Tag: فیصل آباد

فیصل آباد: امام مسجد نے بیوی اور بیٹیوں کو قتل کے کر خودکشی کرنے والے شخص سے متعلق انکشاف کیا کہ طاہر نے آ کر مجھے بتایا کہ اس نے اہلخانہ کو قتل کر دیا ہے۔

فیصل آباد کے علاقے بھڑولیاں والا میں بیوی اوربیٹیوں کے قتل کے بعد شوہر کی خودکشی کے معاملے پر امام مسجد نے اہم انکشاف کردیا۔

امام مسجد نے بتایا کہ طاہر نے آ کر مجھے بتایا کہ اس نے اہلخانہ کو قتل کر دیا ہے اور طاہرنےمجھے تحریر دی کہ میری وصیت میرے لواحقین کو دے دینا۔

امام مسجد کا مزید کہنا تھا کہ طاہر نے بتایا کہ اس نے خود بھی زہریلی گولی کھا لی ہے، ہم نے طاہر کو فوری طور پر اسپتال پہنچایا جہاں وہ دم توڑ گیا، طاہر نے زمینداری کے علاوہ گاؤں میں کلینک بھی بنا رکھا تھا۔

دوسری جانب ڈی ایس پی عطاالرحمان نے واقعے کے حوالے سے کہا کہ طاہر کا 9 سالہ اکلوتا بیٹا چھت سے گر کر جاں بحق ہوا تھا، بیٹے کی وفات کے بعد طاہر ڈپریشن کا شکار ہو گیا تھا۔

عطاالرحمان کا کہنا تھا کہ طاہر مالی حالات خراب ہونےپربھی پریشان تھا ، ملزم نے رات کو اہلخانہ کو نیند کی گولیاں کھلانےکےبعد قتل کیا۔

ملزم کے گھر سے آلہ قتل ہتھوڑی برآمد کر لی گئی ہے،ملزم طاہر نے بیوی بچوں کومارنےکےبعدامام مسجدکےپاس جا کراسے سب بتایا۔

فیصل آباد کے یونیورسٹی ٹاؤن سے اغوا کی گئی دو بہنیں ایک ماہ بعد اسلام آباد سے بازیاب کرالی گئیں۔

تفصیلات کے مطابق یونیورسٹی ٹاؤن کے رہائشی زاہد کی دو بیٹیوں 18 سالہ نورالہدیٰ اور 12 سالہ مہر ماہ کو نو اکتوبر کو گھر سے اغوا کیا گیا تھا۔

تھانہ ملت ٹاؤن پولیس نے مغوی بہنوں کے بھائی محمد احمد کی مدعیت میں اغوا کا مقدمہ درج کیا تھا، ڈی ایس پی نشاط آباد سرکل عمر دراز کی قیادت میں اسپیشل ٹیم نے سوشل میڈیا چیٹ اور آئی ڈی کی مدد سے ملزمان کا سراغ لگایا اور لیڈی پولیس کے ہمراہ اسلام آباد کے نواحی علاقے میں چھاپہ مار کر ایک گھر سے دونوں بہنوں کو بازیاب کروا لیا۔

پولیس نے دو اغواکاروں نصر محمود اور حمیداللہ کو بھی گرفتار کر کے فیصل آباد منتقل کر دیا، گرفتار کئے گئے ملزمان کو آج مقامی عدالت میں پیش کر کے ان کا جسمانی ریمانڈ حاصل کیا جائے گا۔

فیصل آباد : صوبہ پنجاب میں ایک اور بچی کو اغوا اور مبینہ زیادتی کے بعد قتل کردیا گیا، مقتولہ کی لاش کھیت سے ملی۔

تفصیلات کے مطابق پنجاب کے شہر فیصل آباد کے علاقے باراں میں سات سالہ بچی مہک کو اغوا اور مبینہ زیادتی کے بعد قتل کردیا گیا۔

رہائشی محنت کش عمران کی سات سالہ بیٹی مہک فاطمہ منگل کی رات گھر کے باہر کھیلتے ہوئے لاپتا ہو گئی تھی، جس پر تھانہ ڈجکوٹ پولیس نے باپ عمران کی مدعیت میں اغوا کا مقدمہ درج کر لیا تھا۔

لواحقین بچی کو تلاش کر رہے تھے کہ آج کھیت سے اس کی لاش مل گئی، پولیس حکام کے مطابق مقتولہ کی لاش کے پوسٹمارٹم کے بعد ہی زیادتی کی تصدیق ہو سکے گی۔

تھانہ ڈجکوٹ پولیس نے گاؤں سے ایک مشکوک شخص کو حراست میں لے کر تفتیش کی جا رہی ہے۔

آئی جی پنجاب نے ڈجکوٹ فیصل آباد میں 7سالہ بچی سے مبینہ زیادتی اور قتل کا نوٹس لیتے ہوئے آر پی او فیصل آباد سے واقعےکی رپورٹ طلب کر لی

آئی جی پنجاب نے سی پی او فیصل آباد کو ہر پہلو سے تفتیش اور ملزمان کی جلد گرفتاری کا حکم دے دیا ہے۔

دوسری طرف مہک کے قتل کے خلاف علاقہ مکینوں نے احتجاج کرتے ہوئے سمندری روڈ بلاک کر دی، مظاہرین نے مطالبہ کیا کہ سفاک ملزم کو گرفتار کر کے کیفرکردار تک پہنچایا جائے۔

فیصل آباد: بجلی کا بل زیادہ آنے پر چھوٹے بھائی نے چھری کے وار کرکے بڑے بھائی کو قتل کردیا، پولیس نے ملزم بھائی غلام فرید کو گرفتار کرلیا ہے۔

تفصیلات کے مطابق فیصل آباد ے رہائشی محمد قیس کے گھر کا بجلی کا بل آیا تو اس نے بل کی ادائیگی کے لیے چھوٹے بھائی سے پیسے مانگے۔

گھر میں ایک ہی میٹر تھا اور دونوں بھائی آدھا آدھا بل ادا کرتے تھے، بل کے معاملے پر دونوں بھائیوں میں جھگڑا ہوا اور طیش میں آکر چھوٹے بھائی نے چھری سے وار کر کے بڑے بھائی کو قتل کردیا۔

پولیس نے بجلی بل کے جھگڑے پر چھوٹے بھائی کے ہاتھوں بڑے بھائی کو قتل کرنے کا مقدمہ درج کرلیا ، مقتول کی بیوہ کی مدعیت میں تھانہ بلوچنی میں مقدمہ درج کیا گیا۔

پولیس کا کہنا تھا کہ غلام فریدنے گھر میں گھس کر بڑے بھائی کوقتل کیا، ملزم کا بڑے بھائی کے ساتھ بجلی کا بل زیادہ آنے پر جھگڑا چل رہا تھا۔

بعد ازاں پولیس نے مقتول قیس کو قتل کرنے والا ملزم بھائی غلام فرید کو گرفتار کرلیا۔