ARYNews.tv | Urdu – Har Lamha Bakhabar

Tag: فیصل آباد

  • فیصل آباد: 7 سال کے بچے کی مبینہ فائرنگ سے ماں جاں بحق

    فیصل آباد: 7 سال کے بچے کی مبینہ فائرنگ سے ماں جاں بحق

    فیصل آباد : فیصل آباد میں مبینہ طور پر سات سالہ بیٹے سے پستول چلنے سے ماں جاں بحق ہوگئی ، مقتولہ کی بہن نے بہنوئی پر قتل کرنے کا الزام عائد کیا ، جس کے بعد شوہر کو حراست میں لے کر تفتیش شروع کردی گئی ہے۔

    تفصیلات کے مطابق فیصل آباد کے علاقے لیاقت آباد کے رہائشی رضوان نے تھانہ جھنگ بازار سے پولیس کو اطلاع کی کہ اس کے سات سالہ بیٹے اذان نے گھر میں پڑے اس کے پستول کو کھلونا سمجھ کر اپنی ماں حنا پر گولی چلا دی ہے۔

    سینے پر گولی لگنے سے شدید زخمی 26 سالہ حنا فاطمہ الائیڈ اسپتال لے جاتے ہوئے راستے میں دم توڑ گئی۔

    پولیس نے لاش کو پوسٹ مارٹم کے لئے مردہ خانے منتقل کر دیا جبکہ مقتولہ حنا کے شوہر رضوان کو حراست میں لے کر تفیش شروع کر دی ہے ۔

    مزید پڑھیں : سکھر: سگریٹ نہ دینے پر دوست نے دوست کو گولی مار دی

    دوسری جانب میڈیا سے گفتگو کرتے ہوئے مقتولہ حنا فاطمہ کی بہن نوشین نے الزام عائد کیا ہے کہ اس کے بہنوئی رضوان نے حنا کو قتل کیا ہے، رضوان اس کی بہن حنا فاطمہ کو اکثر تشدد کا نشانہ بناتا تھا، ایک سال پہلے بھی رضوان نے حنا فاطمہ پر فائرنگ کی تھی ۔

    نوشین کا کہنا تھا حنا اپنے اوپر شوہر کے تشدد کی تصاویر بھی مجھے بھیجتی تھی، میری بہن نے بچوں کی وجہ سے رضوان سے علیحدگی اختیار نہیں کی تھی۔

    مقتولہ کی بہن نے وزیراعلیٰ پنجاب اور آئی جی پنجاب سے اپیل کی کہ ملزم کو سزا دلا کر ہمیں انصاف فراہم کریں۔

  • فیصل آباد کے ویٹر کو ایف بی آر نے 21 کروڑ کا نوٹس بھیج دیا

    فیصل آباد کے ویٹر کو ایف بی آر نے 21 کروڑ کا نوٹس بھیج دیا

    فیصل آباد: فیڈرل بورڈ آف ریونیو (ایف بی آر) نے فیصل آباد کے ایک غریب ویٹر کو 21 کروڑ روپے کا نوٹس بھیج کر ہکا بکا کر دیا۔

    تفصیلات کے مطابق جعلی اکاؤنٹ کیس کے سلسلے میں ایک اور اکاؤنٹ سامنے آ گیا، فیصل آباد کے ایک ویٹر کے اکاؤنٹ سے ایک ارب روپے منتقل ہونے کا انکشاف ہوا ہے۔

    بیٹھے بیٹھے ارب پتی بننے والے فیصل آباد کے رہائشی وسیم کے اکاؤنٹ سے ٹرانزیکشن پر ایف بی آر نے اسے اکیس کروڑ روپے کا نوٹس بھیج دیا۔

    پولیس نے بھی پھرتی دکھاتے ہوئے ویٹر وسیم کو گرفتار کر کے اس سے تفتیش شروع کر دی ہے۔

    دوسری طرف وسیم کے بھائی کا کہنا ہے کہ وہ کرائے کے گھر میں رہتے ہیں اور دو ماہ سے کرایا بھی نہیں دے سکے ہیں۔

    یہ بھی پڑھیں:  جعلی بینک اکاؤنٹس: تل کے لڈو بیچنے والا کروڑ پتی نکلا

    ان کا کہنا تھا کہ بھائی وسیم کے نام پر اکاؤنٹ کس نے کھلوایا، ہم اسے نہیں جانتے۔ ویٹر سلیم نے وزیرِ اعظم عمران خان سے انصاف کی اپیل کر دی ہے۔

    یاد رہے کہ 29 دسمبر 2018 کو کراچی میں تل کے لڈو بیچنے والے ایک نابینا شہری کے نام پر بھی جعلی بینک اکاؤنٹ نکل آیا تھا جس سے ڈھائی کروڑ روپے کی ٹرانزیکشن ہوئی تھی، ایف بھی آر نے اس کے گھر پر بھی چھاپا مارا تھا اور تفتیش کے لیے دفتر طلب کیا تھا۔

  • فیصل آباد: کیمیکل ڈور سے طالب علم کی ہلاکت کے خلاف طلبہ سراپا احتجاج

    فیصل آباد: کیمیکل ڈور سے طالب علم کی ہلاکت کے خلاف طلبہ سراپا احتجاج

    فیصل آباد: پتنگ کی قاتل ڈور سے جاں بحق طالب علم کی موت پر طلبہ سراپا احتجاج بن گئے، مظاہرین نے سمندری روڈ بلاک کر دیا۔

    تفصیلات کے مطابق فیصل آباد میں دو دن قبل کیمیکل ڈور سے طالب علم کی ہلاکت کے خلاف طلبہ سراپا احتجاج بن گئے، طلبہ نے احتجاجاً سمندری روڈ بلاک کر دیا۔

    [bs-quote quote=”پتنگ بازی پر فوری طور پر مکمل پابندی لگائی جائے۔” style=”style-7″ align=”left” color=”#dd3333″ author_job=”مظاہرین کا مطالبہ”][/bs-quote]

    21 سال کے جوان بیٹے کی موت پر وقاص کی والدہ شدید صدمے سے دوچار ہو گئیں۔

    جواں سال طالب علم وقاص کے گلے پر پتنگ کی ڈور پھر گئی تھی، جس کے باعث وہ جاں بر نہیں ہو سکا اور جان گنوا بیٹھا۔

    نوجوان کی ہلاکت کے خلاف طلبہ نے سمندری روڈ پر احتجاج کیا، مظاہرین نے مطالبہ کیا کہ پتنگ بازی پر فوری طور پر مکمل پابندی لگائی جائے۔

    غم سے نڈھال وقاص کی والدہ کا کہنا تھا کہ گھر کا ایک ہی کفیل تھا وہ بھی چھین لیا گیا ہے۔

    یہ بھی پڑھیں:  فیصل آباد: پتنگ کی قاتل ڈور نے ایک اور نوجوان کی جان لے لی

    دریں اثنا ترجمان پنجاب حکومت شہباز گل نے وقاص کے اہلِ خانہ سے ملاقات کی، ان کا کہنا تھا پولیس کی نا اہلی کے باعث کیمیکل ڈور بنتی ہے، آئندہ بسنت منانے کی اجازت نہیں ہوگی۔

    خیال رہے کہ پنجاب میں ایک سال کے دوران پتنگ بازی کے مختلف واقعات میں 18 افراد جاں بحق ہو چکے ہیں۔ یہ بھی یاد رہے کہ پنجاب میں‌ پتنگ اڑانے پر پابندی عائد ہے تاہم پتنگ بازی تا حال روکی نہیں‌ جا سکی ہے۔

  • فیصل آباد: پتنگ کی قاتل ڈور نے ایک اور نوجوان کی جان لے لی

    فیصل آباد: پتنگ کی قاتل ڈور نے ایک اور نوجوان کی جان لے لی

    فیصل آباد: پتنگ کی قاتل ڈور ایک اور وار کر گئی، 21 سال کا ایک نوجوان گلے پر ڈور پھرنے کے باعث جان سے ہاتھ دھو بیٹھا۔

    تفصیلات کے مطابق پنجاب کے شہر فیصل آباد کے علاقے رحمانیہ روڈ پر گلے پر ڈور پھرنے سے اکیس سال کا نوجوان جاں بحق ہو گیا۔

    [bs-quote quote=”کیمیکل ڈور سے جاں بحق ہونے والا وقاص تھرڈ ایئر کا طالب علم تھا۔” style=”style-7″ align=”left” color=”#dd3333″][/bs-quote]

    ریسکیو ذرائع نے بتایا کہ ہرچرن پورہ کا رہائشی وقاص موٹر سائیکل پر جا رہا تھا کہ اڑتی پتنگ کی ڈور کی زد میں آ گیا۔

    اے آر وائی نیوز کے مطابق کیمیکل ڈور سے جاں بحق ہونے والا وقاص تھرڈ ایئر کا طالب علم تھا، نوجوان کو زخمی حالت میں الائیڈ اسپتال لایا گیا تھا جہاں وہ دم توڑ گیا۔

    آئی جی پنجاب امجد جاوید سلیمی کے فیصل آباد میں پتنگ بازی اور ہوائی فائرنگ کے واقعات کے نوٹس کے بعد CPO فیصل آباد نے رپورٹ پیش کر دی۔

    رپورٹ کے مطابق سال 2019 میں اب تک پتنگ بازوں کے خلاف کائٹ فلائنگ ایکٹ کے تحت کاروائی کرتے ہوئے مجموعی طور پر 1077 مقدمات درج کر کے 1103 ملزمان کو گرفتار کیا جا چکا ہے۔

    خیال رہے کہ حکومتِ پنجاب نے پتنگ اڑانے پر پابندی عائد کی ہوئی ہے، آئے دن خطرناک ڈور کے باعث بچے اور نوجوانوں کی اموات واقع ہو رہی ہیں۔

    یہ بھی پڑھیں:  پتنگ بازی پرپابندی کے قانون پرعملدرآمد یقینی بنایا جائے‘ عثمان بزدار

    پولیس کی جانب سے آئے روز پتنگ بازوں کے خلاف کریک ڈاؤن بھی جاری ہے، تاہم پابندی اور پولیس ریڈز کے با وجود صوبے بھر میں پتنگ بازی عروج پر ہے۔

  • فیصل آباد: دودھ فروش کے ہاتھوں دوسری جماعت کی طالبہ زیادتی کے بعد قتل

    فیصل آباد: دودھ فروش کے ہاتھوں دوسری جماعت کی طالبہ زیادتی کے بعد قتل

    فیصل آباد: پنجاب کے شہر فیصل آباد میں دودھ بیچنے والے شخص نے دوسری جماعت کی معصوم طالبہ کو مبینہ طور پر زیادتی کا نشانہ بنانے کے بعد قتل کر دیا۔

    تفصیلات کے مطابق فیصل آباد کے علاقے عوامی اسٹریٹ میں ایک بد بخت دودھ فروش نے دوسری جماعت کی طالبہ کو مبینہ زیادتی کے بعد جان سے مار دیا۔

    [bs-quote quote=”بچی کے قتل کے ذمہ داروں کو سرِ عام پھانسی دی جائے۔” style=”style-7″ align=”left” color=”#dd3333″ author_job=”صدمے سے نڈھال ماں کا مطالبہ”][/bs-quote]

    طالبہ کی بوری بند لاش فیکٹری سے ملی، قتل میں نامزد دونوں ملزمان کو گرفتار کر لیا گیا۔

    مقتولہ بچی کے والد لیاقت کا کہنا ہے کہ سات سالہ بچی دودھ لینے گئی تھی، جس کے بعد واپس نہیں آئی۔

    صدمے سے نڈھال ماں نے مطالبہ کیا ہے کہ اس کی بچی کے قتل کے ذمہ داروں کو سرِ عام پھانسی دی جائے۔

    پولیس نے معصوم بچی کے والد کی مدعیت میں اغوا اور قتل سمیت تین دفعات کے تحت مقدمہ درج کر کے نامزد ملزمان دودھ فروش سلیم اور زاہد کو گرفتار کر لیا۔

    یہ بھی پڑھیں:  فیصل آباد: گھر کے باہر سے لاپتا بچے کی لاش نہر سے مل گئی

    یاد رہے کہ 28 ستمبر 2018 کو فیصل آباد میں ایک چار سالہ بچے کو اغوا کے بعد قتل کر دیا گیا تھا، معصوم بچے کی لاش کو ڈچ کوٹ کے گندے میں پھینک دیا تھا۔

    بچے کے والد اقبال حسن نے کہا کہ مقتول ایک غریب کا بچہ تھا اس لیے پولیس تلاش نہ کر سکی، کسی بڑے آدمی کا بچہ ہوتا تو پولیس فوراً تلاش کر لیتی۔

  • فیصل آباد : بسنت کے دوران ہوائی فائرنگ، 5افراد جاں بحق، وزیراعلیٰ کا سخت نوٹس

    فیصل آباد : بسنت کے دوران ہوائی فائرنگ، 5افراد جاں بحق، وزیراعلیٰ کا سخت نوٹس

    فیصل آباد : مختلف علاقوں میں بسنت کے دوران ہوائی فائرنگ سے خاتون سمیت پانچ افراد جاں بحق ہوگئے، سات ملزمان کو گرفتار کرکے مقدمہ درج کرلیا گیا، وزیراعلیٰ پنجاب نےآئی جی سے رپورٹ طلب کرلی۔

    تفصیلات کے مطابق فیصل آباد کے مختلف علاقوں میں بسنت منانے کے دوران منچلوں کی ہوائی فائرنگ سے خاتون سمیت پانچ افراد جاں بحق ہوگئے، نوجوانوں نے کلاشنکوف سمیت جدید اسلحے سے فائرنگ کی۔

    پولیس نے کارروائی کرتے ہوئے مختلف علاقوں سے ہوائی فائرنگ کے الزام میں سات افراد کو گرفتار کرکے ان کے قبضے سے اسلحہ برآمد کرلیا۔ وزیراعلیٰ پنجاب عثمان بزدار نے فیصل آبادمیں پتنگ بازی اور فائرنگ سے ہلاکتوں کے واقعات کا سختی سے نوٹس لے لیا، وزیراعلیٰ پنجاب نےآئی جی سے واقعات کی مکمل رپورٹ طلب کرلی۔

    وزیر اعلیٰ ہاؤس سے جاری بیان میں عثمان بزدار نے فائرنگ سے ہونے والے جانی نقصان پر دکھ اورافسوس کا اظہار کیا ہے ان کا کہنا ہے کہ پابندی کے باوجود پتنگ بازی اور ہوائی فائرنگ کے واقعات افسوسناک ہیں، غفلت کے ذمہ داروں کا تعین کرکے کارروائی کا آغاز کیا جائے۔

    وزیراعلیٰ پنجاب کا مزید کہنا ہے کہ پولیس حکام پتنگ بازی پر پابندی کے قانون پرعمل درآمد یقینی بنائیں، ایسے واقعات کا رونما ہونا پولیس کی کارکردگی پر سوالیہ نشان ہے۔

  • فیصل آباد میں پولیو وائرس کی موجودگی کی تصدیق

    فیصل آباد میں پولیو وائرس کی موجودگی کی تصدیق

    اسلام آباد: صوبہ پنجاب کے شہر فیصل آباد کے سیوریج کے پانی میں پولیو وائرس کی تصدیق ہوئی ہے، فیصل آباد ضلع کو رواں ماہ 18 فروری سے شروع ہونے والی پولیو مہم میں شامل کر لیا گیا ہے جو لاہور اور راولپنڈی میں شروع کی جائے گی۔

    تفصیلات کے مطابق ڈائریکٹر جنرل ہیلتھ ڈاکٹر منیر احمد کا کہنا ہے کہ لاہور اور راولپنڈی کے بعد فیصل آباد میں میں بھی پولیو وائرس کی تصدیق ہوئی ہے۔ فیصل آباد کے اچکیرہ پمپنگ اسٹیشن سے لیے گئے نمونے کا رزلٹ مثبت آیا ہے۔

    ذرائع کے مطابق پولیو کا وائرس 2 سال کے بعد فیصل آباد میں پایا گیا ہے، اس سے قبل 2016 میں فیصل آباد میں پولیو وائرس کی تصدیق ہوئی تھی۔ فیصل آباد کے وائرس کا تعلق لاہور میں جاری سرکولیشن سے ہے اور دونوں وائرس ایک دوسرے سے جڑے ہیں۔

    ڈاکٹر منیر کا کہنا ہے کہ پولیو وائرس کی موجودگی واضح کرتی ہے کہ علاقے میں ایسے بچے موجود ہیں جو ویکسین سے محروم ہیں اور جن کا مدافعتی نظام کمزور ہے۔

    انہوں نے کہا کہ والدین سے پرزور اپیل ہے کہ پولیو مہم میں اپنے 5 سال سے کم عمر بچوں کو پولیو سے بچاؤ کے قطرے ضرور پلوائیں اور ان کو عمر بھر کی معذوری سے بچائیں۔

    ڈاکٹر منیر کا مزید کہنا ہے کہ فیصل آباد ضلع کو رواں ماہ 18 فروری سے شروع ہونے والی پولیو مہم میں شامل کر لیا گیا ہے جو لاہور اور راولپنڈی میں شروع کی جائے گی۔

    خیال رہے کہ مختلف شہروں کے سیوریج سے نمونے دسمبر 2018 میں لیے گئے تھے، ان میں سے کچھ شہروں کے نتائج کچھ روز قبل جاری کیے گئے تھے۔

    نتائج کے مطابق کراچی، لاہور، پشاور اور کوئٹہ کے سیوریج میں پولیو وائرس کی موجودگی کی تصدیق ہوئی۔ پولیو وائرس کراچی کے علاقے گڈاپ اور کورنگی جبکہ پشین، قلعہ عبد اللہ اور بنوں کے سیوریج میں پایا گیا تھا۔

    دوسری جانب گزشتہ روز ہی وزیر اعظم کے معاون برائے انسداد پولیو بابر بن عطا نے تصدیق کی تھی کہ قومی ادارہ صحت پولیو لیبارٹری نے بنوں کے 2 سالہ بچے میں پولیو وائرس کی تصدیق کی ہے۔

    یہ سال 2019 کا پاکستان میں دوسرا پولیو کیس ہے، اس سے قبل ضلع باجوڑ کے 11 ماہ کے بچے میں پولیو وائرس کی تصدیق ہوئی تھی۔

  • 2 بلین ڈالر کی اورنج لائن ٹرین بنا رہے ہیں: شیخ رشید

    2 بلین ڈالر کی اورنج لائن ٹرین بنا رہے ہیں: شیخ رشید

    فیصل آباد: وفاقی وزیر ریلوے شیخ رشید کا کہنا ہے کہ ریلوے چلانے کے لیے بہت پیچھے رہ گئے ہیں اسپیڈ بڑھانی ہوگی، اپنی مدد آپ کے تحت 20 ٹرینیں چلائی ہیں۔ 2 بلین ڈالر کی اورنج لائن ٹرین بنا رہے ہیں۔

    تفصیلات کے مطابق وفاقی وزیر ریلوے شیخ رشید نے میڈیا سے گفتگو کرتے ہوئے کہا کہ عوام نے وزیر اعظم اور وزیر خزانہ کے فیصلوں کو سراہا ہے، کشمیریوں کو آزادی کی جدوجہد جاری رکھنے پر سلام پیش کرتا ہوں۔

    شیخ رشید کا کہنا تھا کہ آزاد خارجہ پالیسی کے لیے ضروری ہے کہ معیشت مضبوط ہو، ریلوے کے 35 ارب پنشن اور 21 ارب روپے تنخواہوں میں چلے جاتے ہیں۔ 2 بلین ڈالر کی اورنج لائن ٹرین بنا رہے ہیں۔

    انہوں نے کہا کہ فریٹ ٹرینیں تیار ہیں بہت اچھے سرمایہ کاروں کی ضرورت ہے، فیصل آباد کے تاجر چاہیں تو اپنی ٹرین لے آئیں میں تیار ہوں۔ ایم ایل ون بنانے جا رہے ہیں جس سے لاہور اور کراچی میں فاصلہ کم ہوگا۔

    شیخ رشید کا کہنا تھا کہ اسپیڈ سے پٹری کا بڑا تعلق ہے، پٹری اچھی ہوگی تو اسپیڈ بھی ہوگی۔ اپنی مدد آپ کے تحت 20 ٹرینیں چلائی ہیں۔ ریلوے نہیں چلے گی تو معیشت بھی کمزور ہوگی، ریلوے چلانے کے لیے بہت پیچھے رہ گئے ہیں اسپیڈ بڑھانی ہوگی۔

    انہوں نے کہا کہ سر سید ایکسپریس ٹرین ہم سے لے لیں فیول اور کرایہ دے دیں، عمران خان کا حوصلہ ہے ملک کو آگے لے کر چل رہے ہیں۔ وزیر اعظم عمران خان وزیر اعلیٰ پنجاب عثمان بزدار کے ساتھ کھڑے ہیں۔

    وفاقی وزیر کا کہنا تھا کہ بلاول کو میں نے معاف کردیا ہے، بلاول بھٹو کے ساتھ صلح ہوگئی ہے۔

  • فیصل آباد: سی ٹی ڈی کی کارروائی، فائرنگ کے تبادلے میں دو دہشت گرد ہلاک

    فیصل آباد: سی ٹی ڈی کی کارروائی، فائرنگ کے تبادلے میں دو دہشت گرد ہلاک

    فیصل آباد: انسداد دہشت گردی فورس(سی ٹی ڈی) نے پنجاب میں کارروائی کی، فائرنگ کے تبادلے میں دو دہشت گرد ہلاک ہوگئے۔

    تفصیلات کے مطابق سی ٹی ڈی نے فیصل آباد میں دہشت گردوں کے خلاف کارروائی کی اس دوران فائرنگ کا تبادلہ ہوا اور 2دہشت گرد ہلاک ہوگئے۔

    سی ٹی ڈی حکام کا کہنا ہے کہ مارے گئے دہشت گردوں میں عدیل اور عمان شامل ہے، ہلاک دہشت گرد ملتان میں حساس ادارے کے افسران کے قتل میں ملوث تھے۔

    ہلاک دہشت گردوں سے خودکش جیکٹس، اسلحہ اور دستی بم سمیت دیگر سامان برآمد کرلیا گیا۔

    دہشت گرد سابق وزیر اعظم یوسف رضا گیلانی کے بیٹےعلی حیدر گیلانی کے اغوا میں ملوث تھے، ہلاک دہشت گردوں نے امریکی شہری وارن وائنسٹائن کو بھی اغوا کیا۔

    سی ٹی ڈی کی کورنگی میں کارروائی‘ رئیس ماما کا قریبی ساتھی گرفتار

    خیال رہے کہ گذشتہ دنوں شہر قائد کے علاقے کورنگی میں کاؤنٹرٹیررازم ڈیپارٹمنٹ نے کارروائی کرتے ہوئے سیاسی جماعت سے تعلق رکھنے والے رئیس ماما کے قریبی ساتھی مذمل عرف ہلکا کو گرفتارکرلیا تھا۔

    یاد رہے کہ رواں ماہ 6 جنوری کو سندھ رینجرز نے کراچی کے علاقے ماڈل کالونی میں کارروائی کرتے ہوئے ڈکیتی مزاحمت پر فائرنگ کرنے والے تین ملزمان کو گرفتار کرلیا تھا۔

  • فیصل آباد: بھارتی کبڈی ٹیم کی مقامی ہوٹل آمد پر والہانہ استقبال

    فیصل آباد: بھارتی کبڈی ٹیم کی مقامی ہوٹل آمد پر والہانہ استقبال

    فیصل آباد: بھارتی پنجاب کی کبڈی ٹیم فیصل آباد پہنچ گئی، مقامی ہوٹل میں آمد پر بھارتی کبڈی ٹیم کا شان دار استقبال کیا گیا۔

    تفصیلات کے مطابق بھارتی پنجاب کی کبڈی ٹیم کی مقامی ہوٹل میں آمد پر والہانہ استقبال کیا گیا، استقبالیہ تقریب میں گھڑ ڈانس اور جھومر پارٹی نے اپنے فن کا مظاہرہ کیا۔

    [bs-quote quote=”پاکستانیوں کے پیار سے لگا ہم اپنے ملک میں ہیں۔” style=”style-7″ align=”left” color=”#dd3333″ author_name=”کپتان بھارتی کبڈی ٹیم”][/bs-quote]

    قبل ازیں بھارتی کبڈی ٹیم کو سخت سیکورٹی میں لاہور سے فیصل آباد پہنچایا گیا۔ کبڈی ٹیم جمعرات کی شام واہگہ بارڈر کے راستے پاکستان پہنچی۔

    بھارتی کبڈی ٹیم کپتان پرتاپ سنگھ کی قیادت میں 6 جنوری کو میچ کھیلے گی، استقبالیے کے موقع پر کپتان پرتاپ سنگھ نے میڈیا سے بھی گفتگو کی۔

    کپتان بھارتی کبڈی ٹیم نے اے آر وائی نیوز سے گفتگو کرتے ہوئے کہا کہ کھیلوں سے دونوں ممالک کے درمیان پائی جانے والی نفرتیں ختم ہوں گی، پُرتپاک اور شان دار استقبال سے بے حد خوشی ہوئی۔

    بھارتی کبڈی ٹیم کے کپتان نے مزید کہا کہ پاکستانیوں کے پیار سے لگا ہم اپنے ملک میں ہیں، کھیلوں کے مقابلوں سے دونوں ملکوں کے عوام قریب آئیں گے۔ دونوں ملکوں میں ایسے مقابلوں کا انعقاد تواتر کے ساتھ ہونا چاہیے۔

    یہ بھی پڑھیں:  پانچ روزہ انٹرنیشنل کبڈی چیمپئن شپ کل سے فیصل آباد میں شروع ہوگی

    پرتاپ سنگھ کا کہنا تھا کہ بہترین اور متوازن ٹیم کے ساتھ چیمپئن شپ کھیلنے آئے ہیں، بھارتی ٹیم نوجوان کھلاڑیوں پر مشتمل ہے، حریفوں کو ٹف ٹائم دیں گے۔

    خیال رہے کہ انٹرنیشنل کبڈی چیمپئن شپ فیصل آباد میں چھ جنوری  سے شروع ہو رہی ہے، کبڈی میچز اقبال اسٹیڈیم فیصل آباد میں کھیلے جائیں گے، چیمپئن شپ میں پاکستان، ایران اور بھارت کی ٹیمیں حصہ لیں گی۔