راولپنڈی : بےنظیر بھٹو قتل کیس کا فیصلہ جمعرات کو سنائےجانے کا امکان ہے، کیس میں 6 ملزمان کے وکلاء نے حتمی دلائل مکمل کرلئے۔
تفصیلات کے مطابق بے نظیر بھٹو قتل کیس کی سماعت راولپنڈی کی انسداد دہشت گردی عدالت میں ہوئی، اس موقع پر دلائل دیتے ہوئے ملزمان کے وکیل نے کہا کہ بے نظیر بھٹو کو امریکن پالیسی کے خلاف ہونے پر قتل کیا گیا۔
شہید محترمہ کو دو اعلیٰ افسران نے دھمکیوں سے آگاہ بھی کردیا تھا، وکیل کا مزید کہنا تھا کہ سابق صدر پرویزمشرف کو اس وقت ملزم بنایا گیاجب وہ ملک میں ہی نہیں تھے۔
مزید پڑھیں: بھٹو کا جیل سے بے نظیر کو آخری خط، پڑھنے والے رو گئے
انہوں نے کہا کہ منسوب بیانات پرویزمشرف اوران کے حواریوں کے خلاف جاتےہیں، ملزمان سے جو موبائل فون اورتین سمز ملیں ہیں وہ ان کے نام نہیں ہیں۔
مزید پڑھیں: بے نظیر کی واپسی پر سعودیہ نے نواز شریف کی واپسی کیلئے زور دیا، مشرف
بعد ازاں بے نظیربھٹو قتل کیس کی سماعت کل تک ملتوی کردی گئی۔ ملزم اعتزاز شاہ کے وکلاء کل حتمی دلائل دیں گے، ذرائع کے مطابق بے نظیربھٹو قتل کیس کا فیصلہ جمعرات کو سنائےجانے کا امکان ہے۔