Tag: فیصل آباد

اسلام آباد : فیصل آباد میں  میڈیکل کی طالبہ پر تشدد کرنے والی  ملزم شیخ دانش علی کی بیٹی اناعلی نے حفاظتی ضمانت کیلئے ہائی کورٹ سے رجوع کرلیا۔

تفصیلات کے مطابق فیصل آباد میں لڑکی پرتشدد کیس میں ملزم شیخ دانش علی کی بیٹی اناعلی نے حفاظتی ضمانت کیلئے اسلام آباد ہائی کورٹ میں درخواست دائرکردی۔

درخواست میں کہا گیا کہ کم عمرہوں پولیس کی جانب سےگرفتاری کاخدشہ ہے ، جائے وقوعہ پر موجود بھی نہیں تھی مگرمقدمےمیں نامزد کیاگیا۔

درخواست میں کہنا تھا کہ بیرونی پریشرپرپولیس مجھےگرفتارکرناچاہتی ہے، تسلیم شدہ اصول ہےجرم ثابت ہونےتک کوئی بھی معصوم ہی تصور ہوگا، متعلقہ عدالت میں پیش ہونا چاہتی ہوں حفاظتی ضمانت دی جائے۔

بعد ازاں اسلام آباد ہائی کورٹ میں شیخ دانش علی کی بیٹی کی حفاظتی ضمانت کی درخواست پر سماعت ہوئی۔

عدالت نے وکیل سے استفسار کیا مقدمہ فیصل آباد میں درج ہواہے ؟ یہ آپ نےزیادتی کی ضمانت کیلئےاسلام آباد آگئے۔

عدالت کا کہنا تھا کہ ایسا کیوں ہوتا ہے جب بھی ایف آئی آر ہوتی ہے وہ اسلام آباد آجاتا ہے، کارڈ پر عارضی اورمستقل پتہ فیصل آباد ہے بس درخواست پر اسلام آباد لکھاہے۔

وکیل درخواست گزار نے بتایا کہ درخواست گزار والدہ کیساتھ اسلام آباد میں رہائش پذیر ہے، جس پر عدالت نے کیاکہ اگر اسلام آباد رہ رہی ہیں تو غلط پتہ کیوں لکھا ہے؟

عدالت نے وکیل پر برہمی کا اظہار کرتے ہوئے کہا آپ ہی لوگ ہیں جو قانون کو ڈاؤن کرنے کی کوشش کرتے ہیں،اللہ کے واسطے کوئی کسی پر الزام نہیں لگاتے، کچھ ہوگا تو الزام ہوگا۔

درخواست گزار نے کہا گھومنے اسلام آباد آئی ہوں تو سوچا کہ چلیں عدالت سے ضمانت بھی کرلیں۔

جس پر عدالت نے پیر تک اسلام آباد میں رہائش کا ثبوت دینے کی ہدایت کرتے ہوئے انا علی کی حفاظتی ضمانت کی درخواست پر سماعت پیر تک ملتوی کردی۔

فیصل آباد : میڈیکل کی طالبہ خدیجہ پر تشدد ثابت ہوگیا، خدیجہ کے جسم کے سات حصوں پرتشدد کیا گیا۔

تفصیلات کے مطابق فیصل آباد میں میڈیکل کی طالبہ پر تشدد اورویڈیو وائرل ہونے کے معاملے پر متاثرہ لڑکی کی میڈیکل رپورٹ سامنے آگئی۔

میڈیکل رپورٹ میں طالبہ کے جسم کے سات حصوں پرتشدد کے نشانات کی تصدیق ہوگئی ہے۔

میڈیکل رپورٹ میں بتایا گیا کہ چہرے اور آنکھوں پر سوزش اورزخم ہیں جبکہ بازو اورہاتھوں پر ناخن کےنشانات ہیں اور زبردستی سر کے بال اور بھنویں کاٹی گئیں۔

دوسری جانب خدیجہ پر تشدد کرنے والی خاتون کو بھی گرفتارکرلیا گیا۔

پولیس نے مرکزی ملزم شیخ دانش کو مقامی عدالت میں پیش کیا، عدالت نےملزم شیخ دانش کی پچاس ہزارکےمچلکے پرضمانت منظور کرتے ہوئے دانش کو اکتیس اگست کو عدالت میں پیش ہونے کا حکم دے دیا۔

ضمانت منظوری کے بعد پولیس ملزم دانش کو فیصل آباد لے گئی۔

اسلام آباد : سابق وزیراعظم عمران خان عوام کے بے مثال جم غفیر پر فیصل آباد کا شکریہ ادا کرتے ہوئے کہا عوام میں جوسیاسی شعورآج ہے ، تاریخ اس کی مثال پیش کرنے سے قاصر ہے۔

تفصیلات کے مطابق سابق وزیراعظم عمران خان نے سماجی رابطے کی ویب سائٹ ٹوئٹر پر اپنے پیغام میں کہا کہ عوام کے بے مثال جم غفیر پر فیصل آباد آپ کا شکریہ، فیصل آباد میں نہایت متحرک اور پرجوش اجتماع تھا، فیصل آباد جلسے کے شرکا سیاسی معاملات سے آگاہ تھے، عوام میں جوسیاسی شعورآج ہے ، تاریخ اس کی مثال پیش کرنے سے قاصر ہے۔

Thank You Faisalabad for an unprecedented crowd at jalsa & on the streets alongside who cldnt get into the jalsahgah. This was a responsive & passionate crowd that was fully aware of the political issues. The political awareness of our ppl I am seeing today is like never before. pic.twitter.com/48ICzVD8GO

— Imran Khan (@ImranKhanPTI) May 16, 2022

گذشتہ روزپاکستان تحریک انصاف کے چیئرمین اور سابق وزیراعظم عمران خان نے فیصل آباد میں جلسے سے خطاب کرتے ہوئے کہا تھا کہ مجھےکچھ ہوا تو پاکستان کے عوام نے مجھے انصاف دلانا ہے ریکارڈڈ ویڈیو میں جن کے نام ہیں عوام نے ان کو ایک ایک کرکے کٹہرے میں لانا ہے۔

عمران خان کا کہنا تھا کہ میں نیا پاکستان بنتے دیکھ رہا ہوں حقیقی آزادی کیلئے میری قوم میرے ساتھ نکل رہی ہے، خوشی ہے صرف نوجوان نہیں بزرگ، خواتین اور بچے بھی نکل رہے ہیں، فیصل آباد! کیا میں جب اسلام آباد کی کال دوں گا تو آپ لوگ تیار ہیں؟، مخالفین کہتے ہیں گرمی بہت ہے لوگ نہیں نکلیں گے۔

فیصل آباد: بھکاری خواتین پر تشدد اور وائرل ویڈیو کیس میں مقامی عدالت سے گرفتار 5 ملزمان کی ضمانتیں منظور ہونے کے بعد انھیں جیل سے رہا کر دیا گیا۔

تفصیلات کے مطابق بھکاری خواتین پر تشدد اور نازیبا ویڈیو وائرل کیس میں ضمانتیں منظور ہونے پر پانچوں گرفتار دکان دار ڈسٹرکٹ جیل سے رہا ہو گئے۔

ملزمان میں صدام، یوسف، فیصل، ظہیر اور فقیر محمد شامل ہیں، آج مقامی عدالت نے ان کی ضمانتیں منظور کر لی تھیں اور مقدمے سے دفعہ 354 اے بھی ختم کر دی ہے۔

قبل ازیں، ملزمان کے وکیل لطیف طاہر نے عدالت میں دلائل پیش کیے، جس کے بعد ایڈیشنل سیشن جج عرفان حیدر نے ضمانتیں منظور کرتے ہوئے مچلکے جمع کرانے کا حکم دے دیا۔

گرفتار دکانداروں نے کہا کہ ہم بے قصور ہیں، سی سی ٹی وی فوٹیج بھی سامنے آ گئی ہے، ان 2 ماہ کے دوران ہم تاجروں کا بہت نقصان ہوا ہے، خواتین تو چوری کرنے آئی تھیں، ہمیں انصاف دیا جائے۔

دکان داروں کا کہنا تھا کہ ان خواتین کے پیچھے بھی کوئی گروہ کام کر رہا ہے، دعا ہے کہ آئندہ کسی تاجر کے ساتھ ایسا نہ ہو۔ واضح رہے کہ ملزمان کے خلاف تھانہ ملت ٹاؤن میں مقدمہ درج ہے۔