Tag: فیشن شو

فیشن شو میں‌ آوارہ کتے کی اچانک آمد، شائقین بالی ووڈ اداکار کو بھی بھول گئے۔۔۔ ویڈیو دیکھیں

ممبئی: بھارت میں منعقد ہونے والے فیشن شو میں کتے کی اچانک آمد نے لوگوں کی توجہ اپنی جانب مبذول کروالی۔

بھارتی خبررساں ادارے کی رپورٹ کے مطابق ممبئی میں منعقد ہونے والے فیشن شو میں اچانک آوارہ کتے کی ڈرامائی آمد ہوئی جس کے بعد وہاں بیٹھے شرکا نے ماڈلز کے بجائے اُسے ہی دیکھنا شروع کردیا۔

رپورٹ کے مطابق روہت بال کے فیشن شو میں بالی ووڈ کے نامور اداکار سدھارتھ ملہوترا اور نامور ماڈل ڈیانا پینٹی نے بھی ریمپ پر جلوے بکھیرے، فیشن شو کا آغاز ہوا ہی تھا کہ کتا اسٹیج پر پہنچ گیا۔

ویڈیو میں دیکھا جاسکتا ہے کہ کتا اسٹیج پر کھڑی ماڈلز کے ارد گرد گرد گھومتا رہا اور اُس نے کسی کو نقصان نہیں پہنچایا البتہ وہ کھانے کے لیے کچھ تلاش کررہا تھا۔

یہ ویڈیو بھی دیکھیں: ماڈل کی ریمپ پر واک کے وقت بلی کی آمد، ویڈیو وائرل

ریمپ پر اچانک آوارہ کتے کی آمد پر ماڈلز نہ صرف حیران ہوئیں بلکہ وہ سہم بھی گئیں تھیں، ویڈیو میں دیکھا جاسکتا ہے کہ ماڈلز کا ایک گروپ مرکزی اسٹیج پر پہنچا تو کتا آگیا اور جب وہ واک ختم کر کے دوبارہ اسٹیج پر پہنچے تب بھی وہ نہیں بھاگا۔

https://www.facebook.com/NewsVideoz/videos/1037354516466360/

کتے نے ایک ماڈل کو پکڑنے کی بھی کوشش کی جس پر منتظمین نے اُسے پیچھے ہٹایا مگر وہ ماڈل کے پیچھے چلتابنا۔

سوشل میڈیا پر ویڈیو وائرل ہوئی تو صارفین نے ماڈلز کی ہمت کا سراہا اور خوشگوار حیرت کا بھی اظہار کیا۔

جنوری 17, 2019
خوشبوؤں کے شہر پیرس میں چاکلیٹ فیشن شو

پیرس: خوشبوؤں کے شہر پیرس میں چاکلیٹ فیشن شو ہوا، خوبرو ماڈلز نے چاکلیٹ سے بنے ملبوسات زیب تن کیے اورریمپ پر جلوے بکھیرے۔

خوشبوؤں کے شہر پیرس میں ہر جگہ چاکلیٹ ہی چاکلیٹ چھا گئی، فیشن شو میں چاکلیٹ سے بنے ملبوسات پہنی ماڈلز ریمپ پر آئیں تو سب دیکھتے رہ گئے، رنگارنگ ایونٹ پر چاکلیٹ سے بنا ایفل ٹاور توجہ کا مرکز رہا۔

فیشن شو میں ڈیزائنر نے منفرد انداز اپنایا اور چاکلیٹ سے تیار کردہ ملبوسات متعارف کروائے، چاکلیٹ کے ملبوسات زیب تن کئے ماڈلز کی ریمپ پر کیٹ واک سے شرکا بھرپور انداز میں محظوظ ہوئے، رنگ برنگی چاکلیٹس والے خوبصورت ملبوسات میں ماڈلز نے حاضرین سے خوب داد سمیٹی۔

پیرس میں جاری چاکلیٹ فیشن شو شائقین کو صرف دکھانے کیلئے نہیں بلکہ چاکلیٹ کھانے کا بھی موقع دیا گیا، دنیا بھر سے آئی کمپنیاں چاکلیٹ سے بنی اشیاء پیش کر رہے ہیں اور چاکلیٹ کے دیوانے خریداری میں مصروف ہیں۔

لوگوں کی بڑی تعداد ان چیزوں سے لطف اٹھانے کے ساتھ ان مناظر کو اپنے کیمروں میں محفوظ کرنے میں مصروف ہیں۔

[row][double_paragraph]Left Side Content [/double_paragraph][double_paragraph] Right Side Content [/double_paragraph] [/row]

چاکلیٹ فیشن شو ہر سال دنیا بھر کے مختلف مما لک میں منایا جاتا ہے، جس میں چاکلیٹ سے متعلق ہر قسم کی معلومات ،چاکلیٹ بنانے کے طریقے اور چاکلیٹ پر مختلف قسم ورکشاپس کا انعقاد کیا جاتا ہے۔

اکتوبر 29, 2016
ممبئی: میرا اس وقت شادی کرنے کا کوئی ارادہ نہیں،دپیکا پڈوکون

ممبئی: بالی ووڈ معروف اداکارہ دپیکا پڈوکون کا کہنا ہے کہ نہ تو میری منگنی ہوئی ہے اور نہ ہی میری شادی ہوئی ہے،میرا اس وقت شادی کرنے کا کوئی ارادہ نہیں ہے.

تفصیلات کے مطابق بالی ووڈ اداکارہ دپیکا پڈوکون اور رنویر سنگھ کے بارے میں افواہیں گردش کررہی تھیں کہ دونوں اداکاروں کے اہلخانہ نے ایک دوسرے سے ملاقات کی ہے اور دونوں کی خاموشی کے ساتھ رنویر سنگھ کے گھر میں منگنی بھی ہوچکی ہے،تاہم دپیکا پڈوکون نے ان تمام خبروں کو بے بنیاد قرار دے دیا.

یاد رہے کہ دپیکا پڈوکون نے ہندوستانی ڈیزائنر منیش ملہوترا کے لیے ریمپ پر پاکستانی اداکار فواد خان کے ہمراہ واک کی،اس فیشن شو کے دوران دپیکا عروسی لباس پہنے نظر آئیں.

اس فیشن شو کے بعد دپیکا پڈوکون سے رنویر سنگھ سے منگنی کے متعلق سوال کیا گیا جس پر دپیکا پڈوکون کا کہنا تھا کہ ’اس بات کی وضاحت کا یہ سب سے اچھا موقع ہے،نہ تو میری منگنی ہوئی ہے،نہ ہی میری شادی ہوئی ہے اورمیرا اس وقت شادی کرنے کا کوئی ارادہ نہیں ہے‘.

فیشن شو میں پیش کیے گئے ملبوسات کے حوالے سے اداکارہ کا کہنا تھا کہ ’ہر دلہن اپنی شادی کے روز خوبصورت نظر آنا چاہتی ہے اور جب میں شادی کروں گی تو میں بھی یہی چاہوں گی‘.

یاد رہے کہ رنویر سنگھ اور دپیکا پڈوکون ایک ساتھ دوفلموں میں کام کرچکے ہیں جن میں ’گولیوں کی راس لیلا رام لیلا‘ اور ’باجی راؤ مستانی‘ شامل ہیں۔

واضح رہے کہ دونوں اداکار ایک ساتھ سنجے لیلا بھنسالی کی ایک اور فلم ’پدماوتی‘ میں کام کرتے نظر آئیں گے.

جولائی 21, 2016
کیوبا میں شنیل فیشن کلیکشن

کیوبا میں فیشن کی بہار چھا گئی۔ عالمی شہرت یافتہ برانڈ شنیل کی کلیکشن نے ریمپ پر دھوم مچادی۔

کیوبا میں فیشن کی بہار چھاگئی۔ ہوانا کی اسٹریٹ فیشن ریمپ میں بدل گئی۔

اسٹائلش جیکٹس، کوٹ، رنگ برنگے ٹراؤزر پہنی ماڈلز ریمپ پر آئیں تو حاضرین دیکھتے رہ گئے۔

ریمپ پر خواتین کے ساتھ مرد ماڈلز اور بچوں نے بھی اسٹائلش ملبوسات پہن کر واک کی۔

فیشن شو میں ٹرینڈی بیگز، اسٹائلش ہیٹ، قدیم جیولری اور جوتوں کی شاندار کلیکشن بھی متعارف کروائی گئی۔

شو میں مشہور ہالی وڈ اداکار ون ڈیزل نے بھی شرکت کی۔

مئی 4, 2016
کولمبیا: فیشن شو میں حسیناؤں کے ریمپ پرجلوے

کولمبیا میں سجارنگ رنگ فیشن ویک کا میلہ،خوبرو حسیناؤں نے دیدہ زیب ملبوسات کے ساتھ ریمپ پر اپنے حسن کے جلوے بکھیرے ۔

کولمبیا میں نت نئے پہناوؤں سے سجے فیشن ویک کے رنگ عروج پر پہنچ گئے،ماڈلزنے دیدہ زیب ملبوسات کےساتھ ریمپ پر واک کر کے شاۡئقین کےدل موہ لئے۔ فیشن ویک میں کولمبیا کے ثقافتی رنگ نمایاں رہے۔

فیشن ڈیزائنرز کے نت نئے ڈیزائنوں کو شائقین نے خوب سراہا۔ ماڈلز نے دیدہ زیب رنگوں والے انوکھے ملبوسات کےساتھ ریمپ پر واک کر کے شو کو چار چاند لگا دیئے۔

اکتوبر 18, 2015
لندن :فیشن شو میں مردانہ کلیکشن پیش

لندن میں ہونے والے فیشن شو میں مردانہ کلیکشن پیش کیا گیا، فیشن شو میں نت نئے منفرد انداز دیکھنے کو ملے۔

فیشن کی دنیا میں مرد حضرات بھی کود پڑے ہیں، لندن کی سخت سردی میں بارش کے باوجود نوجوانوں کی بڑی تعداد فیشن شو دیکھنے پہنچی، تین دن تک جاری رہنے والے فیشن ویک میں اول جلول فیشن بھی دیکھنے کو ملا۔

کلر فل پرنٹس پر دلچسپ ڈیزائننگ نے نوجوانوں کو متوجہ کیا تو کہیں ہلکے رنگوں پر منفرد انداز نے داد پائی، فیشن شو میں بارشوں کے موسم اور سردی سے نمٹنے کے لئے بھی خوبصورت ملبوسات دکھائے گئے۔

لندن میں فیشن ویک کے اختتام پر ڈریکولا بھی ریپم پر آئے، ماڈلز کے انوکھے انداز بھی سب کو بھائے۔

جنوری 7, 2014
فیشن شو میں سرینا ولیمز اور وکٹوریہ ازارینکا کی شاندار کیٹ واک

ٹینس کے کھلاڑی فیشن کے میدان میں اتر آئے، ٹینس کی بہترین کھلاڑی سرینا ولیمز اور وکٹوریا نے ریمپ پر کیٹ واک کر کے شائقئین کے دل جیت لئے۔

تھائی لینڈ میں رنگارنگ فیشن شو کا انعقاد ہوا، جسمیں ماڈلز کے ساتھ ٹینس اسٹار سرینا ولیمز اور عالمی نمبر دو وکٹوریا ازارینکا نے ریمپ پر جلوے بکھرے، ڈیزائنر کے تیار کردہ آنے والے سال کیلئے ملبوسات کی نمائش کی گئی۔

سرینا ولیمز اور وکٹوریہ ازارنیکا سب کی توجہ کا مرکز بنی رہیں، جن کے زیب تن کئے ہوئے دیدہ زیب ملبوسات کو شائقین نے بے حد پسند کیا، نئے سال کے نئے کلیکشن کی نمائش اور عالمی ٹینس اسٹارز کی موجودگی نے تو فیشن شو میں چار چاند لگا دیئے۔

دسمبر 28, 2013