنی کے چیف گروتھ آفیسر جویر اولیویان لیں گے، فیس بک کا حصہ بننے سے قبل

جون 3, 2022
فیس بک کا اہم فیچر ختم کرنے کا اعلان

سماجی رابطے کی ویب سائٹ فیس بک نے لوکیشن ہسٹری فیچر ختم کرنے کا اعلان کردیا، فیس بک تاہم صارفین کی لوکیشن پر نظر رکھتا رہے گا۔

ٹیکنالوجی ویب سائٹ دی ورج کے مطابق فیس بک نے حال ہی میں اینڈرائڈ اور آئی او ایس صارفین کو بھیجے گئے ایک نوٹی فکیشن میں واضح کیا تھا کہ ویب سائٹ جلد ہی نیئر بائے فرینڈز، لائیو لوکیشن اور لوکیشن ہسٹری و بیک گراؤنڈ جیسے فیچر کو ختم کردے گا۔

رپوٹ میں بتایا گیا کہ فیس بک کے ترجمان نے ویب سائٹ سے بات کرتے ہوئے تصدیق کی کہ ویب سائٹ لوکیشن ہسٹری سے متعلق تمام فیچرز کو 31 مئی 2022 کو ختم کردے گی۔

ترجمان کے مطابق مذکورہ تاریخ سے قبل اگر کوئی بھی شخص سیٹنگ میں جا کر اپنی تمام لوکیشن ہسٹری ڈاؤن لوڈ کرنا یا اسے ڈیلیٹ کرنا چاہے تو اسے اجازت ہوگی، تاہم مقررہ وقت کے بعد کمپنی خود ہی تمام ہسٹری کو ڈیلیٹ کردے گی۔

ترجمان نے یہ بھی تصدیق کی کہ اگرچہ 31 مئی 2022 کو فیس بک پر ہسٹری فیچرز ختم کردیے جائیں گے، تاہم صارفین یکم اگست 2022 تک ایپ کو ڈیلیٹ کرکے دوبارہ ڈاؤن لوڈ کرکے اس سے ہسٹری ڈاؤن لوڈ کرسکیں گے۔

ترجمان نے یہ بھی وضاحت کی کہ لوکیشن ہسٹری فیچرز کو ختم کرنے کا مقصد یہ نہیں کہ فیس بک صارفین کی لوکیشن پر نظر نہیں رکھے گا۔

کمپنی کے مطابق فیس بک 31 مئی 2022 کے بعد بھی صارفین کی لوکیشن ہسٹری سمیت تمام معلومات دیگر مقاصد کے لیے اپنے پاس محفوظ رکھتا جائے گا، تاہم ان کی لوکیشن ہسٹری کو لائیو نہیں کیا جائے گا اور نہ ہی صارفین مذکورہ فیچر کو فیس بک پر استعمال کر سکیں گے۔

ترجمان کا کہنا تھا کہ فیس بک ہمیشہ سے ہی بہتر کارکردگی کے لیے صارفین کی لوکیشن ہسٹری کو جمع کرتا رہا ہے۔

ساتھ ہی ترجمان نے امید کا اظہار کیا کہ فیس بک پر لوکیشن ہسٹری کے فیچرز ختم کیے جانے سے صارفین کو مشکلات کا سامنا نہیں کرنا پڑے گا، کیوں کہ مذکورہ فیچرز کی مقبولیت ویسے بھی کم تھی۔

مئی 11, 2022
فیس بک ہسٹری کو خفیہ کیسے رکھا جائے؟

فیس بک پر کی جانے والی سرچ ہسٹری اس کے یوزر تک ہی محدود رہتی ہے، لیکن اگر کسی کے ہاتھ آپ کا موبائل لگ جائے تو وہ اس ہسٹری سے واقف ہو کر اس کا غلط فائدہ اٹھا سکتا ہے، تاہم اسے ڈیلیٹ کرنا بھی بے حد آسان ہے۔

فیس بک کی پرائیوسی سیٹنگز سرچ ہسٹری کو صارف تک ہی محدود رکھتی ہیں تاہم فون گم ہو جانے یا دیگر ایسی ہی کسی صورت میں یہ ہسٹری لوگوں کے ہاتھ لگ سکتی ہے اور وہ فیس بک پر آپ کی مواد دیکھنے کی عادات کے متعلق جان سکتے ہیں۔

تاہم اب آپ جب چاہیں فیس بک کی طرف سے محفوظ کی گئی سرچ ہسٹری کو ڈیلیٹ کر سکتے ہیں۔

اگر آپ اپنی فیس بک سرچ ہسٹری ڈیلیٹ کرنا چاہتے ہیں تو ویب سائٹ ورژن میں سب سے پہلے فیس بک سرچ بار پر کلک کریں۔

آپ کی حالیہ سرچز کی فہرست آپ کے سامنے آجائے گی، یہاں سب سے اوپر دائیں جانب ایڈٹ کا آپشن موجود ہوگا، اس پر کلک کرنے سے آپ کی مکمل سرچ ہسٹری اوپن ہو جائے گی۔

یہاں سے آپ ہسٹری کو ایک ایک کر کے یا سب کچھ ایک ہی کلک کے ساتھ ڈیلیٹ کر سکتے ہیں۔

اینڈرائیڈ فون میں سرچ ہسٹری ڈیلیٹ کرنے کے لیے فیس بک ایپلی کیشن کھول کر اوپر کی طرف سرچ آئیکن پر کلک کریں۔

یہاں بھی حالیہ سرچز کے ساتھ آپ کو ایڈٹ کا آپشن نظر آئے گا، اس پر کلک کرنے سے آپ کی ایکٹوٹی لاگ کھل جائے گی، یہاں کلیئر سرچز پر کلک کر کے انہیں ایک ہی بار میں ڈیلیٹ کیا جاسکتا ہے۔

مئی 9, 2022