فیصل آباد : درزی نے کپڑے لینے آئی خاتون کو زبردستی زیادتی کا نشانہ بنا ڈالا اور نازیبا ویڈیوز بنا کر بلیک میل کرتا رہا۔

تفصیلات کے مطابق فیصل آباد کے چک 546 میں درزی کی شادی شدہ خاتون سے زیادتی کا واقعہ سامنے آیا۔

درزی خاتون کی نازیبا ویڈیوز بنا کر بلیک میل کر کے کئی روز تک زیادتی کا نشانہ بناتا رہا تاہم تھانہ ماموں کانجن پولیس نے مقدمہ درج کر کے ملزم شفقت عباس کو گرفتار کر لیا ۔

پولیس نے بتایا کہ چک 546 کے رہائشی بھٹہ مزدور عارف کی بیوی دو بچوں کی ماں نجمہ چند روز قبل درزی شفقت عباس سے کپڑے لینے گئی تو اس نے زبردستی زیادتی کا نشانہ بنا ڈالا ۔

ملزم نے متاثرہ خاتون کی نازیبا ویڈیوز بنائیں اور بلیک میل کر کے بعد میں بھی زیادتی کرتا رہا، ملزم شفقت نے ویڈیو ڈیلیٹ کرنے کے لئے پانچ لاکھ روپے بھتہ مانگا تو متاثرہ خاندان نے اسے دس ہزار روپے دیئے۔

پولیس کے مطابق ملزم شفقت نے مزید رقم نہ ملنے پر نازیبا ویڈیوز وائرل کر دیں ۔

فیصل آباد: گھریلو جھگڑے پر شوہر نے دوسری بیوی کو قتل کرکے اپنے سر میں گولی مار گولی مار کر زندگی کا خاتمہ کرلیا۔

فیصل آباد کے علاقے کڑی ولا میں گھریلو جھگڑے پر شوہر نے دوسری بیوی کو قتل کر کے اپنے سر میں گولی مار کر خودکشی کر لی۔

پولیس نے بتایا محلہ عثمان غنی کے رہائشی محنت کش شہباز نے محلہ کڑی ولا کی رہائشی چار بچوں کی ماں بشریٰ سے دوسری شادی کر رکھی تھی ۔

حکام کا کہنا تھا کہ سوموار کے روز شہباز بشریٰ کے گھر گیا تو وہاں میاں بیوی کے مابین جھگڑا ہو گیا، شہباز نے تلخ کلامی کے بعد مشتعل ہو کر پستول سے بشریٰ پر فائرنگ کر دی، جس سے سر پر گولی لگنے سے وہ موقع پر ہی دم توڑ گئی ۔

مزید پڑھیں : شوہر نے ناراض بیوی کو گولی مار کرقتل کردیا

بعد ازاں ملزم شہباز نے اپنے سر میں بھی گولی مار کر اپنی زندگی ختم کر لی تاہم تھانہ نشاط آباد پولیس نے علاقہ مکینوں کی اطلاع پر پہنچ کر دونوں لاشیں پوسٹ مارٹم کے لئے الائیڈ اسپتال منتقل کر دیں۔

یاد رہے چند روز قبل شوہر نے ناراض بیوی کو گولی مارکر قتل کردیا ، مقتولہ شوہرسے ناراض ہو کرمیکے چلی گئی تھی۔

حکام کا کہنا تھا کہ احمد علی بیوی کو منانے میکے گیا تھا، جہاں میاں بیوی میں جھگڑا بڑھ گیا اور شوہر نے بیوی کو گولی مار کر قتل کردیا تھا۔

فیصل آباد : دوستی نہ کرنے پر نوجوان نے لڑکی کو گولی مار دی تاہم پولیس نے دو ملزمان کو گرفتار کرکے مقدمہ درج کر لیا ہے۔

تفصیلات کے مطابق فیصل آباد کے ڈگرانواں روڈ پر دوستی نہ کرنے پر نوجوان کی فائرنگ سے ویٹرس جاں بحق اور ساتھی ملازمہ زخمی ہوگئی۔

پولیس نے بتایا کہ رسول پورہ کا رہائشی احمد علی اپنی محلے دار اور کینال روڈ پر ریسٹورنٹ میں ویٹرس مریم سے دوستی کرنا چاہتا تھا، جس سے مریم نے انکار کر دیا ۔

گزشتہ رات گئے مریم ہوٹل ڈیوٹی کے بعد گئوشالہ کی رہائشی ساتھی ویٹرس اسماء کے ساتھ گھر جا رہی تھی کہ ڈگراواں روڈ پر موٹرسائیکل سوار ملزمان احد اور فہد نے انہیں روک لیا۔

احد نے پستول سے فائرنگ کی ، جس سے اسماء موقع پر جاں بحق جبکہ مریم شدید زخمی ہو گئی اور ملزمان فائرنگ کے بعد موٹر سائیکل پر فرار ہو گئے۔

تھانہ ڈی ٹائپ کالونی پولیس نے مقتولہ کی لاش اور زخمی مریم کو الائیڈ اسپتال منتقل کیا۔

پولیس نے زخمی مریم کی نشاندہی پر دونوں ملزمان احمد اور فہد کو گرفتار کر کے ان کے خلاف مقتولہ اسماء کے والد عبدالمجید کی مدعیت میں مقدمہ درج کر لیا ہے۔

فیصل آباد : ادھار سامان نہ دینے پر گاہک نے دکاندار گولیاں برسا دیں تاہم زخمی خضر حیات کو اسپتال منتقل کر دیا گیا ہے۔

تفصیلات کے مطابق فیصل آباد کے علاقے نیامو آنا میں ادھار سامان نہ دینے پر گاہک نے فائرنگ کر کے دکاندار کو زخمی کر دیا۔

ملزم مبشر زمین پر گرے خضر حیات پر گولیاں برساتا رہا تاہم تھانہ صدر میں مقدمہ درج کر کے ملزم کو گرفتار کر لیا گیا۔

پولیس نے بتایا کہ نیامو آنا کے رہائشی خضر حیات نے اسی گاوں کے مبشر کو ادھار پر سامان دینے سے انکار کیا تھا اور اسی رنجش پر مبشر اپنے ساتھی عبدالرحیم کے ساتھ موٹرسائیکل پر دکان پر پہنچا اور خضر حیات کو تشدد کرتے ہوئے دکان سے باہر پھینک دیا۔

بعدازاں ملزم نے زمین پر گرے خضر حیات کی ٹانگوں پر پستول سے فائرنگ کر کے زخمی کر دیا اور فرار ہو گیا۔

زخمی خضر حیات کو اسپتال منتقل کر دیا گیا اور تھانہ صدر پولیس نے متاثرہ شہری کے بھائی اکرم کی مدعیت میں مقدمہ درج کر کے ملزم مبشر عباس کو گرفتار کر لیا ۔

فوٹیج میں تشدد سے نڈھال خضر حیات زمین پر گرا نظر آتا ہے جبکہ ملزم مبشر کو خضر کی ٹانگوں پر فائرنگ کرتے دیکھا جا سکتا ہے، فوٹیج میں دونوں ملزمان موٹر سائیکل پر فرار ہوتے نظر آتے ہیں۔

فیصل آباد: کرائم کنٹرول ڈیپارٹمنٹ نے ڈکیتی کے دوران خواتین کو زیادتی کا نشانہ بنانے والے دو خطرناک ڈاکوؤں کو مقابلے میں ہلاک کر دیا۔

تفصیلات کے مطابق فیصل آباد میں سی سی ڈی سے مقابلے کے دوران دو ڈاکو ہلاک ہوگئے ، ترجمان نے بتایا کہ ٹھیکری والا کے اناسی روڈ پر چار ڈاکو سڑک بلاک کر کے شہریوں کو لوٹ رہے تھے کہ سی سی ڈی انسپکٹر صدیق چیمہ اور ٹیم کے پہنچنے پر ملزمان نے فائرنگ کر دی۔

فائرنگ کے تبادلے میں دو ملزمان شدید زخمی ہو گئے، جن کی شناخت بلال حیدر اور شہزاد کے نام سے ہوئی جبکہ دو ڈاکو فرار ہو گئے تاہم زخمی دونوں ڈاکو بعدازاں اسپتال لے جاتے ہوئے دم توڑ گئے۔

سی سی ڈی ترجمان کے مطابق ہلاک ہونے والے ملزمان بلال حیدر اور شہزاد دوران ڈکیتی خواتین کو زیادتی کا نشانہ بنانے اور قتل کرنے میں بھی ملوث تھے.

مزید پڑھیں : شوہر کے سامنے بیوی کو اجتماعی زیادتی کا نشانہ بنانے والا ملزم پولیس مقابلے میں ہلاک

تاج کالونی کا رہائشی ملزم بلال حیدر پولیس مقابلے ، ڈکیتی ، زیادتی اور قتل کے پچاس جبکہ چک 214 کا رہائشی ملزم شہزاد بیس مقدمات میں ملوث تھا۔

ڈاکوؤں کی لاشیں پوسٹ مارٹم کے لئے اسپتال منتقل کر دی گئی ، ہلاک ملزمان بلال حیدر اور شہزاد کے دو ساتھی فرار ہے۔