ابوظہبی: پاکستان اور نیوزی لینڈ کے درمیان ون ڈے سیریز فیصلہ کن معرکے میں داخل ہوگئی ہے، پانچواں اور آخری میچ آج ابوظہبی میں کھیلا جائیگا۔
پاکستان اور نیوزی لینڈ کی کرکٹ ٹیموں کیلئے ون ڈے سیریز اب دو دو سے برابر ہوگئی ہے، کون جیتے گا اس کا فیصلہ آج ابوظہبی کے شیخ زید کرکٹ اسٹیڈیم میں ہوگا، سیریز کے چوتھے ون ڈے میچ میں یونس خان اور شاہد آفریدی کا دیگر کھلاڑیوں نے ساتھ نہ دیا اور سنسنی خیز مقابلے کے بعد نیوزی لینڈ سات رنز سے کامیاب ہوا۔
آج آخری معرکہ ہے اور صورتحال مختلف ہے، کپتان شاہد آفریدی بھی واضح کرچکے ہیں کہ بیٹنگ کے شعبہ میں بہتری آئی ہے، بولنگ اور فیلڈنگ میں مزید محنت کی ضرورت ہے۔