Tag: فیصل آباد

فیصل آباد: صوبہ پنجاب کے شہر فیصل آباد میں راجباہ روڈ پر تیزرفتاری کے باعث شافٹ ٹوٹنے سے بس نہر میں جا گری۔حادثے میں 24افرادزخمی ہوگئے۔

تفصیلات کےمطابق فیصل آباد میں آج صبح صادق آباد جانے والی بس تیزرفتاری کے باعث شافٹ ٹوٹنے پر ڈرائیور سے بے قابو ہو کر راجباہ کی حفاظتی دیوار اور ٹیلی فون کا کھمبا توڑتی ہوئی نہر میں الٹ گئی۔

حادثے میں آٹھ بچوں سمیت چوبیس مسافر زخمی ہوئے جبکہ ڈرائیور فرار ہو گیا۔ریسکیو عملے نے12 افراد کو موقع پر طبی امداد دے کر فارغ کر دیا جبکہ 12زخمیوں کو سول اسپتال منتقل کردیا گیا۔

اسپتال ذرائع کے مطابق تمام زخمیوں کی حالت خطرے سے باہر ہے۔عینی شاہدین کے مطابق ڈرائیور بس کو انتہائی تیزرفتاری سے چلارہا تھا۔

مزید پڑھیں:اسلام آباد: یونیورسٹی بس حادثہ، 1 شخص جاں بحق، 19طالبات سمیت20 زخمی

واضح رہے کہ اس سے قبل رواں ماہ 2 نومبر کویونیورسٹی کی تیز رفتار بس بے قابو ہوکر فٹ پاتھ پر چڑھ گئی تھی بس کی زد میں آکر موٹر سائیکل سوار جاں بحق جبکہ انیس طالبات سمیت بیس زخمی افراد زخمی ہوگئے تھے ۔

فیصل آباد : تحریک انصاف کے سربراہ عمران خان کا کہناہے کہ ملک میں جمہوریت رہے گی یا بادشاہت 2نومبر کو فیصلہ ہوگا۔

تفصیلات کےمطابق پاکستان تحریک انصاف کے چیئرمین عمران خان نے فیصل آباد بار میں وکلا سے خطاب کرتے ہوئے کہا کہ آج میں تحریک انصاف کے سربراہ کے طور پر نہیں بلکہ ایک پاکستانی ہوتے ہوئے آپ سے بات کروں گا۔

تحریک انصاف کے سربراہ کا کہناتھا کہ آج مغرب میں کسی بھی شہری کی زندگی آسان ہے اس کی ایک بڑی وجہ یہ ہے کہ وہاں طاقت نچلی سطح تک منتقل ہے۔

عمران خان کا کہناتھا کہ وکلا وہ کمیونٹی ہے جنہوں نے جمہوریت کےلیے قربانی دی اور جمہوریت کوآگے بڑھانے کے لیے اپنا کردار اداکیا۔

تحریک انصاف کے سربراہ کا کہناتھا کہ ملائیشیااور جنوبی کوریا نے پاکستان کا ماڈل اپنایا اور آج وہ کہاں سے کہاں پہنچ گئے اور پاکستان قرضوں میں ڈوبتا چلا جارہاہے۔

انہوں نے چین کی مثال دیتے ہوئے کہا کہ آج سے 30سال قبل چین کا جی ڈی پی 300ارب ڈالرز تھا اور آج اس کا جی ڈی پی 10000 ہزار ڈالرز سے بھی ذیادہ ہے۔

عمران خان کا کہنا تھا کہ حکومت نے انسانوں پر پیسہ خرچ نہیں کیا اور ہمارے مقابلے میں آج بنگلہ دیش اور نیپال جیسا ملک بھی انسانوں کی ترقی پر خرچ کرنے کے حوالے سے آگے نکل گیا ہے۔

پی ٹی آئی کے چیئرمین کا کہناتھاکہ مسلم لیگ ن 6 مرتبہ حکومت میں آئی لیکن فیصل آباد میں ہائی کورٹ کا بینچ نہیں بناسکی۔

انہوں نے ڈیویڈ کمیرون کی مثال دی کی جب ان پر سوالات اٹھے تو انہوں نے خود کو عوام کےسامنےپیش کیا اور آئس لینڈ کے وزیراعظم نے جب خود کو عوام کے سامنے پیش نہیں کیا تو اسے استعفی دینا پڑا۔

مزید پڑھیں:بادشاہ کو قانون کے نیچے لانے کے لیے آج پہلا قدم ہے،عمران خان

یاد رہےکہ اس سے قبل آج صبح عمران خان کا سپریم کورٹ کے باہر میڈیا سے بات کرتے ہوئے کہناتھا کہ سپریم کورٹ کا فیصلہ بادشاہ کو قانون کے نیچے لانے کے لیے اہم قدم ہے۔

واضح رہے کہ عمران خان کا کہناتھا کہ 2نومبر فیصلہ کن دن ہوگا اور اس دن فیصلہ ہوگا کہ ملک میں جمہوریت یا بادشاہت رہے گی۔